ජාතිය ආරක්ෂා කිරීමට කැපවූ රණවිරුවන් පාවාදීමට ක්‍රියා නොකරන්න - ජාතික සංවිධාන එකමුතුවෙන් මහින්දට ගෝඨාභයට ලිපියක්
ජාතිය ආරක්ෂා කිරීමට දිවි පිදූ රණවිරුවන් ආරක්ෂා කිරීමට ක්‍රියාකරන ලෙසත්, 2019 දී ජනාධිපති ගෝඨාභය රාජපක්ෂ මහතාට ලබා දුන් ජනවරම සහ 2020 දී අගමැති මහින්ද රාජපක්ෂ මහතා ප්‍රමුඛ ශ්‍රී ලංකා පොදුජන පෙරමුණට ලබා දුන් ජනවරම ලබා දුන්නේ ත්‍රිවිධ හමුදාව පාවාදීමට නොවන බවත් පෙන්වා දෙමින් ජාතික සංවිධාන එකමුතුව විසින් ලිපියක් හිටපු ජනාධිපති ගෝඨාභය රාජපක්ෂ, හිටපු ජනාධිපති මහින්ද රාජපක්ෂ මහත්වරුන් වෙත යොමු කර ඇත.
ජාතිය ආරක්ෂා කිරීම වෙනුවෙන් තම වටිනා ජීවිත සහ අත් පා පරිත්‍යාග කළ ත්‍රිවිධ හමුදා සාමාජිකයින් ආරක්ෂා කිරීමට අඛණ්ඩව කටයුතු කළ යුතු නායකයින්ගේ නිහඬතාවය ජාතිකවාදී සංවිධාන වල කණගාටුවට හේතුවන බවත් එම ලිපිය මගින් පෙන්වා දී තිබේ.
අදාළ ලිපිය පහළින්..
ගරු මහින්ද රාජපක්ෂ මහතා,
ගරු ගෝඨාභය රාජපක්ෂ මහතා,
ශ්‍රී ලංකා පොදු ජන පෙරමුණ නායකයින් වෙත,
ජාතිය ආරක්ෂා කිරීම වෙනුවෙන් තම වටිනා ජීවිත සහ අත් පා පරිත්‍යාග කළ ත්‍රිවිධ හමුදා සාමාජිකයින් ආරක්ෂා කිරීමට අඛණ්ඩව කටයුතු කළ යුතු නායකයින්ගේ නිහඬතාවය ජාතිකවාදී සංවිධාන වල කණගාටුවට හේතුවන බවත් එය තරයේ හෙළා දකින බවත් ප්‍රකාශ කරමු.
බෙදුම්වාදී එල්ටීටීඊය පරාජය කර මිනිස් පලිහවල් ලෙස සහ ප්‍රාණ ඇපකරුවන් ලෙස රඳවාගෙන සිටින දෙමළ සිවිල් වැසියන් ආරක්ෂා සහිතව රැගෙන ඒමට ආරක්ෂක හමුදාවට නියෝග කිරීමට 5 වැනි ජනාධිපතිවරයා සහ සන්නද්ධ හමුදා ප්‍රධානියා ලෙස එවකට ජනාධිපතිවරයා ලෙස මහින්ද රාජපක්ෂ මහතා ගත් තීරණය අපි ආඩම්බරයෙන් පිළිගනිමු.
2009 මැයි මාසයේ ලබාගත් යුද ජයග්‍රහණය සැමරීමට අපි ජාතියක් ලෙස එක් වූයේ ජාත්‍යන්තරව තහනම් කරන ලද ත්‍රස්තවාදී ව්‍යාපාරයක් පරාජය කළ එකම ජාතිය ශ්‍රී ලාංකිකයන් සහ එකම ජාතික හමුදාව ශ්‍රී ලංකා ත්‍රිවිධ හමුදාව බවට පත් කරලමිනි.
ඉන්පසුව, එක්සත් ජාතීන්ගේ මානව හිමිකම් කවුන්සිලයේ අනුප්‍රාප්තික යෝජනා සහ රාජ්‍යතාන්ත්‍රික ප්‍රතිපත්ති හරහා පැමිණි රාජ්‍ය තාන්ත්‍රික ප්‍රහාරයන්ට එරෙහිව ජාතිය ආරක්ෂා කිරීමේ යෂ්ටිය දේශපාලන නායකත්වය වෙත භාර දෙන ලැබුවේය. කෙසේ වෙතත්, එල්.ටී.ටී.ඊ.යට හිතවත් හෝ එල්.ටී.ටී.ඊ.ය නිසා වාසි ලැබූ බලවේග සමඟ කටයුතු කිරීමට පශ්චාත් ගැටුම් දේශපාලන සැලැස්මක් නොතිබූ බවට කිසිදු සැකයක් නැත. ඔවුහු මායාකාරි දඩයම සෑම වසරකම අපේ සන්නද්ධ හමුදාවන්ට එරෙහිව පළිගැනීම වෙනුවෙන් දිගටම පවත්වාගෙන ගියහ.
මැතිවරණවලදී ජනතාව දේශපාලන නායකයින් ආරක්ෂා කිරීමට තම ජනවරම භාවිතා කරන අතරම, ඔවුහු නායකයින්ගෙන් අපේක්ෂා කළේ ජාතිය ආරක්ෂා කිරීමට දිවි පිදූ ත්‍රිවිධ හමුදාව සහ රණවිරුවන් ආරක්ෂා කිරීමය.
ජාතිකවාදී බලවේග වල මැදිහත් වීමෙන් ලබා දුන් ජනවරම දේශපාලන පැවැත්ම සඳහා හුවමාරු වේ යැයි අපි අපේක්ෂා නොකළෙමු. ත්‍රිවිධ හමුදාවේ ගෞරවය ගනු දෙනුවකට භාජනය කළ නොහැකි අතර ජාතිය ආරක්ෂා කිරීමට, අපගේ ජාතික වත්කම් හා සම්පත් සුරැකීමට සහ ත්‍රිවිධ හමුදාව ආරක්ෂා කිරීමට දුන් පොරොන්දුව නිසාම පාර්ලිමේන්තුවේ වාඩි වී සිටින අය එම විශ්වාසය පාවා නොදෙනු ඇතැයි අපි අපේක්ෂා කරමු.
නමුත් අතුරුදන් වූවන් පිළිබඳ කාර්යාල පනත සම්මත කර, එල්.ටී.ටී.ඊ.යට වන්දි ලබාදීමේ පනත සම්මත කර, දැන් සත්‍ය සෙවීමේ විනිශ්චය සභාවක් පිහිටුවන විටත් අපි ඡන්දය දුන් අය නිහඬව සිටින ආකාරය අපට පෙනෙන්නට තිබේ.
2019 දී එවකට ජනාධිපති ගෝඨාභය රාජපක්ෂ මහතාට ලබා දුන් ජනවරම සහ 2020 දී අගමැති මහින්ද රාජපක්ෂ මහතා ප්‍රමුඛ ශ්‍රී ලංකා පොදුජන පෙරමුණට ලබා දුන් ජනවරම ලබා දුන්නේ ත්‍රිවිධ හමුදාව පාවාදීමට නොවන බව අපි නැවතත් අවධාරණය කරමු.
එල්ටීටීඊය පරාජය කර වසර 15 ක් සපිරෙන දිනයේදී මුල්ලේවයික්කාල් කොටි සැමරීමට කොටි පෙරමුණුවලින් අරමුදල් ලබාගත් ජාත්‍යන්තර රාජ්‍ය නොවන සංවිධානයක් පැමිණීම ගැන අපි කම්පාවට පත්ව සිටින නමුත් හිටපු ජනාධිපති මහින්ද රාජපක්ෂ, ගෝඨාභය රාජපක්ෂ සහ ශ්‍රී ලංකා පොදුජන පෙරමුණ ඊට කෙසේවත් විරුද්ධ නොවුනි.
ජාතිකවාදී බලවේග සන්නද්ධ හමුදාවන්ට අඛණ්ඩව සහාය දක්වන අතර ඕනෑම මැතිවරණ අපේක්ෂකයෙකුට හෝ පක්ෂයකට අපගේ සහයෝගය ලබා දීම රඳා පවතින්නේ අපගේ රණවිරුවන් කළ පරිත්‍යාගයන්ට ගරු කිරීමට සහ රණවිරුවන්ගේ හොඳ නාමය ආරක්ෂා කිරීමට අපේක්ෂකයා හෝ ඔහුගේ පක්ෂය දක්වන අවංකභාවය සහ කැපවීම මත ය.
අතීතයේදි, අපගේ නායකයන් ලෙස අප විශ්වාසය තැබූ අය විසින් සිදු කරන ලද පාවාදීම් ආපසු හැරවීමට අපි බලා සිටින අතරම අපේ ජාතික විරුවන් පාවා දිය නොහැකි බවත් එසේ කළහොත් කිසිදු දේශපාලන පක්ෂයකට හෝ දේශපාලනඥයකුට සමාවක් නොදෙන බවත් තරයේ අවධාරණය කරමු.
අපි ගරු මහින්ද රාජපක්ෂ, ගරු ගෝඨාභය රාජපක්ෂ සහ පාර්ලිමේන්තුවේ බහුතර ආසන සංඛ්‍යාවක් අඛණ්ඩව පවත්වාගෙන යන ශ්‍රී ලංකා පොදුජන පෙරමුණ,
• ශ්‍රී ලංකාවේ මුල්ලෛවක්කල් සමරුවලට ඉඩ නොදීම
• සත්‍ය සෙවීමේ කොමිසම සභාගත කිරීමට ඉඩ නොදීම
• ශ්‍රී ලංකාවේ ජාතික වත්කම් සහ සම්පත් විකිණීමට ඉඩ නොදීම
යන මූලික කාරණා ඉටු කරනු ඇතැයි බලාපොරොත්තු වෙමු.
ජාතිය සහ ජාතික ආරක්ෂාව, ස්වෛරීභාවය සහ සන්නද්ධ හමුදාවන් ආරක්ෂා කිරීම සඳහා ශ්‍රී ලංකා පොදුජන පෙරමුණ දක්වන සැබෑ කැපවීම මත ශ්‍රී ලංකා පොදු ජන පෙරමුණේ ශක්තිය සහ එහි පැවැත්ම තීරණය වන බව ශ්‍රී ලංකා පොදුජන පෙරමුණේ නායකත්වය තේරුම් ගත යුතුය. ඒ අනුව ඉහත දැක්වු කාරණා ඉටු කිරීමට කැපවීම් කිරීමට නොහැකිවීම ශ්‍රී ලංකා පොදුජන පෙරමුණේ ඉරණම සනිටුහන් කරන බව අවධාරණය කරමු.
මෙයට විශ්වාසී,
ආචාර්ය ගුණදාස අමරසේකර,
ජාතික සංවිධාන එකමුතුව වෙනුවෙන්
සම්බන්ධිත පුවත් | Related News
ප්‍රධාන පුවත්
ෆ්‍රැන්සිස් පාප් වහන්සේ ස්වර්ගස්ථ වේ
පාස්කු ප්‍රහාරය ගැන මුජිබර්ගෙන් ආන්දෝලනාත්මක අනාවරණයක් (වීඩියෝ)
ලංකාවට පැමිණ ආයෝජන කරන්න... ජනාධිපති දෙමළ ඩයස්පෝරාවෙන් ඉල්ලයි...
සිරි දළදා වන්දනාව සිව්වන දිනටත් අද ඇරඹේ
මූලධර්ම පටලවා ගත් මැතිවරණ කොමිසමේ සාමාජිකයන්ගෙන් අමතර පිරිවැය අය කරගත යුතුයි - ජාතික සංවිධාන කියයි
ප්‍රාදේශීය සභාවකට අරමුදල් අහිමි කරන්න විධායකයට බැහැ ... ඡන්ද බලහත්කාරය විධායක අයිතියක් නොවේ. හිටපු ආණ්ඩුකාරවරුන්ගෙන් ප්‍රකාශයක්
GSP+ රැකගන්න ත්‍රස්තවාදය වළකන පනත ඉක්මණින් හකුළයි
පාස්කු ඉරුදිනය අදයි
විශේෂ ආරක්ෂක අංග අංක තහඩුවෙන් ගැලවිලාලු - සේවකයෝ කියති
ට්‍රම්ප්ගේ බද්දෙන් නිදහස් කරන්නැයි ඉල්ලූ එක්සත් ජාතීන්ගේ සංවිධාන ලැයිස්තුවේ ලංකාව නෑ
චීන නැව් ඉලක්ක කරගත් එක්සත් ජනපද නවතම වරාය ගාස්තු සැලැස්ම 'අමෙරිකාවේ සහ අන් ජාතින්ගේ අවශ්‍යතාවලට හානි කරන' බව චීනය පවසයි. නීත්‍යානුකූල අයිතිවාසිකම් ආරක්ෂා කිරීමට පියවර ගන්නා බවට සපථ කරයි
ONLINE පනත ඉවතට
සිරි දළදා වන්දනාව අද ඇරඹෙයි
වියට්නාමයේ ශ්‍රමණවේශධාරීන් පිරිසක් ලංකාවේ පාද චාරිකාවක... මහානායක හිමියන් බෞද්ධ කොමසාරිස්ට ලියයි
’’ඡන්ද නීති කඩන කතා එපා’’ මැකෝගෙන් ජනපති ලේකම්ට ලිපියක්
‘අවමාන තර්ජනය නවත්වනු’ - චීනය ඇමරිකාවට තදින් පවසයි