පුරාවිද්‍යා පනත අහෝසිකර ජාතික උරුම පනත නමින් පනතක් ගේන්න බෙදුම්වාදීන් යෝජනා කරලා.. උතුරු සහ නැගෙනහිර බෞද්ධ සිද්ධස්ථාන අනතුරේ.. 22 වන සංශෝධනයේ ඇත්ත කතාව මෙන්න.. - වෛද්‍ය වසන්ත බණ්ඩාරගෙන් විශේෂ අනාවරණයක්

Aug 21, 2026 at 05:17 AM

|

Lanka Leader

ආණ්ඩුව ඉතා නිර්ලජ්ජිත ලෙස දෙමළ ඩයස්පෝරාව ප්‍රමුඛ බෙදුම්වාදීන් සතුටු කිරීමට පුරාවිද්‍යා පනත අහෝසිකර ජාතික උරුම පනත නමින් පනතක් ගෙනවිත් උතුරු සහ නැගෙනහිර බෞද්ධ සිද්ධස්ථාන මෙම ජාතිවාදීන්ගේ ග්‍රහණයට නතු කිරීමට උත්සාහ දරන බවත්, නැවත වටයකින් රණවිරු දඩයම ආරම්භ කර නාවික හමුදාවේ සිටි උසස් නිලධාරීන් කිහිපදෙනෙකුට පුනුරුත්තාපනය කළ කොටි ත්‍රස්තවාදියෙකුගේ කටඋත්තර බලෙන් ගෙන ඔවුන්ව සිරගත කිරීමට උත්සාහ දරන බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

ජාතික සංවිධාන එකමුතුව මගින් පැවැත්වූ ප්‍රවෘති සාකච්ඡාවකට එක්වෙමින් ඒ මහතා පවසන්නේ 22 වැනි සංශෝධනය හරහා ආණ්ඩුව ඉතා අවුල් සහගත තත්ත්වයක් රටේ නිර්මාණය කර ඇති බවයි.

පසුගිය දා දෙමළ පාර්ලිමේන්තු මන්ත්‍රීන් වන ශානක්‍යන් සහ සුමන්තිරන් විසින් පුරාවිද්‍යා දෙපාර්තමේන්තුවට පැමිණ නැගෙනහිර පාළාතේ පුරාවිද්‍යා ගවේෂණ වාර්තාවල කරුණු වෙනස් කිරීම සඳහා සාකච්ඡා කර ඇති බවත්, එමෙන්ම බඳවා ගැනීම් පටිපාටිය වෙනස් කර උතුරු නැගෙනහිර පුරාවිද්‍යා සහකාර අධ්‍යක්ෂ තනතුරු හතරට ඔවුන්ට අවශ්‍ය පුද්ගලයන් පත් කිරීමට ඔවුන් සාකච්ඡා කර ඇති බවත් ඒ මහතා හෙළිදරව් කරයි.

එමෙන්ම ඔවුන් විසින් ජාතික උරුම ප්‍රතිපත්තිය නමින් ප්‍රතිපත්තියක් ගෙනවිත් පුරාවිද්‍යා දෙපාර්තමෙන්තුව අහෝසි කර ඒ වෙනුවට ජාතික උරුම දෙපාර්තමෙන්තුව නමින් දෙපාර්තමෙන්තුවක් ඇති කිරීමට යෝජනා කර ඇති බවත්, ඒ සඳහා නීති තෙටුම්පත් මේ වන විට සකස් කරමින් පවතින බවත් වෛද්‍ය වසන්න බණ්ඩාර මහතා මෙහිදී අනාවරණය කළේය.

සවිස්තරාත්මක වීඩියෝව නරඹන්න..