සුරේෂ් සලේ අත්අඩංගුවට ගැනීම පිටුපස බරපතළ කුමන්ත්‍රණ දෙකක්.. - වෛද්‍ය වසන්ත බණ්ඩාරගෙන් විශේෂ හෙළිදරව්වක්

Aug 24, 2026 at 11:15 AM

|

Lanka Leader

හිටපු බුද්ධි ප්‍රධානී මේජර් ජෙනරාල් සුරේෂ් සලේ මහතා අත්අඩංගුවට ගැනීමට පිටුපස රට බෙදීමේ සහ ඉස්ලාම් අන්තවාදය ආරක්ෂා කිරීමේ බරපතළ කුමන්ත්‍රණ දෙකක් ක්‍රියාත්මක වන බවත්, ඒ පිළිබඳව වෙනම පරීක්ෂණයක් පැවැත්විය යුතු බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

ඊයේ පැවැති විශේෂ මාධ්‍ය හමුවකට එක්වෙමින් ඒ මහතා පෙන්වා දුන්නේ යුද සමයේදී මෙන්ම ඊට පසුවද රට වෙනුවෙන් විශාල බුද්ධි මෙහෙයුම් ප්‍රමාණයක් සිදුකළ නිලධාරියෙකු මෙලෙස දඩයම් කිරීම තුළින් සමස්ත ජාතික ආරක්ෂක පද්ධතියම බිඳවැටීමේ අවදානමක් ඇති වන බවයි.

එහිදී වෛද්‍ය වසන්ත බණ්ඩාර මහතා වැඩිදුරටත් දැක්වූ අදහස් මෙසේය:

"ශ්‍රීල් ගාමිණී පියතුමාලට අබමල් රේණුවක හෘද්ද ශාක්ෂියක් තියෙනවා නම්, මුලින්ම කියන්න ඕනේ මොකක්ද? ඔබ මුලින්ම කරන්න ඕනේ මොකක්ද? මේ දෘෂ්ඨිවාදය අද වෙනකනුත් කිසිවක් කියලා නෑ.

සහරාන් හෂීම් කියන්නෙත් මේ අන්තවාදී දෘෂ්ටිවාදයේම ගොදුරක්. ඔහුව හදලා තියෙන්නේ ඒ දෘෂ්ටිවාදයෙන්. එහෙම වෙලත්, ගාමිණී පියතුමා  හෝ කාදිනල් පියතුමා අද වෙනකල් මේ දෘෂ්ටිවාදයට විරුද්ධව එක වචනයක්වත් කියලා නෑ. එයාලා කරන්නේ ඒක ආරක්ෂා කරන එක. මේ ඉස්ලාම් අන්තවාදියා ගෝඨාභය රාජපක්ෂ මහත්තයාව බලයට ගේන්න උදව් කළා කියන කතාවට  හිනාවෙනවා නම්, හිනාවෙවී ඉල ඇදිලා  තමයි මැරෙන්න වෙන්නේ.

සුරේෂ් සලේ මහත්තයට මේ වද දෙන විදිහට එතුමා මියගියොත්, ජනාධිපතිවරයාට ගෙවන්න වෙන වන්දිය හරිම බරපතළ එකක් වෙයි.

අද පවත්වන මේ සාකච්ඡාව ගොඩක් වැදගත් එකක් කියලා මම විශ්වාස කරනවා. අපේ ජ්‍යෙෂ්ඨ නීතිඥ සංජීව මහත්තයා නීති විශාරදයන්ට සහ ජාතික කටයුතු ගැන උනන්දුවක් දක්වන අයට හරිම විශිෂ්ට ඉදිරිපත් කිරීමක් කළා. ජනාධිපතිතුමා මේ කරුණු අකුරක් නෑර අහගෙන ඉන්න ඕනේ. එතුමා මේකට සවන් දුන්නොත්, ආයේ ඒ ලේඛනයට අත්සන් කරන්න වෙන්නේ නෑ. කවුරු මොන තර්කය දැම්මත්, මේක නිවැරදියි කියන එක පැහැදිලියි.

ශානි අබේසේකර සම්බන්ධයෙනුත් ඒක එහෙමම තමයි. ආයේ නිල ඇඳුම ඇඳගෙන ඒ පුටුවේ වාඩි වෙන්න එයාට කිසිම අයිතියක් නෑ. එයාලා ගෙනියන මේ ක්‍රියාවලිය නීතියෙන් සාධාරණීකරණය කරන්න කිසිම තර්කයක් ඉදිරිපත් කරන්න බෑ.

අපේ සාකච්ඡාවේ අවසානෙදි ශාන්ත මැතිතුමා කියපු කාරණාවෙන් මම පටන් ගන්න කැමතියි. මගේ ඉදිරිපත් කිරීම තමයි, අපිට තවත් මේ ක්‍රියාවලිය ඉස්සරහට ගෙනිහින්, ඊට පස්සේ අනුකම්පාව පස්සේ ඇදි ඇදී ගිහින් වැඩක් නෑ කියන එක. අපි කෙළින්ම ක්‍රියාකාරී ප්‍රවේශයකට යන්න ඕනේ.

ජනාධිපතිතුමාගේ මොළය අවුල් කරන්නේ කවුද? මේ බලපෑම් කරන්නේ කවුද? මේක පිටිපස්සේ තියෙන කුමන්ත්‍රණය මොකක්ද? අපි ඒක හොයාගන්න ඕනේ. මෙතන පැහැදිලිවම කුමන්ත්‍රණ දෙකක් තියෙනවා.

මේ සුරේෂ් සලේ මහත්තයා අපේ රටේ යුද්ධය තිබ්බ කාලෙවත් හමුදාවේ හමුදා බුද්ධි අංශයක් තිබ්බේ නෑ කියනවා. එයා තමයි ඒ ක්‍රියාවලිය පටන් අරන්, ඒකට ජීවය දීලා, ඒක ශක්තිමත්ව ගොඩනඟලා, දිගුකාලීන මෙහෙයුම්වලට ඕන කරන බුද්ධි තොරතුරු සැපයුවේ. ජාත්‍යන්තර මට්ටමේ මෙහෙයුම් පවා කරපු කෙනෙක් එයා. 'දෙමළ ගාඩියන්' වෙබ් අඩවියේ තියෙන සමහර ප්‍රකාශවලින් පැහැදිලි වෙනවා ජෙනරාල් සුරේෂ් සලේ මහත්තයා ගැන එයාලගේ හිතේ තියෙන වෛරය කොච්චරද කියලා.

මේක සංකේතයක් විදිහට බැලුවොත් ලොකු චිත්‍රය පැහැදිලි වෙනවා. නාවික හමුදාපති උළුගෙතැන්න මහත්තයා ගැන නාවික හමුදාවට සහ එල්.ටී.ටී.ඊ. එකට සම්බන්ධව විශේෂ වෛරයක් තියෙනවා කියලා සමහර ඩයස්පෝරා සාමාජිකයෝ කියනවා. මොකද නාවික හමුදාව තමයි එයාලගේ මුළු ආයුධ සැපයුම් ජාලයම කඩලා දාලා, එයාලව දුර්වල කරලා, අන්තිමට එයාලට පැනලා යන්න බැරි තත්ත්වයක් හැදුවේ.

සැකකාරයෙක්ගේ සාක්ෂියක් උඩ හිටපු හමුදාපතිවරයාව අත්අඩංගුවට අරන්, කූඩුවට දාලා අධිකරණයට ගේනවා. කෙනෙක්ව සමාජය ඉස්සරහා අවමානයට ලක් කරලා එයාලා බලන්නේ මොකක්ද? එයාලට ඕනේ හමුදා නිලධාරීන්ට පණිවිඩයක් දෙන්න: "ජීවිතය පරදුවට තියලා කැපවෙලා වැඩ කළොත්, මෙන්න උඹලට වෙන අන්තිම ඵලය."

ඊළඟට කරුණාගොඩ මහත්තයාගේ කතාව. හමුදා පනත යටතේ හමුදාපතිට යම් පත්වීම් සම්බන්ධයෙන් පුහුණුවක් හරි තීරණයක් හරි ගන්න පුළුවන් කියලා බොරු චෝදනාවක් දාන්න පුළුවන්. ඒක එයා තනියම කරන දෙයක් නෙවෙයි.

ප්‍රභාකරන්ට පැනලා යන්න බැරි වෙන්න තවත් ප්‍රධාන හේතුවක් වුණේ නාවික හමුදාව මෙහෙයවපු නිලධාරියා සහ තවත් බුද්ධි නිලධාරියෙක්. පෙරේදා ඉඳන්ම රහස් පොලිස් ප්‍රධානියා, පුනරුත්ථාපනය වෙච්ච එල්.ටී.ටී.ඊ. සැකකාරයෙක්ගෙන් සාක්ෂියක් අරන් අත්අඩංගුවට ගන්න උත්සාහ කරනවා.

අද වෙනකොට කෙනෙක් නාවික හමුදාවේ විශේෂ සේවාවකට එකතු වෙද්දී හමුදාවේ කැමැත්ත වැදගත් වෙනවා. එයාලගේ දක්ෂතාවලටවත්, අවුරුදු ගාණක සේවා කාලයටවත් නෙවෙයි කිසිම කෙනෙක් කැමැත්තෙන් ඉස්සරහට එන්නේ. එයාලා දැනටමත් බෙදුම්වාදී ආරක්ෂක බලවේග ඇතුළෙන්ම කඩලා දාන්න ලොකු ජයග්‍රහණ අරන් තියෙනවා.

සුරේෂ් සලේ මහත්තයාගේ වැඩපිළිවෙළ හරිම ඉහළ මට්ටමක තිබ්බ එකක්. හමුදා ආරක්ෂක පද්ධතියේ බුද්ධි අංශය කියන්නේ "ඇහැ"ට. ඇහැක් නැතුව යුද්ධ කරන්න බෑ. සුරේෂ් සලේ මහත්තයා ඒ මතවාදී ක්‍රියාවලිය පවා ගොඩක් හොඳට තේරුම් ගත්ත කෙනෙක්. එයා ජාතික සංවිධානවල නායකයන්ව හම්බවෙලා තියෙනවා. අපුව හම්බවෙන්න ආවා කියලත් එක අවස්ථාවක කිව්වා. ආචාර්ය ගුණදාස අමරසේකර මහත්තයාව හම්බවෙන්න ගියේ මේ මතවාදය ගැන දැනගන්නයි, ඒකේ තියෙන වැදගත්කම තේරුම් ගන්නයි. එයා මේ මතවාද ගැන අධ්‍යයනය කරන්න වෙනම නිලධාරියෙක් පවා දාලා තිබ්බා. එයා මහජන මතය සහ ලේඛන පවා ගැඹුරින් අධ්‍යයනය කළා.

එහෙමනම් අනාගත බුද්ධි නිලධාරීන්ට දෙන පණිවිඩය මොකක්ද? එළියට ගිහින් කා එක්කවත් ගනුදෙනු කරන්න යන්න එපා. සතුරු පාර්ශ්වයේ අයව දිනාගෙන තොරතුරු ගන්න යන්න එපා. මෙන්න උඹලට වෙන ඉරණම.

මේ රහස් බුද්ධි ආරක්ෂක පද්ධතිය කඩලා දාන ප්‍රධාන ක්‍රියාවලියේ එක උච්චතම අවස්ථාවක් තමයි සුරේෂ් සලේ මහත්තයාට එරෙහිව ගන්න මේ ක්‍රියාමාර්ගය. මෙතෙක් ආපු ගමන කිසිම විදිහකින් සාධාරණීකරණය කරන්න බෑ.

අන්ද්‍රෝ මහත්මිය මතක් කරපු රාජ් පටෙල්ගේ වාර්තාව ඇමෙරිකාවෙන් නිකුත් කරපු හොඳම අධ්‍යයනයක් විදිහට සලකන්නේ. ඒකේ සාක්ෂි, ඉලෙක්ට්‍රොනික සාක්ෂි සහ රසායනික වාර්තාත් තියෙනවා. හැබැයි ඒකේ දශමයකින්වත් සුරේෂ් සලේ මහත්තයා ගැන සඳහන් වෙන්නේ නෑ.

ජනාධිපති කොමිෂන් සභා වාර්තාවලිනුත් මේ බොරු කතාව සම්පූර්ණයෙන්ම ප්‍රතික්ෂේප කරලා තියෙනවා. මේක පිටිපස්සේ කුමන්ත්‍රණ දෙකක් තියෙන බව පැහැදිලියි. එකක් තමයි කතෝලික සභාව, ජාත්‍යන්තර රාජ්‍ය නොවන සංවිධාන, සාම ක්‍රියාකාරීන් සහ මේ රට බෙදුම්වාදයේයි ආගමික අන්තවාදයේයි ගොදුරක් කරන්න ඕන කරන අය එකතුවෙලා කරන කුමන්ත්‍රණය.

ඊට පස්සේ තමයි “මහ මොළකරු” (Mastermind) න්‍යාය ආවේ. සිරිල් ගාමිණී පියතුමාගේ පාස්කු උපහාරය තිබ්බ දවසේ එයා මොකක්ද කිව්වේ? 2021 ඔක්තෝබර් වෙනකල් එයා කරපු හැම කතාවක්ම බැලුවොත් “මහ මොළකරු” ගැන කතාවක් තිබ්බේ නෑ. වගකීම ඉටු නොකරපු නිලධාරීන්—ශානි අබේසේකර සහ රවි සෙනෙවිරත්න වගේ අය—තොරතුරු දැනගෙනත් ඒ අනුව වැඩ කළේ නෑ කියලා එයා දොස් කිව්වා.

2021 ඔක්තෝබර් මාසේදී තමයි “මහ මොළකරු” ගැන වෙනම න්‍යායක් ආවේ. සංජීව මහත්තයා කිව්වා වගේ, සිරිල් ගාමිණී පියතුමාගේ මේ වැඩවල අන්තිම ප්‍රතිඵලය වුණේ 2023 දී මවුලානාගේ කටින් ප්‍රකාශයක් ගන්න එක. ඒක කා ලවා හරි කියවගන්න ඕන වුණ එකක්.

ජාත්‍යන්තර පුවත්පතක් ලිංගික අපචාර චෝදනා හින්දා පැනලා ගිය කෙනෙක්ව අත්අඩංගුවට ගත්තා, ඊට පස්සේ එල්.ටී.ටී.ඊ. එකෙන් පඩි ගන්න අය Channel 4 එකේ ඉන්නවා කියලා වාර්තා කළා. Channel 4 කියන්නේ එල්.ටී.ටී.ඊ. එකෙන් ගෙනියන සංවිධානයක් කියලා ලෝකයම දන්නවා. එයාලා ඒක පාවිච්චි කරලා තමයි මේ පණිවිඩය ප්‍රචාරය කරන්නේ.

තවත් පූජකවරයෙක්ව අත්අඩංගුවට අරන් උසාවියට ඉදිරිපත් කළාට පස්සේ එයාව මහේස්ත්‍රාත් උසාවියට ගේනවා. මේක බෙදුම්වාදී බලවේගවලට ඕන කරන කුමන්ත්‍රණය බව පැහැදිලියි. මෙතන කුමන්ත්‍රණ දෙකක් තියෙනවා.

පළමු කුමන්ත්‍රණය තමයි රණවිරුවන්ගේ මානසිකත්වය සහ මුළු ආරක්ෂක හමුදා පද්ධතියම කඩලා දාන එක. ඒක බෙදුම්වාදීන්ගේ අන්තිම ප්‍රහාරයට ඕන කරන පූර්ව කොන්දේසියක්. ජාත්‍යන්තර අපරාධ විමර්ශන ක්‍රියාවලියක් දැන් තවත් ඕනේ නෑ. ඒ ගැන කතා වෙන්නෙත් නෑ. දැන් මේ පාවාදීම සිද්ධ වෙන්නේ අපේම රට ඇතුළෙන්.

ජාත්‍යන්තරව ඒ ක්‍රියාවලිය පටන් ගත්තු පියතුමාගේ ආශීර්වාදය ඇතිව ඒක දැන් ඉස්සරහට යනවා. ජනාධිපතිවරයා ඒකේ ගොදුරක් වෙලා ඉන්නේ. එයා ඒකට වගකියන්න ඕන තත්ත්වයකට පත්වෙනවා කියන එකේ සැකයක් නෑ.

සමස්ත ප්‍රශ්නයම අපි හරියට විසඳගන්න ඕනේ.

දෙවෙනි කුමන්ත්‍රණය තමයි මේ රට ඉස්ලාම් අන්තවාදයේ ගොදුරක් කරන එක. සිරිල් ගාමිණී පියතුමා ළඟ මේ අමානුෂික ක්‍රියාව ගැන ස්ථිර සාක්ෂියක් තියෙනවා නම්, ඒක මියගිය ජනතාව වෙනුවෙන් ඉදිරිපත් කරන්න ඕනේ. මම මුලින්ම කියන්න ඕනේ මොකක්ද? ඔබ මුලින්ම කරන්න ඕනේ මොකක්ද?

සහරාන් හෂීම් කියන්නෙත් මේ දෘෂ්ටිවාදයේ වින්දිතයෙක්. ඔහුව හදලා තියෙන්නේ ඒ දෘෂ්ටිවාදයෙන්. ගාමිණී පියතුමා හරි කාදිනල් පියතුමා හරි මේ දෘෂ්ටිවාදය ගැන එක වචනයක්වත් කියලා නෑ. දෘෂ්ටිවාදය ආරක්ෂා කරන එක ගැනයි අද අවධානය යොමු වෙලා තියෙන්නේ. මේ ආගමික අන්තවාදය හරිම භයානකයි. ඒක ISIS වගේ කණ්ඩායම්වලට ඇතුළට රිංගලා, පුපුරන ද්‍රව්‍ය දීලා, ගිනි අවුලවන්න ඕන කරන මානව සම්පත හදන්න ඉඩ හදලා දෙනවා. ඒ මානව සම්පත හැදුවට පස්සේ බෝම්බයක් පල්ලියක තියෙනවාද, පන්සලක තියෙනවාද කියන එක වෙනම කතාවක්. ඒ හැම එකකම පූර්ව කොන්දේසිය මොකක්ද? මේ ආගමික අන්තවාදය පැතිරෙන එක නවත්තන එක ගැන අපි කතා කරන්න ඕනේ. අඩුම තරමේ යුක්තිය ඉෂ්ට කරන්නවත් ඒක ඕනේ.

ගාමිණී පියතුමා අද වෙනකල් මේ ආගමික අන්තවාදයට විරුද්ධව එක වචනයක්වත් කියලා නෑ. ඒක දිගින් දිගටම ගෙනිහින් ලොකු විනාශයක් වෙන තැනට වැඩ කරන එක බෙදුම්වාදී කුමන්ත්‍රණයේම කොටසක්. මේ දෙක එකිනෙකට බැඳිලා තියෙන්නේ. මේක මේ රටට විරුද්ධව යන ක්‍රියාවලියක ගොදුරක්. ඒ ගොදුරු වුණු අයගෙන් එක්කෙනෙක් තමයි සුරේෂ් සලේ මහත්තයා.

අපි ජනාධිපතිවරයාට කියන්නේ මේ කුමන්ත්‍රණයේ ගොදුරක් වෙන්න එපා කියලයි. මේ කුමන්ත්‍රණයේ ගොදුරක් බවට මමත් පත් වෙලා තියෙනවා. මේක හොඳටම දැක්ක කෙනා තමයි ගෝඨාභය රාජපක්ෂ මහත්තයා. ඉස්ලාම් අන්තවාදීන් ගෝඨාභය රාජපක්ෂ මහත්තයාව බලයට ගේන්න උදව් කළා කියන කතාවට ඔයාලා හිනාවෙනවා නම්, හිනාවෙවී තමයි මැරෙන්න වෙන්නේ.

සුරේෂ් සලේ, ඉස්ලාම් අන්තවාදී සහරාන් හෂීම්ව ගෝඨාභයට බලයට එන්න පුළුවන් වෙන විදිහට මරාගෙන මැරෙන ප්‍රහාරයකට පෙළඹෙව්වාලු. ඒකට එයාලා සල්ලිත් දුන්නාලු. මෙච්චර ධනයක් තිබ්බ ඊබ්‍රාහිම් මහත්තයා එයාගේ පුතාලා තුන්දෙනා වෙනුවෙන් සල්ලි දෙනවලු. මීට වඩා හොඳ උදාහරණයක් ලෝකේ වෙන කොහෙන්ද හොයාගන්න පුළුවන්?

ජාතික මන්ත්‍රීවරයා එයාගේ පුතාලා තුන්දෙනාව ගෝඨාභය වෙනුවෙන් දෙනවා කියනවා. හැබැයි අන්තිමේදී ගෝඨාභය රාජපක්ෂ මහත්තයා මේක තේරුම් ගන්න ඕනේ. මේ ඉස්ලාම් අන්තවාදී ව්‍යාපාරය නැති කරන්න එයා ගත්තු පියවර හැමෝම නොදන්නවා වුණාට ගොඩක් අය දන්නවා. එයාට අයින් වෙන්න වුණේ ඒ නිසයි. මේ හැමෝම එයාට විරුද්ධව ආයුධ ඉස්සුවා. සටනට වැඩියෙන්ම සම්බන්ධ වුණේ කවුද කියලා එයා දන්නවා. බුරියානි දුන්නේ කවුද කියලත් එයා දන්නවා. එයාට අයින් වෙන්න වුණේ ඒ නිසයි. මේ ගැන එක වචනයක්වත් කියන්නේ නෑ.

අපේ පැත්තෙනුත් මේක හරියට ඉදිරිපත් වෙන්නේ නෑ. ජාතික ආරක්ෂාව පිළිබඳ ආංශික කාරක සභාවේ වාර්තාව උඩ පදනම් වුණු යෝජනා 57ක් තියෙනවා. මේක ආගමික අන්තවාදය නැති කරන එක විතරක් නෙවෙයි. මේ අන්තවාදී පොඩි පිරිස හින්දා අහිංසක මුස්ලිම් ළමයින්ට, අනාගත පරම්පරාවට සහ සාමකාමී මුස්ලිම් ජනතාවට ලොකු විනාශයක් වෙනවා.

අපි කෙළින්ම ක්‍රියාකාරී ප්‍රවේශයකට යන්න ඕනේ. මේ කුමන්ත්‍රණ හෙළිදරව් කරන්න ඕනේ, වහාම අපේ ප්‍රවේශය වෙනස් කරන්න ඕනේ. මේ අවුලටයි අන්තවාදයටයි හේතුව මෙන්න මේකයි.

අන්තවාදය නැති කරන්න ගෝඨාභය රාජපක්ෂ මහත්තයාගේ කැබිනට් පත්‍රිකාව අදටත් තියෙනවා. බසිල් රාජපක්ෂ මහත්තයා ඒක අකුලලා දැම්මට, ඒක ක්‍රියාත්මක කරන්න ඕනේ කියන පක්ෂයේ ස්ථාවරය අපි ඉස්සරහට ගේන්න ඕනේ. සුරේෂ් සලේ මහත්තයා අද දුක් විඳිමින් කරන මේ පරිත්‍යාගය හරිම වටින එකක්. ඒකට වටිනාකමක් ලැබෙන්නේ ඒ නිසයි. එයා ප්‍රාර්ථනා කරපු කෙනා මැරෙන්න පුළුවන්, අපිටත් මැරෙන්න පුළුවන්. එයා මේ ලෙඩින් පීඩා විඳිමින් ඉද්දි මැරුණොත්, ජනාධිපතිවරයාට ගෙවන්න වෙන වන්දිය හරිම බරපතළ එකක් වෙයි. මේ රටේ ජනතාව ඒකට සමාව දෙන එකක් නෑ.

අපි අපේ ආණ්ඩුවට බලකරලා කියන්නේ 28 වෙනිදා වෙනකොට කම්මැලි නොවී වැඩ කරන්න කියලයි. අනුර කුමාර දිසානායක ජනාධිපතිතුමා වහාම මේ ගැන වෙනම පරීක්ෂණයක් පටන් ගන්න ඕනේ. මේ කුමන්ත්‍රණය අඳුරගෙන සුරේෂ් සලේ මහත්තයාව නිදහස් කරන්න කියලා අපි ඉල්ලනවා.

අපේ රටේ ජනතාවගෙන්—විශේෂයෙන්ම බුද්ධිමත්, තොරතුරු දන්න පුරවැසියන්ගෙන්—සංජීව මහත්තයාගේ කතාව අහන්න කියලා මම ඉල්ලනවා. ඒකට ඇහුම්කන් දුන්නට පස්සේ ඒකට විරුද්ධව තර්කයක් හදන්න කාටවත් බෑ. එයා ඒක ගොඩක් හොඳට අධ්‍යයනය කරලා විශිෂ්ට විදිහට ඉදිරිපත් කළා. ඒකට ස්තුතියි.

අන්තිම වශයෙන්, මහජන කොමිසමක් පත් කරන්න ඕනේ කියලා මම යෝජනා කරනවා. මහජනයා විදිහට, නීතිඥ සංගමය, දැනුම සහ විද්වත්කම තියෙන අය, තිරාණගම මහත්තයා වගේ ජ්‍යෙෂ්ඨ නීති විශාරදයන් එක්ක එකතු වෙලා වැඩ කරන්න අපිට ලෝකයම පිළිගත්ත සම්ප්‍රදායක් තියෙනවා. මේ කුමන්ත්‍රණය එළියට දාන්න මහජන කොමිසමක් පත් කරන්නම ඕනේ. මේ ගැන අධ්‍යයනය කරපු අයට අදහස් දක්වන්න ඉඩ දීලා, ඊට පස්සේ එයාලා පස්සෙන් ගිහින් ජනාධිපතිගේ කඳුළු පිසදාදා ඉඳලා වැඩක් වෙන්නේ නෑ.

ජනාධිපතිවරයා මේ කුමන්ත්‍රණයෙන් ගැලවෙන්න හදනවා නම්, අපි කරන්න ඕනේ එයාට අභියෝග කරලා මේක එළිදරව් කරන එකයි. ඒ හින්දා, බෙදුම්වාදී කුමන්ත්‍රණය සහ ඉස්ලාම් ආගමික අන්තවාදය පතුරාහරින්න සමහර කතෝලික පූජකයන් කරන මේ කුමන්ත්‍රණය එළියට ගන්න ඕනේ. ඒකට කොමිසමක් පත් කරන්න කියලා මම ඉල්ලනවා. ජාතික සංවිධානවලට සම්බන්ධ අපි හැමෝම එකතු වෙලා ඒක කරන්න ඕනේ.

ඒ එක්කම, අපි අපිටම අභියෝග කරගන්න ඕනේ. මෙන්න කරන්න ඕන දේ. පළමුවෙනි එක, මුදල් අමාත්‍යාංශය මේ ගැන ප්‍රතිචාරයක් දීලා තියෙනවා. මේ චෝදනාව දාපු වෙලාවේ සුරේෂ් මහත්තයා පේරෝල් පිට හිටියේ නෑ. මෙහෙම දෙයක් වෙලා නෑ. එයා සේවයේ හිටියෙත් නෑ. මේ හැම කතාවක්ම ඇත්ත කියනවා. දැන් අපේ අමාත්‍යවරයා මේක කැඳවන්න ඕනේ. හමුදාපති කියන්නේ එයාලා පත් කරපු කෙනෙක්. එහෙමනම් මුලින්ම මේ ප්‍රතිචාරය හරිද වැරදිද කියලා දැනගන්න ඕනේ. අදාළ වාර්තා උසාවියට ඉදිරිපත් කරලා තියෙන්නේ.

දෙවෙනි එක, අපි මේකට අභියෝග කරන්න ඕනේ, ඒ වගේම නීතිමය තත්ත්වය පරීක්ෂා කරලා බලන්න ඕනේ.

තමන්ට හම්බවුණු තොරතුරු උඩ වැඩ නො කරපු වරදට නිලධාරීන් දෙන්නෙක්ට මරණ දඬුවම දීලා තියෙනවා. ඒක තවත් කාණ්ඩ හයකට අදාළයි. අපිට මේ අභියෝගය උසාවියට අරන් යන්න පුළුවන් නම් ඒක පරීක්ෂා කරලා බලන්න ඕනේ.

නීතිපති දෙපාර්තමේන්තුවේ නිලධාරීන් තුන්දෙනෙක්ට 2018 ඉඳන් සහරාන්ව අත්අඩංගුවට ගන්න වරෙන්තු නිකුත් කරලා තිබ්බා. එයාලා ඒ ෆයිල් හංගගෙන හිටියා. එයාලගෙන් එක්කෙනෙක්ගේ නම මම කියන්නේ නෑ. එක්කෙනෙක් උසාවියට ඇවිත් රණවිරුවන්ට අපහාස කරපු කටවැඩියෙක්. තව දෙන්නෙක් ඉන්නවා. ජනාධිපති කොමිෂන් සභා වාර්තාවේ මේ අයට විරුද්ධව විනය නීති ගන්න ඕනේ කියලා තියෙනවා. ඒක ගත්තද? එහෙමනම්, ඒ වරදම කරපු අනිත් අය නිදහසේ ඉන්නේ කොහොමද? ඒ ගැන උසාවියේදී අපිට කරන්න පුළුවන් මොකක්ද?

තව සාක්ෂි ගොඩක් තියෙනවා. 2015 ඉඳන් සහරාන් ගැන ආරක්ෂක මණ්ඩලයට දීපු වාර්තා තියෙනවා. අපේ හිටපු අධිකරණ අමාත්‍යවරයා විශේෂ හෙළිදරව්වක් කළා. පවුල් හතරක අය මෙච්චර ගණනක් ISIS පුහුණුව ලබමින් හිටියා කියලා ඒකේ තිබ්බා. FBI වාර්තාවෙන් මේ පුපුරන ද්‍රව්‍ය ඔක්කොම ISIS එකෙන් ගත්තා කියලා ඔප්පු වෙලා තියෙනවා. ඒ වාර්තා ගණන් ගත්තේ නැති නිලධාරීන් කවුද?

තොරතුරු දැනගෙනත් වැඩ නොකර හිටපු නිලධාරීන් කවුද? ශානි අබේසේකර සහ රවි සෙනෙවිරත්න ඇතුළු ඒ නිලධාරීන්ට විරුද්ධව ගන්න ඕන ක්‍රියාමාර්ග මොනවාද? දෙන්නෙක්ට මරණ දඬුවම දීලා තියෙද්දී අනිත් වරදකාරයෝ නිදහසේ ඉන්න පුළුවන්ද?

අණ දීපු, බලපෑම් කරපු දේශපාලන නායකයා ගැන මොකද කරන්නේ? රනිල් වික්‍රමසිංහ මහත්තයා ගැනත් ප්‍රශ්නයක් තියෙනවා. දේශපාලන ප්‍රශ්නයක් එනවා. මුස්ලිම් දේශපාලන පක්ෂ ඒකට විරුද්ධ වෙනවා. ඒ ගැන ලොකු කරුණු ප්‍රමාණයක් තියෙනවා.

ඊළඟට, දැන දැනම පූජාවලට සහභාගි නොවී හිටපු පූජකවරු කවුද? ඉන්ෆාදුගේ තාත්තා කියනවා “යන්න එපා” කියලා. පල්ලියට යන එකේ අනතුරක් තියෙනවා කියලා දැනගන්න ලැබිලා තිබ්බා. කාදිනල්තුමාත් පූජාවට ගියේ නෑ. වෙනදා වගේ ඒක කළේ නෑ. එහෙමනම් මේ අපරාධය වෙන්න ඉඩ හැරීම ගැන දැනගෙන හිටපු පූජකයන්ගෙනුත් ප්‍රශ්න කරන්න ඕනේ. එයාලා පූජිත් ජයසුන්දර මහත්තයා කරපු වරදමද කළේ කියලා බලන්න ඕනේ.

ඊළඟට, ත්‍රස්තවාදයට විරුද්ධව ක්‍රියාමාර්ග ගන්න එක නවත්තපු දේශපාලකයෝ ඉන්නවා. රවුෆ් හකීම්ලා, රිෂාඩ් බදියුදීන්ලා වගේ අයත් අත්අඩංගුවට ගන්න එපා කියලා බලපෑම් කළා. මේ අන්තවාදී කල්ලි 2015 ඉඳන්ම වැඩ කළා.

සල්ලි දීපු අයත් දැන් නිදහසේ ගෙවල්වල ඉන්නවා. සුරේෂ් සලේ මහත්තයා විතරක් මේ රඳවා තැබීමේ නියෝග යටතේ දුක් විඳිනවා. එහෙමනම් දෙන්නෙක්ට මරණ දඬුවම දීලා තියෙනවා නම්, ඒ වරදම කරපු මේ කාණ්ඩ හයට කරන්නේ මොකක්ද? අපි ඒකට අභියෝග කරන්න ඕනේ. ඒක අපේ වගකීමක්. සුරේෂ් සලේ මහත්තයා වෙනුවෙන් විතරක් නෙවෙයි, මේ රටේ නිදහස වෙනුවෙන්, ජනතාවගේ ජීවිත වෙනුවෙන් සහ රණවිරුවන්ට ගෞරවයක් විදිහට අපි ඒක කරන්න ඕනේ.

මම ගෙන් ප්‍රශ්නයක් අහනවා. අපි මේ යුද්ධය කළෙත් දිනුවෙත්, විශේෂයෙන්ම පිටරටවල සහයෝගයක් නැතුව. එතැනදී යුද්ධයේ ප්‍රධාන සෙන්පතියන්ව අපි පරාජය කළා. දැන් සුරේෂ් සලේ මහත්තයා ගැන සිද්ධවෙන්නේ ඒ රණවිරු දඩයමම නෙවෙයිද? ඒක හරිම පැහැදිලියි.

රණවිරු දඩයම් ක්‍රියාවලිය එයාලට ඕනේ පළිගන්න ඕන හින්දා. එයාලට වුණු පරාජයෙන් පළිගන්නයි, ඒ පරාජය වහගන්නයි එයාලට ඕනේ. හැබැයි අන්තිමේදී එයාලගේ පාර තියෙන්නේ බෙදුම්වාදී පාරක. ඒ පාරේ අන්තිම මීටරයට යද්දී හමුදාව බිඳවැටිලා තියෙන්න ඕනේ. හමුදාව කඳවුරු අකුලන් යන, කොන්ද කඩාගත්තු හමුදාවක් වෙන්න ඕනේ.

එහෙම නැත්නම් 58 දෙනෙක්ට චෝදනා කරලා ජාත්‍යන්තර උසාවියකින් දඬුවම් දෙන එක එයාලට එච්චර ලොකු දෙයක් නෙවෙයි. එයාලා ඊළම හදද්දී ඒ අයගෙන් පිරිසක් මැරිලත් තියෙන්න පුළුවන්. එයාලගේ අන්තිම අරමුණ එකයි.

දැන් ජාත්‍යන්තර ක්‍රියාමාර්ගයක් ඕනේ නෑ. මෙතෙක් ආපු කිසිම ආණ්ඩුවක් මේකට යට වුණේ නෑ. කොහොමහරි මේකට විරෝධය පෑවා. දැන් අනුර කුමාර දිසානායක ආණ්ඩුව ජාත්‍යන්තර ක්‍රියාවලිය සම්පූර්ණයෙන්ම එයාලගේ අතට අරන්, රට ඇතුළෙන්ම රණවිරුවන්ව බිඳවට්ටන වැඩක් කරගෙන යනවා.

මම කියපු මුළු කුමන්ත්‍රණයම මෙන්න මේකයි—බෙදුම්වාදී කුමන්ත්‍රණයයි, ආගමික අන්තවාදයෙන් රට ආරක්ෂා කරනවා වෙනුවට රට ඇතුළේ ලොකු අවුලක් හදන කුමන්ත්‍රණයයි එකිනෙකට බැඳිලා තියෙන්නේ. මේක රණවිරු දඩයමේ උච්චතම අවස්ථාවක්.

ආයේ කවදාවත් බුද්ධි නිලධාරියෙක් තවත් බුද්ධි නිලධාරියෙක්ට මෙහෙම තීරණ ගන්නවත්, කවුරුත් නොහිතන විදිහට වැඩ කරන්නවත් ඉස්සරහට එන්නේ නැති වෙයි. අවසර තිබ්බත් ඒ වගේ වැඩ කවදාවත් නොකරන තත්ත්වයක් හැදෙනවා.

නාවික හමුදාව එල්.ටී.ටී.ඊ. ත්‍රස්තවාදීන් කොච්චර ප්‍රමාණයක් පුනරුත්ථාපනය කරලා එයාලගේ මෙහෙයුම්වලට ගත්තද? ඒ මෙහෙයුම්වලින් කොළඹට ගේන්න තිබ්බ කිලෝ 1,000ක බෝම්බයක් හොයාගත්තා. කිලෝ 10ක බෝම්බයක් පිපිරුවා නම් කොළඹ නගරයට මොකද වෙන්නේ?

එහෙමනම් එල්.ටී.ටී.ඊ. එකෙන් පුනරුත්ථාපනය කරපු අයව බුද්ධි අංශයට ගත්තේ නැත්නම් මොකද වෙන්නේ? ඒක හොයාගන්න බැරි වෙන්න තිබ්බා. ඒ වගේ වැඩ කරන්නම ඕනේ. බුද්ධි අංශ ඕන කරන ඕනෑම රටක ඕක ඔහොම තමයි.

මෙතැන් සිට මේ මුකුත්ම කරන්න බැරි තත්ත්වයක් එනවා. මේක තමයි සුරේෂ් සලේ මහත්තයාගේ ඉරණම. මේ වැඩෙන් හමුදා නිලධාරීන්ගේ හිතේ බයක් හැදෙනවා. මේක හරිම දුෂ්ට වැඩක්. මේක රාජද්‍රෝහී වැඩක්. හමුදාව බෙදලා රට බෙදුම්වාදීන්ගේ ගොදුරක් කරන එක රාජද්‍රෝහී වැඩක්.

ඔබ තවත් ප්‍රශ්නයක් අහනවා: අපි දැනටමත් ජනාධිපති කොමිෂන් සභා වගේ ක්‍රම දැනගෙන ඉද්දී මහජන කොමිසමක් යෝජනා කරන්නේ ඇයි? අපිට ඒ වගේ අත්දැකීම් තියෙනවාද?

ඔව්. අපි මීට කලිනුත් මහජන කොමිෂන් සභා කිහිපයක්ම පත් කරලා තියෙනවා. ජාතික සංවිධාන ගණනාවක් එකතු වෙලා ඒවා පත් කළා. එකක් තමයි යුද්ධයෙන් පස්සේ, නැවත මේ රට බෙදුම්වාදයේ ගොදුරක් නොවෙන්න කරන්න ඕන දේවල් ගැන පත් කරපු කොමිසම. ඒකේ සභාපති වුණේ හිටපු අගරදගුරු රාජා බනසුන්දර මහත්තයා. ඒකේ වාර්තාව තියෙනවා.

මෙහෙම කොමිසමක් පත් කරද්දී ඒකේ බලතල, විෂය පථය සහ හොයලා බලන කරුණු පැහැදිලිවම වෙන් කරලා තියෙන්න ඕනේ. ඒ සංවිධාන අත්සන් කරපු පත්‍රිකාවක් එළිදක්වන්න ඕනේ, පත්තරේක දැන්වීමක් දාන්න ඕනේ. අපි මහජනතාව කැඳවන්න ඕනේ. මෙන්න මෙහෙම සංවිධාන මෙන්න මේ කරුණු හොයන්න මේ කොමිසම පත් කරනවා කියලා දැනුම් දෙන්න ඕනේ.

කොමිසමේ සාමාජිකයෝ කවුද, ඒක හම්බවෙන දවස සහ තැන මොකක්ද කියලා කියන්න ඕනේ. ඊට පස්සේ වාර්තාව එළියට දාන්න ඕනේ. පහුගිය දවස්වල බෞද්ධ සම්මේලනයත් මෙහෙම කොමිසමක් පත් කළා, හැබැයි ඒකේ වාර්තාව ආවේ නෑ.

සුරේෂ් මහත්තයා වෙනුවෙන් අපේ සහයෝගය පෙන්වන්නත් මේක හොඳ අවස්ථාවක්. සේරම බලවත් සංවිධාන එකතු වෙලා මේ කුමන්ත්‍රණය එළියට දාන්න ඕනේ. අපිට ඕනේ නිකන් අදහස් දක්වන්න නෙවෙයි, ඇත්ත කරුණු දැනගන්න.

කොමිසම පත් කරද්දී සාමාජිකයන්ට අමතරව උපදේශක මණ්ඩලයකුත් තියෙන්න පුළුවන්. අපි මහනායක හාමුදුරුවන්ටත් මේ ගැන දැනුම් දීලා කරුණු පැහැදිලි කරන්න ඕනේ. සංජීව මහත්තයා වගේ මේ කරුණු හොඳට අධ්‍යයනය කරපු කෙනෙක්ට ඒක ගොඩක් හොඳට පැහැදිලි කරන්න පුළුවන්.

එතකොට ඒක ලියවිල්ලක් බවට පත්වෙයි. හරියටම ලියවිලා තියෙන ලේඛනයක් වෙයි. ඒකේ විශ්වාසවන්තකම තියෙනවා නම් ඒක ඕනෑම උසාවියක පාවිච්චි කරන්න පුළුවන්. නීතිඥ සංගමය වගේ සංගමයක් මේකට එකඟ වෙනවා නම්, ඒ වගේ වාර්තාවක් හරිම වටිනවා. අපිට විශ්‍රාමික විද්වතෙක් වගේ කෙනෙක්වත් ඒකට පත් කරන්න පුළුවන්."