ලෙඩ්ඩුන්ට දෙන බෙහෙත් ටිකෙන් හොරා කන තක්කඩියන් එක හිරගෙයක නොවෙයි හිරගෙවල් දාහක දැම්මත් මදි! – විමල් වීරවංශ (වීඩියෝ)
අසරණ රෝගීන්ට ලබා දෙන ඖෂධවලින් ද සොරා කන පිරිස් එක සිරගෙයක පමණක් නොව සිරගෙවල් දහසක දැමුවත් ප්‍රමාණවත් නොවන බවත් දැන් වත්මන් පාලකයන් මෙවැනි “සොරකම්, වංචා, දූෂණ” පෙන්වමින් වැරදි ප්‍රතිකර්ම සඳහා ජනතාවගේ මනස සකසන බවත් ඒ අනුව “සොරකම” පෙන්වා ජනතා විරෝධයකින් තොරව රජයේ රෝහල් පෞද්ගලීකරණයට පාර කපා ගැනීමේ අවදානමක් මතුව ඇති බවත් ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා පෙන්වා දෙයි.
ඊයේ(03) සවස කඩුවෙල වැලිවිට දී පැවති “9න් පසුව : ශ්‍රී ලංකාවේ ඉරණම?” යන මැයෙන් පැවති ජන හමුවක් අමතමින් ඒ මහතා මෙසේ පෙන්වා දුන්නේය.
එහිදී වැඩිදුරටත් අදහස් දැක්වූ වීරවංශ මහතා මෙසේද සඳහන් කළේය.
දැන් මොකක්ද වෙමින් තියෙන්නේ?
“විදේශ විනිමය අර්බුදය සති දෙකකින් විසඳනවා, කියමින් ‘බොරු හීන’ මවමින් සිටි බැසිල් රාජපක්ෂලා අවසානයේ රට පතුල නොපෙනෙන අගාධයක් වෙත ගෙන ගියා. අවසානයේ ගෝඨාභය රාජපක්ෂ ජනාධිපතිවරයා පලා ගියාට පසුව දැන් මොකක්ද වෙමින් තියෙන්නේ? දැන් සාමාන්‍ය වෙලාවක පොවාගන්න බැරි ‘තිත්ත බෙහෙත් ටික’ පොවාගන්නයි හදන්නේ. බෙහෙත් කිව්වාම මතක් වුණේ හිටපු සෞඛ්‍ය ඇමතිවරයා දැන් හිරේනේ. පිළිකා රෝගීන්ට දෙන ඉන්ජෙක්ෂන් එකේ බලපුවාම වතුර තියෙන්නේ. මොනතරම් හෙන ගහන්න ඕනෙද?අණක්-ගුණක් නැතුව, ලෙඩ්ඩුන්ට දෙන බෙහෙත් ටිකෙන් හොරා කනවා කියන්නේ රටකට මොනතරම් සාපයක් ද? එවැනි තක්කඩිකමක් තවත් නැහැ. එක හිර ගෙදරක නොවෙයි හිර ගෙවල් දාහක දැම්මත් මදි.
කවර රටක වුවත් දූෂණ, ජාතික ආරක්ෂාව අනතුරේ හෙළීම් ආදිය තිබිය හැකියි. නමුත් ඒවාට දැඩි පිළියම් යෙදීම අනිවාර්යෙන් සිදු විය යුත්තක්. මේ වන විට චීනයේ පවා හිටපු විදේශ ඇමති සහ හිටපු ආරක්ෂක ඇමති යන දෙදෙනාම සිරගතවයි සිටින්නේ. එක් අයෙකුට දූෂණ චෝදනාවක්, අනෙක් කෙනාට ‘රාජ්‍ය රහස් එළියට දුන්නා’ කියන චෝදනාවයි ඇත්තේ. දැන් නඩුව අහනවා.
ආණ්ඩුවේ ඉස්පිරිතාල ටික විකුණන එකද උත්තරය?
මේ ආර්ථික අර්බුදය හමුවේ ජනතාව තුළ ඇත්තේ විෂම මනසක්. ඒ අස්සේ දැන් මේ පාලකයන් අමුතු තියරි හදනවා. එහෙම තියරිවලින් වස පොවන්න එනවා. ‘හිටපු සෞඛ්‍ය ඇමතිත් හිරේ. නිලධාරිනුත් මේකට සම්මාදම්. මුං ඔක්කොම කරන්නේ මහජන ධනය හොරා කන එක. ඉස්පිරිතාල මුන්ට හොරා කන්න මෙහෙම තියාගෙන ඉඳලා වැඩක් නැහැ. මේවා පෞද්ගලික අංශයට දීලා දාමු’ කියා ඒ තියරියෙන් ජනතාවට හිතන්න සලස්වනවා. හොරකම් කරනවා නම් ඒක නවත්වනවා මිසක් ආණ්ඩුවේ ඉස්පිරිතාල ටික පිටරැටියන්ට හරි මෙහේ ධනපතියන්ට හරි දෙන එකද උත්තරය? කොහොමද කොළඹ ජාතික රෝහල දැන් තියෙන පෞද්ගලික රෝහල් සමාගමකටම දීල දාපුවම? එතැනින් ලැබෙන බිල අසරණ රෝගීන්ට ගෙවාගන්න පුළුවන් ද? මේ කරන්නේ ‘දූෂණය, වංචාව, හොරකම’ පෙන්වලා වැරැදි ප්‍රතිකර්මයට ජනතාවගේ ඔළුව හදන එක”
මෙම ජනහමුව අමතා ජාතික නිදහස් පෙරමුණේ කඩුවෙල මහ නගර සභාවේ හිටපු මන්ත්‍රී යූ. ධනවංශ මහතා ද අදහස් දැක්වීය.
මෙම අවස්ථාවට ජාතික නිදහස් පෙරමුණේ කඩුවෙල මහ නගර සභාවේ හිටපු මන්ත්‍රී ශෂී පෙරේරා මහතා ද එක්ව සිටියේය.
(අනුරුද්ධ බණ්ඩාර රණවාරණ)
ජාතික නිදහස් පෙරමුණ,
සම්බන්ධිත පුවත් | Related News
ප්‍රධාන පුවත්
රුසියානු හමුදාවට අවශ්‍ය උපකරණ විකිණීම හේතුවෙන් එක්සත් ජනපදය ඉන්දියානු සමාගම්වලට සම්බාධක පනවයි
මැදපෙරදිග සාමය ඇතිකිරීම වෙනුවෙන් රුසියාවේ මැදිහත් වීම ඊශ්‍රායලයට අවශ්‍යයි!- ඊශ්‍රායල ජන මාධ්‍ය පවසයි.
මැදපෙරදිග සාමය ඇතිකිරීම වෙනුවෙන් රුසියාවේ මැදිහත් වීම ඊශ්‍රායලයට අවශ්‍යයි ඊශ්‍රායල ජන මාධ්‍ය පවසයි.
තුන්වැනි සමාලෝචනයට අයි.එම්.එෆ්. පිරිසක් ළඟදීම ශ්‍රී ලංකාවට
සුමන්තිරන්ට විදේශ ඇමැතිකම දී ඉලංකෙයි තමිල් අරසු කච්චි පක්ෂයේ රට බෙදන කොන්දේසිවලට ආණ්ඩුව එකඟ වෙලා - ගම්මන්පිලගෙන් ආණ්ඩුවට ප්‍රබල චෝදනාවක් (වීඩියෝ)
සහල් ඒකාධිකාරයක් පවත්වාගෙන යන්නේ මේ රටේ මහා පරිමාණ මොල්හිමියො පස් දෙනෙක්... ගොවියා සූරා කාලා, පාරිභෝගිකයා විනාශ කරලා, ආණ්ඩු මට්ටු කරන ඔවුන්ගේ සෙල්ලමට තිත තියන්න ඕනේ - අනුරාධ තෙන්නකෝන්
ආණ්ඩුව එක්ක එකට වැඩකරන්න සුමන්තිරන්ලා සූදානමින්
දශක ගණනාවකට පසු ස්පාඤ්ඤයේ දරුණුතම ගංවතුරෙන් දුසිම් ගනනක් මිය යයි (වීඩියෝ)
ශ්‍රී ලංකාවේ සංවර්ධන අවශ්‍යතා පිළිබඳ සම්පූර්ණ ඇගයීමක් කිරීමට චීනය කටයුතු කරනවා - ශ්‍රී ලංකාවේ චීන තානාපති
බොරු කියපු නිසා හරිනි අග්‍රාමාත්‍ය ධුරයෙන් ඉල්ලා අස්විය යුතුයි - හිටපු ජනපති රනිල් කියයි
"The Island" පුවත් පතේ ලින් ඔකර්ස් දෙබිඩි පිළිවෙතක් අනුගමනය කරන්නන් විසින් මෙහෙයවනු ලබන්නෙක්දැයි සැකයි - ශ්‍රී ලංකාවේ රුසියානු තානාපති කාර්යාලය
කියුබාවට අත නොතබනු!එක්සත් ජාතීන්ගේ සංවිධානයේදී ලෝක ජනයා ඇමරිකාවට තදින් කියයි
පාස්කු ප්‍රහාර විමර්ශන කමිටු වාර්තාවලින් චෝදනා ලැබූ රවි, ශානි රජයේ ඉහළ තනතුරුවල රඳවා ගැනීම සදාචාරාත්මක ද? - ගෝලීය ශ්‍රී ලාංකික සංසදය ජනපති අනුරගෙන් අසයි
මග පෙන්වන විපක්ෂයක භූමිකාව ඉෂ්ඨ කිරීම වෙනුවෙන් මැතිවරණයට ඉදිරිපත් වෙනවා... තරුණ්‍යයේ හීන මියගිය බිමක එම හීන යථාර්ථයක් කිරීම වෙනුවෙන් කැප වෙනවා - උවිඳු මහනුවරදී කියයි
රන්ජන්ගේ පක්ෂය පුපුරයි! ඇතුළේ ගේම් රැසක් හෙළිවෙයි (වීඩියෝ)
රවි සහ ශානි පාස්කු ප්‍රහාරයේ විමර්ශන සිදු කළ යුතුම යැයි ආණ්ඩුව කියන්නේ ඊබ්‍රහීම්ව බේරගන්න... තමන්ගේ සගයන් බේරාගන්න ආණ්ඩුව රටේ නීතියේ ආධිපත්‍ය කුඩුපට්ටම් කරන්න සැරසෙනවා - ගම්මන්පිලගෙන් ආණ්ඩුවට දැඩි ප්‍රහාරයක් (වීඩියෝ)