අගමැති දිනේෂ්ට, චීන ජනපති අතීතය මතක්කර දෙයි
අග්රාමාත්ය දිනේෂ් ගුණවර්ධන, සය දින නිල සංචාරයකට චීනයට ගියේ චීන ආණ්ඩුවෙන් ලැබුණ ආරාධනාවක් අනුවය. ඉරිදා(24) එහි ගිය අගමැති චීන ජනාධිපති ෂී ජින්පින්, අග්රාමාත්ය ලී චියැං සහ ජ්යෙෂ්ඨ අමාත්යවරු රැසක් හමුවූහ. එරට කතානායකවරයාද දිනේෂ්ව හමුවිය.දෙරට අතර ගිවිසුම් 9ක් අත්සන් තැබුවේද ඒ අතරතුරය.
චීන කොමියුනිස්ට් පක්ෂයේ(CPC)හි ජාතික මහජන කොංග්රසයේ සභාපති Zhao Leiji මහතාද මුණගැසී සාකච්ඡා කළ දිනේෂ්, Beijing හි Tiananmen චතුරස්රයට පැමිණ දිවිපිදූ රණවිරුවන්ට, රණවිරු ස්මාරකයේදී පුෂ්පෝපහාර දැක්විය. ඔහු පළමුවෙන් ම කළේ එරට ශ්රී ලංකා තානාපති කාර්යාලයේදී, ශ්රී ලාංකේය වෘත්තිකයන් හමුවීමය.
“වත්මන් ආර්ථික සංවර්ධන ප්රයත්නයන්ට සහභාගී වෙලා මව්බිමට සම්පතක් වෙන්න, මේ වෙලාවේ ඒක අත්යවශ්යයි” දිනේෂ් ඉල්ලා සිටියේය.
බිජිං අගනුවර සිංහ ධජ සාගරයක් සේ දක්නට ලැබුණේ චීනයේ සියලු ප්රධාන නායකයන්, ශ්රී ලංකා අග්රාමාත්ය දිනේෂ් වෙනුවෙන් හමුවීම් සංවිධාන කර තිබූ නිසාය. චීන අගමැති Li Qiang, දිනේෂ්ව මහජන චීනයට පිළිගත්තේ විශේෂ උත්සවයක් පවත්වමිනි. ඔවුන්ට දිනේෂ් සමග විශේෂ බැඳියාවක් තිබිණි.
“චීනය සහ ශ්රී ලංකාව අතර මිත්රත්වය ශක්තිමත් කිරීම සඳහා ඔබ සහ ඔබේ පවුලේ අය අඛණ්ඩව කටයුතු කළා” චීන අග්රාමාත්ය Li Qiang, කීවේ රාජ්ය තාන්ත්රික නිල සාකච්ඡා අතරතුරය.
අතිශය වැදගත් වූයේ චීන ජනාධිපති ෂී ජින්පින් සමග පැවති සාකච්ඡාවයි. ෂී ජින්පින් සහ දිනේෂ් අතර සාකච්ඡාව පැයකට අධික කාලයක් පැවැත්විණි. ඒ, බීජිං අගනුවර මහජන චීන නිල මහා ශාලාව හෙවත් Great Hall හිදී ය.
“ශතවර්ෂයකට ආසන්න කාලයක්, පිලිප් ගුණවර්ධන සහෝදරයා සහ පවුලේ උදවිය චීනයේ ඉතා සමීපතම මිතුරන් ලෙස අපි සලකනවා. ඔබේ පැමිණිම දීර්ඝකාලීන මිත්රයෙක් හමුවුණා හා සමානයි. ඒ නිසා මේ අවස්ථාවේ ශ්රී ලංකාවට විශේෂ සහයෝගයක් අපි ලබා දෙනවා” යැයි චීන ජනාධිපතිවරයා කිවේ මහත් ලෙංගතුකමකිනි. පිලිප්ගේ මුණුපුරා වන, දිනේෂ්ගේ පුත් පා.ම.යදාමිණි ගුණවර්ධනද ඒ අවස්ථාවේ එහි සිටියේය. රාජ්ය අමාත්යවරු වන ෂෙහාන් සේමසිංහ හා අශෝක ප්රියන්තද මෙම සංචාරයට අගමැති සමග එක්වූහ.
චීන ජනපති එසේ සිහිපත් කළේ, පිලිප් ගුණවර්ධනයන් සහ කුසුමා ගුණවර්ධන ගැනය. ශ්රී ලංකා චීන මිත්රත්ව සංගමයේ මුල්ම සභාපතිනිය(1950දී) වන්නේ දිනේෂ්ගේ මව,කුසුමා ගුණවර්ධනයි. 1956 පෙරළියට පෙර 1951දී පිලිප් චීනයට ගියේ, චීන විප්ලවයෙන් පසු එරටට ගිය පළමු ශ්රී ලංකේය කණ්ඩායම ලෙසය. නොබැඳි පිළිවෙතට අඩිතාලම දැමුනේ එදාය. ජාතික වීරවර පිලිප් ගුණවර්ධනයන්ගේ 52 වන ගුණානුස්මරණය යෙදී තිබුණේද මාර්තු 26 වන දාය. එදින දිනේෂ් සිටියේ චිනයේය. එමනිසා 26 වනදා ඉටු කළ යුතු ම යුතුකම දිනේෂ් කලින් ම ඉටු කළේය. ඒ, අවිස්සාවේල්ල බොරළුගොඩ පිලිප් ගුණවර්ධන සමාධියට උපහාර දැක්වීමයි.
.“ආදායම සාධාරණ ලෙස බෙදීයන දිළිඳුකමින් තොර ආසියාවක් ගොඩනැඟීමට කැපවන්න” අග්රාමාත්ය දිනේෂ් ගුණවර්ධන ආසියානු රටවලින් ඉල්ලා සිටියේ ආසියාව සඳහා වූ බොආඕ (BOAO) සංසදයේ, 2024 වාර්ෂික සම්මන්ත්රණය, චීනයේ හයිනාන් නුවර දී 2024.03.28 දින, අමතමිනි. දිනේෂ් ගුණවර්ධන මහතා, චීන බෞද්ධ සංගමයේ සභාපති, අතිපූජ්ය Yan Jue හිමියෝ, බීජිං නුවරදී හමුවී දෙරට අතර පවතින බෞද්ධ සහයෝගීතාව වැඩිදියුණු කිරීම පිළිබඳව සාකච්ඡා පැවැත්වීය.
කොළඹ සහ ෂැංහායි අතර සහෝදර නගර ගිවිසුම අත්සන් කර බොහෝ කාලයක් ගත වී තිබේ. “තම සහෝදර ප්රසන්න ගුණවර්ධන කොළඹ නගරාධිපති ධුරයේ සිටින කාලයේ අත්සන් කළ මෙම ගිවිසුම යටතේ තවදුරටත් විශාල වැඩ කොටසක් සිදු කළ හැකියි” චීනයේ ෂැංහායි නගරයේදී ෂැංහායි නගරාධිපති Gong Seng මහතා හමුවෙමින් දිනේෂ් කීය. චීනයේ විශාලතම ඉදිකිරීම් සමාගම වන චයිනා කොමියුනිකේෂන් කොන්ස්ට්රක්ෂන් සමාගම(CCCC), චයිනා හාබර් ඉංජිනියරින් සමාගම, විශාලතම තොරතුරු තාක්ෂණ සමාගම වන Huawei යන සමාගම් සමඟ බීජිං නුවරදී සාකච්ඡා පැවැත්වී ය.
චීනයේ හයිනාන් පළාතේ වෙන්චැං හි නිවර්තන විද්යා පිළිබඳ චීන ඇකඩමියේ නිරීක්ෂණ චාරිකාවකටද අගමැති දිනේෂ් 2024.04.28 දින එක් විය.
අගමැතිගේ චීන නිල සංචාරයේදී දෙපාර්ශවය, කාර්මික ආයෝජන, ප්රමිතිකරණය, ජීවනෝපාය ආධාර, කෘෂිකර්මය, මාධ්ය සහ වෙනත් ක්ෂේත්රවල සහයෝගිතා ගිවිසුම්වලට අත්සන් තැබීය.
Xinhua පුවත් සේවය වාර්තා කළේ, චීන මහජන සමුහාණ්ඩුව සහ ශ්රී ලංකා ප්රජාතන්ත්රවාදී සමාජවාදී ජනරජය 2024.03.29 දින ඒකාබද්ධ ප්රකාශයක්ද නිකුත් කළ බවයි.
– Media unit
සම්බන්ධිත පුවත් | Related News
ප්රධාන පුවත්
ඉන්දු-ලංකා නිදහස් වෙළඳ ගිවිසුම තර කිරීමට එකඟවේ...
විනිසුරුවන්ගේ විශ්රාම වයස සහ ධුර කාලය වෙනස් කරන ව්යවස්ථා සංශෝධනයට ජනමත විචාරණයක් අවශ්යයි.. - ශ්රේෂ්ඨාධිකරණ තීන්දුවක් හෙළි කරයි
NLDB ගොවිපළ 32න් 26ක්ම පුද්ගලික සමාගම්වලට!.. විද්වතුන් සහ වෘත්තීය සමිති නිහඬයි..
ජාතික ජනබලවේගයට ලැබුනේ අතීත ජනතා විමුක්ති පෙරමුණට ලැබී තිබුණු වටිනාකම.. බෙදුම්වාදය පරාජය කිරීම වෙනුවෙන් එදා පෙරට ආ ජවිපෙ අද නෑ.. - වෛද්ය වසන්ත බණ්ඩාර
කන්කසන්තුරේ තිස්ස රජමහා විහාරය දෙකට කරමින් මැදින් පාරක්.. අමරපුර නිකායේ දැඩි විරෝධය..
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..
වර්තමාන අර්බුද හමුවේ නාට්යකරුවන් අපේක්ෂාභංගත්වයට පත්වෙලා.. – නාට්යවේදී අඛිල සපුමල්
ලොවටම සහන සැලසූ චීනයේ ගෝලීය සංවර්ධන මුලපිරුමට වසර 5යි: ගෝලීය දකුණේ අනාගතය වෙනුවෙන් චීනයෙන් නව පොරොන්දුවක්..
බන්ධනාගාර කොමසාරිස් තුෂාර උපුල්දෙණියව අයින් කරන්න ආණ්ඩුවට අවශ්ය වුනා.. ආණ්ඩුව දේශපාලනිකව පොලිසිය මෙහෙයවනවා ද යන්න ගැටළුවක්.. - නීතිඥ සංජීව වීරවික්රම
බෞද්ධ සභ්යත්වයට එරෙහිව දියත්වන ප්රහාර උච්ඡතම ස්ථානයකට පැමිණිලා.. ෂානක්කියන්ලා, සුමන්තිරන්ලාගෙන් බෞද්ධ උරුමය විනාශ කරන්න පුරාවිද්යා දෙපාර්තුමේන්තුවටත් බලපෑම්.. දළදා පෙරහැරේ කරඬුව වඩම්මන ඇතුන්ටත් තහංචි වැටෙන ලකුණු!
මැගසින් බන්ධනාගාරය තුළ නොසන්සුන්තාවක්..
උතුරු-නැගෙනහිර බෞද්ධ උරුමය විනාශ කිරීමට සැලසුම්සහගත ප්රහාරයක්.. පුරාවිද්යා වාර්තා වෙනස් කරන්න දෙමළ මන්ත්රීන්ගෙන් බලපෑම්.. - වෛද්ය වසන්ත බණ්ඩාරගෙන් සුවිශේෂී හෙළිදරව්වක්..