පොලිසියට ශරීර කැමරා මිලදී ගැනීමේ ටෙන්ඩරයේ මගඩියක්?
පොලිස් නිලධාරීන්ට පැලඳීම සඳහා ශරීර කැමරා මිලදී ගැනීමේ ටෙන්ඩර් ක්‍රියාවලියේ බරපතළ අක්‍රමිකතාවයක් පිළිබඳව සැක ඇතැයි ජන අරගල ව්‍යාපාරයේ සංවිධායක වසන්ත මුදලිගේ මහතා පවසයි.
නුගේගොඩ කන්දවත්ත වෘත්තීය සමිති කාර්යාලයේ පැවැති මාධ්‍ය හමුවේදී වසන්ත මුදලිගේ මහතා මෙසේද පැවසීය.
"පොලිසියට ශරීර කැමරා 500 ක් මිලදී ගැනීම සඳහා ප්‍රසම්පාදන ක්‍රියාවලියක් ආරම්භ වී තිබෙනවා. එය කළ යුතු දෙයක්. ජනතාවගේ ආරක්ෂාව තහවුරු වෙන්න නම් පොලිස් ස්ථානවලින් පිටත රාජකාරිවල නියැළී සිටින පොලිස් නිලධාරීන්ට පමණක් කැමරා පැලඳීම ප්‍රමාණවත් නෑ. පොලිස් ස්ථාන තුළටත් ආරක්ෂිත කැමරා අවශ්‍යයි. පොලිසි තුළදී පුද්ගලයන්ට වධහිංසා පැමිණවීම් සහ පහරදී මරා දැමීම් චෝදනා වාර්තා වෙනවා. කෙසේ වෙතත් මේ ශරීර කැමරා සඳහා හොඳ තීරණයක් ගෙන තිබියදීත් ආණ්ඩුව ඒ හොඳ වැඩේ කරන්නේත් නරක විදියට ද කියල සැකයි.
මේ ටෙන්ඩර් ලේඛනය විධිමත් ලෙස සකස් කරලා නෑ. එහි තාක්ෂණික පිරිවිතර ගණනාවක ප්‍රශ්න තිබෙනවා. මේ TOR ලියවිල්ල බලන ඕනෑම කෙනෙකුට පැහැදිලි වෙනවා මෙය සකස් කර තිබේනනේ කෘත්‍රිම බුද්ධිය භාවිතයෙන් බව. චැට් ජීපීටී වලින් වැඩක් කළාම එන ඉරි පවා ඉවත් නොකර එලෙසම තිබෙනවා. ලංකාවේ පොලිසියේ අවශ්‍යතාවයට ගැළපෙන තාක්ෂණික විශේෂාංග සහ අනෙකුත් රටවල භාවිත වන තාක්ෂණික ප්‍රමිතිය සලකමින් සැලකිල්ලෙන් ප්‍රසම්පාදන ලේඛන හදනවා වෙනුවට කලබලයේ චැට් ජීපීටී දාපුවාම මෙහෙම විගඩම් තමයි වෙන්නේ. අඩුම ගානේ කෘත්‍රිම බුද්ධියෙන් හදපු ලේඛනය නැවත කියවා, පරීක්ෂා කරලා, අඩුපාඩු හැදුවේ නැද්ද? එහෙම කළා නම් මේ ඉරි ටික මකන්නවත් නොසිතුණේ ඇයි?
මේ ටෙන්ඩරයේ තාක්ෂණික පිරිවිතර අවිධිමත් බවට තාක්ෂණික විශේෂඥයන් මතු කරන විවේචන නිවැරදි බව ඔප්පු වන තව කරුණක් තිබෙනවා. මේ සඳහා ඉල්ලුම් කළ සමාගම් ඉදිරිපත් කර ඇති මිල ගණන් රුපියල් කෝටි 5 සිට කෝටි 36 දක්වා විශාල පරාසයක තිබෙනවා. සමාගම් අතර මිල ගණන්වල පොඩි වෙනස්කම් වෙන්න පුළුවන්. නමුත් හත් ගුණයක පරතරයක් තිබෙන්නේ කොහොමද? අවශ්‍ය තාක්ෂණික විශේෂාංග සහ ඒවායේ ප්‍රමිතිය විධිමත්ව සඳහන් කර නැති නිසා නේද? රජයට අයත් සමාගම් රුපියල් කෝටි 17 ක් ලංසු ඉදිරිපත් කරද්දී, ඒ සමාගමටම අයත් තවත් සමාගමක් ඉදිරිපත් කර ඇත්තේ රුපියල් කෝටි 6 ක් වගේ මුදලක්."
- දිවයින
සම්බන්ධිත පුවත් | Related News
ප්‍රධාන පුවත්
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි
දේශප්‍රේමී සළුවලින් සැඟවුණු “ඩෙල්සි මාදිලියේ පාවාදීමකට” අනුරගේ ආණුඩුව සූදානමින්.. - විමල්ගෙන් විශේෂ හෙළිදරව්වක්..
ගලගොඩඅත්තේ ඥානසාර හිමියන් වෙනුවෙන් සිහි බුද්ධිය ඇති සිංහල, දෙමළ, මුස්ලිම් සෑම ශ්‍රී ලාංකිකයෙකුම කඳුළක් සැලිය යුතුයි.. - ජාතික සංවිධාන කියයි
බ්‍රැම්ප්ටන් නගරාධිපති පැට්‍රික් බ්‍රවුන්ගේ ප්‍රකාශයක් නිසා කැනඩාවේ සහ ශ්‍රී ලංකාවේ නැවතත් ජාතිවාදී නොසන්සුන්තාවයක් මතු වීමේ අවදානමක්..
රුසියාවෙන් නේටෝවට ප්‍රබල අනතුරු ඇඟවීමක්.. ස්වෛරීභාවයට තර්ජනයක් වුවහොත් න්‍යෂ්ටික අවි භාවිතයට සූදානම්.. - ආචාර්ය ජගත් චන්ද්‍රවංශගෙන් අනාවරණයක්
යේමන හමුදා ආරම්භ කළ දැවැන්ත මෙහෙයුම හමුවේ වුවද නව ප්‍රදේශ අත්පත් කරගත්තා- හූති කැරලිකරුවෝ අවධාරණය කරති
"ජෙප්පෝ හිඟන්නන්ට පවුඩර් දානවා.. - මෙට්‍රෝ බස් පෙන්නලා අපිව චූන් කරනවා" - විමල් වීරවංශ
ජනපති සමාව අහිමි වූ ගලගොඩඅත්තේ ඥානසාර හිමි යළිත් සිපිරි ගෙට.. - වසර හයේ සිර දඬුවමේ ඉතිරි කාලය ක්‍රියාත්මක කරන්නැයි නියෝග..
ලෝක වෙළෙඳපොළට අනුව ඉන්ධන මිල වෙනස් කරන්නැයි IMF ශ්‍රී ලංකාවට කියයි..