හිටපු ජනාධිපති රනිල්ගේ ආරක්ෂකයා සහ කැමරා ශිල්පියා අතර වූ සිද්ධිය ගැන අපක්ෂපාතී පරීක්ෂණයක් ඉල්ලයි..
හිටපු ජනාධිපති රනිල් වික්‍රමසිංහ මහතාගේ ප්‍රභූ ආරක්ෂක නිලධාරියෙකු සහ මාධ්‍ය ආයතනයක කැමරා ශිල්පියෙකු අතර සිදුවූ බව කියන සිදුවීම සම්බන්ධයෙන් කඩිනම්, සාධාරණ සහ අපක්ෂපාතී පරීක්ෂණයක් පවත්වන ලෙස නිදහස් මාධ්‍ය ව්‍යාපාරය බලධාරීන්ගෙන් ඉල්ලා සිටියි.
එම සංවිධානයේ වැඩබලන කැඳවුම්කාරිනී හා ලේකම් දිලීෂා අබේසුන්දර මහත්මියගේ අත්සනින් නිකුත් කළ මාධ්‍ය නිවේදනයක මේ බව සඳහන් වේ.
පසුගිය සැප්තැම්බර් 30 වැනිදා හිටපු ජනාධිපති රනිල් වික්‍රමසිංහ මහතා කොළඹ කොටුව මහේස්ත්‍රාත් අධිකරණයෙන් පිටව යන අවස්ථාවේදී මෙම ආන්දෝලනාත්මක සිදුවීම වාර්තා වී ඇත.
පහරකෑමට ලක්වූ බව කියන අදාළ ප්‍රභූ ආරක්ෂක නිලධාරියා කොළඹ ජාතික රෝහලට ඇතුළත් වී ඇති අතර, සිද්ධිය සම්බන්ධයෙන් ඔහු විසින් කොම්පඤ්ඤවීදිය පොලිසිය වෙත පැමිණිල්ලක් ද ඉදිරිපත් කර තිබේ.
අනතුරුව එම සිදුවීමට අදාළව ප්‍රකාශයක් ලබාගැනීම සඳහා කොම්පඤ්ඤවීදිය පොලිස් ස්ථානයට කැඳවූ අදාළ කැමරා ශිල්පියාව පොලිසිය මඟින් අත්අඩංගුවට ගත් බව පොලිස් මාධ්‍ය ප්‍රකාශකවරයා තහවුරු කර ඇත.
ප්‍රභූ ආරක්ෂක නිලධාරීන්ට යම් පුද්ගලයෙකුගේ හෝ ස්ථානයක ආරක්ෂාව තහවුරු කිරීමේ රාජකාරිමය වගකීමක් හිමිව ඇති අතරම, ජනතාවගේ තොරතුරු දැනගැනීමේ අයිතිය සුරක්ෂිත කිරීම වෙනුවෙන් මාධ්‍යවේදීන්ට ද සුවිශේෂී කාර්යභාරයක් පැවරී ඇති බව නිදහස් මාධ්‍ය ව්‍යාපාරය පෙන්වා දෙයි. එම නිසා දෙපාර්ශ්වයම අන්‍යෝන්‍ය අවබෝධයෙන් හා එකිනෙකාගේ වෘත්තීය ගරුත්වය රැකෙන පරිදි කටයුතු කිරීම අත්‍යවශ්‍ය කරුණක් බවද එම සංවිධානය සඳහන් කරයි.
දෙපාර්ශ්වයේම වෘත්තීය පසුබිම හේතුවෙන් මෙම සිදුවීම කෙරෙහි පුළුල් සමාජ අවධානයක් යොමුව ඇති බැවින්, මාධ්‍යවේදීන් ඉලක්ක කරගනිමින් එල්ල වන මෙවැනි චෝදනා සුළුකොට තැකිය නොහැක.
එබැවින්, සිද්ධියට අදාළ සැබෑ තොරතුරු වහා අනාවරණය වන පරිදි මධ්‍යස්ථ හා කඩිනම් පරීක්ෂණයක් පවත්වා ඉදිරි නීතිමය පියවර ගන්නා ලෙස නිදහස් මාධ්‍ය ව්‍යාපාරය අදාළ අංශවලින් වැඩිදුරටත් ඉල්ලා සිටී.
සම්බන්ධිත පුවත් | Related News
ප්‍රධාන පුවත්
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි
දේශප්‍රේමී සළුවලින් සැඟවුණු “ඩෙල්සි මාදිලියේ පාවාදීමකට” අනුරගේ ආණුඩුව සූදානමින්.. - විමල්ගෙන් විශේෂ හෙළිදරව්වක්..
ගලගොඩඅත්තේ ඥානසාර හිමියන් වෙනුවෙන් සිහි බුද්ධිය ඇති සිංහල, දෙමළ, මුස්ලිම් සෑම ශ්‍රී ලාංකිකයෙකුම කඳුළක් සැලිය යුතුයි.. - ජාතික සංවිධාන කියයි
බ්‍රැම්ප්ටන් නගරාධිපති පැට්‍රික් බ්‍රවුන්ගේ ප්‍රකාශයක් නිසා කැනඩාවේ සහ ශ්‍රී ලංකාවේ නැවතත් ජාතිවාදී නොසන්සුන්තාවයක් මතු වීමේ අවදානමක්..
රුසියාවෙන් නේටෝවට ප්‍රබල අනතුරු ඇඟවීමක්.. ස්වෛරීභාවයට තර්ජනයක් වුවහොත් න්‍යෂ්ටික අවි භාවිතයට සූදානම්.. - ආචාර්ය ජගත් චන්ද්‍රවංශගෙන් අනාවරණයක්
යේමන හමුදා ආරම්භ කළ දැවැන්ත මෙහෙයුම හමුවේ වුවද නව ප්‍රදේශ අත්පත් කරගත්තා- හූති කැරලිකරුවෝ අවධාරණය කරති
"ජෙප්පෝ හිඟන්නන්ට පවුඩර් දානවා.. - මෙට්‍රෝ බස් පෙන්නලා අපිව චූන් කරනවා" - විමල් වීරවංශ
ජනපති සමාව අහිමි වූ ගලගොඩඅත්තේ ඥානසාර හිමි යළිත් සිපිරි ගෙට.. - වසර හයේ සිර දඬුවමේ ඉතිරි කාලය ක්‍රියාත්මක කරන්නැයි නියෝග..
ලෝක වෙළෙඳපොළට අනුව ඉන්ධන මිල වෙනස් කරන්නැයි IMF ශ්‍රී ලංකාවට කියයි..
මේ හදන්නේ පන්සලට ඇති බලය ඉවත් කරන්න.. රට ඇතුළේ වෙන දේවල් ගැන හුඟක් අය දන්නේ නෑ.. - නීතිඥ සංජීව වීරවික්‍රමගෙන් විශේෂ අනාවරණයක්