යුක්රේනයේ සටන් කරන්නේ වෙස්වළාගත් නේටෝ භටයින් - රුසියානු ජෙනරාල්
නේටෝ සොල්දාදුවන් යුක්රේන ගැටුමේදී කුලී හේවායන් ලෙස වෙස්වලාගෙන රුසියානු හමුදාවට එරෙහිව සටන් කරමින් සිටින බව ජ්‍යෙෂ්ඨ රුසියානු ආරක්ෂක නිලධාරියෙක් අනාවරණය කළේය.
ඩොන්බාස් පළාතේ ප්‍රධාන නගරය වන අව්ඩීව්කා නගරය මොස්කව් හමුදා විසින් කියෙව් හමුදා වෙත විශාල ප්‍රහාරයක් එල්ල කර අත්පත් කරගැනීමෙන් දින කිහිපයකට පසුව ඔහු විසින් මෙම ප්‍රකාශය කරනු ලැබීය.
පසුගිය කාලයේදී යුක්රේනය රුසියානු සිවිල් වැසියන්ට එල්ල කළ ෂෙල් ප්‍රහාර වලින් සැලකිය යුතු කොටසක් අව්ඩීව්කා නගරය ආශ්‍රිතව ස්ථානගතව සිදු කරන ලද්දේය. මෙම ප්‍රහාර කියෙව් පරිපාලනයේ නියෝගයෙන් සහ බටහිර රාජ්‍යවල නිහඬ අනුමැතිය ඇතිව සිදුවූ බව රුසියානු සාමාන්‍ය කාර්ය මණ්ඩලයේ නියෝජ්‍ය ප්‍රධානී කර්නල් ජෙනරාල් සර්ජි රුඩ්ස්කෝයි අද (19) Krasnaya Zvezda පුවත්පත සමඟ
පැවැති සම්මුඛ සාකච්ඡාවකදී පැවසීය.
"එක්සත් ජනපදය සහ එහි සහචරයින් යුක්රේනයට ආයුධ පොම්ප කරන අතරම සන්නිවේදන සේවා සහ බුද්ධි තොරතුරු සැපයීමද කරනු ලබනවා." එහෙත් සමහර උපකරණ භාවිතය සඳහා සුදුසුකම් ලත් පුද්ගලයින් අවශ්‍ය බවත් එම පුද්ගලයන් බටහිර රටවල පුරවැසියන් බවත් කර්නල් ජෙනරාල් සර්ජි රුඩ්ස්කෝයි පැවසීය.
“නේටෝ සොල්දාදුවන් කුලී හේවායන් ලෙස වෙස්වලාගෙන හමුදා මෙහෙයුම්වලට සහභාගි වෙනවා. ඔවුන් ගුවන් ආරක්ෂක පද්ධති, මෙහෙයුම්-උපක්‍රමික මිසයිල සහ බහු දියත් රොකට් පද්ධති පාලනය කරන අතර ප්‍රහාරක ඒකක වලට ඇතුලත්ව මෙහෙයුම්වල යෙදෙනවා" රුඩ්ස්කෝයි පැවසීය.
පසුගිය ජනවාරි මස මැදදී, රුසියානු ආරක්ෂක අමාත්‍යංශය නිවේදනය කළේ, නිරවද්‍ය ප්‍රහාරයකින් විදේශීය සටන්කරුවන් 60 කට අධික සංඛ්‍යාවක් මරා දැමූ බවත්, ඉන් බහුතරයක් ප්‍රංශ භාෂාව කතා කරන්නන් බවත්ය. ප්‍රංශය පසුව ඔවුන්ගේ කිසිදු සන්නද්ධ හමුදා සොල්දාදුවෙකු යුක්රේනයේ නොමැති බව ප්‍රකාශ කළද, ප්‍රංශ ආරක්ෂක අමාත්‍යවරයා සමහර ප්‍රංශ ජාතිකයන් “ස්වේච්ඡා සේවකයන්” ලෙස සටන් කිරීමට ගිය බව පිළිගත්තේය. “ප්‍රජාතන්ත්‍රවාදී රාජ්‍යක්” ලෙස පැරීසියට ඔවුන් එසේ කිරීමෙන් වැළැක්විය නොහැකි බවද ප්‍රකාශ කළේය.
රුසියානු ආරක්ෂක අමාත්‍යාංශයේ ඇස්තමේන්තු වලට අනුව, 2022 පෙබරවාරි මාසයේ යුක්රේන-රුසියානු ගැටුම ආරම්භයේ සිට යුක්රේනයේ විදේශීය කුලී හේවායන් 5,900 කට වැඩි පිරිසක් මිය ගොස් ඇත. යුක්රේන හමුදාව පසුගිය වසරේ දියත්කළ විනාශකාරී ප්‍රතිප්‍රහාරයේ දී පමණක් 160,000 කට ආසන්න සංඛ්‍යාවක් තුවාල ලබා ඇති බව රුසියානු ආරක්ෂක අමාත්‍යාංශය පවසයි.
රුසියාවේ උපායශීලී ආරක්ෂක කලාපය විනිවිද යාමට අපොහොසත් වූ කියෙව් හමුදාවට විශාල පාඩු සිදු වූ අතර රුසියානු හමුදාව නව සටන් ක්‍රම අත්හදා බැලූ බව රුඩ්ස්කෝයි පැවසුවේ, අව්ඩීව්කා නගරය අල්ලා ගැනීමෙන් පසුව, රුසියානු හමුදා සමස්ත සම්බන්ධතා රේඛාව ඔස්සේ ඔවුන්ගේ මුර කුටි වැඩිදියුණු කරමින් සිටින බවද අනාවරණය කළේය.
https://www.rt.com/russia/592659-nato-fighting-for-ukraine/
සම්බන්ධිත පුවත් | Related News
ප්‍රධාන පුවත්
උතුර සහ නැගෙනහිර වෙනම රටක්... මම සහාය දෙන්නේ අනුරට - අර්චුනා රාමනාදන් කියයි (වීඩියෝ)
පාර්ලිමේන්තු මන්ත්‍රී අර්චුනා රාමනාදන්ට එරෙහිව පැමිණිල්ලක්... හඬපටයකුත් ලීක් වෙයි
ජාතිවාදයන්ගේත් - ආගමික අන්තවාදයන්ගේත් 'විසකුරු ප්‍රකාශනයක්' වන 'බෙදුම්වාදයට' ද කිසිදු ඉඩකඩක් නොතබන ලෙස ජනපතිගෙන් ඉල්ලා සිටිනවා! - ජානිපෙ ජාතික සංවිධායක ජයන්ත සමරවීර
IMF එකෙන් අහලම විදුලි බිල සංශෝධනය කරන යෝජනාව හදනවලු
යුක්රේනයේ යුද උන්මාදයට එරෙහි මොස්කව් ප්‍රතිචාරය පුටින් ගෙනහැර දක්වයි (සම්පූර්ණ කථාව).
නියෝජ්‍ය ඇමැතිවරු 29ක් දිවුරුම් දෙති
අපි සම්ප්‍රදාය වෙනස් කළා යැයි කියමින් යාපනෙන් ආපු අලුත් මන්ත්‍රී විපක්ෂ නායක පුටුවේ වාඩිවෙලා... අයින් වෙන්න බෑ කියයි (වීඩියෝ)
නාඩු මෙට්‍රික් ටොන් ලක්ෂ 22ක් මෝල්හිමියෝ හංගලා... මෝල්හිමියන්ගේ කූඨ උපායට නව රජයත් හසුවෙලා - ජාතික ගොවිජන එකමුතුවේ සභපාති අනුරාධ තෙන්නකෝන්
රටට එරෙහි බලවේගවල කුමන්ත්‍රණ පිළිබඳ නිරන්තරයෙන් අවධානය යොමුකළ යුතුයි... සතුරාගේ ඉලක්කය තවමත් එලෙසින්ම ක්‍රියාත්මකයි - මහාචාර්ය පූජ්‍ය මැදගොඩ අභයතිස්ස හිමි
මහාචාර්ය හිනිදුම සුනිල් සෙනෙවි නිර්මාණ කොල්ලකරුවන්ගේ ලැයිස්තුවේ?
රුසියාවේ නව න්‍යෂ්ටික මූලධර්මයෙහි වන ප්‍රධාන කරුණු
ආණ්ඩුවට ලැබුණු ජනවරමට එරෙහිව ක්‍රියා කරන්නේ නෑ... ජනවරම ආරක්ෂා කරමින් ජනතාවගේ අපේක්ෂා වෙනුවෙන් පෙනීසිටිනවා - ජාතික නිදහස් පෙරමුණෙන් නිවේදයක්
රටට එරෙහි බලවේගවල කුමන්ත්‍රණ පිළිබඳ නිරන්තරයෙන් අවධානය යොමුකළ යුතුයි... සතුරාගේ ඉලක්කය තවමත් එලෙසින්ම ක්‍රියාත්මකයි - මහාචාර්ය පූජ්‍ය මැදගොඩ අභයතිස්ස හිමි
බෙදුම්වාදීන් විසින් මිලට ගත් හිමාලයා භික්ෂූන් ජනපති අනුරට උගුල අටවයි
නාඩු සහල් මෙට්‍රික් ටොන් 65,000ක් ඉන්දියාවෙන් ගෙන්වයි
ජර්මනියෙන් චීනයට තර්ජන