ජපානය, ලංකාව තුළ අත්හිටවූ සියලු ව්යාපෘති නැවත ආරම්භ කිරීමට ගිවිසුම් අත්සන් කරයි
ජපානය ලංකාව තුළ අත්හිටවූ සියලු ව්යාපෘති නැවත ආරම්භ කරන්න ගිවිසුම් අත්සන් කළා යයි අග්රාමාත්ය දිනේෂ් ගුණවර්ධන මහතා පවසයි.
අග්රාමාත්යවරයා මේ බව සඳහන් කළේ, චීන රජයේ ආධාර මත අග්රාමාත්ය කාර්යාලය වෙත ලද බිත්තර රැක්ක වීමේ යන්ත්ර සහ විමධ්යගත අරමුදලින් කඩුවෙල ආසනයේ සමිති සඳහා නෙස්කැෆේ මැෂින් බෙදාදීම සඳහා අරංගල සණස ශාලාවේ පැවති උත්සව අවස්ථාවට එක්වෙමිනි.
මෙහිදී අදහස් දැක්වූ අග්රාමාත්යවරයා,
“රට මුහුණ දුන්නු අර්බුදකාරී අවස්ථාවෙන් ගොඩ එම සඳහා ඔබ සැම විශාල කැපවීමක් කර තිබෙනවා. දෙවැනි යුද්ධ කාලේ මතක අය තවමත් ඉන්නවා. ඒ කාලේ ගැන අහලා තියෙනවා. ජපන්නු බෝම්බ දානකොට බජිරි කාලා ජීවත් වෙච්ච මාස ගණනාවක් අපි ගතකලා. අපේ පාසල් නගරවලින් ඈත පළාත්වලට ගෙන ගියා. මේවා ඇත්තටම සිද්ධ වුණ කතා. ඒ තරම් අමාරු තත්ත්වයකින් ගොඩක් ආපු අපි යළිත් වරක් එවැනි තත්ත්වයකට මුහුණ දුන් නිසා පසුගිය වසරේ රාජ්ය වියදම් සියයට අනුවකින් කපා හරින්න අපට සිද්ධ වුණා.
කොළඹ දිස්ත්රික්කය තමයි වඩාත්ම ගැටලු වලට මුහුණ දුන්නු දිස්ත්රික්කය. මේ තරම් ලොකු කැපකිරීමක් මහජනතාව සිදු කළේ යම්කිසි ප්රගතියක් අත්පත් කර ගැනීමටයි. විශ්වාසය දැක දැකයි අපි ඉදිරියට යන්නේ. විශ්රාම ගිය රාජ්ය සේවකයෝ මෙතන ඉන්නවා. ඔබේ විශ්රාමය එක මාසයක්වත් අපි නොදී හිටියේ නැහැ. අමාරුම තත්ත්වයන් තුළත් රාජ්ය පරිපාලන අමාත්යාංශය විදිහට භාණ්ඩාගාරයෙන් මුදල් අරගෙන රාජ්ය සේවකයෝ දා හතර ලක්ෂයකට මාසයකට සැරයක් පඩි ගෙව්වා. විනාශ කරන්න ඕන තරම් අය ඉන්නවා. හිංසාකාරීන් ඕන තරම් ඉන්නවා. යථාර්ථවාදීව ගැටලු වලට මුහුණ දෙමින් රට ගොඩනැගීමේ ක්රියාවලියට අපි සහ ඔබ මුහුණ දුන්නා.
අපේ රට කෙරෙහි විදේශ රටවල විශ්වාසය යළිත් අපි දිනාගෙන, බැංකු ක්රමය දිනාගෙන ජාත්යන්තරව ගනුදෙනු කරන්න පුළුවන් තත්ත්වයට රට ගෙන ආවා. අපි වැටුණු අර්බුදයේදී අපිට ජාත්යන්තරව එල්. සී එකක් ඕපන් කරන්න බැරි තත්ත්වයක් තිබුණා. එවැනි තත්ත්වයක් නැති අලුත් වාතාවරණයක් ශ්රී ලංකාවට උදා කර ගන්න අද පුළුවන්කම ඇතිවෙලා තියෙනවා. කාලයක් මූල්ය අර්බුදය නිසා විමධ්යගත මුදල් ලැබුණේ නැහැ. ගිය අවුරුද්දේ අයවැයෙන් විමධ්ය ගත සංවර්ධන ප්රතිපාදන වෙන් කරලා තියෙනවා පළාත් සභා ව්යාපෘතිවලට. ප්රගතියට අඩිය තබමින් තිබෙන අවස්ථාවක ප්රබුද්ධ ජනතාව සමග මේ මොහොත ගත කරන්නේ. මේ සමිති සමාගම්වලින් සාමාජික සාමාජිකාවන්ට ලබා දිය හැකි සේවාවන් පුළුල් කරගත යුතුයි.
අපේ රටේ දැන් දැන් පොදු සංවිධාන අඩුවෙලා තනි සංවිධාන ගමන් කරන ආර්ථික ව්යාපාරයක් පවතිනවා. සමූපකාර අපේ රටේ ආරක්ෂාවක් ඒක නිසා අමාරුවෙන් හරි සණස ආදී විවිධ සංවිධාන ආරක්ෂා විය යුතුයි. අපේ සමාජයේ අමාරුවෙන් ජීවත්වෙන පිරිස හැටියට සහන ලබන්න රජය විශාල මුදලක් වෙන් කර තිබෙන්නේ. වැඩිහිටියන්, අඩු ආදායම්ලාභීන්, දුබල තත්ත්වයෙන් ජීවත් වන පිරිස් සඳහා ආධාර වැඩි කිරීමටත් අඛණ්ඩව ලබා දිය හැකි වෙනත් පහසුකම් ලබා දීමටත් පසුගිය වසරේ සිට විශේෂ වැඩ පිළිවෙලක්දිත් කර තිබෙනවා.
මෙවැනි අර්බුදයකට වැටුණු අනිත් රටවල් අත්හදා බලපු ක්රම වලට වඩා අපි සියලු දෙනා සාකච්ඡා කරලා රටේ පවතින අමාරුකම්වලට සුවිශේෂ අවස්ථාවක් ලබා දුන්නා. ඉදිරි වසර විස්ස ලංකාවේ ජනගහනයෙන් වැඩිහිටි ජනතාව විශාල ප්රමාණයක් බවට පත්වෙනවා. එම ජනතාවගේ අභිලාෂයන්, ප්රාර්ථනාවන් වෙනුවෙන් විවිධ සේවාවන් ආරම්භ කිරීමට සිදුවෙනවා. එම සැලසුම් සකස් කිරීම සඳහා මූල්ය ප්රතිපාදන පරිවර්තනය කළ යුතුයි. ඊ. පී. එෆ් කියන්නේ වැඩ කරන ජනතාවගේ ආසියාවේ තියෙන ලොකුම බැංකුවයි. විශ්රාම යනකොට ගෙවීම පමණක් නෙවෙයි ඊට පස්සෙත් වැඩිහිටි ජනතාව වෙනුවෙන් සේවය කරන ආකාරය පිළිබඳව දැන් අපි සාකච්ඡා කරමින් සිටිනවා.
බිත්තර රැකවීමේ යන්ත්ර අඩු ආදායම් ලබන ජනතාවගේ ආදායම් මාර්ගයක් විදිහටත් පෝෂදායි ආහාරයක් විදිහටත් හරි ක්රමවේදය අනුව මෙහෙයව්වොත් හැම ගෙයක් දොරක්ම අවුරුද්දකදී ආවරණය කරන්න පුළුවන්. චීන රජය ලංකාව පුරා මෙම යන්ත්ර ලබාදීමේ වැඩසටහන සඳහා සම්පූර්ණයෙන්ම දායකත්වය ලබාදෙනවා. යදාමිණි ගුණවර්ධන මැතිතුමා ග්රාමීය පොදු සංවිධාන සමඟ වැඩකටයුතු රාශියක් යෝජනා කර තිබෙනවා. මන්ත්රීවරයාත් ප්රාදේශීය ලේකම්වරයාත් මහජනයාත් ඇතුළු සමිති සමාගම්වල සාමාජිකයින් එකට අත්වැල් බැඳ ගත යුතුයි. විශ්වාසයට විශාල පෙරළියක් කරන්න පුළුවන්. අවිශ්වාසයෙන් සිටි අය බොහෝ දේවල් කිව්වා.
චීනය පසුගිය දා ලංකාව සමග සහන ගිවිසුමට අත්සන් තැබුවා. චීනය ලංකාවේ ආණ්ඩුවට ආර්ථිකය ඉදිරියට ගෙන යන්න අවශ්ය සහයෝගය ප්රකාශ කළා. අත්හිටුවන ලද සියලු ව්යාපෘති ආරම්භ කිරීමට පසුගියදා ජපානය අත්සන් කළා. අලුත් ගිවිසුම් යටතේ අපේ ආර්ථිකයේ ප්රාණය යළි ගොඩනගන්න රජයේ දෙපාර්තමේන්තුවට පමණක් නෙවෙයි පුද්ගලික අංශයට විශේෂයෙන් ව්යාපාරික පැලැන්තියට උත්සහ දරන නව පරම්පරාවට මේ හරහා සහයෝගය ජනිත වෙනවා. රජයක් හැටියට ආර්ථිකය ඉදිරියට යන අඩිතාලමක් අපි යොදලා තියෙනවා.
කොළඹ දිස්ත්රික් සම්බන්ධීකරණ කමිටු සභාපති, පාර්ලිමේන්තු මන්ත්රී ප්රදීප් උදුගොඩ, පාර්ලිමේන්තු මන්ත්රී යදාමිණි ගුණවර්ධන, කඩුවෙල ප්රාදේශීය ලේකම් සම්පත් ඉඩම් ගොඩගේ, කඩුවෙල නාගරික ලේකම්, ම.එ.පෙ. තරුණ සංවිධානයේ විධායක සභික චන්දන පුෂ්පකුමාර, ප්රජා සංවිධාන නියෝජිතයින් මෙම අවස්ථාවට සහභාගී වූහ.
– අග්රාමාත්ය මාධ්ය අංශය
සම්බන්ධිත පුවත් | Related News
ප්රධාන පුවත්
යාපනයේ ජාතිවාදය අවුස්සන හැටි මෙන්න.. ආණ්ඩුව මොකද කියන්නේ? - අරුන් සිද්ධාර්ත්
ආණ්ඩුවේ ආයුෂ උතුරු නැගෙනහිර පළාත් සභා ඡන්දය තියන තුරු විතරයි.. - වෛද්ය වසන්ත බණ්ඩාර
මනෝගෙන් අතිශය ආන්දෝලනාත්මක ප්රකාශයක්..- පළාත් සභා උභතෝකෝටිකය!
මහ බැංකුව වගකීම් විරහිත ආයතනයක් වෙලා.. මහ බැංකු අධිපති පැනල යන බව කළින් කියා පැනල යයිද? - විමල් ප්රශ්න කරයි..
ඇමරිකා අලුත් බද්දෙන් ලංකාව අමාරුවේ..- ලංකා වාණිජ මණ්ඩලය
මහා සංඝරත්නයට, සම්බුද්ධ සාසනයට ද්වේෂසහගතව අගෞරව කිරීම පිළිබඳව කුප්රකට
ගම්මන්පිල සහ ඉන්දීය නීති සමාගමේ පාලන හවුල්කරු සුරනා අතර හමුවක්.. සාකච්ඡාව පිටුපස සැඟවුනු ඉන්දීය න්යාය පත්රයක් තිබුනාද?
චීනය සහ ශ්රී ලංකාව දේශසීමා හරහා සිදුවන මාර්ගගත සූදු හා විදුලි සංදේශ වංචා මර්දනය කිරීමට දැඩිව එක්ව ක්රියා කරනවා!-ශ්රී ලංකාවේ චීන තානාපති කාර්යාලය
චීන ජනපති ලබන සතියේදී උතුරු කොරියාවේ සංචාරයකට සැරසෙයි..
සිංහල ජාතිකවාදී රාජ්ය ජාතිය ආගම පදනම්කර ගෙන වර්ග සංහාරයක් සිදුකළා.. දෙමළ ජනතාවට එරෙහිව වර්ග සංහාරයක් සිදුකළා කියලා උතුරු පළාත් සභා ප්රකාශනයෙන් කියවෙනවා.. - ජීවන්ත පීරිස් පූජකවරයා යළිත් කියයි..
භාණ්ඩාගාර කොල්ලය ගැන භාණ්ඩාගාර වාර්ෂික වාර්තාවේ කිසිම සඳහනක් නෑ.. - රජිත් කීර්ති තෙන්නකෝන්
සහල් ආනයනය කරන්නේ ජනතාවට සහන සැලසීමේ අරමුණින් නොවේ.. නිලධාරීන්ගේ සහ ඇමතිවරුන්ගේ අතයට කොමිස් ලබාගැනීමේ "ජානගත බැඳීමක්" නිසා.. - ජාතික ගොවිජන එකමුතුවෙන් චෝදනා
ජනපති අනුර හන්දි හන්දි ගානේ කියන ඩොලර් මිලියන 1,000 ක සංචිතයක් නෑ.. - රජිත් කීර්ති තෙන්නකෝන්
බටගොඩ 'සෙනෙහසේ කැදැල්ල' වැඩිහිටි නිවාසය සම්පූර්ණයෙන්ම ගිනිබත් වෙයි.. - 11ක් මරුට - තුනක් අතුරුදන්
ගෝඨාභය කොටු කරන්න නින්දිත වෑයමක් ක්රියාත්මකයි.. - සරත් වීරසේකරගෙන් හෙළිදරව්වක්
හුදෙකලා සිද්ධීන් පදනම් කර ගනිමින් මහා සංඝරත්නයට අපහාස කිරීමේ දැවැන්ත කුමන්ත්රණයක් ක්රියාත්මකයි - මහාචාර්ය පූජ්ය මැදගොඩ අභයතිස්ස හිමි