දණ්ඩනීති සංග්රහය සංශෝධනය කිරීමට ආණ්ඩුව ගෙනෙන පනත, ආර්ථික අර්බුදයෙන් ගැලවෙන්න ලිංගික සේවා වෙළෙඳපොළක් මෙරට ප්රචලිත කිරීමේ සැලසුමේ කොටසක් - ජාතික සංවිධාන හෙළිකරයි
දණ්ඩනීති සංග්රහය සංශෝධනය කිරීම සඳහා පනතක් ගැසට් කර ඇති බවත්, එම පනත හරහා ආණ්ඩුව කිරීමට උත්සාහ දරන්නේ රටේ ස්ත්රී දූෂණ සහ ළමා අපචාර ප්රචලිත කිරීම බවත් ජාතික සංවිධාන එකමුතුව චෝදනා නගයි.
ජාතික සංවිධාන එකමුතුව විසින් අද(20) මේ පිළිබඳව පැවැත් වූ මාධ්ය සාකච්ඡාවේ දී දේශහිතෛෂී ජාතික ව්යාපාරයේ මහ ලේකම් වෛද්ය වසන්ත බණ්ඩාර මහතා අනාවරණය කළේ මෙම පනත මගින් කිරීමට උත්සාහ දරන්නේ මෙරට දරුවන් අපයෝජනයට ලක්කිරීම ප්රවර්ධනය කිරීම බවයි.
1995 වසරේ දී සිදු කළ දණ්ඩනීති සංග්රහයේ සංශෝධනයට අනුව මෙරට අවුරුදු 16 ට අඩු දැරිවියක් ස්ව කැමැත්තෙන් අපයෝජනයට ලක් වුවද එය ස්ත්රී දූෂණය යටතට වැටෙන බරපතළ වරදක් බවත්, අධිකරණ අමාත්ය විජේදාස රාජපක්ෂ මහතා එම වයස් සීමව මෙම පනත මගින් අවුරුදු 14 දක්වා අඩුකර ඇති බවත් ඒ මහතා මෙහිදී චෝදනා කළේය.
මෙහිදී වරදකරුවා බවට පත්වන පුරුෂයාගේ වයස් සීමාව අවුරුදු 18 සිට 22 දක්වා ඉහළ දමා ඇති බවද පෙන්වා දෙන ඒ මහතා, හදිසි අවශ්යතාවයක් ලෙස සලකා මෙම පනත ගෙන එන්නේ මෙය ජනතාවගේ දැවෙන ප්රශ්නයක් නිසාදැයි ප්රශ්නකර සිටියේය.
මීට පෙර යම් යම් මුස්ලිම් දේශපාලන පක්ෂවලින් මේ සඳහා ඉල්ලීමක් කර තිබූ බවත්, අලි සබ්රි මහතා 2021 දී මෙම සංශෝධනය ගෙන ඒමට කැබිනට් පත්රිකාවක් දැමූ බවත් වෛද්ය වසන්ත බණ්ඩාර මහතා මෙහිදී හෙළි කළේය.
ඉස්ලාම් අන්තවාදී බලවේගවල උවමනාවට මුස්ලිම් දේශපාලන පක්ෂ විසින් දැරිවියන්ගේ විවාහ වන වයස් සීමාව අවුරුදු 14ක් දක්වා අඩුකිරීමට එමගින් උත්සාහ දැරූ බවත් ඒ මහතා මෙහිදී පෙන්වා දෙන ලදී.
මෙය හුදෙකලාව සිදුවන සිදුවීමක් නොවන බව හා මීට පෙර මෙරට අයුර්වේද පනත සංශෝධනය කර එක් පැත්තකින් කංසා නීතිගත කිරීමට ඉඩකඩ සලස්වා අනෙක් පැත්තෙන් දැරිවියන්ට සම්බාහන ආයතනවල ආයුර්වේද වෛද්යවරයකුගේ අධීක්ෂණයකින් තොරව ශිල්පිනයක් ලෙස වැඩකිරීමට ඉඩකල සැලැස්වීම මෙන්ම ඒ සඳහා වයස්භේදයක් නොපැනවීම මෙම ලිංගික සේවා වෙළඳපොළක් මෙරට ගොඩනැගීමේ ක්රියාවලියේ එක් පියවරක් බවත් ඒ මහතා පෙන්වාදෙන ලදී.
සංචාරක කර්මාන්තය ප්රචලිත කිරීමට මෙන්ම එට්කා ගිවිසුම අත්සන් කළ පසු මෙරටට පැමිණෙන ඉන්දියානුවන්ට අවශ්ය සේවා සැපයීම සහ සෝෆා ගිවිසුම අත්සන් කළ පසු මෙරටට පැමිණෙන ඇමරිකානුවන්ට අවශ්ය විනෝදාස්වාදය සැපයීමට වැනි කරුණු සියල්ල වෙනුවෙන් යටි අරමුණක් සහිතව මෙම පනත ගෙන එන බවද වසන්ත බණ්ඩාර මහතා චෝදනා නැගීය.
මෙරට දරුවන් සිටින කිසිඳු දෙමාපියෙකුට මෙය ඉවසා සිටිය නොහැකි බව ද, ආණ්ඩුව මේ උත්සාහ දරන්නේ ආර්ථික අර්බුදයෙන් ගැලවීමට ලිංගික වෙළෙඳපොළක් මෙරට ප්රචලිත කිරීමට දැයි ඒ මහතා මෙහිදී ප්රශ්න කළේය.
මෙම මාධ්ය සාකච්ඡාවට එක් වූ ජ්යෙෂ්ඨ නීතිඥ කල්යානන්ද තිරාණගම මහතා ද අදහස් දැක්වමින් පැවසුවේ ළමා අපයෝජන ප්රවර්ධනය කිරීම සඳහා මෙම පනත ගැසට්කර ඇති බවයි.
ළමා අපයෝජනය මේ රටේ දැවැන්ත ප්රශ්නයක් බවත්, මෙරට වසරකට දහස් ගණනින් දරුවන් අපයෝජනයට ලක්වන බවත් මෙහිදී තිරාණගම මහතා හෙළිකළේය.
1995 වසරට පෙර මෙරට ළමා අපයෝජනයට දඬුවම් ලබාදෙන නීතියක් නොතිබූ බවත්, එකල සංචාරක ව්යාපාරය යටතේ පැමිණෙන විදේශිකයන් මුහුදුබඩ පළාත්වල ඇති පාසල්වල දරුවන් විශාල වශයෙන් ලිංගික අපයෝජනයට ලක්කළ බවත් ඒ මහතා අනාවරණය කළේය.
ඔවුන්ට දඬුවම් කිරීමට නීතියක් නොතිබූ පසුබිමක මෙම අපරාධය පෙන්වා දී තමන් සහ විවිධ පාර්ශ්ව දැඩි හඬක් නැගූ බවද, එහිදී සිදුකළ උද්ඝෝෂණවල ප්රතිඵලයක් ලෙස 1995 වසරේ අංක 22 දරන දණ්ඩනීති සංග්රහ සංශෝධන පනත ගෙන ආ බවද ඒ මහතා මෙහිදී පැවසීය.
දැන් එම තත්ත්වය වෙනස් කරමින් සිදුකිරීමට උත්සාහ දරන මෙම ක්රියාවලිය හරහා ළමා අපයෝජන ප්රවර්ධනය කිරීමක් සිදුවන බවද ඒ මහතා වැඩිදුරටත් සඳහන් කර සිටියේ ය.
සම්බන්ධිත පුවත් | Related News
ප්රධාන පුවත්
ඉන්දු-ලංකා නිදහස් වෙළඳ ගිවිසුම තර කිරීමට එකඟවේ...
විනිසුරුවන්ගේ විශ්රාම වයස සහ ධුර කාලය වෙනස් කරන ව්යවස්ථා සංශෝධනයට ජනමත විචාරණයක් අවශ්යයි.. - ශ්රේෂ්ඨාධිකරණ තීන්දුවක් හෙළි කරයි
NLDB ගොවිපළ 32න් 26ක්ම පුද්ගලික සමාගම්වලට!.. විද්වතුන් සහ වෘත්තීය සමිති නිහඬයි..
ජාතික ජනබලවේගයට ලැබුනේ අතීත ජනතා විමුක්ති පෙරමුණට ලැබී තිබුණු වටිනාකම.. බෙදුම්වාදය පරාජය කිරීම වෙනුවෙන් එදා පෙරට ආ ජවිපෙ අද නෑ.. - වෛද්ය වසන්ත බණ්ඩාර
කන්කසන්තුරේ තිස්ස රජමහා විහාරය දෙකට කරමින් මැදින් පාරක්.. අමරපුර නිකායේ දැඩි විරෝධය..
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..
වර්තමාන අර්බුද හමුවේ නාට්යකරුවන් අපේක්ෂාභංගත්වයට පත්වෙලා.. – නාට්යවේදී අඛිල සපුමල්
ලොවටම සහන සැලසූ චීනයේ ගෝලීය සංවර්ධන මුලපිරුමට වසර 5යි: ගෝලීය දකුණේ අනාගතය වෙනුවෙන් චීනයෙන් නව පොරොන්දුවක්..
බන්ධනාගාර කොමසාරිස් තුෂාර උපුල්දෙණියව අයින් කරන්න ආණ්ඩුවට අවශ්ය වුනා.. ආණ්ඩුව දේශපාලනිකව පොලිසිය මෙහෙයවනවා ද යන්න ගැටළුවක්.. - නීතිඥ සංජීව වීරවික්රම
බෞද්ධ සභ්යත්වයට එරෙහිව දියත්වන ප්රහාර උච්ඡතම ස්ථානයකට පැමිණිලා.. ෂානක්කියන්ලා, සුමන්තිරන්ලාගෙන් බෞද්ධ උරුමය විනාශ කරන්න පුරාවිද්යා දෙපාර්තුමේන්තුවටත් බලපෑම්.. දළදා පෙරහැරේ කරඬුව වඩම්මන ඇතුන්ටත් තහංචි වැටෙන ලකුණු!
මැගසින් බන්ධනාගාරය තුළ නොසන්සුන්තාවක්..
උතුරු-නැගෙනහිර බෞද්ධ උරුමය විනාශ කිරීමට සැලසුම්සහගත ප්රහාරයක්.. පුරාවිද්යා වාර්තා වෙනස් කරන්න දෙමළ මන්ත්රීන්ගෙන් බලපෑම්.. - වෛද්ය වසන්ත බණ්ඩාරගෙන් සුවිශේෂී හෙළිදරව්වක්..