රනිල්ගේ විනාශකාරී අණපනත්වලට අත ඔසවන, “සිග්නල් කණු” බවට පත්ව සිටින පොහොට්ටු මන්ත්‍රී පිරිස රට යළි ගොඩගත නොහැකි අනතුරකට ඇද දමනවා - ජයන්ත සමරවීර
රාජ්‍ය මූල්‍ය කළමනාකරණ පනත් කෙටුම්පත, රාජ්‍ය ණය කළමනාකරණ පනත් කෙටුම්පත හා ආර්ථික පරිවර්තන පනත් කෙටුම්පත යන පනත් කෙටුම්පත් සම්මත වුවහොත් පාර්ලිමේන්තුව සතුව තිබෙන රාජ්‍ය මූල්‍ය බලය සහ රටේ ආර්ථිකය කළමනාකරණය කිරීමේ බලය සම්පූර්ණයෙන්ම මේ වන විට ජනාධිපති, මුදල් ඇමති, ආර්ථික කටයුතු ඇමති යන භූමිකා තුනම ඉටු කරන රනිල් වික්‍රමසිංහ මහතා අතට පත්වන බවත් අද වන විට රනිල් වික්‍රමසිංහ මහතා ගෙන එන සියලු විනාශකාරී අණපනත්වලට අත ඔසවන “සිග්නල් කණු” බවට පත්ව සිටින පොහොට්ටු මන්ත්‍රී පිරිස එමඟින් මේ රට යළි ගොඩගත නොහැකි අනතුරකට ඇද දමන බවත් ජාතික නිදහස් පෙරමුණේ ජාතික සංවිධායක, පාර්ලිමේන්තු මන්ත්‍රී ජයන් සමරවීර මහතා පෙන්වා දෙයි.
“සර්වජන බලය” දේශපාලන එකමුතුව එහි බොරැල්ලේ පිහිටි මූලස්ථානයේදී පවත්වන ලද මාධ්‍ය හමුවකට එක්වෙමින් ඒ මහතා මෙසේ පැවසීය.
එහිදී වැඩිදුරටත් අදහස් දැක්වූ සමරවීර මහතා මෙසේද සඳහන් කළේය.
“රටේ සියලු සාරයන් දෙස් විදෙස් ජාවාරම්කරුවන් අතට පත්කිරීමට කටයුතු කරමින් සිටින රනිල් වික්‍රමසිංහ ජනාධිපතිවරයා ප්‍රමුඛ පොහොට්ටු ආණ්ඩුව එම කටයුත්ත පරිසමාප්ත කිරීම සඳහා පනත් කෙටුම්පත් ත්‍රිත්වයක් පාර්ලිමේන්තුවට රැගෙන විත් තිබෙනවා.
පනත් ත්‍රිත්වය හඳුනා ගනිමු!
මෙම පනත් කෙටුම්පත් ත්‍රිත්වය විවාදයට ගැනීම ආරම්භ කෙරෙනවා. ඉන් පළමුවැන්න තමයි රාජ්‍ය මූල්‍ය කළමනාකරණ පනත් කෙටුම්පත. එමගින් රනිල් වික්‍රමසිංහ ජනාධිපතිවරයා පාර්ලිමේන්තුවට තිබෙන රාජ්‍ය මූල්‍ය බලය මුළුමනින්ම සියතට ගනිමින් ඒකාධිපති බලයක් ගොඩනගා ගැනීමට අපේක්ෂා කරනවා. දෙවැන්න තමයි රාජ්‍ය ණය කළමනාකරණ පනත් කෙටුම්පත. ණය හිමියන්, පොලී ප්‍රතිශත තීරණය කිරීම ආදියෙහි සිට රාජ්‍ය ණය ගැනීමට අදාළ සමස්ත ක්‍රියාවලියම ජනාධිපතිවරයා සහ මුදල්, ආර්ථික කටයුතු අමාත්‍යවරයා වන තමා යටතට ගැනීමයි එමගින් රනිල් වික්‍රමසිංහ මහතා සිදුකරන්නේ. තුන්වැන්න තමයි ආර්ථික පරිවර්තන පනත් කෙටුම්පත. මේ රටේ සියලුම රාජ්‍ය දේපළ පමණක් නොවෙයි ස්වාභාවික සම්පත් සියල්ලේ අයිතිය පිළිබඳව තීරණ ගැනීමේ තනි හැකියාව එමගින් රනිල් වික්‍රමසිංහ මහතාට ලැඛෙනවා.
මෙම පනත් කෙටුම්පත් ත්‍රිත්වය සම්මත කරලා ඒකාධිපති බලයක් ගොඩනගාගෙන ශ්‍රී ලංකාව තමන්ගේ පෞද්ගලික බූදලයක් සේ පාලනය කරන්න, වෙනත් ආකාරයකින් කිවහොත් පාර්ලිමේන්තුව සතුව තිබෙන රාජ්‍ය මූල්‍ය බලය සහ රටේ ආර්ථිකය කළමනාකරණය කිරීමේ බලය තමන් අතට ගන්න තමයි ජනාධිපති රනිල් වික්‍රමසිංහ සූදානම් වෙන්නේ. එහෙම ඒකාධිපති බලයක් හදාගෙන, මේ රට බංකොලොත්භාවයට රැගෙන ගොස් තිබෙන, 1977න් ඇරඹි වැරදි ආර්ථික ගමන් මගෙහි අවසන් ඉම තෙක් රැගෙන යාමයි ඔහුගේ අපේක්ෂාව වී තිබෙන්නේ.
ගජ මිතුරු සෙල්ලම යළිත්…
මෙම පනත් කෙටුම්පත් සමීපව අධ්‍යයනය කළොත් ඒවායේ තිබෙන රටට, ජනතාවට ඉතාමත් හානිකර ප්‍රතිපාදන මේ ආකාරයට වටහාගත හැකියි. රාජ්‍ය ණය කළමනාකරණ පනත් කෙටුම්පත සම්මත වුවහොත් එමඟින් රාජ්‍ය ණය කළමනාකරණ කාර්යාලයක් පිහිටුවිය හැකි අතර ඊට අධ්‍යක්ෂ ජනරාල්වරයෙකු පත් කරනු ලබන්නේ ද මුදල් අමාත්‍යවරයා ලෙස රනිල් වික්‍රමසිංහ මහතාමයි. ඔහුට පුළුවන් එම පුටුවට මහ බැංකු බැඳුම්කර වංචාවේ “මහ මොළකරු” අර්ජුන මහේන්ද්‍රන් පවා පත් කරන්න; ඒ වගේම අර්ජුන් ඇලෝසියස්වත් බැඳුම්කර වෙළඳපොළ තුළ සක්‍රිය කරවන්න.
වසර පහකට රනිල්ට ලැබෙන දේ…
ඒ වගේම රාජ්‍ය මූල්‍ය කළමනාකරණ පනත සම්මත වුණාම ජනාධිපති රනිල් වික්‍රමසිංහට මුදල් අමාත්‍යවරයා, ආර්ථික කටයුතු අමාත්‍යවරයා හැටියට බලතල ලැබෙනවා, ‘මේ රටේ රාජ්‍ය ආයතන පවත්වාගෙන යනවා ද විකුණා දමනවා ද, ඒවායේ සේවක සංඛ්‍යා, වැටුප් කෙසේ විය යුතු ද?’ ආදී සියලු තීරණ පාර්ලිමේන්තුවට ඉදිරිපත් නොකර ක්‍රියාත්මක කරන්න. ඒ වගේම වසර පහක කාලපරිච්ඡේදයක් සඳහා රාජ්‍ය මූල්‍ය කළමනාකරණය කිරීමේ තනි වගකීමත් එම පනතින් ඔහුට ලැබෙනවා.
ජාතික සම්පත්වල ඉරණම…
ඒ වගේම ආර්ථික පරිවර්තන පනත් කෙටුම්පත සම්මත වුණාම මේ රටේ සියලුම රාජ්‍ය දේපළ පමණක් නොවෙයි සියලු ස්වාභාවික සම්පත් ඒ කියන්නේ අපේ ඛනිජ සම්පත, ජල සම්පත, සාගර සම්පත, වන සම්පත අපේ ගුවන යන සියල්ලේ අයිතිය පිළිබඳව තීරණ ගැනීමේ හැකියාව (පාර්ලිමේන්තුවට ද නොදන්වා) ජනාධිපති, මුදල් ඇමති, ආර්ථික කටයුතු ඇමති යන වගකීම් දරන මේ රනිල් වික්‍රමසිංහ මහතාට ලැබෙනවා.
පොහොට්ටු “සිග්නල් කණු” කරන කැත වැඩේ
මේ මහා අපරාධය කරන්න පුළුවන් වෙන්නේ 69 ලක්ෂයේ ජනවරමට උරුමකම් කියන, අද රනිල් වික්‍රමසිංහ මහතාගේ දීන දාසයන් පිරිසක් බවට පත්ව ඇති පොහොට්ටු “සිග්නල් කණු” ටික අත එසවුවහොත් පමණයි. ඔවුන් අත එසවුවහොත් විදුලි බල පනත වගේම මේ හානිකර පනත් ත්‍රිත්වය ද සම්මත වේවි. අපි දුටුවා හිටපු ජනාධිපති මහින්ද රාජපක්ෂ මහතා මීට සති දෙකකට පමණ පෙර ප්‍රකාශයක් නිකුත් කොට තිබුණා, ‘මෙවැනි රාජ්‍ය දේපළ විකුණා දැමීමේ හෝ රාජ්‍ය ණය පිළිබඳ හෝ රාජ්‍ය මූල්‍ය පිළිබඳ හෝ තීරණ ගැනීමේ අයිතියක් 69 ලක්ෂයේ ජනවරමේ අනුප්‍රාප්තික ජනාධිපතිවරයා වන රනිල් වික්‍රමසිංහට නොහැකියි’ කියා. දැන් මේ ප්‍රකාශයට අනුව මහින්ද රාජපක්ෂ මහතා ප්‍රමුඛ පොහොට්ටු මන්ත්‍රීවරුන් කටයුතු කරාවිද කියා අපට බැලිය හැකියි.
අපි ‘සර්වජන බලය’ දේශපාලන එකමුතුව විදිහට මේ පනත් කෙටුම්පත් ත්‍රිත්වය පැරදවීම සඳහා පාර්ලිමේන්තුව තුළත් ඉන් පිටතත් ගත හැකි සියලු පියවර ගනිමින් සිටිනවා. ඒ සඳහා සියලු ප්‍රගතිශීලී ජනකොටස්වල සහයෝගය ඉල්ලා සිටිනවා.”
යුතුකම’ ජාතික සංවිධානය වෙනුවෙන් එහි සභාපති, පාර්ලිමේන්තු මන්ත්‍රී ගෙවිඳු කුමාරතුංග, ප්‍රජාතන්ත්‍රවාදී වාමාංශික පෙරමුණ වෙනුවෙන් එහි නියෝජ්‍ය ලේකම් ජී. ඩී. වී. තිලකසිරි යන මහත්වරු ද මෙම මාධ්‍ය හමුවට එක්ව සිටියහ.
(අනුරුද්ධ බණ්ඩාර රණවාරණ)
මාධ්‍ය ලේකම්,
ජාතික නිදහස් පෙරමුණ
සම්බන්ධිත පුවත් | Related News
ප්‍රධාන පුවත්
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..
බෞද්ධ වෙහෙර විහාර ආශ්‍රිත පූජාභූමි වලට වෙනත් ආගමික ස්ථාන ඇතුළු කිරීමේ මෙහෙයුමක්.. - වෛද්‍ය වසන්ත බණ්ඩාරගෙන් විශේෂ අනාවරණයක්..
ඥානසාර හිමි ගැන ජනපතිගේ සාකච්ඡාවට කෝට්ටේ ශ්‍රී කල්‍යාණී සාමග්‍රි ධර්ම මහා සංඝ සභාව කැඳවා නොතිබීම ගැන කොටපිටියේ රාහුල හිමියන්ගෙන් චෝදනා..
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්