බ්‍රිතාන්‍ය ආරක්ෂක අමාත්‍ය ග්‍රාන්ට් ෂැප්ස්  වසර පහක් ඇතුළත බටහිර රටවල් රුසියාව, චීනය, ඉරානය සහ උතුරු කොරියාව අතර ගෝලීය ගැටුමක් හටගන්නා බවට අනාවැකි පළ කර තිබේ.

ඒ අනුව මෙම ඊනියා “පැවැත්මේ තර්ජනයට” ප්‍රතිචාර වශයෙන් ඔවුන්ගේ මිලිටරි වියදම් වැඩි කරන ලෙස ෂැප්ස් බ්‍රිතාන්‍යය හිතවාදීන්ගෙන් ඉල්ලා ඇති බවද වාර්තාවේ.

පසුගිය 15 වනදා ආරක්ෂක ප්‍රධානියා ලෙස කළ ඔහුගේ පළමු දේශනයේදීම, ෂැප්ස් එක්සත් රාජධානිය ප්‍රමුඛතම ගෝලීය මිලිටරි බලවතෙකු යැයි පෙන්වා දුන්නේ , බ්‍රිතාන්‍යයේ වාර්තාගත පවුම් බිලියන 50 (ඩොලර් බිලියන 63) ආරක්ෂක අයවැය, යේමනයේ හූති හමුදාවන්ට පසුගිය සතියේ එල්ල කළ ගුවන් ප්‍රහාර සහ පසුගිය සතියේ යුක්රේනය සඳහා පවුම් බිලියන 2.5 (ඩොලර් බිලියන 3.2) මිලිටරි ආධාර පැකේජයක් ලබා දෙන බවට අගමැති රිෂි සුනක් කළ නිවේදනයද උපුටා දක්වමිනි. .

 මිලිටරි වියදම් තවදුරටත් වැඩි කරන බවටත්, "බ්‍රිතාන්‍යයේ  මිත්‍ර පාක්ෂිකයින් සහ මිතුරන් දිරි ගැන්වීම වෙනුවෙන් බ්‍රිතාන්‍යයේ බලපෑම භාවිත කරන බවටත්" ෂැප්ස් සපථ කළේය.

“තවත් වසර පහකින් අපට රුසියාව, චීනය, ඉරානය සහ උතුරු කොරියාව ඇතුළු ගැටුම් ගහන සිනමා පට කිහිපයක් දෙස බලා සිටිය හැකියි,” ඔහු පැවසීය. “ලෝකය පුරා අද පවතින ගැටුම් දෙස බලන විට, එම සංඛ්‍යාව වැඩි වීමට හෝ අඩු වීමට වැඩි ඉඩක් තිබෙනවාද? මම හිතන්නේ අපි හැමෝම පිළිතුර දන්නවා. එය වර්ධනය වීමට ඉඩ තිබෙනවා. එබැවින් 2024 වර්ෂය හැරවුම් ලක්ෂ්‍යයක් සලකුණු කළ යුතුයි.".

එක්සත් රාජධානිය සිය දළ දේශීය නිෂ්පාදිතයෙන් 2%කට වඩා ආරක්‍ෂාව සඳහා වැය කරන අතර මෙම අගය 2.5% දක්වා ඉහළ නැංවීම අරමුණ බව ෂැප්ස් පවසයි. පසුගිය ගිම්හානයේදී නිකුත් කරන ලද බ්ලොක් වාර්තාවකට අනුව, නේටෝ සංවිදානය එහි සාමාජිකයින් ආරක්ෂක වැය දළ දේශීය නිෂ්පාදිතයෙන් 2% කට වඩා වැය කළ යුතු බවට තීරණය කර ඇති නමුත් මේ වන විට එහි සාමාජිකයින් 31 දෙනාගෙන් තුනෙන් එකක් පමණක් මෙම අවශ්‍යතාවය සපුරා තිබේ.

රට ඉක්මනින් මහා පරිමාණ යුද්ධයකට සම්බන්ධ වනු ඇතැයි අනාවැකි පළ කළ පළමු ජ්‍යෙෂ්ඨ එක්සත් රාජධානියේ පුද්ගලයා ෂැප්ස් නොවේ. බ්‍රිතාන්‍යයේ ප්‍රධාන මාණ්ඩලික ප්‍රධානී ජෙනරාල් පැට්‍රික් සැන්ඩර්ස් 2022 දීද මෙම අදහස ඉදිරිපත් කළේය. “ නැවත වරක් අපගේ මිත්‍ර රටවල් සමඟ එක්ව සටන් කිරීමටත්, රුසියාව සටනින් පරාජය කිරීමටත් හැකි හමුදාවක් පිහිටුවීමත්  දැවෙන අත්‍යාවශ්‍යතාවයක් දැන් පැන නැගී ඇති” බවත්, “යුරෝපය සටන් කිරීමට සූදානම් විය යුතු” බවත් සැන්ඩර්ස් අවධාරණය කළේය."

කෙසේ වෙතත්, එක්සත් රාජධානියේ මිත්‍ර පාක්ෂිකයින්ට බ්‍රිතාන්‍යයේ සටන් හැකියාව පිළිබඳව සැකයක් තිබෙන බව දේශපාලන විශ්ලේෂකයෝ පවසති. එක්සත් ජනපදය විසින් රුසියාව, චීනය, හෝ ප්‍රංශය,  "පළමු" බලවතුන් ලෙස සලකන අතර  ජර්මනිය හෝ ඉතාලිය වැනි රටක් සම්ඟ  සැසඳීම්නේදී වොෂින්ටනය බ්‍රිතාන්‍යය “යන්තම් දෙවෙනි ” පන්තියේ මිලිටරි බලයක් සහිත රටක් ලෙස සලකන බව පසුගිය වසර මුලදී එක්සත් ජනපදයේ ජ්‍යෙෂ්ඨ ජෙනරාල්වරයෙක් සුනාක්ට පැවසූ බව ස්කයි  ප්‍රවෘත්ති සේවය වාර්තා කළේය.

ෂැප්ස් වැඩිදුරටත් පැවසුවේ ඔහුගේ අරමුණ 2023 වර්ෂය අවසානයේදී සිටි  බ්‍රිතාන්‍ය හමුදාව තුළ සිටි ක්‍රියාකාරී නිළධාරින් සංඛ්‍යාව නැපෝලියන් යුද්ධ සමය අවසාන වන විට බ්‍රිතාන්‍යය හමුදාව තුළ  සිටි ක්‍රියාකාරී නිළධාරින් සංඛ්‍යාවටම සමාන වූ බවයි. ඒ අනුව පූර්ණ පරිමාණ යුද්ධයකදී බ්‍රිතාන්‍ය හමුදාව සතු සියළුම උණ්ඩ පැය 22ක් තුළ අවසාන වනු ඇති බව යුද විශ්ලේෂකයන්ගේ මතයයි.

ස්කයි නිවුස් වෙත අදහස් දක්වමින් ඇමරිකානු ජෙනරාල්වරයා ඇස්තමේන්තු කළේ යුද ටැංකි, කාලතුවක්කු සහ හෙලිකොප්ටර් ආදියෙන් සන්නද්ධ කරමින් භට පිරිස්  25,000 සිට 30,000 දක්වා අයත් වන නව සටන් පෙරමුණක් ගොඩනැගීමට එක්සත් රාජධානියට වසර පහක් සහ දහයක් අතර කාලයක් ගතවනු ඇති බවයි.

රුසියාව, චීනය, ඉරානය සහ උතුරු කොරියාව සමඟ ඇති විය හැකි ගැටුමක් වර්ධනය විය හැකි ආකාරය ගැන ෂැප්ස් සිය දේශනයෙන්  පසු වාර්තාකරුවන්ට අදහස් දැක්වීමෙන් වැලකී සිටියේය. "අද මගේ කතාවේ සම්පූර්ණ අරමුණ වන්නේ මිලිටරි වියදම් ඉහල දැමීමෙන් සමස්ත නේටෝව සැබවින්ම එම වැය බෙදා ගැනීම සහතික කිරීම" බව ඔහු අවධාරණය කළේය.