ගාසා, යුගෝස්ලාවියාව, ඇෆ්ගනිස්තානය ආදී රටවල දිග හැරෙමින් පවතින මානුෂීය අර්බුදය සම්බන්ධයෙන් නිහඬව සිටින බටහිර බලවේග  මානව හිමිකම් සම්බන්ධයෙන් ශ්‍රී ලංකාවට එල්ල කරන පීඩනය පිළිබඳව ශ්‍රී ලංකාවේ රුසියානු තානාපති කාර්යාලය සිය කනස්සල්ල පළ කරයි.

නිවේදනයක් නිකුත් කරමින් ශ්‍රී ලංකාවේ රුසියානු තානපති කාර්යාලය මෙලෙස පවසා තිබේ.

එහිදී ශ්‍රී ලංකාවේ රුසියානු තානාපති කාර්යාලය වැඩිදුරටත් පවසා සිටින්නේ ශ්‍රී ලංකාවේ මානව හිමිකම් තත්ත්වය සම්බන්ධයෙන් ශ්‍රී ලංකාවට එල්ල කරන බාහිර බලපෑම් ඉහළ ගොස් ඇති බවයි.

“බොහෝ බටහිර දේශපාලන චරිත, රාජ්‍ය තාන්ත්‍රිකයන් සහ විදේශීය අර්ධ මානව හිමිකම් සංවිධාන ඔවුන්ගේ විවේචනාත්මක ප්‍රකාශ ඉදිරිපත් කිරීම් සහ  බහුල ලෙස ඔවුන්ගේ නිරීක්ෂණයන් ඉදිරිපත් කර ඇත." යනුවෙන් පවසන එම නිවේදනය මගින්,

"ඉහත සඳහන් කළ පුද්ගලයින් සහ ආයතන දෙබිඩි පිළිවෙත් අනුගමනය කිරීම පිළිබඳව  ප්‍රසිද්ධියක් උසුලනු ලබන නමුදු, රුසියානු සමූහාණ්ඩුවේ නිල නියෝජිතයා ලෙස ශ්‍රී ලංකාවේ රුසියානු තානාපති කාර්යාලය  එම "යුක්තියේ තානාපතිවරුන්" ගැටළු දකින ආකාරය සම්බධයෙන් නැවත වරක් තම විමතිය පල කිරීමට මෙම අවස්ථාව යොදා ගනිමු." යනුවෙන් සිය නිවේදනය මගින් තානපති කාර්යාලය පවසා සිටියි. එම නිවේදනය මගින් " බෝල්ටික් රටවල රුසියානු භාෂාව කතා කරන සුළු ජාතීන් පීඩාවට පත් වීම සම්බන්ධයෙන් සොයා බැලීමට ඔවුන්ට බාධා කරන සාධකය කුමක්ද?" යනුවෙන් දැඩි ලෙස ප්‍රශ්න නගයි.

"මෙම ප්‍රශ්නවලට පිළිතුරු අර්ධ වශයෙන් අප දන්නා නමුත් මහජනයා අනිවාර්යයෙන්ම එම ප්‍රශ්න ශබ්ද නඟා ඇසීමට කටයුතු කළ යුතුයි." තානාපති කාර්යාලය සිය නිවේදනය මගින් අවධාරණය කරයි.

නිවේදනය පහළින්...