චීනෙ දාල ගිය ව්‍යාපෘතිය අපි කරනවා..- වරාය අධිකාරිය
චීනයේ 'China Merchants Port Holdings' සහ මෙරට 'Access Engineering' සමාගම සමඟ එක්ව කොළඹ වරාය තුළ ක්‍රියාත්මක කිරීමට සැලසුම් කර තිබූ ඇමරිකානු ඩොලර් මිලියන 280ක ඒකාබද්ධ වාණිජ සහ සැපයුම් මධ්‍යස්ථාන ව්‍යාපෘතිය ඉදිරියට ගෙන නොයාමට ශ්‍රී ලංකා වරාය අධිකාරිය (SLPA) සහ අදාළ පාර්ශ්වයන් තීරණය කර ඇත.
ඒ වෙනුවට, විවෘත හා තරගකාරී ලංසු කැඳවීමේ ක්‍රියාවලියක් ඔස්සේ රාජ්‍ය - පෞද්ගලික හවුල්කාරිත්ව (PPP) ආකෘතියක් යටතේ කොළඹ වරාය තුළ නවීන ඒකාබද්ධ සැපයුම් මධ්‍යස්ථානයක් ඉදිකිරීමට වරාය අධිකාරිය පියවර ගන්නා බව නිල නිවේදනයක් නිකුත් කරමින් ප්‍රකාශ කරයි.
කොළඹ වරායේ සැපයුම් ධාරිතාව ඉහළ නංවමින් එය කලාපීය ප්‍රමුඛ සමුද්‍රීය කේන්ද්‍රස්ථානයක් බවට පත්කිරීමේ අරමුණින්, වර්ග මීටර් 150,000ක බිම් ඉඩකඩක් සහිතව "දකුණු ආසියානු වාණිජ සහ සැපයුම් කේන්ද්‍රය" (SACLH) නමින් මෙම ව්‍යාපෘතිය 2023 වසරේදී ආරම්භ කෙරිණි. එහි 70%ක බහුතර කොටස් හිමිකාරිත්වය චයිනා මර්චන්ට්ස් සමාගමේ පූර්ණ අනුබද්ධිත සමාගමකටද, ශ්‍රී ලංකා වරාය අධිකාරිය සහ ඇක්සස් ඉංජිනේරරින් සමාගම වෙත 15% බැගින් වූ කොටස් හිමිකාරිත්වයක්ද පැවතුණි.
කෙසේ වෙතත්, වත්මන් බාහිර වෙළඳපොළ තත්ත්වයන්, වාණිජමය ශක්‍යතාව සහ පාර්ශ්වකරුවන්ගේ උපායමාර්ගික අවශ්‍යතා සමාලෝචනය කිරීමෙන් අනතුරුව, අදාළ ඒකාබද්ධ සමාගම තවදුරටත් ඉදිරියට පවත්වාගෙන නොයාමට පාර්ශ්වකරුවන් තීරණය කර ඇත. ඒ අනුව, අදාළ සමාගම සතු මෙහෙයුම් වියදම් පියවීමෙන් පසු ඉතිරි වන ඇමරිකානු ඩොලර් මිලියන 29.8ක මූලික සම-කොටස් ආයෝජන මුදල, කොටස් හිමිකාරිත්වයේ ප්‍රතිශතයන්ට අනුකූලව හවුල්කාර සමාගම් තුන අතර නැවත බෙදාදීමට පියවර ගෙන තිබේ.
පෙර සැලසුම අවලංගු කළද, ජාත්‍යන්තර සැපයුම් දාමයන්හි නූතන අවශ්‍යතාවන්ට සරිලන පරිදි කොළඹ වරාය තුළ අතිනවීන සැපයුම් යටිතල පහසුකම් සංවර්ධනය කිරීමේ දැඩි කැපවීමෙන් වරාය අධිකාරිය බැහැර නොවන බව එම නිවේදනයේ අවධාරණය කෙරේ. ඒ අනුව, කොළඹ වරාය සතු වටිනා භූමි ප්‍රමාණය උපරිම කාර්යක්ෂමතාවයෙන් යුතුව භාවිත කරමින්, විනිවිදභාවයෙන් යුතු තරගකාරී ලංසු කැඳවීමක් හරහා පෞද්ගලික අංශයේ දායකත්වය සහ නව ආයෝජන ආකර්ෂණය කරගැනීමට සැලසුම් කර ඇත.
කොළඹ වරාය හුදෙක් බහාලුම් ප්‍රතිනැව්ගත කිරීමේ වරායක සීමාවෙන් ඔබ්බට රැගෙන ගොස්, ජාත්‍යන්තර නැව් සේවා සමාගම් සහ භාණ්ඩ ප්‍රවාහන ක්‍රියාකරුවන්ට අගය එකතු කළ සේවාවන් රැසක් සපයන පුළුල් සමුද්‍රීය කේන්ද්‍රස්ථානයක් බවට පරිවර්තනය කිරීම මෙම නව සැලැස්මේ ප්‍රධාන අරමුණයි. ජාතික ආර්ථික අවශ්‍යතාවලට ගැළපෙන, මූල්‍යමය වශයෙන් වඩාත් ශක්තිමත් ආකෘතියක් ඔස්සේ මෙම නව ව්‍යාපෘතිය ඉදිරියේදී දියත් කිරීමට නියමිතය.
චීනයේ 'චයිනා මර්චන්ට්ස් පෝර්ට් හෝල්ඩින්ග්ස්' (CMPort) සමාගම මේ වන විටත් කොළඹ වරායේ කොළඹ ජාත්‍යන්තර බහාලුම් පර්යන්තයේ (CICT) 85%ක කොටස් හිමිකාරිත්වය දරන අතර, හම්බන්තොට ජාත්‍යන්තර වරායේ මෙහෙයුම් පාලනයද හොබවනු ලබයි. ඉන්දියාවේ කේරළ ප්‍රාන්තයේ 'විජින්ජාම්' ඇතුළු නව ගැඹුරු මුහුදු වරායන් සංවර්ධනය වීමත් සමඟ දකුණු ආසියානු කලාපයේ ප්‍රතිනැව්ගත කිරීම් වෙළඳපොළ තුළ දැඩි තරගකාරිත්වයක් නිර්මාණය වෙමින් පවතින පසුබිමක, ගබඩාකරණය සහ අගය එකතු කළ සැපයුම් සේවා සැපයීම සඳහා කොළඹ වරාය සතු පහසුකම් කඩිනමින් පුළුල් කිරීම ශ්‍රී ලංකාවේ සමුද්‍රීය අනාගතය සඳහා අතිශය තීරණාත්මක බව විශේෂඥයෝ පෙන්වා දෙති.
සම්බන්ධිත පුවත් | Related News
ප්‍රධාන පුවත්
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..
අද, හෙට සහ අනිද්දා දීප ව්‍යාප්ත විදුලි කප්පාදුවක්..
කොටුව මහේස්ත්‍රාත්වරයා නිකුත් කළ තහනම් නියෝගයට එරෙහිව ගම්මන්පිලගෙන් පෙත්සමක්..
සෞදියේ තෙල් සහ ගුවන් පහසුකම් ඉලක්ක කරමින් හූතිවරුන්ගෙන් අඛණ්ඩ ප්‍රහාර.. – රියාද් පාලනයට එල්ලවන පීඩනය තීව්‍ර වෙයි..