සත්‍ය සෙවීමේ කොමිසම් පනතට පාර්ලිමේන්තුවේ දී අත උස්සා සහාය දෙන්න හැකියාව ඇත්තේ දුෂ්ට, දුර්ජන, පාපතරයින්ට පමණයි - රණවිරුවන් රැකගන්න දිලිත් ජයවීර සමග එකඟතා ලියවිල්ලකට අත්සන් තබමින් ජාතික සංවිධාන පවසති (වීඩියෝ)
සත්‍ය සෙවීමේ කොමිසම් පනත මගින් ආරක්ෂක හමුදා පාවාදීමේ මෙහෙයුම පරාජය කිරීම සඳහා රණවිරුවන් යුද අධිකරණවලට ගෙනයාමට පාර කපන ඊනියා සත්‍ය සෙවීමේ පනත මගින් ආරක්ෂක හමුදා පාවාදීමේ දුෂ්ඨ මෙහෙයුම පරාජය කිරීම තේමා කරගත් එකඟතා ලියවිල්ලකට සර්වජන බලය සහ ජාතික සංවිධාන නියෝජිතයින් අත්සන් තැබීම ඊයේ(29) දින සිදුවිය.
ජාතික සංවිධාන එකමුතුවේ හැට වැදෑරුම් සමාජ සම්මුතිය සහ රණවිරුවන් ජාත්‍යන්තර යුද අධිකරණයට ගෙනයාම වැළැක්වීමට ගෝලීය ශ්‍රී ලාංකික සංසදය සකස් කළ 'රණවිරු විත්ති වාචිකය' එහිදී ආචාර්ය ගුණදාස අමරසේකර මහතා සහ ගෝලීය ශ්‍රී ලාංකික සංසදයේ විධායක අධ්‍යක්ෂ කමල් ලියනගේ මහතා විසින් සර්වජන අපේක්ෂක දිලිත් ජයවීර මහතා වෙත පිළිගැන්වීම ද සිදුවිය.
එහිදී අදහස් දැක්වූ දිලිල් ජයවීර මහතා පැවසුවේ සත්‍ය සෙවීමේ කොමිසම පිහිටුවීමට ඔන්න මෙන්න කියා තිබිය දී ජනාධිපති අපේක්ෂකයක් වීමට තමන්ට ලැබීම ජාතියෙන් තමන්ට හිමිවූ වගකීමක් බව ය.
සත්‍ය සෙවීමේ ගනුදෙනුව පිටුපස සිටින ජාතියේ පවට උපන් තමන්ගේ පැවැත්ම සඳහාම ඕනෑම පාවාදීමක් කිරීමට සූදානම් මෙම නායකයන් සියලුම දෙනා හෙළිදරව් කළ යුතු බවත්, තමන්ගේ මරණ මංචකයේ දී වත් රණවිරුවන්ට සැනසුමක් ලබා නොදේනම් එම දූෂිත දේශපාලකයන් ගැන සෙවීමට සත්‍ය සෙවීමේ කොමිසමක් අවශ්‍ය බවත් ඒ මහතා මෙහිදී පැවසීය.
ඉකුත් දා දම්පාටින් එළියට දැමූ ප්‍රතිපත්ති ප්‍රකාශයේ 230 වැනි පිටුවේ සඳහන්කර ඇත්තේ සත්‍ය හා ප්‍රතිසන්ධාන කොමිසමේ ක්‍රියාකාරීත්වය තවත් පුළුල් කළ යුතු බව යැයි පවසන ඒ මහතා, රට වෙනුවෙන් තමන්ගේ ජීවිතය පරිත්‍යාග කරමින් කටයුතු කළ රණ විරුවන්ට සුද්දන් ලවා දඬුවම් කිරීම ඔවුන්ගේ අරමුණ වී ඇති බවද පෙන්වා දෙනලදී.
මෙවැනි දෙයක් පොතක මුද්‍රණය කර බෙදා හැරීමට තරම් පහත් තැනකට මේ රට පත්වුනා නම්, මේ බලවේගවල පිටුපස සිටින හස්ථයන් කෙතරම් බලවත් ඇත් දැයි සිතාගත හැකි බවත් දිලිත් ජයවීර මහතා මෙහිදී පැවසීය.
මෙහිදී අදහස් දැක්වූ පූජ්‍ය බෙංගමුවේ නාලක හිමියන් සඳහන් කරන ලද්දේ සත්‍ය සෙවීමේ කොමිසම් පනතට පාර්ලිමේන්තුවේ දී අත උස්සා සහාය දෙන්න හැකියාව ඇත්තේ දුෂ්ට, දුර්ජන, පාපතරයින්ට පමණක් බව ය.
ඔවුන්ට එරෙහි විය යුතු බවත්, ඔවුන්ව දේශපාලනයෙන් අතුගා දැමිය යුතු බවත් උන්වහන්සේ පැවසූහ.
දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා මෙහිදී පැවසුවේ ජනාධිපති අපේක්ෂකයන්ට මේ සම්බන්ධයෙන් විවිධ ක්‍රමවේද හරහා කරුණු දැක්වූ බවත්, නමුත් ඒ සඳහා සාධනීය ප්‍රතිචාර නොලැබුණු බවත්, දිලිත් ජයවීර මහතා පමණක් මෙය අතට ගෙන පරාජය කිරීමේ වගකීම භාරගැනීමට කටයුතු කළ බවත් ය.
එදා රනිල් වික්‍රමසිංහ මහතා සහ සජිත් ප්‍රේමදාස මහතා අත උස්සා 30/1 මහකොමසාරිස් වාර්තාව පිළිගත් බවද, එම 30/1 යෝජනාවේ ඇති ප්‍රමුඛතම කොන්දේසියක් වන්නේ සත්‍ය සෙවීමේ කොමිසම බවත් ඒ මහතා සඳහන් කරයි.
රණවිරුවන් දඩයම් කිරීමට පනත් 7ක් ගෙනආ බවත්, නමුත් ඒවා ක්‍රියාත්මක නොවන හෙයින් සත්‍ය සෙවීමේ කොමිසම පනත ලෙස මෙම 8 වැනි පනත ගෙන එනු ලබන්නේ අනෙකුත් පනත් එතම බලාත්මක කිරීමට බවත් වසන්ත බණ්ඩාර මහතා මෙහිදී හෙළිදරව් කළේය.
ආචාර්ය ගුණදාස අමරසේකර මහතා, විශ්‍රාමික බිගේඩියර් අතුල ද සිල්වා මහතා, විශ්‍රාමික මේජර් චරිත සිරිවර්ධන මහතා ද මෙහිදී අදහස් දැක්වීය.
වීඩියෝව නරඹන්න...
සම්බන්ධිත පුවත් | Related News
ප්‍රධාන පුවත්
පාස්කු ප්‍රහාරය ගැන මුජිබර්ගෙන් ආන්දෝලනාත්මක අනාවරණයක් (වීඩියෝ)
ලංකාවට පැමිණ ආයෝජන කරන්න... ජනාධිපති දෙමළ ඩයස්පෝරාවෙන් ඉල්ලයි...
සිරි දළදා වන්දනාව සිව්වන දිනටත් අද ඇරඹේ
මූලධර්ම පටලවා ගත් මැතිවරණ කොමිසමේ සාමාජිකයන්ගෙන් අමතර පිරිවැය අය කරගත යුතුයි - ජාතික සංවිධාන කියයි
ප්‍රාදේශීය සභාවකට අරමුදල් අහිමි කරන්න විධායකයට බැහැ ... ඡන්ද බලහත්කාරය විධායක අයිතියක් නොවේ. හිටපු ආණ්ඩුකාරවරුන්ගෙන් ප්‍රකාශයක්
GSP+ රැකගන්න ත්‍රස්තවාදය වළකන පනත ඉක්මණින් හකුළයි
පාස්කු ඉරුදිනය අදයි
විශේෂ ආරක්ෂක අංග අංක තහඩුවෙන් ගැලවිලාලු - සේවකයෝ කියති
ට්‍රම්ප්ගේ බද්දෙන් නිදහස් කරන්නැයි ඉල්ලූ එක්සත් ජාතීන්ගේ සංවිධාන ලැයිස්තුවේ ලංකාව නෑ
චීන නැව් ඉලක්ක කරගත් එක්සත් ජනපද නවතම වරාය ගාස්තු සැලැස්ම 'අමෙරිකාවේ සහ අන් ජාතින්ගේ අවශ්‍යතාවලට හානි කරන' බව චීනය පවසයි. නීත්‍යානුකූල අයිතිවාසිකම් ආරක්ෂා කිරීමට පියවර ගන්නා බවට සපථ කරයි
ONLINE පනත ඉවතට
සිරි දළදා වන්දනාව අද ඇරඹෙයි
වියට්නාමයේ ශ්‍රමණවේශධාරීන් පිරිසක් ලංකාවේ පාද චාරිකාවක... මහානායක හිමියන් බෞද්ධ කොමසාරිස්ට ලියයි
’’ඡන්ද නීති කඩන කතා එපා’’ මැකෝගෙන් ජනපති ලේකම්ට ලිපියක්
‘අවමාන තර්ජනය නවත්වනු’ - චීනය ඇමරිකාවට තදින් පවසයි
අමෙරිකාව පැනවූ තීරු බදු වලින් රටවල් 28ක් නිදහස් කරන්නැයි එක්සත් ජාතීන්ගේ සංවිධානය ඉල්ලයි. එහෙත් ශ්‍රී ලංකාව ලයිස්තුවට ඇතුලත් නැහැ