ඥානසාර හිමියන්ගේ සිවුර ඉවත් කිරීමට එරෙහි රිට් පෙත්සම් විභාගය නොවැම්බර් 18 දාට..
පූජ්‍ය ගලගොඩඅත්තේ ඥානසාර හිමියන්ගේ සිවුර ඉවත් කිරීමට එරෙහිව ගොනුකර ඇති රිට් පෙත්සම පිළිබඳ වැඩිදුර කරුණු දැක්වීම 2026 නොවැම්බර් 18 වන දින පස්වරු 1.30 ට සිදුකිරීමට නියමිතයි.
ඊයේ (22) මෙම පෙත්සම සම්බන්ධයෙන් කරුණු දැක්වීම සිදුවූයේ අභියාචනාධිකරණ විනිසුරු අමල් රණරාජා, විනිසුරු ප්‍රියන්ත ප්‍රනාන්දු සහ විනිසුරු මහේන් ගොපල්ලව යන මහත්වරුන්ගෙන් සමන්විත ත්‍රිපුද්ගල විශේෂ විනිසුරු මඩුල්ල හමුවේදීය.
එහිදී නීතිපති දෙපාර්තමේන්තුව වෙනුවෙන් පෙනීසිටි රජයේ නීතිඥවරයා සඳහන් කළේ, බන්ධනාගාර දෙපාර්තමේන්තු නියෝග අධිකරණයට භික්ෂූන් වහන්සේ කෙනෙකු රැගෙන ඒමේදී චීවරයෙන්ම ගෙන ඒමට හැකි වන පරිදි සංශෝධනය කර ඇති බවයි.
කෙසේ වෙතත් පෙත්සම්කරුවන් වෙනුවෙන් පෙනීසිටි ප්‍රධාන නීතිඥවරුන් වන ජනාධිපති නීතිඥ මනෝහර ද සිල්වා, ජනාධිපති නීතිඥ උදිත ඉගලහේවා සහ ජනාධිපති නීතිඥ අනුර මැද්දෙගොඩ යන මහත්වරුන් පෙන්වා දුන්නේ එම සංශෝධිත දෙපාර්තමේන්තු නියෝගයේ සඳහන් ක්‍රියාපටිපාටිය තුළම පරස්පර විරෝධීතාවයන් පවතින බවයි. එමෙන්ම ඒ පිළිබඳව මහා සංඝරත්නයෙන් කිසිදු උපදෙසක් ලබාගෙන නොමැති බවද ඔවුන් අධිකරණය හමුවේ පැවසීය.
වැඩිදුරටත් කරුණු දක්වමින් පෙත්සම්කාර නීතිඥ මණ්ඩලය පෙන්වා දුන්නේ 1905 දී පළ කරන ලද ගැසට් නියෝග හෝ දෙපාර්තමේන්තු නියෝගවලට වඩා ආණ්ඩුක්‍රම ව්‍යවස්ථාවේ 9 වැනි ව්‍යවස්ථාව බලවත් වන බැවින්, භික්ෂූන් වහන්සේ නමකගේ චීවරය ඉවත් කිරීම සිදුවිය යුත්තේ අදාළ භික්ෂුව අයත් නිකායේ හෝ සංඝ සභාවේ අනුමැතියට යටත්ව බවයි. බුද්ධ ශාසනය සම්බන්ධයෙන් ශ්‍රේෂ්ඨාධිකරණය ලබා දී ඇති තීන්දු කිහිපයක අර්ථ දැක්වීම් පවතින බවත්, ආයුර්වේද පනත සම්බන්ධයෙන් ලබාදුන් තීන්දුව පිළිබඳවත් මෙහිදී විශේෂයෙන් මතක් කර සිටියේය.
මෙහිදී ජනාධිපති නීතිඥ උදිත ඉගලහේවා මහතා අවධාරණය කළේ චීවරය ඉවත් කිරීම හෝ නැවත පැලඳවීම සාරියක් පැලඳවීම වැනි සාමාන්‍ය කටයුත්තක් නොවන බවත්, එය මහා සංඝරත්නය විසින් විනයානුකූලව සිදුකරනු ලබන ආගමික කර්තව්‍යයක් බවත්ය.
තවද, මරණ දඬුවම නියමව සිටි මැතිව් පීරිස් මහතා අධිකරණයට ගෙන ආවේ පූජක ඇඳුමෙන් බවත්, මරණ දඬුවම නියම වූ විශ්‍රාමික නියෝජ්‍ය පොලිස්පති වාස් ගුණවර්ධන මහතා අධිකරණයට ගෙන ආවේ යුරෝපීය ඇඳුම් කට්ටලයෙන් බවත් පෙන්වා දුන් ඒ මහතා, බෞද්ධ භික්ෂූන් වහන්සේ නමකට පමණක් මෙලෙස වෙනස් ලෙස ක්‍රියා කිරීම කිසිසේත්ම පිළිගත නොහැකි බව සඳහන් කළේය.
අද දින (23) පූජ්‍ය ගලගොඩඅත්තේ ඥානසාර හිමියන් අධිකරණයට ගෙන නොඑන බැවින්, අතුරු තහනම් නියෝගයක් ලබාගැනීමේ අවශ්‍යතාවයක් මතු නොවූ බවද සඳහන් විය.
මෙම රිට් පෙත්සම ගොනුකර ඇත්තේ පූජ්‍ය තීනියාවල පාලිත හිමි, මහාචාර්ය පූජ්‍ය ඉඳුරාගාරේ ධම්මරතන හිමි, මහාචාර්ය පූජ්‍ය අගලකඩ සිරිසුමන හිමි, පූජ්‍ය උලපනේ සුමංගල හිමි, පූජ්‍ය අගුරුගල්ලේ ජිනානන්ද හිමි, පූජ්‍ය දඹර අමිල හිමි සහ විශ්‍රාමික බ්‍රිගේඩියර් අතුල හේමචන්ද්‍ර ද සිල්වා යන මහත්වරුන් විසිනි.
පෙත්සම්කාර පාර්ශ්වය වෙනුවෙන් ජනාධිපති නීතිඥ මනෝහර ද සිල්වා, ජනාධිපති නීතිඥ උදිත ඉගලහේවා, ජනාධිපති නීතිඥ අනුර මැද්දෙගොඩ, ජනාධිපති නීතිඥ සංජීව ජයවර්ධන, ජ්‍යෙෂ්ඨ නීතිඥ කනිෂ්ක විතාරණ, ජ්‍යෙෂ්ඨ නීතිඥ ප්‍රසන්න ගුණතිලක සහ ජ්‍යෙෂ්ඨ නීතිඥ භූපති කහතුඩුව යන මහත්වරුන්ගෙන් සමන්විත නීතිඥ මණ්ඩලයක් පෙනී සිටි අතර, වගඋත්තරකාර පාර්ශ්වය වෙනුවෙන් නීතිපති දෙපාර්තමේන්තුව පෙනී සිටියේය.
සම්බන්ධිත පුවත් | Related News
ප්‍රධාන පුවත්
ඥානසාර හිමියන්ගේ සිවුර ඉවත් කිරීමට එරෙහි රිට් පෙත්සම් විභාගය නොවැම්බර් 18 දාට..
කලාපයේ වැඩිම ගෘහස්ථ විදුලි ගාස්තුව ලංකාවේ.. - SenFin
ඥාණසාර හිමි වෙනුවෙන් සත්‍යග්‍රහයට අධිකරණ නියෝගයක්.. ඉවත් කරන්න පොලිසිය පැමිණීමෙන් උණුසුම් තත්වයක්..
පනාමුරේ තිලකවංශ නාහිමියන්ට ජීවිත ආරක්ෂාව ඉල්ලමින් මහජන ආරක්ෂක නියෝජ්‍ය අමාත්‍යවරයාට ලිපියක්..
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..