යුක්රේනය ආගම ඇදහීමේ අයිතිය තහනම් කිරීමට ගෙන ආ නීති මගින් මූලික මිනිස් අයිතිවාසිකම් උල්ලංඝනය කරනු ලබනවා! - ශ්රී ලංකාවේ බොලිවේරියානු සහයෝගිතා සංවිධානය
යුක්රේනය ආගම ඇදහීමේ අයිතිය තහනම් කිරීමට ගෙන ආ නීති මගින් මූලික මිනිස් අයිතිවාසිකම් උල්ලංඝනය කරනු ලබන බවත්, එම නීතිය මගින් රුසියාවේ ඕනෑම ආගමික සංවිධානයක් සමඟ "අනුබද්ධ" යුක්රේනයේ ඕනෑම ආගමික ප්රජාවක ක්රියාකාරකම් අධිකරණ තහනමට ලක් කිරීමට ඉඩ සලස්වන බවත් නිවේදනයක් නිකුත් කරමින් ශ්රී ලංකාවේ බොලිවේරියානු සහයෝගිතා සංවිධානය පවසයි.
අදාළ නිවේදනය පහළින්...
යුක්රේන ජනයාගේ ආගම ඇදහීමේ අයිතිය තහනම් කිරීමට ගෙන ආ නීති මගින් මූලික මිනිස් අයිතිවාසිකම් උල්ලංඝනය කරනු ලබනවා!
පසුගිය අගෝස්තු 20 වනදා වර්කොව්නා රාඩා හෙවත් යුක්රේන පාර්ලිමේන්තුව විසින් යුක්රේන ජනයාගේ මූලික මිනිස් අයිතිවාසිකම් උල්ලංඝනය වන නීතියක් වන " ආගමික සංවිධානවල ක්රියාකාරකම් ක්ෂේත්රය තුළ ආණ්ඩුක්රම ව්යවස්ථාමය නියෝගය ආරක්ෂා කිරීම පිළිබඳ" නීතිය සම්මත කරන ලද්දේය.
එම නීතිය මගින් රුසියාවේ ඕනෑම ආගමික සංවිධානයක් සමඟ "අනුබද්ධ" යුක්රේනයේ ඕනෑම ආගමික ප්රජාවක ක්රියාකාරකම් අධිකරණ තහනමට ලක් කිරීමට ඉඩ සලසයි. මේ අනුව, යුක්රේනයේ කැනොනිකල් යුක්රේන ඕතඩොක්ස් පල්ලිය (UOC )තහනම් කිරීම සහ එම නිකාය මුලිනුපුටා දැමීම සඳහා කියෙව් පාලනයට ඉඩ කඩ සැලසේ. මෙම නීතිය සම්මත කර ගැනීමේදී යුක්රේනයේ නීති සම්පාදකයින් මිලියන ගණනක් වන ඇදහිලිවන්තයන්ගේ මතය , කැනොනිකල් යුක්රේන ඕතඩොක්ස් පල්ලියේ මතය, යුක්රේන නීති ප්රජාවේ සහ කියෙව් හිතවාදී විදේශිකයන්ගේ නිර්දය විවේචන පවා නොසලකා හැර තිබේ.
මෙම නීතිය බලාත්මක වීමේ ප්රතිඵලයක් ලෙස, ආගමික ස්ථාන සිය ගණනක්, දහස් ගණනක් වු යුක්රේන ජන සමාජයට අයත් ජනතාව සහ මිලියන ගණනක් වන යුක්රේනයේ ඕතඩොක්ස් ඇදහිලිවන්තයන් නීතියේ හව්හරණක් නොමැති තත්වයට පත් වනු ඇත. එලෙසම ඔවුන්ගේ දේපළ හා යාඥා මධ්යස්ථාන ඔවුන්ට අහිමි වනු ඇත. මෙම පනතේ ඇති භයානකත්වය සම්බන්ධයෙන් රුසියානු ඕතඩොක්ස් පල්ලියේ අග්රරාජගුරු ප්රසාදි ස්වාමින් වහන්සේ විසින් එක්සත් ජාතීන්ගේ සංවිධානයට, යුරෝපයේ ආරක්ෂාව සහ සහයෝගීතාව සඳහා වූ සංවිධානයට, යුරෝපීය කවුන්සිලයේ සංවිධාන වෙත සහ ලෝකයේ ආගමික ප්රජාවන්ගේ නායකයින් වෙත නැවත නැවතත් පැමිණිලි කර තිබුණි. එහෙත් එම විරෝධයන් යුක්රේන වැසියාගේ හෘදය සාක්ෂියේ නිදහස සහ මූලික අයිතිවාසිකම් උල්ලංඝනය කරන මෙම පනත සම්මත කිරීමට කිසිදු බාධාවක් යුක්රේන බලධාරින්ට නොවුනි. අප දන්න පරිදි මිලියන ගනනක් ඇදහිලිවන්තයන්ගේ අයිතිවාසිකම් විවෘතව පාගා දමනු ලබන ආගමික නිදහස පිළිබඳ ජාත්යන්තර වශයෙන් ප්රකට නීතිමය ලියකියවිලි නිර්ලජ්ජිත ලෙස උල්ලංඝනය කරනු ලබන නීතියක් මෑත කාලයේදි කිසිදු රටක් සම්මත කරගෙන නැත.
එලෙසම කියෙව් පරිපාලනය කර්ස්ක් වැනි දැවැන්ත න්යෂ්ඨික බලාගාර ඉලක්ක කරමින් එල්ල කරනු ලබන ප්රහාර මගින්ද ඔවුන්ගේ ම්ලේච්ඡත්වය ලෝකයට විදහා දක්වයි. ඒ අනුව කියෙව් පාලනය විදහා පෙන්වන මිනිස් සංහතියට නොගැලපෙන හැසිරීම් පාලනය කිරීමට සියලු ජාත්යන්තර සංවිධාන වල වගකීමක් බව අවධාරණය කරමු. එලෙසම සකල විධ අධිරාජ්ය විරෝධී ලෝක ජනයා යුක්රේනය බළල් අතක් කර ගනිමින් අමෙරිකා එක්සත ජනපදය කරනු ලබන මෙම මානව විරෝධී ක්රියා පාලනය කිරීමට පෙරට පැමිණිය යුතු බවද අවධාරණය කරමු.
ජීවන්ත ජයතිස්ස,
ශ්රී ලංකාවේ බොලිවේරියානු සහයෝගිතා සංවිධානය
සම්බන්ධිත පුවත් | Related News
ප්රධාන පුවත්
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..
වර්තමාන අර්බුද හමුවේ නාට්යකරුවන් අපේක්ෂාභංගත්වයට පත්වෙලා.. – නාට්යවේදී අඛිල සපුමල්
ලොවටම සහන සැලසූ චීනයේ ගෝලීය සංවර්ධන මුලපිරුමට වසර 5යි: ගෝලීය දකුණේ අනාගතය වෙනුවෙන් චීනයෙන් නව පොරොන්දුවක්..
බන්ධනාගාර කොමසාරිස් තුෂාර උපුල්දෙණියව අයින් කරන්න ආණ්ඩුවට අවශ්ය වුනා.. ආණ්ඩුව දේශපාලනිකව පොලිසිය මෙහෙයවනවා ද යන්න ගැටළුවක්.. - නීතිඥ සංජීව වීරවික්රම
බෞද්ධ සභ්යත්වයට එරෙහිව දියත්වන ප්රහාර උච්ඡතම ස්ථානයකට පැමිණිලා.. ෂානක්කියන්ලා, සුමන්තිරන්ලාගෙන් බෞද්ධ උරුමය විනාශ කරන්න පුරාවිද්යා දෙපාර්තුමේන්තුවටත් බලපෑම්.. දළදා පෙරහැරේ කරඬුව වඩම්මන ඇතුන්ටත් තහංචි වැටෙන ලකුණු!
මැගසින් බන්ධනාගාරය තුළ නොසන්සුන්තාවක්..
උතුරු-නැගෙනහිර බෞද්ධ උරුමය විනාශ කිරීමට සැලසුම්සහගත ප්රහාරයක්.. පුරාවිද්යා වාර්තා වෙනස් කරන්න දෙමළ මන්ත්රීන්ගෙන් බලපෑම්.. - වෛද්ය වසන්ත බණ්ඩාරගෙන් සුවිශේෂී හෙළිදරව්වක්..
පළාත් සභා ඡන්දය ඉක්මනින් පවත්වන්නැයි ඉන්දියාවෙන් දන්වයි..
ඇමරිකානු - ඉරාන යුද්ධය අවසන් ද? - ආචාර්ය ජගත් චන්ද්රවංශගෙන් අනාවරණයක්
'පාස්කු ප්රහාරය ගැන විමර්ශකයින් පත්කරලා තියෙන්නේ කතෝලික පල්ලියෙන්' - අතරමැදි පෙත්සම්කරුවෝ අධිකරණයට කියති..
ගම්මන්පිල, විමල්, දිලිත් ඇතුළු හය දෙනෙක් අධිකරණයට අපහාස කිරීමේ ප්රකාශ ගැන අභියාචනාධිකරණයට දැනුම් දීමට තීරණ කළා.. - කොටුව මහේස්ත්රාත්
ජයග්රාහී ජාතියක් වීමට නම් මව් භාෂාවට මුල් තැන දිය යුතුයි.. – හිටපු පාර්ලිමේන්තු මන්ත්රී ගෙවිඳු කුමාරතුංග