IMF ණයෙන් තුනෙන් එකකට තට්ටු කළ මහා මූල්‍ය වංචාව: කඩදාසි සමාගම් 105ක රහස එළියට.. බැංකු කළමනාකාරවරුන්ටත් මාංචු..
ශ්‍රී ලංකා මූල්‍ය පද්ධතියේ විශ්වසනීයත්වය සහ පාරදෘශ්‍යභාවය සම්පූර්ණයෙන්ම විනාශ කරමින්, ඇමරිකානු ඩොලර් බිලියනයකට ආසන්න (රුපියල් බිලියන 340 ක) දැවැන්ත නීතිවිරෝධී මුදල් විශුද්ධිකරණය කිරීමේ සිදුවීමේ තීරණාත්මක සංධිස්ථානයක් සලකුණු වී ඇත. මෙම ජාවාරමට සෘජුවම සහාය දැක්වූ ප්‍රධාන පෙළේ පෞද්ගලික වාණිජ බැංකු හතරක කළමනාකරුවන් සිව්දෙනෙකු අපරාධ පරීක්ෂණ දෙපාර්තමේන්තුවේ (CID) මූල්‍ය අපරාධ පරීක්ෂණ කොට්ඨාසය (FCID) මගින් අත්අඩංගුවට ගෙන තිබේ.
දේශීය බැංකු ඉතිහාසයේ ප්‍රථම වතාවට, අදාළ බැංකු කළමනාකරුවන් සිව්දෙනාම ඔවුන් සේවය කළ බැංකු පරිශ්‍රයන් තුළදීම අත්අඩංගුවට ගැනීම විශේෂත්වයකි.
අත්අඩංගුවට ගත් බැංකු නිලධාරීන් සහ අදාළ ශාඛා
ව්‍යාජ ආනයන ලේඛන සහ නීතිවිරෝධී ටෙලිග්‍රැෆික් හුවමාරු (TT) පහසුකම් සපයමින් මෙම දැවැන්ත මූල්‍ය වංචාවට අනුබල දීම සම්බන්ධයෙන් අත්අඩංගුවට ගත් ප්‍රධාන බැංකු නිලධාරීන් පරීක්ෂණ අංශ මගින් තහවුරු කර ඇති පරිදි මෙසේය:
සෙයිලාන් බැංකුව – ඕල්ඩ්මෝර් වීදිය ශාඛාව: කළමනාකරු ෂිරාන් මාරියෝ ප්‍රනාන්දු
සම්පත් බැංකුව – ප්‍රධාන කාර්යාලය: උමේෂ් රන්දික
යූනියන් බැංකුව – පිටකොටුව ප්‍රධාන වීදිය ශාඛාව: ධර්මලිංගම් ප්‍රසාද්
නේෂන්ස් ට්‍රස්ට් බැංකුව (NTB) – ඕල්ඩ්මෝර් වීදිය ශාඛාව: අමිල උදාර ලියනමාන්න
සතිපතා ගෙවීම් සහ රුපියල් මිලියනයේ එක්වර ගෙවීම්
අපගේ පරීක්ෂණ මගින් තහවුරු වන්නේ මෙය පද්ධතියේ තාක්ෂණික දෝෂයක් හෝ අධීක්ෂණ අතපසුවීමක් පමණක් නොවන බවයි. TT නිකුත් කිරීම සහ වෙළඳ මූල්‍ය පහසුකම් අනුමත කිරීම වෙනුවෙන් ජාවාරමේ මහ මොළකරු විසින් මෙම කළමනාකරුවන්ට සතිපතා අල්ලස් ලබා දී ඇත. සෑම නිලධාරියෙකුටම සතියකට රුපියල් 30,000, රුපියල් 50,000 සහ රුපියල් 100,000 බැගින් ලබා දී ඇති අතර, එක් බැංකු කළමනාකරුවෙකුට එක් වරකට රුපියල් මිලියනයක් (රුපියල් ලක්ෂ දහයක්) බැගින් ලබා දී තිබේ.
කඩදාසි සමාගම් 105 ක සහ TT 26,108 ක “ව්‍යාජ ආනයන” ජාලය
ජාත්‍යන්තර මූල්‍ය අරමුදලෙන් (IMF) ලැබුණු මුළු ණය මුදලින් 1/3 කට සමාන මෙම ප්‍රාග්ධන බාහිර ගැලීම සිදුව ඇත්තේ “ව්‍යාජ ආනයන” (Phantom Imports) ක්‍රමවේදය හරහා බව ජනාධිපති අනුර කුමාර දිසානායක මහතා පාර්ලිමේන්තුවේදී තහවුරු කළේය.
භෞතිකව පැවැත්මක් නැති කඩදාසි සමාගම් 105 ක් හරහා වාණිජ බැංකු 13 ක ගිණුම් 227 ක් ආරම්භ කර ඇති අතර, යකඩ බඩු, නාන කාමර උපකරණ සහ රන් භාණ්ඩ ආනයනය කරන මුවාවෙන් ටෙලිග්‍රැෆික් හුවමාරු (TT) 26,108 ක් නිකුත් කර ඇත. දින 180 ක් ඇතුළත භාණ්ඩ හුවමාරු ක්‍රමය හරහා නිදහස් නොවුණහොත් මහ බැංකුවට දැනුම්දීමේ නෛතික යාන්ත්‍රණය, අල්ලස් ගත් බැංකු නිලධාරීන් විසින් සප්‍රමාණිකව අක්‍රිය කර ඇත.
ප්‍රධාන සැකකරු, ‘හවුස් ඔෆ් ෆැෂන්’ සහ මත්ද්‍රව්‍ය මුදල්
කොළඹ කොටුවේ ‘A.Y. Investment’ හි අධ්‍යක්ෂවරයෙකු ලෙස පෙනී සිටි ප්‍රධාන සැකකාර ජෙෆ්රි මොහොමඩ් මීගමුවේදී අත්අඩංගුවට ගෙන ඇති අතර, රුපියල් මිලියන 200 ක් වටිනා සුඛෝපභෝගී රථයක් ඇතුළු වාහන 8 ක් සහ රත්රන් තොගයක් ඔහුගෙන් අත්අඩංගුවට ගෙන ඇත.
කොළඹ පිහිටි ‘හවුස් ඔෆ් ෆැෂන් මෝල්’ ඇතුළු ප්‍රමුඛ පෙළේ සමාගම් 21 ක් මෙම මුදල් විශුද්ධිකරණ ජාලය සමඟ සෘජු සබඳතා පවත්වා ඇති බවත්, ‘Next Gen’ සමාගම පමණක් රටවල් 26 ක සමාගම් 256 කට ඩොලර් මිලියන 42.7 ක් යවා ඇති බවත් හෙළි වී තිබේ. ඊට අමතරව දිවුලපිටිය ප්‍රදේශයේ මත්ද්‍රව්‍ය ජාවාරමෙන් උපයාගත් මුදල් මෙන්ම ප්‍රධාන පෙළේ බැංකුවක සිදුවූ බව කියන රුපියල් බිලියන 13 ක මූල්‍ය වංචාවට අදාළ මුදල්ද මෙම ජාලය හරහා විදේශයන්ට යැවීමට උත්සාහ කර ඇත.
ඩිජිටල් පරතරය සහ අලුත් නීතිය
ශ්‍රී ලංකා රේගුවේ ASYCUDA දත්ත සමුදා පද්ධතිය සහ වාණිජ බැංකු පද්ධති අතර සෘජු (real-time) ඩිජිටල් සබඳතාවක් නොමැතිකම මෙම වංචාවට ප්‍රධාන හේතුව ලෙස හඳුනාගෙන තිබේ.
මෙම නඩුව දැනට 2025 ‘අපරාධවලින් ලබන ආදායම් පනත’ (Proceeds of Crime Act) යටතේ විභාග වන අතර, අදාළ මුදල් නීත්‍යානුකූල ව්‍යාපාරික කටයුතු සඳහා යැවූ බවට සනාථ කිරීමේ වගකීම විත්තිකරුවන්ට පැවරේ. සාක්ෂි සැඟවීම සහ පරීක්ෂණවලට බාධා කිරීමේ අවදානම මත ප්‍රධාන සැකකාර ජෙෆ්රි මොහොමඩ්ගේ ඇප ඉල්ලීම කොළඹ ප්‍රධාන මහේස්ත්‍රාත් අසංග එස්. බෝදරගම මහතා විසින් සෘජුවම ප්‍රතික්ෂේප කර ඇති අතර, ඔහු අගෝස්තු 20 දක්වා රක්ෂිත බන්ධනාගාරගත කිරීමට නියෝග කර ඇත. සිද්ධිය සම්බන්ධයෙන් FCIDය වැඩිදුර පරීක්ෂණ පවත්වයි.
සම්බන්ධිත පුවත් | Related News
ප්‍රධාන පුවත්
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි
දේශප්‍රේමී සළුවලින් සැඟවුණු “ඩෙල්සි මාදිලියේ පාවාදීමකට” අනුරගේ ආණුඩුව සූදානමින්.. - විමල්ගෙන් විශේෂ හෙළිදරව්වක්..
ගලගොඩඅත්තේ ඥානසාර හිමියන් වෙනුවෙන් සිහි බුද්ධිය ඇති සිංහල, දෙමළ, මුස්ලිම් සෑම ශ්‍රී ලාංකිකයෙකුම කඳුළක් සැලිය යුතුයි.. - ජාතික සංවිධාන කියයි
බ්‍රැම්ප්ටන් නගරාධිපති පැට්‍රික් බ්‍රවුන්ගේ ප්‍රකාශයක් නිසා කැනඩාවේ සහ ශ්‍රී ලංකාවේ නැවතත් ජාතිවාදී නොසන්සුන්තාවයක් මතු වීමේ අවදානමක්..
රුසියාවෙන් නේටෝවට ප්‍රබල අනතුරු ඇඟවීමක්.. ස්වෛරීභාවයට තර්ජනයක් වුවහොත් න්‍යෂ්ටික අවි භාවිතයට සූදානම්.. - ආචාර්ය ජගත් චන්ද්‍රවංශගෙන් අනාවරණයක්
යේමන හමුදා ආරම්භ කළ දැවැන්ත මෙහෙයුම හමුවේ වුවද නව ප්‍රදේශ අත්පත් කරගත්තා- හූති කැරලිකරුවෝ අවධාරණය කරති
"ජෙප්පෝ හිඟන්නන්ට පවුඩර් දානවා.. - මෙට්‍රෝ බස් පෙන්නලා අපිව චූන් කරනවා" - විමල් වීරවංශ
ජනපති සමාව අහිමි වූ ගලගොඩඅත්තේ ඥානසාර හිමි යළිත් සිපිරි ගෙට.. - වසර හයේ සිර දඬුවමේ ඉතිරි කාලය ක්‍රියාත්මක කරන්නැයි නියෝග..
ලෝක වෙළෙඳපොළට අනුව ඉන්ධන මිල වෙනස් කරන්නැයි IMF ශ්‍රී ලංකාවට කියයි..