මාලිමාවට ඡන්දය දිය යුත්තේ ඇයිදැයි හදිසියේ එළියට පැමිණ දයාන් ජයතිලක කරුණු 10ක් මතුකරයි (වීඩියෝ)

Apr 16, 2024 at 10:42 AM

|

Lanka Leader

‍මාලිමාවට ඡන්දය දිය යුත්තේ ඇයි දැයි දේශපාලන විචාරක ආචාර්ය දයාන් ජයතිලක මහතා කරුණු 10ක් සඳහන් කරමින් වෙබ් අඩවියකට එක්තරා විග්‍රයක් කර තිබේ.

ඉන් පළමු කාරණය ලෙස 2019 -2020 කාලයේ 3% පමණ ඡන්ද පදනමක් තිබූ මාලිමාව එම ඡන්ද පදනම මේ වන විට වැඩිකරගෙන ඇති බව දයාන් ජයතිලක පවසයි.

දෙවන කාරණය ලෙස ඔහු දක්වා ඇත්තේ අනෙකුත් දේශපාලන පක්ෂවලට වඩා ධනාත්මක පරිවර්තනයකට මාලිමාව පත්වී තිබීමය.

තෙවැනි කාරණය ලෙස ඔවුන් ප්‍රබෝධමත් සමූහීක මනොභාවයකින් මනෝවිද්‍යාත්මක ශක්තියක් සම්පාදනය කරගෙන තීබීම ලෙස දයාන් ජයතිලක සඳහන් කර තිබේ.

සිව් වන කාරණය ලෙස ඔහු දක්වා ඇත්තේ වෙනත් කිසිඳු පක්ෂයක් හෝ ව්‍යාපාරයක් පිළිගැනීමට ලක් නොකළ ලෙසින් ජාත්‍යන්තරයෙන් ඔවුන්ව පිළිගැනීමට ලක් කිරීමය.

පන්තිමය කුලවාදී හා ආගමික  අගතීන්ගෙන මිදුනු දේශපාලන ව්‍යාපාරයක් ලෙද මාලිමාව ගොඩනැගීම යන කාරණය ද ඔහු මෙහිදී මතුකොට තිබේ.

ඔවුන්ගේ ප්‍රසිද්ධ ප්‍රකාශයන් සහ භාවිතයන් ප්‍රකට කරන්නේ සාම්ප්‍රදායික නොවන, ආගම දේශපාලනයෙන් සහ රාජ්‍ය ප්‍රතිපත්තිවලින් වෙන් කරන නවීකාරක ප්‍රතිපත්තියක් බවද ඔහු දක්වා තිබේ.

එමෙන්ම ඔවුන්ගේ ප්‍රධාන ප්‍රතිවාදියා වන සජබයට ධනවතුන්ට උචිත, ජනප්‍රියවාදී පෙනුමක් ඇති ප්‍රේමදාස සංවර්ධන මොඩලයේ සුවිශේෂී හිමිකාරිත්වයක් ඇති නමුත් එය ලාභදායී ගනුදෙනුවක් වෙනුවෙන් රිෂි සුනක්ගේ එක්සත් රාජධානියේ කොන්සර්වේටිව්වරුන්ගේ අනුවාදයක් බවට පත් කොට ඇති බවත්, අනුරට බිම් මට්ටමේ චලනයන් හඳුනා ගත හැකි මතවාදයක් ඇති නමුත් සජිත්ට එවැන්නක් නොමැති බවත් ඔහු දක්වා තිබේ.

මෙවැනි කාරණා 10ක් දයාන් ජයතිලක දක්වා ඇති අතර, කෙසේ වෙතත් මහ මැතිවරණයක්, ජනාධිපතිවරණයක් ආසන්නයේ එළියට පැමිණ නොයෙක් විචාරයන් විග්‍රහයන් සිදුකරන පුද්ගලයකු ලෙස හා පත්වන ආණ්ඩුවලින් සහ නායකයන්ගෙන් යම් යම් ප්‍රතිලාභ ලබාගත් පුද්ගලයකු ලෙසද දයාන් ජයතිලකව බොහෝ පාර්ශ්වයන් විසින් හඳුන්වා තිබීම ද විශේෂත්වයකි.

වීඩියෝව නරඹන්න...