එට්කා ගිවිසුම අත්සන් කළහොත් ශ්‍රී ලංකාවට ගැලවීමක් නැහැ- දේශ හිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර

Mar 13, 2024 at 12:12 PM

|

Lanka Leader

සමස්ත රටම ඉන්දියාවට පාවා දෙන එට්කා ගිවිසුම අත්සන් කිරීමෙන් පසුව එය ආපසු හැරවීම කිසි විටකත් කළ නොහැකි භයානක ගිවිසුමක් බව දේශ හිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි. ඊයේ (12) කොළඹ 7 නිදහස් මාවතේ පුස්තකාල හා ප්‍රලේඛන සේවා මධ්‍යස්ථානයේදී මහාචාර්ය පූජ්‍යය මැදගොඩ අභයතිස්ස හිමිගේ සහ ආචාර්ය ගුණදාස අමරසේකර මහතාගේ ප්‍රධානත්වයෙන් පැවැති " ඉන්දියානු ආක්‍රමණයේ මාර්ග සිතියම එට්කා: අවසන් සැතපුම" කෘතිය ජනගත කිරීමේ උත්සවයේදී ඒ මහතා මේ බව පැවසීය.

එහිදී වැඩිදුරටත් අදහස් දක්වමින් ඒ මහතා,

" ජනතා විමුක්ති පෙරමුණේ නිර්මාතෘ රෝහණ විජේවීර මහතා ඉතා පැහැදිළිව ඉන්දියානු ව්‍යාප්තවාදය නම් සිය විග්‍රහය තුළ පෙන්වා දුන්නා ඉන්දියාව තමාගේ 29 වන ප්‍රාන්තය බවට ශ්‍රී ලංකාව පත් කර ගැනීමට කටයුතු කරන බව. ඒ වගේම එම 29 වන ප්‍රාන්තය ආසියාවේ ඊශ්‍රායලය බවට පත් කරවන බවත් ඔහු පෙන්වා දුන්නා. ඒ වගේම ආසියාවේ නේටෝව හදන බවත් ඔහු අනාවැකි පල කළා. ඔහුගේ අනාවැකිය අද QUAD පිහිටුවීමෙන් යථාර්ථයක් බවට පත්කර අවසන් කර තිබෙනවා. 29 වන ප්‍රාන්තය ගොඩනැගීමෙන් ඉන්දියාව නවතින්නේ නැහැ. ඔවුන් 30 වන ප්‍රාන්තයත් නිර්මාණය කරනවා. 29 වන ප්‍රාන්තය දකුණු ආසියාවේ ඊශ්‍රායලය නම් 30 වන ප්‍රාන්තය ගාසා තීරය බවට පත් වෙනවා. ගාසා තීරය බවට පත් වන්නේ සිංහල බෞද්ධ ජනයා ජීවත් වන පලාත්. ඒ අනුව ඉතා පැහැදිළියි සිංහළ බෞද්ධයාගේ නලලේ කොටා තිබෙන ඉරණම. ඉන්දියාව ඉන්දු ලංකා ගිවිසුමත් සමඟ 18 වතාවක් මේ කුඩා රාජ්‍ය අත්පත් කර ගැනීමට උත්සහා කර තිබෙනවා. එහෙත් ඔවුන්ට මේ රට යටත් කර තබා ගැනීමට නොහැකි වූවා. නමුත් ඔවුන් මේ එට්කා ගිවිසුම හරහා තමන්ගේ අරමුණ ඉටු කර ගන්නවා. කුමන හෝ මිලක් ගෙවා අපි මේ එට්කා අත්සන් කිරීම නැවැත්විය යුතුයි."

https://www.youtube.com/watch?v=sZPGmhBNwS4&feature=youtu.be&themeRefresh=1