ඇෆ්ගනිස්ථානයෙන් සෝවියට් දේශය පසුබැසීම ගැන කියූ කතාවකට කොළඹ රුසියානු තනාපති කාර්යාලයෙන් සැර පිළිතුරක්..

Sep 3, 2026 at 02:51 PM

|

Lanka Leader

ඇෆ්ගනිස්ථානයෙන් සෝවියට් දේශය පසුබැසීම පිළිබඳව ශ්‍රී ලාංකික මාධ්‍යවේදී එල්. ඔකර්ස් (L.Ockersz) විසින් රචිත ලිපියක සඳහන් කරුණු කිහිපයක් ප්‍රතික්ෂේප කරමින් ශ්‍රී ලංකාවේ රුසියානු තනාපති කාර්යාලය විශේෂ මාධ්‍ය නිවේදනයක් නිකුත් කර තිබේ.

එම නිවේදනයට අනුව රුසියානු තනාපති කාර්යාලය පෙන්වා දෙන්නේ ඇෆ්ගනිස්ථානය තුළ «සෝවියට් දේශය ලැබූ පරාජය» යනුවෙන් සඳහන් කිරීම සම්පූර්ණයෙන්ම අසත්‍ය සහ අසාධාරණ බවයි. 1989 පෙබරවාරි මාසයේදී සෝවියට් හමුදා ඇෆ්ගනිස්ථානයෙන් ඉවත් වූයේ ඉතා සංවිධානාත්මක සහ ක්‍රමවත් ආකාරයකට බව එහි සඳහන් වේ. එම කාලසීමාවේදී කාබුල් නුවර සෝවියට් තනාපති කාර්යාලයේ සේවය කළ, දැනට ශ්‍රී ලංකාවේ සහ මාලදිවයිනේ රුසියානු තනාපති ලෙස කටයුතු කරන ලෙවාන් ජගාරියන් මහතා (H.E. Mr. Levan Dzhagaryan) මෙම සිදුවීම් සඳහා සෘජු ඇසින් දුටු සාක්ෂිකරුවෙකු බවද එහි දක්වා ඇත.

එමෙන්ම 2021 අගෝස්තු මාසයේදී තලිබාන් සංවිධානය හමුවේ අතිවිශාල වටිනාකමකින් යුත් හමුදා උපකරණ පවා අතහැර දමමින් නේටෝ (NATO) හමුදාව ඇෆ්ගනිස්ථානයෙන් සිදුකළ නින්දාසහගත පසුබැසීමට වඩා සෝවියට් හමුදාවන්හි ඉවත්වීම සම්පූර්ණයෙන්ම වෙනස් සහ පාලනය කළ හැකි මට්ටමක පැවැති බව රුසියානු තනාපති කාර්යාලය වැඩිදුරටත් පෙන්වා දෙයි.

සෝවියට් සමයේදී ඇෆ්ගන් ජනතාව වෙනුවෙන් රෝහල්, පාසල්, මාර්ග සහ කාර්මික පද්ධති වැනි ප්‍රධාන යටිතල පහසුකම් රැසක් ගොඩනැගූ අතර, නේටෝ සංවිධානය විසින් ජනතාවට ප්‍රයෝජනවත් කිසිවක් නිර්මාණය නොකර ඇෆ්ගනිස්ථානයේ සමාජීය හා කාර්මික යටිතල පහසුකම් විනාශ කිරීමට පමණක් කටයුතු කළ බවද එම නිවේදනයේ වැඩිදුරටත් සඳහන් වේ.

PRESS RELEASE of the Russian Embassy in Sri Lanka

September 3, 2026

The Embassy paid attention to some paragraphs of the article “Civilizational dialogue proving a remote possibility as realpolitik rages” by L.Ockersz. We would like to provide an adequate response. 

References to the alleged «defeat of the USSR in Afghanistan» are completely inappropriate. The withdrawal of Soviet troops from Afghanistan was completed  

in February 1989 in an orderly manner. H.E. Mr. Levan Dzhagaryan, Ambassador of Russia to Sri Lanka and Maldives, worked in the USSR Embassy in Kabul and was an eye-witness to those events. The orderly withdrawal of Soviet army contrasts sharply with the disgraceful escape of NATO troops from Afghanistan in August 2021 while abandoning expensive equipment following a humiliating defeat from the Taliban. 

Soviet experts established vital infrastructure: hospitals, schools, roads and industrial facilities. In contrast, NATO constructed nothing but destroyed the social, industrial and logistic infrastructure depriving Afghan people of access to it.