එළඹෙන ජනපතිවරණය ජයගන්නා අපේක්ෂකයා ගැන නොර්වේ රාජ්‍ය නොවන ආයතනයකින් විශේෂ හෙළිදරව්වක්

Sep 17, 2024 at 04:13 PM

|

Lanka Leader

එළඹෙන 2024 ජනාධිපතිවරණයේ දී ජය ලබා ගන්නා අපේක්ෂකයා පිළිබඳව නොර්වේ රාජ්‍යයට සම්බන්ධ රාජ්‍ය නොවන ආයතනයක් වන  Oslo Institute of Political Research and Advocacy නම් ආයතනය විසින් විද්‍යාත්මක ක්‍රමවේදයක් අනුව පුරෝකථනයක් සිදුකර තිබේ.

එම පුරෝකතනයට අනුව ඔවුන් සඳහන් කර ඇත්තේ මෙවර ජනාධිපතිවරණයේ දී ජනාධිපති අපේක්ෂක සජිත් ප්‍රේමදාස මහතා ඉදිරියෙන් සිටින බවයි.

දිවයිනේ සියලු දිස්ත්‍රික්ක ආවරණය වන පරිදි සිදුකර ඇති මෙම වාර්තාවට අනුව සජිත් ප්‍රේමදාස මහතා ඡන්ද 5,343,068ක් ලබා 38.50%ක ප්‍රතිශතයක් ලබාගනිමින් පළමු තැනට පත්වන බවත්, අනුර කුමාර දිසානායක මහතා ඡන්ද 3,810,016ක් ලබා 27.45%ක ප්‍රතිශතයක් ලබාගනිමින් දෙවන තැනට පත්වන බවත්, නාමල් රාජපක්ෂ මහතා 2,098,606ක් ලබා 15.12%ක ප්‍රතිශතයක් ලබාගනිමින් තෙවන ස්ථානයට හා රනිල් වික්‍රමසිංහ මහතා 2,067,937ක් ලබා 14.90%ක ඡන්ද ප්‍රතිශතයක් හිමිකර ගනිමින් සිව්වන ස්ථානයට පත්වන බවත් දක්වා ඇත.

මෙහි දක්වා ඇති පරිදි ලියාපදිංචි මුළු ඡන්ද ප්‍රමාණය 17,140,354ක් වන අතර, ප්‍රකාශිත ඡන්ද ප්‍රමාණය 13,991,865ක් සහ ප්‍රතික්ෂේපිත ඡන්ද ප්‍රමාණය 112,289ක් ද, වලංගු ඡන්ද ප්‍රමාණය 13,879,576ක් වන බවද සඳහන් ය.

කොළඹ, කළුතර, මහනුවර, මාතලේ, නුවරඑළිය, ගාල්ල, මාතර, හම්බන්තොට, යාපනය, වන්නි, මඩකලපුව, දිගාමඩුල්ල, ත්‍රිකුණාමලය, කුරුණෑගල, පුත්තලම, අනුරාධපුරය, පොළොන්නරුව, බදුල්ල, මොනරාගල, රත්නපුර, කෑගල්ල යන දිස්ත්‍රික්ක සියල්ලේම පළමු තැනට සජිත් ප්‍රේමදාස මහතා පත්වන බවත්, ගම්පහ දිස්ත්‍රික්කයේ ජය පමණක් අනුර කුමාර දිසානායක මහතාට හිමිවන බවත් එම වාර්තාවේ දක්වා තිබේ.

අදාළ වර්තාව පහළන්...