ශ්රී ලංකා රාජ්ය මෙතෙක් බිඳ වැට්ටවීමට නොහැකි වූයේ මහා සංඝරත්නයේ ඓතිහාසික භූමිකාව නිසයි.... සංඝ සමාජය බිඳදමා රට අත්පත්කර ගැනීමේ සූක්ෂම මෙහෙයුම වෛද්ය වසන්ත බණ්ඩාර හෙලිකරයි
2005 දී නෝර්වේ රාජ්යයේ මැදිහත්වීම හරහා ක්රියාත්මක කිරීමට උත්සාහ දැරූ ඊනියා සාම ක්රියාවලිය මගින් බෙදුම්වාදීන්ට තාවකාලික ආණ්ඩුවක් ලබා දී පසුව වෙනම රාජ්යයක් ලබාදීමේ ක්රියාවලිය අසාර්ථක වීමට ප්රධානතම හේතුවක් වූයේ පූජ්ය කොටපොල අමරකීර්ති නායක හිමි වැනි නායක හිමිවරුන්ගේ භූමිකාව නිසා බව මෙම ක්රියාවලිය මෙහෙයවූ පුද්ගලයන් පවසා ඇති බව දේශහිතෛෂී ජාතික ව්යාපාරයේ මහ ලේකම් වෛද්ය වසන්ත බණ්ඩාර මහතා පවසයි.
ඒ මහතා මේ බව ප්රකාශ කළේ ශාන්ති පදනම මගින් පැවැත් වූ 45 වන වාර්ෂික මහා සභා රැස්වීමට එක් වෙමිනි.
නැගෙනහිර තමන්කඩුව දෙපලාතේ ප්රධාන සංඝනායක ශ්රි කළ්යානිවංශ පාර්ශවයේ අනුනායක කොළඹ සේරුවිල බෞද්ධ මධ්යස්ථානාධිපති පිච්ච මල් පූජාවේ නිර්මාතෘ පූජ්ය කොටපොල අමරකිත්ති හිමිපානන් ඇතුළු ස්වාමීන් වහන්සේලා පිරිසක් ද මෙම අවස්ථාවට එක්ව සිටියහ.
ඉන්දියාව ඇතුළු විවිධ ආක්රමණිකයන් 17 වතාවක් මේ රට ආක්රමණය කළ ද මේ පුංචි රට ඔවුන්ට යටත්කර තබාගත නොහැකි වූ රහස වන්නේ මෙරට මහා සංඝරත්නයේ ඓතිහාසික භූමිකාව බවත්, ඔවුන් ඒ පිළිබඳව එදා සිට අද දක්වාම වටහාගෙන සිටින බවත් වසන්ත බණ්ඩාර මහතා මෙහිදී පැවසීය.
මෙරට සුවිශේෂී ඓතිහාසික ග්රන්ථයක් වන මහා වංශය ලිවීම මහානාම හිමියන් විසින් ආරම්භ කරන්නේ දේශයේ ජනයා අවධිකරලීම සඳහා දුටුගැමුණු රජුගේ කතාව ලිවීමෙන් බවත්, මහා වංශය ලියැවෙන්නේ හුදු ඉතිහාස කතාවක් ලිවීම සඳහා නොවන බවත් ඒ මහතා පවසයි.
මෙසේ ඓතිහාසික භූමිකාවක් නොතිබූ සුඩානයට සහ එසේ ඓතිහාසික භූමිකාවක් තිබූ ලංකාවට අධිරාජ්යවාදීන් විසින් ලබාදුන් සැලසුම එකක් බවද, සටන් විරාම ගිවිසුමක් අත්සන් කිරීම, ජාත්යන්තර මැදිහත් වීමෙන් තාවකාලික ආණ්ඩුවක් බෙදුම්වාදීන්ට ලබාදීම හා පසුව තාවකාලික ආණ්ඩුව වෙනම රාජ්යයක් බවට පත්කිරීමේ ක්රියාවලිය යන මෙම සැලසුම ලංකාවේ ක්රියාත්මක කරගැනීමට නොහැකි වුවද සුඩානයේ අද එය ක්රියාත්මක කර වෙනම රාජ්යයක් ලබාදී යුදගැටුම් හේතුවෙන් ජනතාව දැඩි අසරණ තැනකට තල්ලුකර ඇති බවද ඒ මහතා මෙහිදී පෙන්වා දෙන ලදී.
රනිල් වික්රමසිංහ මහතා හරහා අපේ රටේ නලලේ ද කොටු තිබූ ඉරණම එය වූවද, එදා මෙරට නායක ස්වාමීන්වහන්සේලාගේ භූමිකාව විසින් එම ඉරණම වෙනස් කළ බවද පවසන වසන්ත බණ්ඩාර මහතා, කෙසේ වෙතත් රට තුළ අද නිර්මාණය කර තිබෙන ආර්ථික අර්බුදය මැද දේශපාලන අර්බුදයක් ද පැහැදිලිව දැකගත හැකි බවත්, මහජනයා මානසිකව වැටී ඇති මෙම පසුබිම තුළ වසර 2500ක් තුළ මේ රටේ කරගැනීමට බැරිවූ දේ කරගැනීමට ජාත්යන්තර බලවේගවලට මනරම් අවස්ථාවක් නිර්මාණය වී ඇති බවත් සඳහන් කරයි.
ඉන්දියාව ඇතුළු ලෝකයේ අධිරාජ්යවාදී බලවතුන් මේ රට තමන්ගේ වහල් භූමියක් බවට පත්කර ගැනීමට උත්සාහ දරන්නේ කාරණා 2ක් නිසා බව වෛද්ය වස්නත බණ්ඩාර මහතා පවසයි.
ඉන් එකක් අධිරාජ්යවාදීන්ගේ මජර අධිපරිභෝජනවාදී ආර්ථික පිළිවෙතට එරෙහිව ඇති ප්රබලම තර්ජනය ථෙරවාද බුදුදහම බව පවසන ඒ මහතා, මාක්ස්වාදයට හා සමාජවාදයට වඩා ථෙරවාද බුදුදහම ඔවුන්ට දැඩි ප්රශ්නයක් බවද, එය අවසන් කිරීමට ඔවුන් සෑම උත්සාහයක්ම දරන බවද පෙන්වා දෙයි.
අනෙක් කාරණය වන්නේ ඔවුන්ගේ යුධමය සිතියමේ ශ්රී ලංකාව විශාල වැදගත් කමක් සහිතව සටහන් කර තිබීම නිසා බව වෛද්ය වසන්ත බණ්ඩාර මහතා පවසයි.
ශ්රී ලංකාව පිහිටා ඇත්තේ ලෝකයේ ප්රධාන නාවික ගමන් මාර්ගයේ බවත්, ලෝකයේ තෙල් සහ භාණ්ඩ 80%ක් ප්රවාහනය කිරීම සිදුවන්නේ මෙම පුංචි දිවයින වටා ගොස් බව ද ඒ මහතා පෙන්වා දෙයි. ඉන්දියාවේ විදේශ වෙළඳාමෙන් 40%ක් යැපෙන්නේ ද මෙම නාවික ගමන් මාර්ගය මත බවද, ඔවුන්ට විශාල භූමියක් හිමි වී තිබුනද ජාත්යන්තර නාවික මාර්ගයට කිට්ටුවිය නොහැකි නිසා ලංකාවේ කොළඹ වරාය හරහා 75%ක් පමණ භාණ්ඩ ඉන්දියාවට යැවීම සිදුවන බවද වසන්ත බණ්ඩාර මහතා පවසයි.
අපේ රටට ගොඩබිමේ භූමි ප්රමාණය මෙන් 8 ගුණයක සාගරයක් අයිතිවී ඇති බවත් පවසන වසන්ත බණ්ඩාර මහතා, වර්ග කිලෝමීටර් ලක්ෂ 20ක අහසක් හා විශාල මත්ස්ය සම්පතක් ද අයත් වුවද ඉන්දියාවට ඊට අඩු ප්රමාණයක් අයත් වූවද ඔවුන් එයින් උපරිම ඵලය ලබාගැනීමට උත්සාහ දරන බවද සඳහන් කරයි.
තවත් වසර කිහිපයකට පසු තායිලන්තයේ 'ක්රා' නමින් විශාල ඇල මාර්ගයක් කැපෙන බවත්, ඉන්පසු මෙම මුහුදු මාර්ගය නාවික සැතපුම් 1800කින් අඩුවන බවත් ඒ මහතා පවසන අතර, තමන්ගේ වරාය නිසා ගොඩගිය සංගප්පූරුවේ වරායට ඉන්පසු සියලු වටිනාකම් අහිමිවී ලෝකයේ ඇති බලවත්ම වරාය බවට හම්බන්තොට වරාය පත්වන බවද පෙන්වා දෙයි.
මෙම තත්ත්වය මත අමෙරිකාව ප්රමුඛ ලෝක බලවතුන්ට අද අවශ්යව ඇත්තේ ලංකාවට පය තබාගැනීමට බව හෙළිකරන ඒ මහතා, සෘජු ආක්රමණවලින් එය කළ නොහැකි බව දන්නා ඔවුන් ඒ සඳහා ශ්රී ලංකා රාජ්ය දුර්වල කර එය බිඳ වට්ටවා, සමාජය බිඳ වැට්ටවීමේ න්යාය මේ සඳහා උපයෝගී කරගන්නා බව පෙන්වා දෙයි.
විවිධ අන්තවාදී ආගමික සංවිධානවල පුද්ගලයන් ආණ්ඩුවේ විවිධ තැන්වලට ලේකම්වරුන් ලෙසින් පත්කරන්නේ ද මේ නිසා බවත්, මෙරට පෞද්ගලික ප්රධාන සමාගම් 250ක එලෙස ආගමික සංවිධානවලට අයත් නිලධාරීන් කටයුතු කරන බවත් වසන්ත බණ්ඩාර මහතා හෙලිකරයි.
USAID නමැති අමෙරිකානු සංවිධානය අද මෙරට නීතිඥ සංගමය තුළටද රිංගා ඇති බව හෙළිකරන ඒ මහතා, නීතිපති දෙපාර්තමේන්තුවේ සුළු අපදාවන්ට පවා එම සංවිධානයෙන් මුදල් ලබා දෙන බවද හෙලිකරයි.
එනිසාම ඔවුන්ට අවශ්ය නඩු දැමීම මෙන්ම, ඔවුන්ට අවශ්ය පුද්ගලයන්ට නීතිය ක්රියාත්මක කිරීමට ද එම සංවිධානය දැඩි බලපෑමක් එල්ලකරමින් සිටින බවද ඒ මහතා පවසයි.
ශ්රී ලංකා රාජ්යය බිඳ වැට්ටවීම සඳහා ලෝක බලවතුන් විසින් න්යායවල් 3ක් භාවිතා කරන බව හෙළිකරන වසන්ත බණ්ඩාර මහතා, ඉන් එකක් වන්නේ මතවාදීව බිඳ වැට්ටවීම බවත් ඒ හරහා මෙරට සම්ප්රධායන්, විශ්වාසයන් මෙන්ම දාර්ශනික පදනම ද බිඳ දැමීමට කටයුතු කරන බව සඳහන් කරයි.
උදාහරණයක් ලෙස මීවනපලානේ නමින් පෙනීසිටින සිරිසේන හපුතන්ත්රී නමැති පුද්ගලයා මෙරට ජනයා මතවාදී ලෙස බිඳවැට්ටවීම සඳහා කොන්ත්රාත්තුවක් භාරගෙන ඒ අනුව කටයුතු කරමින් සිටින බවද, කෘෂිකර්ම අමාත්යංශයේ සංඛ්යා ලේඛන නිලධාරියෙකු ලෙස කලක් රාජකාරි කළ ඔහු අමෙරිකාව විසින් මෙරටට ණයට දුන් තිරිඟු පිටි ව්යාපෘතියක කටයුතු කළ බවද, රුපියල් වලින් ගෙවන එම ණය ගිණුමකට ගොස් මෙරට රාජ්ය නොවන සංවිධානවලට සහ විද්වතුන්ගේ මොළ සේදීමේ ව්යාපෘතිවලට යොදාගන්නා ලද බවද වසන්ත බණ්ඩාර මහතා හෙලිකරයි.
සිරිසේන හපුතන්ත්රී නමැති මෙම පුද්ගලයා සංඛ්යා ලේඛන පොතක් ලියා රටේ ආහාර සුරක්ෂිතතාව බිඳවට්ටවා, කෘෂිකර්මාන්තය විනාශ කර, මෙරට ජනයා තිරිඟු පිටි ගිලදමන ජාතියක් බවට පත්කිරීමට සූක්ෂමව කටයුතු කළ බවත්, ඔහු 60 වතාවක් අමෙරිකාවට ගොස් පැමිණි බව හා පසුව විශ්රාම ගොස් මහණ වී ලංකාව බුදුන් වහන්සේ උපන් දේශය බව ප්රකාශකරමින් අනුගාමිකයන් එකතුකර අධිරාජ්යවාදීන්ගේ අලුත් කොන්ත්රාත්තුවකට අත ගැසූ බවත් ඒ මහතා හෙළිකරයි.
මහා වංශය හා ත්රිපිටකයට පහර ගසමින් ඔහු ක්රියාකරමින් සිටින බවද, අරියමග්ග නමින් හැදින්වෙන තවත් චීවරදාරියකු ද මෙබඳුම විනාශයක් සිදුකරමින් සිටින බවද වසන්ත බණ්ඩාර මහතා සඳහන් කරයි.
මෙම සභ්යත්ව රාජ්යය බිඳ වැට්ටවීම සඳහා ක්රියාත්මක වන අනෙක් න්යාය වන්නේ සමාජ සංස්ථාව බිඳවැට්ටවීමේ ක්රියාවලිය බවත් මෙම සමාජය රඳාපවතින්නේ ප්රධාන සංස්ථා 3ක් මත බවත් ඒ මහතා පවසයි.
සංඝ සමාජය, පවුල සහ පුද්ගලයා යන මෙම සංස්ථා බිඳදැමීම සදහා ඉතා සූක්ෂම ලෙස කටයුතු සිදුවෙමින් පවතින බවද, සමාජයේ ප්රචණ්ඩත්වය වැපිරවීම සඳහා පුද්ගලයන් පුහුණුකරමින් සිටින බවද වසන්ත බණ්ඩාර මහතා සදහන් කරයි.
සංඝ සමාජය බිඳ දැමීම සඳහා රට තුළින් හා අන්තර්ජාතිකව දැවැන්ත මෙහෙයුම්ක් දියත් වන බවත් හෙලිකරන ඒ මහතා, පවුල බිඳවැට්ටවීම සඳහා විවිධ අණපනත් ගෙන එමින් ආණ්ඩුවේ මැති ඇමැතිවරුන් ද ක්රියාකරමින් සිටින බවත් පෙන්වා දෙයි.
සම්බන්ධිත පුවත් | Related News
ප්රධාන පුවත්
ඉන්දු-ලංකා නිදහස් වෙළඳ ගිවිසුම තර කිරීමට එකඟවේ...
විනිසුරුවන්ගේ විශ්රාම වයස සහ ධුර කාලය වෙනස් කරන ව්යවස්ථා සංශෝධනයට ජනමත විචාරණයක් අවශ්යයි.. - ශ්රේෂ්ඨාධිකරණ තීන්දුවක් හෙළි කරයි
NLDB ගොවිපළ 32න් 26ක්ම පුද්ගලික සමාගම්වලට!.. විද්වතුන් සහ වෘත්තීය සමිති නිහඬයි..
ජාතික ජනබලවේගයට ලැබුනේ අතීත ජනතා විමුක්ති පෙරමුණට ලැබී තිබුණු වටිනාකම.. බෙදුම්වාදය පරාජය කිරීම වෙනුවෙන් එදා පෙරට ආ ජවිපෙ අද නෑ.. - වෛද්ය වසන්ත බණ්ඩාර
කන්කසන්තුරේ තිස්ස රජමහා විහාරය දෙකට කරමින් මැදින් පාරක්.. අමරපුර නිකායේ දැඩි විරෝධය..
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..
වර්තමාන අර්බුද හමුවේ නාට්යකරුවන් අපේක්ෂාභංගත්වයට පත්වෙලා.. – නාට්යවේදී අඛිල සපුමල්
ලොවටම සහන සැලසූ චීනයේ ගෝලීය සංවර්ධන මුලපිරුමට වසර 5යි: ගෝලීය දකුණේ අනාගතය වෙනුවෙන් චීනයෙන් නව පොරොන්දුවක්..
බන්ධනාගාර කොමසාරිස් තුෂාර උපුල්දෙණියව අයින් කරන්න ආණ්ඩුවට අවශ්ය වුනා.. ආණ්ඩුව දේශපාලනිකව පොලිසිය මෙහෙයවනවා ද යන්න ගැටළුවක්.. - නීතිඥ සංජීව වීරවික්රම
බෞද්ධ සභ්යත්වයට එරෙහිව දියත්වන ප්රහාර උච්ඡතම ස්ථානයකට පැමිණිලා.. ෂානක්කියන්ලා, සුමන්තිරන්ලාගෙන් බෞද්ධ උරුමය විනාශ කරන්න පුරාවිද්යා දෙපාර්තුමේන්තුවටත් බලපෑම්.. දළදා පෙරහැරේ කරඬුව වඩම්මන ඇතුන්ටත් තහංචි වැටෙන ලකුණු!
මැගසින් බන්ධනාගාරය තුළ නොසන්සුන්තාවක්..
උතුරු-නැගෙනහිර බෞද්ධ උරුමය විනාශ කිරීමට සැලසුම්සහගත ප්රහාරයක්.. පුරාවිද්යා වාර්තා වෙනස් කරන්න දෙමළ මන්ත්රීන්ගෙන් බලපෑම්.. - වෛද්ය වසන්ත බණ්ඩාරගෙන් සුවිශේෂී හෙළිදරව්වක්..