එක්සත් ජනපද පැසිෆික් යුද හමුදා නියෝජ්‍ය අණදෙන නිලධාරීයා දැන් කොළඹ..
එක්සත් ජනපද යුද හමුදා පැසිෆික් අණදෙන මූලස්ථානයේ (USARPAC) නියෝජ්‍ය අණදෙන ජෙනරාල් ලුතිනන් ජෙනරාල් ජෝයෙල් “ජේ.බී.” වවල් (Joel “JB” Vowell) සැප්තැම්බර් 29 සිට ඔක්තෝබර් 1 දක්වා පැවැත්වෙන නිල වැඩසටහන් සඳහා සහභාගී වීම පිණිස කොළඹට පැමිණ තිබේ.
ඒ අනුව ඔහු ශ්‍රී ලංකාවේ සංචාරයක නිරත වූ ඉහළම නිලතල දරන එක්සත් ජනපද යුද හමුදා නිලධාරියා බවට පත්වෙයි. මෙම සංචාරය දෙරට අතර වර්ධනය වන ආරක්ෂක සහයෝගීතාවයේ වැදගත් සංධිස්ථානයක් සනිටුහන් කරන බවත්, අභියෝගවලට ප්‍රතිචාර දැක්වීමේ හැකියාව වර්ධනය කරගනිමින් ඉන්දියානු සාගර කලාපයේ ආරක්ෂාව තහවුරු කිරීමට මෙය මහෝපකාරී වන බවත් එක්සත් ජනපද තානාපති එරික් මේයර් ප්‍රකාශ කළේය.
මෙම සංචාරය අතරතුර ලුතිනන් ජෙනරාල් වවල් ශ්‍රී ලංකාවේ ජ්‍යෙෂ්ඨ හමුදා නිලධාරීන් හමුවී අන්තර් ක්‍රියාකාරී හැකියාව, ආරක්ෂක සහයෝගීතාව, ඉදිරියට පැවැත්වීමට නියමිත ඒකාබද්ධ යුද අභ්‍යාස, ධාරිතා වර්ධන වැඩසටහන් මෙන්ම මානුෂීය ආධාර සහ ආපදා ප්‍රතිචාර පිළිබඳව සාකච්ඡා කිරීමට නියමිතය.
තවද, ඔහු ඊළඟ පරම්පරාවේ හමුදා නායකයින් ඇමතීමට ද නියමිත අතර, කලාපීය ආරක්ෂාව සහ ස්ථාවරත්වය සඳහා වෘත්තීය හමුදා බලකායන් ඉටු කරන වැදගත් කාර්යභාරය පිළිබඳව එහිදී අවධානය යොමු කෙරෙනු ඇත.
ඉන්දු-පැසිෆික් කලාපයේ ආරක්ෂාව වෙනුවෙන් එක්සත් ජනපදය දක්වන අඛණ්ඩ කැපවීම ලුතිනන් ජෙනරාල් වවෙල්ගේ මෙම සංචාරය මගින් තහවුරු වන බවත්, පසුගිය මැයි මාසයේදී සාර්ථකව පැවැත්වූ ගොඩබිම් බලකා සාකච්ඡාවල (Land Forces Talks) ඉදිරි පියවරක් ලෙස මෙය සිදුවන බවත් ඇමෙරිකානු තානාපති කාර්යාලය පවසයි.
1991 වසරේ ඇලබාමා විශ්වවිද්‍යාලයෙන් පාබල හමුදා නිලධාරියෙකු ලෙස සිය සේවය ආරම්භ කළ ලුතිනන් ජෙනරාල් වවල්, සිය වෘත්තීය කාලය තුළ යුරෝපය, පැසිෆික් කලාපය, මැද පෙරදිග සහ එක්සත් ජනපදය පුරා ස්ථාන රැසක සේවය කර ඇත.
ඔහු ඇෆ්ගනිස්ථානයේ සටන් මෙහෙයුම් සඳහා අවස්ථා තුනකදීත්, ඉරාකයේ අවස්ථා දෙකකදීත් සේවය කර ඇති අතර, 101 වන ගුවන් ප්‍රහාරක සේනාංකය ඇතුළු බලඇණි කිහිපයක අණදෙන නිලධාරියා ලෙස කටයුතු කර තිබේ.
මීට අමතරව ස්ටැන්ෆෝර්ඩ් විශ්වවිද්‍යාලයේ War College Fellow, බෲකින්ස් ආයතනයේ ජ්‍යෙෂ්ඨ සාමාජික, 25 වන පාබල සේනාංකයේ නියෝජ්‍ය අණදෙන ජෙනරාල්, සහ ඉරාකය හා සිරියාවේ ක්‍රියාත්මක වූ "CJTF-Operation Inherent Resolve" මෙහෙයුමේ අණදෙන නිලධාරී ලෙස ද සේවය කර ඇති ඔහු, වර්තමානයේ හවායි හි ෆෝට් ශාෆ්ටර් හි පිහිටි එක්සත් ජනපද යුද හමුදා පැසිෆික් අණදෙන මූලස්ථානයේ නියෝජ්‍ය අණදෙන ජෙනරාල්වරයා ලෙස කටයුතු කරයි.
සම්බන්ධිත පුවත් | Related News
ප්‍රධාන පුවත්
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි
දේශප්‍රේමී සළුවලින් සැඟවුණු “ඩෙල්සි මාදිලියේ පාවාදීමකට” අනුරගේ ආණුඩුව සූදානමින්.. - විමල්ගෙන් විශේෂ හෙළිදරව්වක්..
ගලගොඩඅත්තේ ඥානසාර හිමියන් වෙනුවෙන් සිහි බුද්ධිය ඇති සිංහල, දෙමළ, මුස්ලිම් සෑම ශ්‍රී ලාංකිකයෙකුම කඳුළක් සැලිය යුතුයි.. - ජාතික සංවිධාන කියයි
බ්‍රැම්ප්ටන් නගරාධිපති පැට්‍රික් බ්‍රවුන්ගේ ප්‍රකාශයක් නිසා කැනඩාවේ සහ ශ්‍රී ලංකාවේ නැවතත් ජාතිවාදී නොසන්සුන්තාවයක් මතු වීමේ අවදානමක්..
රුසියාවෙන් නේටෝවට ප්‍රබල අනතුරු ඇඟවීමක්.. ස්වෛරීභාවයට තර්ජනයක් වුවහොත් න්‍යෂ්ටික අවි භාවිතයට සූදානම්.. - ආචාර්ය ජගත් චන්ද්‍රවංශගෙන් අනාවරණයක්
යේමන හමුදා ආරම්භ කළ දැවැන්ත මෙහෙයුම හමුවේ වුවද නව ප්‍රදේශ අත්පත් කරගත්තා- හූති කැරලිකරුවෝ අවධාරණය කරති
"ජෙප්පෝ හිඟන්නන්ට පවුඩර් දානවා.. - මෙට්‍රෝ බස් පෙන්නලා අපිව චූන් කරනවා" - විමල් වීරවංශ
ජනපති සමාව අහිමි වූ ගලගොඩඅත්තේ ඥානසාර හිමි යළිත් සිපිරි ගෙට.. - වසර හයේ සිර දඬුවමේ ඉතිරි කාලය ක්‍රියාත්මක කරන්නැයි නියෝග..
ලෝක වෙළෙඳපොළට අනුව ඉන්ධන මිල වෙනස් කරන්නැයි IMF ශ්‍රී ලංකාවට කියයි..
මේ හදන්නේ පන්සලට ඇති බලය ඉවත් කරන්න.. රට ඇතුළේ වෙන දේවල් ගැන හුඟක් අය දන්නේ නෑ.. - නීතිඥ සංජීව වීරවික්‍රමගෙන් විශේෂ අනාවරණයක්