වික්‍රමසිංහ පාලනයේ "පරගැති සැලැස්මට" එරෙහිව "සටන් වැදීම" සඳහාත් ඊට අවශ්‍ය කරන "පුළුල්තම සමගිය නිර්මාණය කිරීම" සඳහාත් එක් වෙමු! - විමල් වීරවංශ
ජානිපෙ නායක, පාර්ලිමේන්තු මන්ත්‍රී විමල් වීරවංශ මහතා විසින් නිකුත් කළ කම්කරු දින පණිවිඩයෙන් පවසන්නේ වික්‍රමසිංහ පාලනය අද මේ රට රැගෙන යමින් සිටින්නේ මේ ආර්ථික අර්බුදයෙන් මුදවා ගැනීමේ දිසාවට නොව, නැවතත් කිසි දිනක ගොඩඒමට නොහැකි ඉරණමක් කරා බව ය.
පාලකයන් සහ වත්මන් මහබැංකු අධිපතිවරයා ඇතුළු ආර්ථික බලධාරීන් අද මේ ආර්ථික අර්බුදය යොදාගනිමින්, හිතාමතාම ශ්‍රී ලංකාවට වැළඳී තිබූ "ආර්ථික සෙම්ප්‍රතිශ්‍යාව", "ආර්ථික නියුමෝනියාවක්" බවට තීව්‍ර කොට ඇති බවත්, එසේම ශ්‍රී ලංකාව ජාත්‍යන්තර මූල්‍ය අරමුදලේ "දඬුඅඬුවට" සිරකර ඇති බවත් ඒ මහතා පවසයි.
විමල් වීරවංශ මහතා නිකුත් කළ කම්කරු දින පණිවිඩය පහළින්...
පැය අටක වැඩ මුරයක් ඉල්ලා සටන් වැද එම සටනේදී දිවි දුන් කම්කරු විරුවන් එම සටන ඇරඹි දිනය 1886 මැයි පළමුවැනිදාය. 1890 සිට ජාත්‍යන්තර කම්කරු ව්‍යාපාරය එම විරුවන් වාර්ෂිකව සැමරීමට තීරණය කළ අතර ඒ අනුව අදට යෙදී ඇත්තේ 134 වැනි ජාත්‍යන්තර කම්කරු දිනයයි.
මෙවර ජාත්‍යන්තර කම්කරු දිනය උදාවන්නේ ලොව යුදමය වාතාවරණය උග්‍ර වී ඇති මොහොතකය. එක් පසකින් ගාසා තීරය සහ පෙරදිග මුල් කොටගත් දරුණු මානුෂීය ඛේදවාචකයක් නිර්මාණය වී ඇති අතර අනෙක් පසින් ඇමෙරිකා එක්සත් ජනපදය සහ යුරෝපා බලවතුන් යුක්‍රේනය පෙරට දමා රුසියාව සමඟ යුද වැදී සිටිති. ඒ අනුව පෙනී යන්නේ ලෝක පරිමාණව ගත් කල අන් කවරදාටත් වඩා වැඩ කරන ජනතාව සහ සමස්ත මානව සංහතිය අභියෝග කන්දක් පාමුල සිටින බවය. එසේ වුවත් සමස්ත මානව සංහතියට සුබවාදී, ජයග්‍රාහී අනාගතයක පෙරමග ලකුණු දැකගත හැකිය; එනම් ඇමරිකා එක්සත් ජනපද අධිරාජ්‍යවාදයේ ඒකධ්‍රැවීය බලයට අභියෝග කරන බලයක් ලොව තුළ ගොඩනැඟෙමින් පැවතීමය. ගොඩනැඟෙන බලය විසින් වඩා වාසිදායක වාතාවරණයක් වැඩ කරන ජනතාව ප්‍රමුඛ ප්‍රගතිශීලී මානව සංහතියට උදාකර දෙන බව අපගේ විශ්වාසයයි.
එසේම අප රටක් ලෙස මෙවර ජාත්‍යන්තර කම්කරු දිනය උදාවන විට සිටින්නේ ලබාගත් ණය පවා ගෙවාගත නොහැකි ඉතා අවාසනාවන්ත ඉරණමකට ගොදුරුවය. මේ ආර්ථික අර්බුදයට මුල් වූ හේතුවලට පිළියම් යොදමින් රටක් ලෙස පෙරට යාමක් අද සිදුවන්නේද? විදේශ විනිමය හිඟයකට මුහුණ දී සිටින අප අද යමින් සිටින්නේ විදේශ විනිමය වැඩි වැඩියෙන් උපයන මාවතක ද? විදේශ විනිමය අඩුවෙන් වියදම් කරන මාවතක ද? වෙළඳ පරතරය දවසින් දවස අඩු කරගන්නා මාවතක ද? යන සියල්ල දෙස බැලුවද පිළිතුර වන්නේ 'නැත' යන්නය. එපමණක් නොව වික්‍රමසිංහ පාලනය අද මේ රට රැගෙන යමින් සිටින්නේ මේ ආර්ථික අර්බුදයෙන් මුදවා ගැනීමේ දිසාවට නොව, නැවතත් කිසි දිනක ගොඩඒමට නොහැකි ඉරණමක් කරා බව ද ඉතා පැහැදිලිය.
මෙම පාලකයන් සහ වත්මන් මහබැංකු අධිපතිවරයා ඇතුළු ආර්ථික බලධාරීන් අද මේ ආර්ථික අර්බුදය යොදාගනිමින්, හිතාමතාම ශ්‍රී ලංකාවට වැළඳී තිබූ "ආර්ථික සෙම්ප්‍රතිශ්‍යාව", "ආර්ථික නියුමෝනියාවක්" බවට තීව්‍ර කොට තිබේ. එසේ කොට ශ්‍රී ලංකාව ජාත්‍යන්තර මූල්‍ය අරමුදලේ "දඬුඅඬුවට" සිරකර තිබේ. දැන් අපට කටයුතු කිරීමට සිදුව ඇත්තේ ජාත්‍යන්තර මූල්‍ය අරමුදලේ "දඬුඅඬුවට" සිරව ඔවුන් පවසන පරිදි පමණි.
ජාත්‍යන්තර මූල්‍ය අරමුදල නිර්දේශ කළ පරිදි අලුතෙන් 18%ක වැට් බද්ද පනවනු ලැබුවේ දේශීය නිෂ්පාදන පද්ධතිය අඩාල වන පරිදිය. "ආර්ථික නියුමෝනියාව" වැළඳී සිටින රෝගියා මෙසේ තව තවත් ඔත්පල කොට මේ හදන්නේ ශ්‍රී ලංකා රාජ්‍යය වසර දහස් ගණනක් තිස්සේ රැකගත් ස්වෛරීත්වය අහිමි කරවන්නටය; අපගේ වෘත්තීය සමිති නායකයන් ඇතුළු වැඩ කරන ජනතාව දිනාගත් අයිතීන් පොඩිපට්ටම් කිරීමටය. 70 දශකයේ දී සමගි පෙරමුණු රජය මෙරට බලශක්ති ස්වෛරීත්වයට අදාළව ගනු ලැබූ තීරණ, දේශීය නිෂ්පාදන පද්ධතිය බලගැන්වීමට ගනු ලැබූ තීරණ සියල්ල අංශක 180කින් ආපසු හරවන ගමනක් වත්මන් පාලකයෝ අද යමින් සිටිති.
එළැඹෙන ජනාධිපතිවරණයේ දී මෙරට ජනතාව, ජයග්‍රහණය කරවන්නේ කවුරුන්දැයි තීරණය කරනු ඇත. එහෙත් ඊට පෙර මේ රටේ බලශක්ති සුරක්ෂිතතාව අහිමි කර, වැඩ කරන ජනතාවගේ අයිතීන් පොඩිපට්ටම් කර, ශ්‍රී ලංකා රාජ්‍යය කියා එකක් නැත්තටම නැති කරනවා නම් කවුරුන් ජනාධිපතිවරණයෙන් ජයග්‍රහණය කළත් ලැබෙනු ඇත්තේ "අලියා ගිලපු දිවුලක්" වැනි රාජ්‍යයක් මිස අන් යමක් නොවේ. මුලින්ම අපි "අලියාට" මේ "දිවුල" ගිලින්නට නොදී සිටිය යුතුය. එසේ නොමැතිව "අලියා" "දිවුල" ගිල්ලාට පසුව ඒ "මදය රහිත දිවුල" රැගෙන "මමයි ජනාධිපති" යැයි කිව හැක්කේ කොතරම් නරුම දේශපාලන තක්කඩියෙකුට ද?
"ජනාධිපති සිහින" දකිනවා විනා කවර විරුද්ධ පක්ෂ වේදිකාවකවත් මේ වික්‍රමසිංහ පාලනයේ පරගැති සැලැස්මට අභියෝග කරන්නේ නැත; ඊට එරෙහිව සිහින් කෙඳිරියක්වත් නඟන්නේ නැත. අද අප මේ පරගැති සැලැස්ම පිළිබඳව දිගින්දිගටම ජනතාව දැනුම්වත් කරමින්, ඊට එරෙහිව ජනතාව පෙළගස්වමින් සිටින එකම දේශපාලන වේදිකාව බවට පත්ව තිබේ. ඒ බව ද සිහිපත් කරමින්, මෙවර ජාත්‍යන්තර කම්කරු දිනයේ දී වික්‍රමසිංහ පාලනයේ පරගැති සැලැස්මට එරෙහිව සටන් වැදීම සඳහාත් ඊට අවශ්‍ය කරන පුළුල්තම සමගිය නිර්මාණය කිරීම සඳහාත් මෙරට වැඩ කරන ජනතාවට මෙන්ම ජාතිකවාදී, ප්‍රගතිශීලී දේශමාමක සියලු බලවේගවලට ඇරයුම් කර සිටින්නෙමු.
විමල් වීරවංශ (පා.ම.)
නායක,
ජාතික නිදහස් පෙරමුණ
සම්බන්ධිත පුවත් | Related News
ප්‍රධාන පුවත්
රුසියානු හමුදාවට අවශ්‍ය උපකරණ විකිණීම හේතුවෙන් එක්සත් ජනපදය ඉන්දියානු සමාගම්වලට සම්බාධක පනවයි
මැදපෙරදිග සාමය ඇතිකිරීම වෙනුවෙන් රුසියාවේ මැදිහත් වීම ඊශ්‍රායලයට අවශ්‍යයි!- ඊශ්‍රායල ජන මාධ්‍ය පවසයි.
මැදපෙරදිග සාමය ඇතිකිරීම වෙනුවෙන් රුසියාවේ මැදිහත් වීම ඊශ්‍රායලයට අවශ්‍යයි ඊශ්‍රායල ජන මාධ්‍ය පවසයි.
තුන්වැනි සමාලෝචනයට අයි.එම්.එෆ්. පිරිසක් ළඟදීම ශ්‍රී ලංකාවට
සුමන්තිරන්ට විදේශ ඇමැතිකම දී ඉලංකෙයි තමිල් අරසු කච්චි පක්ෂයේ රට බෙදන කොන්දේසිවලට ආණ්ඩුව එකඟ වෙලා - ගම්මන්පිලගෙන් ආණ්ඩුවට ප්‍රබල චෝදනාවක් (වීඩියෝ)
සහල් ඒකාධිකාරයක් පවත්වාගෙන යන්නේ මේ රටේ මහා පරිමාණ මොල්හිමියො පස් දෙනෙක්... ගොවියා සූරා කාලා, පාරිභෝගිකයා විනාශ කරලා, ආණ්ඩු මට්ටු කරන ඔවුන්ගේ සෙල්ලමට තිත තියන්න ඕනේ - අනුරාධ තෙන්නකෝන්
ආණ්ඩුව එක්ක එකට වැඩකරන්න සුමන්තිරන්ලා සූදානමින්
දශක ගණනාවකට පසු ස්පාඤ්ඤයේ දරුණුතම ගංවතුරෙන් දුසිම් ගනනක් මිය යයි (වීඩියෝ)
ශ්‍රී ලංකාවේ සංවර්ධන අවශ්‍යතා පිළිබඳ සම්පූර්ණ ඇගයීමක් කිරීමට චීනය කටයුතු කරනවා - ශ්‍රී ලංකාවේ චීන තානාපති
බොරු කියපු නිසා හරිනි අග්‍රාමාත්‍ය ධුරයෙන් ඉල්ලා අස්විය යුතුයි - හිටපු ජනපති රනිල් කියයි
"The Island" පුවත් පතේ ලින් ඔකර්ස් දෙබිඩි පිළිවෙතක් අනුගමනය කරන්නන් විසින් මෙහෙයවනු ලබන්නෙක්දැයි සැකයි - ශ්‍රී ලංකාවේ රුසියානු තානාපති කාර්යාලය
කියුබාවට අත නොතබනු!එක්සත් ජාතීන්ගේ සංවිධානයේදී ලෝක ජනයා ඇමරිකාවට තදින් කියයි
පාස්කු ප්‍රහාර විමර්ශන කමිටු වාර්තාවලින් චෝදනා ලැබූ රවි, ශානි රජයේ ඉහළ තනතුරුවල රඳවා ගැනීම සදාචාරාත්මක ද? - ගෝලීය ශ්‍රී ලාංකික සංසදය ජනපති අනුරගෙන් අසයි
මග පෙන්වන විපක්ෂයක භූමිකාව ඉෂ්ඨ කිරීම වෙනුවෙන් මැතිවරණයට ඉදිරිපත් වෙනවා... තරුණ්‍යයේ හීන මියගිය බිමක එම හීන යථාර්ථයක් කිරීම වෙනුවෙන් කැප වෙනවා - උවිඳු මහනුවරදී කියයි
රන්ජන්ගේ පක්ෂය පුපුරයි! ඇතුළේ ගේම් රැසක් හෙළිවෙයි (වීඩියෝ)
රවි සහ ශානි පාස්කු ප්‍රහාරයේ විමර්ශන සිදු කළ යුතුම යැයි ආණ්ඩුව කියන්නේ ඊබ්‍රහීම්ව බේරගන්න... තමන්ගේ සගයන් බේරාගන්න ආණ්ඩුව රටේ නීතියේ ආධිපත්‍ය කුඩුපට්ටම් කරන්න සැරසෙනවා - ගම්මන්පිලගෙන් ආණ්ඩුවට දැඩි ප්‍රහාරයක් (වීඩියෝ)