නිරාගමිකයන්ගේ ළදුරු තර්ක සහ ඊනියා (අ)විචාරශීලී බෞද්ධයෝ..
💥 ශ්‍රී ලංකාවේ භික්ෂුවක් සමාජ දේශපාලන ප්‍රශ්නයක් ගැන ආවේගයෙන් කතා කළහොත් මෙරට නිරාගමිකයන් සියල්ලෝ වහ වහා සැදැහැවත් බෞද්ධයන් බවට පත් වී බෞද්ධ පිළිවෙත් රැකිය යුතු ආකාරය ගැන, සිල්වත් වී බවුන් වැඩිය යුතු ආකාරය ගැන භික්ෂූන්ට උපදෙස් සපයති.
👉 තමන් ඉතා විචාරශීලී යැයි සිතා සිටින අවිචාරශීලි බෞද්ධයෝද ඇත්ත තමයි කියමින් මේ කතාවලට හුරේ දමති.
💥 ඒ අතරේ බල්ලෙකුට සිවුරක් පෙරවූ නිරාගමික චීවරධාරියෙකු පැමිණ තමන් මල් ගසන බව, මත්පැන් බොන බව හෝ ගැහැනු ආශ්‍රය කරන බව කියමින් ප්‍රසිද්ධියේ පම්පෝරි ගසන විට නිරාගමිකයෝ එවැනි භික්ෂූන්වද උද්දාමයෙන් කර තබා ගනිති. එවැනි අවස්ථාවල මේ නිරාගමිකයෝ හාමුදරුවන්ගේ සිල්වත් බව ගැන කතා නොකරති.
👉 අවිචාරශීලී මුග්ධ බෞද්ධයෝද මොනවා වුණත් මේ හාමුදුරුවෝ කියන්නේ ඇත්ත... පට්ට කතාව... කෙලින් කතා කරන හාමුදුරු කෙනක් දැක්කමයි... වැනි කතා කියමින් එවැනි සුනඛ චීවරධාරීන්ට පවා හුරේ දමති.
💥 භික්ෂූවක් බෞද්ධ සංස්කෘතිය රැකීම ගැන කතා කළහොත් නිරාගමිකයෝ වහාම සැදැහැවත් බෞද්ධයන් බවට පත්වී රැකගැනීම වෙනුවට සියල්ල අතහැරීමේ වැදගත්කම ගැන බණ දේශනා කරති.
👉 අවිචාරශීලී මුග්ධ බෞද්ධයෝද ඇත්ත තමයි කියමින් අතහැරීමේ වැදගත්කම ගැන රචනා ලියති.
💥 මේ අතරේ නිරාගමික භික්ෂුවක් පැමිණ බෝධි පූජා බොරු, පාංශුකූලේ දෙන එක බොරු, මල් පහන් පූජා කරන එක බොරු වැනි කතා කියන විට නිරාගමිකයෝද ඒ කතා ඉහළින්ම අනුමත කරති. පුහු සංස්කෘතික අංග නිසා සැබෑ බෞද්ධ දර්ශනයේ හරය යටපත් වී ඇතැයි මොර ගසති.
👉 අවිචාරශීලී මුග්ධ බෞද්ධයෝද කෙහෙල්මල් සංස්කෘතියට වඩා බෞද්ධ දර්ශනය වටිනා බව කියමින් නිරාගමිකයන්ටම ආවඩති.
💥 මේ අතරේ නිරාගමික භික්ෂූන් පුනර්භවය බොරු, පව්පින් බොරු, නිර්වාණය බොරු වැනි ප්‍රලාප දොඩවන විට නිරාගමිකයෝ එවැනි භික්ෂූන් මිත්‍යාවට එරෙහිව සටන් කරන මහා වීරයන් ලෙස හුවා දක්වති. එවැනි අවස්ථාවල මේ නිරාගමිකයෝ බෞද්ධ දර්ශනය ඉතා වැදගත් යැයි නොකියති.
👉 අවිචාරශීලී මුග්ධ බෞද්ධයෝද ඇත්ත තමයි... නියම බුදු දහම මේක තමයි... මිත්‍යාවෙන් ගැලවෙමු... වැනි කතා කියමින් මේ ප්‍රලාපවලට හුරේ දමති.
💥 පුනර්භවය, පව්පින්, නිර්වාණය වැනි මේ සියල්ල මිත්‍යාවන් වේ නම් එවැනි මිත්‍යා ආගමක ශාසනයට ඇතුළත් වී, පන්සලේ දානය වළඳමින්, සිවුරක් දරාගෙන සිටින්නේ මොන ඉටිගෙඩියටද යන සරල ප්‍රශ්නය නිරාගමිකයෝ මෙහිදී කිසිවිටෙකත් අදාළ භික්ෂූන්ගෙන් නාසති.
👉 අවිචාරශීලී මුග්ධ බෞද්ධයෝද ඒ සරල ප්‍රශ්නය සම්පූර්ණයෙන් අමතක කරමින් පින්පව් විද්‍යාත්මකද වැනි ළදරු ප්‍රශ්න අසන නිරාගමික භික්ෂූන්ටම ආවඩති.
💥 නිරාගමික භික්ෂූන් ගණිකා වෘත්තිය නීතිගත කිරීම ගැන, මත්පැන් බීම ගැන, අවිචාරවත් ලිංගික නිදහස ගැන ලෝකයේ කිසිදු රටකට වලංගු නොවන හිස් ප්‍රලාප දොඩවන විට නිරාගමික ළදරුවෝ මේ හිස් කතා ඉහළින්ම අනුමත කරති. එවිටද ඔවුන් බෞද්ධ දර්ශනයේ වටිනාකම අමතක කරති.
👉 ලෝකයේ අනිත් සියලු රටවල අසීමිත ලිංගික නිදහසක් ඇතැයි සිතන අවිචාරශීලී මුග්ධ බෞද්ධයෝද තමන්ට ගණිකාවන් ඇසුරු කිරීමට, මත්පැන් බීමට, ලිංගිකව හැසිරීමට නිදහස අහිමි වී ඇත්තේ බෞද්ධ සංස්කෘතිය නිසා යැයි සිතමින් මේ කතාවලට හුරේ දමති.
💥 ලෝකයේ වෙනත් රටවල සැබවින්ම විද්‍යාව දන්නා මිනිසුන් තම භෞතික දියුණුව සඳහා විද්‍යාව තාක්ෂණය යොදා ගත්තද විද්‍යාවේ මිණුම් දණ්ඩෙන් සංස්කෘතියට බැට දීමට තරම් මුග්ධයෝ නොවෙති. විද්‍යාව පිළිබඳ හීනමානයෙන් පෙළෙන ලංකාවේ නිරාගමිකයෝ බෞද්ධ සාහිත්‍යයේ ඇති කතා විද්‍යාත්මකද වැනි දෙකේ පන්තියේ ප්‍රශ්න අසමින් මහා පණ්ඩිතයන් වීමට උත්සාහ දරති.
👉 සංස්කෘතිය, විද්‍යාව හෝ ලෝකය ගැන කිසිවක් නොදන්නා අවිචාරශීලී බෞද්ධයෝද ඉතා පහසුවෙන් විද්‍යාවේ ළණුව ගිලිමින් තම ආගමට හා සංස්කෘතියට විද්‍යාවේ මුගුරෙන් බැටදීමට උත්සාහ දරති.
💥 ලෝකයේ ඇති සියලු ප්‍රශ්නවලට ප්‍රධාන හේතුව බෞද්ධ සංස්කෘතිය බව හුවා දක්වන නිරාගමිකයෝ ඒ මතය සනාථ කිරීම සඳහා දිවා රෑ වෙහෙස වෙති. ඒ වෙනුවෙන් කවි, ගී නවකතා ලියති. චිත්‍රපට, ටෙලි නාට්‍ය නිර්මාණය කරති. යූටියුබ් සංවාද පවත්වති. ෆේස්බුක් රචනා ලියති. කාටූන් අඳිති.
👉 මේ කිසිවක් නිරවුල්ව වටහාගැනීමට හැකියාවක් නැති අවිචාරශීලී මුග්ධ බෞද්ධයෝ බෞද්ධ සංස්කෘතියට බැටදෙන ටෙලිනාට්‍ය, නවකතා, චිත්‍රපට, සංවාද ආදිය මහත් උද්දාමයෙන් රස විඳිමින් මිලියන ගණනින් ඒවායේ වීව්ස් ඉහළ දමති.
💥 මේ පෙන්වා දුන් ආකාරයට නිරාගමිකයන් හැරෙන හැරෙන අතට කතා කරමින්, එකිනෙකට සපුරා පරස්පර ළාමක තර්ක ගොඩනඟමින් තමන්ගේ මතවාදී මෙහෙයුම පෙරට ගෙන යන විට, හැරෙන හැරෙන අතට වෙනස් වන මනසක් ඇති මුග්ධ බෞද්ධයෝද ඉතා පහසුවෙන් ඒ ළාමක කතාවලට රැවටෙති.
💥 ලංකාවේ බොහෝ බෞද්ධයන්ට ඇත්තේ කිසිදු ස්ථාවර අදහසකින් තොර, එන එන අතට හැරෙන, රැල්ලේ ගසාගෙන යන සෙලවෙන මනසකි. බෞද්ධ සංස්කෘතියේ එන චින්තන නිදහසම පාරා වළල්ලක් කරගත් මේ බෞද්ධයෝ හික්මීමක් නැති විචාරශීලීත්වය ඔස්සේ අන්ධ අවිචාරශීලීත්වයේ ගැඹුරටම ගිලී සිටිති. මේ නිසාම ඔවුහු ඉතා පහසුවෙන් නිරාගමිකයන්ගේ ළණු ගිලීමට පෙළඹෙති.
💥 මේ නිසාම කිසිදු ආත්ම ගරුත්වයක් නැති, කොලිටියක් නැති, සමාජ මාධ්‍ය ඉදිරියේ ව්‍යාජ රැඟුම් පෑමට, කුණුහරප කීමට කිසිදු ලැජ්ජාවක් නැති ඕනෑම හිස් පඹයෙකුට ලංකාවේ බෞද්ධයන් අතර වීරයෙකු වීම ඉතා පහසුවෙන් කළ හැක්කකි. එවැනි හිස් වීරයන්ට වන්දනා කරමින් ඔවුන් ලවා ඔළුවට පහරවා ගැනීම ලංකාවේ බෞද්ධයන්ගේ නිත්‍ය පිළිවෙතකි.
💥 කාලයක් තිස්සේ සිදුවෙමින් තිබෙන මේ සියුම් විනාශයේ තරම තේරුම් ගනිමින් ඊට එරෙහිව ක්‍රියාමාර්ග ගැනීමට තරම් බුද්ධියක් අවබෝධයක් ඇති බෞද්ධ නායකයෝ, ජාතිකවාදී නායකයෝ, භික්ෂූහු ආදීහුද ඉතා විරල වෙති. ඒ නිසාම ඔවුන් තමන්ගේ දෛනික කටයුතු හෝ වෙන මොන මොනවා හෝ කරමින් තම කාලය ගෙවා දමන විට, නිරාගමික මෙහෙයුම වේගයෙන් පෙරට ඇදෙමින් තිබේ.
- Next page
සම්බන්ධිත පුවත් | Related News
ප්‍රධාන පුවත්
අද, හෙට සහ අනිද්දා දීප ව්‍යාප්ත විදුලි කප්පාදුවක්..
කොටුව මහේස්ත්‍රාත්වරයා නිකුත් කළ තහනම් නියෝගයට එරෙහිව ගම්මන්පිලගෙන් පෙත්සමක්..
සෞදියේ තෙල් සහ ගුවන් පහසුකම් ඉලක්ක කරමින් හූතිවරුන්ගෙන් අඛණ්ඩ ප්‍රහාර.. – රියාද් පාලනයට එල්ලවන පීඩනය තීව්‍ර වෙයි..
වෛද්‍ය ස්ථාන මාරු ප්‍රමාදයෙන් පර්යන්ත රෝහල් සේවා බිඳවැටීමේ අවදානමක්.. - GMOA අනතුරු අඟවයි..
සටන අත්හරින්නේ නෑ.. - පූජ්‍ය කොටපිටියේ රාහුල අනුනාහිමි..
හදිසි විදුලි බිඳවැටීමෙන් ආර්ථිකයට රුපියල් කෝටි 400ක අලාභයක්.. - චම්පික රණවක හෙළිකරයි..
ඇමෙරිකාව කියුබාවට පනවා ඇති ආර්ථික සම්බාධක වහාම ඉවත් කළ යුතුයි.. – රුසියානු ෆෙඩරේෂනයෙන් දැඩි ප්‍රකාශයක්..
ඔබ නිසා ඔබේ ජාතික අනන්‍යතාව අහිමි වෙමින් පවතීද?..
අතිපූජ්‍ය කැප්පෙටියාගොඩ සිරිවිමල නාහිමියෝ අපවත් වෙති..
ආණ්ඩුව කළේ ඥානසාර හිමියන්ගෙන් පෞද්ගලික පළිගැනීමක්.. – මහාචාර්ය පූජ්‍ය අගලකඩ සිරිසුමන හිමි
ඥාණසාර හිමියන්ගේ නිදහස වෙනුවෙන් පෙනී සිටීම දේශහිතෛෂී සටනකට අත්‍යවශ්‍ය උත්තේජකයක්.. – නීතිඥ නුවන් බැල්ලන්තුඩාව
SJB ඇතුලේ සැර වාද විවාද.. නායකත්වයේ තීන්දු ගැනත් මතභේද..
මහ සඟරුවන විහාරමහා දේවී උද්‍යානයේ ආරම්භ සත්‍යග්‍රහය අද තුන්වැනි දිනටත්..
භික්‍ෂු සත්‍යග්‍රහයට පහර දීමක්..?
ඩොන්බාස් කලාපයේ යුක්රේන හමුදාවේ ප්‍රධාන බලකොටුවක් රුසියානු හමුදා පාලනයට යටත් වෙයි – රුසියානු ආරක්ෂක අමාත්‍යාංශය
නොරොච්චෝල සම්පූර්ණයෙන්ම නවතී..