මන්නාරම් දිස්ත්‍රික්කයේ සිංහල පවුල් නැවත පදිංචි කිරීමේ දී පමණක් බාධා ඇයි? - ජාතික සිංහල ගෝලීය සංසදයෙන් මන්නාරම් දිස්ත්‍රික් ලේකම්වරයා වෙත ලිපියක්
යුද්ධය හේතුවෙන් උතුරු නැගෙනහිර පළාත් වල පදිංචිය අහිමි වූ ජනතාව නැවත පදිංචි කිරීමේ කටයුතු මේවන විට සිදුවන නමුත් මන්නාරම් දිස්ත්‍රික්කය තුල අදාල නීත්‍යානුකූල ක්‍රමවෙිදයට අනුගතව සිංහල පවුල් පදිංචි කිරීමේදී ඊට බාධක සහ විටෙක තහනම් කිරීම්ද සිදුවෙමින් පවතින බව පෙන්වා දෙමින් ජාතික සිංහල ගෝලීය සංසදය විසින් මන්නාරම දිස්ත්‍රික් ලේකම්වරයා වෙත ලිපියක් යොමු කොට තිබේ.
අදාළ ලිපිය පහළින්...
දිස්ත්‍රික් ලේකම්,
මන්නාරම දිස්ත්‍රික්කය
දිස්ත්‍රික් ලේකම් කාර්යාලය
මන්නාරම
ගරු දිස්ත්‍රික් ලේකම් තුමා,
ශ්‍රී ලංකාවේ පුරවැසියෙකුට නීත්‍යානුකූලව මේ භූමිය තුල කවර තැනක වුවද පදිංචි වීමේ අයිතිය මූලික මිනිස් අයිතිවාසිකමකි.
ශ්‍රී ලංකා ආණ්ඩු ක්‍රම ව්‍යවස්ථාවේ තුන්වන පරිච්ඡේදයේ 14 (1)ඌ හි සඳහන් පරිද්දෙන් ශ්‍රී ලංකාව තුල යාම් ඊම් නිදහසට සහ අභිමත ස්ථානයක වාසය කිරීමේ නිදහය යන ව්‍යවස්ථාව කෙරෙහි ඔබගේ අවධානය පළමුව යොමු කරවමි.
පැවැති යුද්ධය හේතුවෙන් උතුරු නැගෙනහිර පළාත් වල පදිංචිය අහිමි වූ මිනිසුන් වෙනුවෙන් දැනට රජය විසින් නැවත පදිංචි කිරීමෙි ප්‍රතිපත්තිය සහ සීමා නිර්ණය කිරීමේ ක්‍රමවේදයට අනුගතව උතුරු සහ නැගෙහිර පලාත් වල මෙන්ම මන්නාරම් දිස්ත්‍රික්කයේ ද සිංහල ගම්මාන වල මිනිසුන් මෙි වන විට පදිංචි කරවීමේ නීත්‍යානුකූල කටයුතු සිදු කෙරෙමින් තිබේ.
එහෙත් ඔබ තුමාගේ රාජකාරි දිස්ත්‍රික්කය වන මන්නාරම් දිස්ත්‍රික්කය තුල සිංහල පවුල් සඳහා අදාල නීත්‍යානුකූල ක්‍රමවෙිදයට අනුගතව සිංහල පවුල් පදිංචි කිරීමේදී ඊට බාධක සහ විටෙක තහනම් කිරීම්ද සිදුවෙමින් පවතින බව කණගාටුවෙන් වුවද දන්වනු කැමැත්තෙමි
රාජ්‍ය ප්‍රතිපත්තියට අනුව කවර හෝ ජාතියක් උදෙසා නීතිය වෙනස් ලෙස ක්‍රියාත්මක නොවිය යුතු නමුත් සිංහල පවුල් සඳහා වෙනස් ලෙසින් කටයුතු සිදුවන බවක් සහ එකම රටක එකම ප්‍රදේශයක නීතීය ක්‍රියාත්මක වීමේදී වෙනස් ලෙස නීතිය ක්‍රියාවේ යෙදවෙන තත්වයක් ද උද්ගතව පවතී.
මන්නාරම දිස්ත්‍රික්කයේ සිංහල පවුල් පදිංචි කරවීමේ වැඩ සටහනේදී අදාල ග්‍රාම නිළධාරීන් විසින් එකී නීත්‍යානුකූල පදිංචි කරවීමට බාධා කරනු ලබන අතර ප්‍රාදේශීය ලේකම් කාර්යාලය වල විෂය භාර නිලධාරීන් සහ ග්‍රාම නිළධාරීන් ඔබ තුමා විසින් දී ඇති උපදෙස් අනුව පමණක් කටයුතු සිදු කරන බව ඔවුන් අප වෙත වාචිකව පවසා සිටිනු ලැබේ.
එසේ හෙයින් දැනට මන්නාරම් දිස්ත්‍රික්කයේ සිංහල පවුල් කිහිපයක් සඳහා සියළු සුදුසුකම් සපුරා ඇතත් ඊට අදාල කටයුතු පමා කරමින් තිබේ.
ඒ සඳහා ඔබ තුමාගේ අපක්ෂපාතී මැදිහත්වීම සිදු කර මෙම සිංහල පවුල් සඳහා අදාල පදිංචි කරවීමට අවශ්‍ය කටයුතු සිදුකරන මෙන් කාරුණිකව ඉල්ලා සිටිමි.
කේ.කේ.සුනිල් කුමාර
ජාතික සිංහල ගෝලීය සංසදය
සම්බන්ධිත පුවත් | Related News
ප්‍රධාන පුවත්
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..