පුරාවිද්‍යා දෙපාර්තමේන්තුවට නැගෙනහිර උසාවියකින් තහනම් නියෝගයක්..
*කන්නියා පිල්ලෙයාර් කෝවිල් භූමියේ චෛත්‍යය ප්‍රතිසංස්කරණය කිරීමට එරෙහිව ත්‍රිකුණාමලය මහාධිකරණයෙන් අතුරු තහනම් නියෝගයක්.
නැගෙනහිර පළාතේ පුද්ගලික ඉඩමක පිහිටි පැරණි නටබුන් චෛත්‍ය භූමියක පුරා විද්‍යා දෙපාර්තමේන්තුව විසින් අලුතින් සිදුකරන ඉදිකිරීම් අත් හිටුවමින් අධිකරණය අතුරු තහනම් නියෝගයක් නිකුත් කර තිබේ.
ත්‍රිකුණාමලය මහාධිකරණයේ අතුරු තහනම
පැමිණිලිකාර පාර්ශවය වෙනුවෙන් අධිකරණය හමුවේ පෙනී සිටි ජනාධිපති නීතිඥ එම්.ඒ සුමන්දිරන් මාධ්‍යවේදීන් හමුවේ කියා සිටියේ කන්නියා උණුදිය ලිං පිහිටි භුමියට සමීපව ඇති පිල්ලෙයාර් කෝවිල් භූමියේ පිහිටි පැරණි චෛත්‍යයක් පවතින තත්වයෙන් තහවුරු කිරීම වෙනුවට ප්‍රතිසංස්කරණය කිරීම නවතාලමින් ත්‍රිකුණාමලය මහාධිකරණය විනිසුරු එම්. ඒ. ඒ අබ්දුල්ලා 2026 අගෝස්තු 31 වැනිදා නිකුත් කළ අතුරු තහනම් නියෝගය සැප්තැම්බර් 22 දක්වා බල පැවැත්වෙන බවයි.
කන්නියා උණු දිය උල්පත් ආසන්නයේ පිහිටි මේ වන විට විනාශයට පත්ව ඇති පිල්ලෙයාර් කෝවිල් භූමියේ පිහිටි පැරණි චෛත්‍යයක ප්‍රතිසංස්කරණ කටයුතු සිදු කිරීම සදහා ජුලි 22 වැනිදා පුරා විද්‍යා දෙපාර්තමේන්තුව විසින් මුල් ගල් තබා තිබේ.
“අද තියෙන තත්වයෙන් ඒක පවත්වාගෙන යන්න ඕනේ. ඒ කියන්නේ කිසිම ඉදිකිරීමක් කරන්න හොඳ නැහැ කියන නියෝගයක් දීලා තියෙනවා. සැප්තැම්බර් මාසේ 22 වැනිදා වෙනකම් ඒ නියෝගය බලාත්මකව තියෙනවා,” යි නීතිඥ සුමන්දිරන් ප්‍රකාශ කළේය.
තත්වය අධ්‍යයනය කොට වාර්තාවක් ඉදිරිපත් කිරීම වෙනුවෙන් පුරාවිද්‍යා දෙපාර්තමේන්තුව වෙනුවෙන් පෙනී සිටි රජයේ නීතිඥයා කල් ඉල්ලීම අධිකරණයේ දින නියමයට හේතු වූ බව පළාත්බද වාර්තාකරුවෝ පවසති.
ඔවුන් වැඩිදුරටත් පවසන්නේ පිල්ලෙයාර් කෝවිල හා ඒ ආසන්නයේ පිහිටි පැරණි චෛත්‍යය සහිත භුමිය ප්‍රදේශවාසියකුට අයත් පුද්ගලික ඉඩමක් බවයි.
පැරණි එකඟතාව සහ මෝසම
පුද්ගලික භුමියේ පිහිටි පිල්ලෙයාර් කෝවිල වෙනත් ස්ථානයක ඉදි කිරීමටත්, එම භුමියේ පවතින පැරණි චෛත්‍යය ඒ ආකාරයෙන්ම සංරක්ෂණය කිරීමටත් මීට ඉහතදී පුරා විද්‍යා දෙපාර්තමේන්තුව අධිකරණය හමුවේ එකඟතාවයකට පැමිණ තිබුණි.
පළාත් බද වාර්තාකරුවන් පවසන්නේ පුරාවිද්‍යාත්මක වටිනාකමක් ඇති බවට හඳුනාගෙන ඇති ස්ථානයක් ආරක්ෂා කිරීම සඳහා පුරාවිද්‍යා දෙපාර්තමේන්තුවට අයිතියක් ඇති බවත්, ඒ අනුව, එහි පැවති බව පැවසෙන පුරාණ චෛත්‍යය දැනට පවතින තත්ත්වයෙන්ම ආරක්ෂා කිරීමට පමණක් ඔවුන්ට අයිතිය ඇති බවට H.C.R./RIT/590/2019 නඩුවේ දී ඇති කරගත් එකඟතාවේ සඳහන්ව ඇති බවයි.
එම තීන්දුව ප්‍රකාරව ඉඩමේ හිමිකරු විසින් නීතිඥ ප්‍රශාන්ති උදයකුමාර් මාර්ගයෙන් අධිකරණයට මෝසමක් මගින් දැනුම් දී ඇත්තේ අධිකරණය ඉදිරියේ මීට පෙර ඇති කරගත් එකඟතාවට පටහැනිව පුරාවිද්‍යා දෙපාර්තමේන්තුව විසින් සිය භුමියේ පිහිටි පැරණි චෛත්‍ය ප්‍රතිසංස්කරණය වෙනුවෙන් මේ වන විටත් කටයුතු සිදු කරමින් සිටින බවයි.
පුරාවස්තු පනතේ 20 වැනි වගන්තිය
පැමිණිලිකාර පාර්ශවය වෙනුවෙන් අධිකරණය හමුවේ පෙනී සිටි ජනාධිපති නීතිඥ එම්.ඒ සුමන්තිරන් අගෝස්තු 31 වැනිදා මාධ්‍යවේදීන් හමුවේ වැඩි දුරටත් කියා සිටියේ පෞද්ගලික ඉඩමක ඇති පුරා විද්‍යා ස්ථානයක් ආරක්ෂා කිරීම විනා එහි ප්‍රතිසංස්කරණ කටයුතු සිදු කළ නොහැකි බවට පුරාවස්තු ආඥා පනතේ පෙන්වා දී ඇති කරුණු මෙන්ම මීට ඉහතදී පුරා විද්‍යා දෙපාර්තමේන්තුව විසින් අධිකරණය හමුවේ එකග වී ඇති කරුණු ද ත්‍රිකුණාමලය මහාධිකරණය හමුවේ යළි අවධාරණය කළ බවයි.
“පුරාවිද්‍යා පනතේ 20 වැනි වගන්තියේ ඉඩම් අයිතිකාරයාත්, පුරාවිද්‍යා අධ්‍යක්ෂ ජනරාල්වරයාත් අතර ගිවිසුමක් ඇති කරගන්න පුළුවන් කියලා තියෙනවා. ඒ ගිවිසුමේ එහෙ තියෙන පුරාවිද්‍යා ස්ථානය ආරක්ෂා කරන්න ගිවිසුම් ගත වෙන්න පුළුවන්. අපේ ස්ථාවරය මොකක්ද කිව්වොත්, අධිකරණයේදී ගත්ත එකඟත්වය තමයි ඒ ගිවිසුම. පුරාවිද්‍යා පනතේ 20 වැනි වගන්තිය යටතේ තියෙන ගිවිසුමේ විශේෂිතව ආරක්ෂාව විතරක්, විතරක් කියන වචනය තියෙනවා. ඒ කියන්නේ, වෙන මොකුත් තියෙන්න හොඳ නැහැ. ආරක්ෂා කරන එක විතරයි කරන්න පුළුවන්. ප්‍රතිසංස්කරණය කරන්න බැහැ. සංරක්ෂණය කරන්න බැහැ. වෙන, පනතේ දීලා තියෙන වෙනත් බලයන් භාවිත කරන්න බැහැ. මොකද කිව්වොත්, එයාලා එකඟ වෙලා තියෙනවා අපිත් එක්ක ඒක තියෙන විදිහට ආරක්ෂා කරන ක්‍රියාවලිය විතරක් අපි කරනවා කියලා අධිකරණයේ එකඟ වෙලා තියෙන නිසයි අපි මේක ආයෙත් අධිකරණයට ඉදිරිපත් කළේ.”
චෛත්‍යය පිහිටි බව පැවසෙන ස්ථානයේ පැරණි ගොඩනැගිල්ලක නටබුන් සේ දිස්වන ගල් ගොල්ලක් තිබෙන අතර එම භුමියේ අලුතින් සිදුකෙරෙන ඉදිකිරීම්ද දැකගත හැකිය.
- theleader
සම්බන්ධිත පුවත් | Related News
ප්‍රධාන පුවත්
පනාමුරේ තිලකවංශ නාහිමියන්ට ජීවිත ආරක්ෂාව ඉල්ලමින් මහජන ආරක්ෂක නියෝජ්‍ය අමාත්‍යවරයාට ලිපියක්..
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..