22 වන ආණ්ඩුක්‍රම ව්‍යවස්ථා සංශෝධනය ගැන සිවිල් සමාජ නියෝජිතයන් සහ ජාතික නිදහස් පෙරමුණ අතර විශේෂ සාකච්ඡාවක්..
22 වන ආණ්ඩුක්‍රම ව්‍යවස්ථා සංශෝධනය හේතුවෙන් රටේ ප්‍රජාතන්ත්‍රවාදී ව්‍යුහයට, ජනතා පරමාධිපත්‍යයට සහ අධිකරණයේ ස්වාධීනත්වයට ඇතිවිය හැකි බලපෑම් පිළිබඳව විශේෂ සාකච්ඡාවක් බත්තරමුල්ලේ පිහිටි ජාතික නිදහස් පෙරමුණු මූලස්ථානයේදී පැවැත්විණි.
ප්‍රජාතන්ත්‍රවාදය සුරැකීම සඳහා වන නිදහස් සටන් මධ්‍යස්ථානයේ නියෝජිතයන් ඇතුළු විවිධ සිවිල්, වෘත්තීය හා නීතිමය සංවිධාන නියෝජනය කරන පිරිසක් සහ ජාතික නිදහස් පෙරමුණ අතර මෙම සාකච්ඡාව පවත්වා ඇත.
ජාතික නිදහස් පෙරමුණ වෙනුවෙන් එහි නායක, හිටපු අමාත්‍ය විමල් වීරවංශ මහතා සහ දේශපාලන මණ්ඩල සභික ආචාර්ය සුපුන් ජයසිංහ මහතා මෙම අවස්ථාවට එක්ව සිටියහ.
මෙහිදී 22 වන ආණ්ඩුක්‍රම ව්‍යවස්ථා සංශෝධනය පිළිබඳව පුළුල් සමාජ කතිකාවක් ඇති කිරීමේ අවශ්‍යතාව, එහි ව්‍යවස්ථාමය හා ප්‍රජාතන්ත්‍රවාදී බලපෑම් පිළිබඳව ජනතාව දැනුවත් කිරීම සහ ඉදිරි ක්‍රියාමාර්ග පිළිබඳව දීර්ඝ වශයෙන් සාකච්ඡා වී තිබේ.
මෙම අවස්ථාවට ජනාධිපති නීතිඥ මෛත්‍රී ගුණරත්න, ජ්‍යෙෂ්ඨ නීතිඥ ශිරාල් ලක්තිලක, හිටපු පළාත් සභා මන්ත්‍රී නිශාන්ත ශ්‍රීවර්ණසිංහ, සම බිම පක්ෂ නායක දීප්ති කුමාර ගුණරත්න, වෘත්තීයවේදී රවි කුමුදේශ්, නීතිඥ නන්ද මුරුත්තෙට්ටුවේගම, වෘත්තීයවේදී සමන් රත්නප්‍රිය, වෘත්තීයවේදී තුසිත පෙරේරා, වෘත්තීයවේදී උදේනි දිසානායක සහ නීතිඥ ආශා කහවිට යන මහත්ම මහත්මීන් ඇතුළු නියෝජිතයන් පිරිසක් සහභාගී වූහ.
පවතින මතභේද පසෙක තබා, ව්‍යවස්ථාමය හා ප්‍රජාතන්ත්‍රවාදී කරුණු සම්බන්ධයෙන් පුළුල් සංවාදයක් සහ සාමූහික ප්‍රවේශයක් ඇති කර ගැනීමේ අවශ්‍යතාව මෙහිදී නියෝජිතයන්ගේ විශේෂ අවධානයට යොමු විය.
තවද, මෙම 22 වන ආණ්ඩුක්‍රම ව්‍යවස්ථා සංශෝධනයට අදාළ ඉදිරි දේශපාලන හා සමාජ ක්‍රියාමාර්ග පිළිබඳව විපක්ෂ දේශපාලන පක්ෂ නායකයන්ගේ සහභාගීත්වයෙන් පැවැත්වෙන විශේෂ සාකච්ඡාවක් සැප්තැම්බර් 17 වැනිදා පස්වරු 5.00ට කොළඹදී පැවැත්වීමට කටයුතු යොදා ඇති බවද මෙහිදී වැඩිදුරටත් අනාවරණය කෙරිණි.
සම්බන්ධිත පුවත් | Related News
ප්‍රධාන පුවත්
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි
දේශප්‍රේමී සළුවලින් සැඟවුණු “ඩෙල්සි මාදිලියේ පාවාදීමකට” අනුරගේ ආණුඩුව සූදානමින්.. - විමල්ගෙන් විශේෂ හෙළිදරව්වක්..
ගලගොඩඅත්තේ ඥානසාර හිමියන් වෙනුවෙන් සිහි බුද්ධිය ඇති සිංහල, දෙමළ, මුස්ලිම් සෑම ශ්‍රී ලාංකිකයෙකුම කඳුළක් සැලිය යුතුයි.. - ජාතික සංවිධාන කියයි
බ්‍රැම්ප්ටන් නගරාධිපති පැට්‍රික් බ්‍රවුන්ගේ ප්‍රකාශයක් නිසා කැනඩාවේ සහ ශ්‍රී ලංකාවේ නැවතත් ජාතිවාදී නොසන්සුන්තාවයක් මතු වීමේ අවදානමක්..
රුසියාවෙන් නේටෝවට ප්‍රබල අනතුරු ඇඟවීමක්.. ස්වෛරීභාවයට තර්ජනයක් වුවහොත් න්‍යෂ්ටික අවි භාවිතයට සූදානම්.. - ආචාර්ය ජගත් චන්ද්‍රවංශගෙන් අනාවරණයක්
යේමන හමුදා ආරම්භ කළ දැවැන්ත මෙහෙයුම හමුවේ වුවද නව ප්‍රදේශ අත්පත් කරගත්තා- හූති කැරලිකරුවෝ අවධාරණය කරති
"ජෙප්පෝ හිඟන්නන්ට පවුඩර් දානවා.. - මෙට්‍රෝ බස් පෙන්නලා අපිව චූන් කරනවා" - විමල් වීරවංශ
ජනපති සමාව අහිමි වූ ගලගොඩඅත්තේ ඥානසාර හිමි යළිත් සිපිරි ගෙට.. - වසර හයේ සිර දඬුවමේ ඉතිරි කාලය ක්‍රියාත්මක කරන්නැයි නියෝග..