22ට එරෙහිව ශ්රේෂ්ඨාධිකරණයට පෙත්සම් රැසක්..
ඊයේ පාර්ලිමේන්තුවට ඉදිරිපත් කෙරුණු 22 වැනි ආණ්ඩුක්රම ව්යවස්ථා සංශෝධනයට එරෙහිව පෙත්සම් 6ක් ශ්රේෂ්ඨාධිකරණයට ඉදිරිපත් කෙරුණි.
ඒ ශ්රී ලංකා නීතිඥ සංගමය, සමගි ජන බලවේගය, සර්වජන බලය ඇතුළු පාර්ශ්ව කිහිපයක් මගින්ය.
22 වැනි සංශෝධන පනත් කෙටුම්පත ආණ්ඩුක්රම ව්යවස්ථාවට පටහැනි බවට තීන්දුවක් ලබාදෙන ලෙස ඉල්ලා ශ්රේෂ්ඨාධිකරණයට පළමු පෙත්සම ඉදිරිපත් කෙරුණේ ශ්රී ලංකා නීතිඥ සංගමය මගින්ය.
ශ්රී ලංකා නීතිඥ සංගමයේ භාණ්ඩාගාරික ටී.එම්.එස්. පසිඳු සිල්වා සහ එහි අතිරේක ලේකම් එල්.අයි. වාකිෂ්ඨආරච්චි යන මහත්වරුන් විසින් පෙත්සම ඉදිරිපත් කරණු ලැබීය.
එහි වගඋත්තරකරු ලෙස නීතිපතිවරයා නම්කර තිබේ.
22 වන ආණ්ඩුක්රම ව්යවස්ථා සංශෝධන පනත් කෙටුම්පත, ආණ්ඩුක්රම ව්යවස්ථාවේ තුන්වැනි ව්යවස්ථාව මගින් තහවුරු කර තිබෙන ජනතා පරමාධිපත්යයට සෘජුවම බලපෑමක් සිදුකරන බව පෙත්සම මගින් ඔවුන් පෙන්වාදුනි.
ශ්රී ලංකා අධිකරණ සේවා සංගමය, මහානායක හිමිවරු, පොදුරාජ්ය මණ්ඩලීය නීතිඥ සංගමය, LAWASIA නීතිඥ සංගමය,, ජාත්යන්තර විනිසුරු සංගමය, විනිසුරුවරුන්ගේ සහ නීතිඥයින්ගේ ස්වාධීනත්වය පිළිබඳ එක්සත් ජාතීන්ගේ විශේෂ වාර්තාකරු මාග්රට් සැටර්ත්වේට් සහ ප්රංශ ජාතික නීතිඥ මණ්ඩලය ඇතුළු බොහෝ දේශීය හා ජාත්යන්තර සංවිධාන මෙම පනත් කෙටුම්පතට දැනටමත් විරෝධය පළ කර තිබෙන බවත් පෙත්සමේ සඳහන්ය.
රජය මඟින් ඉදිරිපත් කර තිබෙන 22 වන ආණ්ඩුක්රම ව්යවස්ථා සංශෝධන පනත් කෙටුම්පත ආණ්ඩුක්රම ව්යවස්ථාවේ තුන්වන ව්යවස්ථාව මගින් තහවුරු කර තිබෙන ජනතා පරමාධිපත්යය සමග සෘජුවම බලපෑමක් සිදුකරන අතර එහි දෙවැනි වගන්තියට අනුව ආණ්ඩුක්රම ව්යවස්ථාවේ 107(5) ව්යවස්ථාව සංශෝධනය කලහොත් එම සංශෝධනය මගින් එක්සත් ජාතීන්ගේ සිවිල් හා දේශපාලන අයිතිවාසිකම් පිළිබඳ සම්මුතිය, අධිකරණ ස්වාධීනත්වය පිළිබඳ එක්සත් ජාතීන්ගේ මූලධර්ම, විනිසුරුන්ගේ ජාත්යන්තර ප්රඥප්තිය, පොදුරාජ්ය මණ්ඩලීය ප්රඥප්තිය ඇතුළු ජාත්යන්තර මූලධර්ම ගණනාවක් උල්ලංඝනය වන බවත් පෙත්සමින් පෙන්වාදී තිබේ.
ඒ අනුව,ශ්රේෂ්ඨාධිකරණයේ සියලුම විනිසුරුවරු අසුන්ගෙන අදාල පනත් කෙටුම්පතේ ව්යවස්ථානුකූලභාවය පිළිබඳ පරික්ෂා කර තීන්දුවක් ලබාදෙන ලෙසත් ,යෝජිත පනත් කෙටුම්පතේ දෙවැනි සහ තුන්වැනි වගන්ති, ආණ්ඩුක්රම ව්යවස්ථාවේ තුන්වැනි ව්යවස්ථාව සෘජුවම උල්ලංඝනය කරන බැවින් එම වගන්ති සම්මත කිරීමට අවශ්යනම් ඒවා ජනමත විචාරණයකින් අනුමත විය යුතු බවට තීන්දුවක් ලබාදෙන ලෙසත් පෙත්සම්කරුවන් වැඩිදුරටත් ශ්රේෂ්ඨාධිකරණයෙන් ඉල්ලා තිබේ.
මේ අතර සමගි ජන බලවේගයද අද 22 වැනි ආණ්ඩුක්රම ව්යවස්ථා සංශෝධනයට එරෙහිව ශ්රේෂ්ඨාධිකරණයට පෙත්සමක් ඉදිරිපත් කළේය.
එමඟින් ඔවුන් පෙන්වාදී ඇත්තේ ආණ්ඩුක්රම ව්යවස්ථාවට සිදුකරන ඕනෑම සංශෝධනයකදී රටේ ප්රජාතන්ත්රවාදී ව්යුහය බලතල බෙදීම සහ ජනතා අයිතිවාසිකම් කෙරෙහි ඇතිකළ හැකි බලපෑම් සම්බන්ධයෙන් ගැඹුරින් සලකා බැලිය යුතු බවය.
මේ අතර සර්වජන බලයද 22 වැනි ආණ්ඩුක්රම ව්යවස්ථා සංශෝධනයට එරෙහිව ශ්රේෂ්ඨාධිකරණයට පෙත්සමක් ඉදිරිපත් කළේය.
එමෙන්ම මහාචාර්ය ජී.එල්.පීරිස් මහතාද අධිකරණ හා ව්යවස්ථා කටයුතු පිළිබඳ හිටපු අමාත්යවරයා ලෙස ශ්රේෂ්ඨාධිකරණයට පෙත්සමක් ගොනුකර තිබේ.
එමඟින් ඔහු ඉල්ලාඇත්තේ මෙම ව්යවස්ථා සංශෝධනය තුනෙන් දෙකක පාර්ලිමේන්තු බහුතරයට අමතරව ජනමත විචාරණයකින්ද සම්මත කළයුතු බවට තීන්දුවක් ලබාදෙන ලෙසයි.
මේ අතර ෆ්රී ලෝයර්ස් සංවිධානයද 22 වැනි ආණ්ඩුක්රම ව්යවස්ථා සංශෝධනයට එරෙහිව ශ්රේෂ්ඨාධිකරණයට පෙත්සමක් ඉදිරිපත් කළේය.
මූලාශ්රය - අද දෙරණ
සම්බන්ධිත පුවත් | Related News
ප්රධාන පුවත්
IMF ණයෙන් තුනෙන් එකකට තට්ටු කළ මහා මූල්ය වංචාව: කඩදාසි සමාගම් 105ක රහස එළියට.. බැංකු කළමනාකාරවරුන්ටත් මාංචු..
ජපානයේ "නිහඬ" ආර්ථික බෝම්බය: අනාගතයේ රටට මොකද වෙන්නේ?..
නිදහස් සෞඛ්ය සේවය සුරැකීමට, සමස්ත සෞඛ්ය කාර්ය මණ්ඩලයේ අනුමත සේවක සංඛ්යාව වහා යාවත්කාලීන කරන්න.. – GMOA වෙතින් හදිසි ඉල්ලීමක්
22ට එරෙහිව ශ්රේෂ්ඨාධිකරණයට පෙත්සම් රැසක්..
ඉරාන–චීන සබඳතා ගොඩ නැගී ඇත්තේ අන්යෝන්ය ගෞරවය මතයි- ඉරාන නියෝජ්ය විදේශ අමාත්ය සහ නීති හා ජාත්යන්තර කටයුතු පිළිබඳ නියෝජ්ය අමාත්ය කසෙම් ඝරිබාබාදි
විනිසුරු විශ්රාම වයස දීර්ඝ කිරීමේ 22 වැනි සංශෝධන පනත් කෙටුම්පත පාර්ලිමේන්තුවට..
චීන හිටපු ජනාධිපති චියං ත්ස-මින් ගේ ජන්ම සංවත්සර සමරුව..
වසර අගදී එල් - නිනෝ ප්රබල වෙයි.. වසර 75කට පසු ලංකාවට දරුණු අවදානමක්..
ගෝලීය ආතතිය ඉහළට.. රුසියානු ප්රහාර දැඩි වෙයි.. මැදපෙරදිගින් නව ආරක්ෂක සන්ධානයක්.. - ලෝක දේශපාලනය උණුසුම් කළ සතියේ ප්රධාන සිදුවීම් මෙන්න..
විනිසුරුවන්ගේ විශ්රාමික වයස දීර්ඝ කිරීම අධිකරණ ස්වාධීනත්වයට හානි කිරීමක්ද?.. - නීතිඥ රාජා ගුණරත්නගෙන් නීතිමය විග්රහයක්
ආණ්ඩුව ගැන ජනතා අනුමැතිය මාස 5කට 15%කින් පහළට..
දකුණු කොරියාවට කිම් සමඟ ඇති “ඉතා යහපත් සබඳතාව” ඩොනල්ඩ් ට්රම්ප්ගේ කනගාටුවට හේතුවෙලා
මහනාහිමිවරු විරුද්ධයි.. නීතීඥ ප්රජාව විරුද්ධයි.. ජනතාව විරුද්ධයි.. ජාත්යන්තරය විරුද්ධයි.. මේ කවුරු විරුද්ධ වුණත් රජය 22 ගේන්න අවදානම ගන්නවාලු..
1981 සිට සිදු වූ සියලු ඝාතනවලට යුක්තිය ඉටු කරන්න ජනාධිපති කොමිසමක් පත් කරන්න..
ජපානයේ යටත් වීමෙන් වසර 81කට පසු: ආසියාව සැබවින්ම මිලිටරිවාදයේ සෙවණැල්ලෙන් ඔබ්බට ගොස් තිබේද?
යුක්රේනය සතු Patriot මිසයිල තොග අවසන් වීමත් සමඟ බිම දැමූ රුසියානු මිසයිල දත්ත ප්රකාශයට පත් කිරීම අත් හිටුවයි!