චීනයෙන් ඇමරිකානු සහ මෙක්සිකානු පිකාන් ආනයන සඳහා සියයට 54.3ක් දක්වා ප්‍රපාතන(Dumping) විරෝධී බදු පැනවේ: MOFCOM
මෙක්සිකෝව සහ ඇමරිකා එක්සත් ජනපදය වෙතින් ආනයනය කරන පිකාන් (Carya illinoensis) සඳහා සියයට 54.3ක් දක්වා ප්‍රපාතන(Dumping) විරෝධී බදු ආරක්ෂිත තැන්පතු ලෙස පැනවීමට චීනය සඳුදා(10) තීරණය කළේය. දෙරටින් ආනයනය කරන පිකාන් චීන වෙළඳපොළ තුළ ප්‍රපාතනය කර ඇති බවට මූලික විමර්ශනයේදී තීරණය කිරීමෙන් අනතුරුව මෙම පියවර ගෙන ඇති බව චීන වාණිජ අමාත්‍යාංශය (MOFCOM) නිවේදනය කළේය.
මෙක්සිකෝව සහ ඇමරිකා එක්සත් ජනපදයෙන් සිදුකරන බවට චෝදනා එල්ල වූ ප්‍රපාතන ආනයන සහ එමඟින් චීන කර්මාන්තයට සිදුවූ හානිය අතර හේතුකාරක සම්බන්ධතාවක් පවතින බව විමර්ශන බලධාරීන් සොයාගෙන ඇත.
අමාත්‍යාංශය සඳුදා(11) සිය වෙබ් අඩවියේ පළ කළ නිවේදනයකට අනුව, 2026 අගෝස්තු 11 වැනිදා සිට ආරක්ෂිත තැන්පතු ලෙස තාවකාලික ප්‍රපාතන විරෝධී පියවර ක්‍රියාත්මක කිරීමට නියමිතය.
මෙක්සිකානු සමාගම් සඳහා ප්‍රපාතන ආන්තිකය සියයට 17.8 සිට 51.6 දක්වා තීරණය කර තිබේ. කිසිදු ඇමරිකානු සමාගමක් මෙම විමර්ශනයට ප්‍රතිචාර දක්වා නොමැති බැවින්, චීන නීතිය සහ ලෝක වෙළඳ සංවිධානයේ (WTO) නීතිවලට අනුකූලව, සියලුම ඇමරිකානු සමාගම් සඳහා ප්‍රපාතන ආන්තිකය ලබාගත හැකි හොඳම තොරතුරු මත පදනම්ව සියයට 54.3ක් ලෙස තීරණය කළ බව MOFCOM ප්‍රකාශකයෙකු සඳහන් කළේය.
චීන විශේෂඥයන් පෙන්වා දුන්නේ, පිකාන් ආනයන සම්බන්ධයෙන් විමර්ශනයක් ආරම්භ කිරීමට චීනය ගත් තීරණය සාධාරණ මෙන්ම නියමිත ක්‍රියාපටිපාටියට සහ ලෝක වෙළඳ සංවිධානයේ නීතිවලට අනුකූල බවයි. අසාධාරණ වෙළඳ භාවිතයන්ගෙන් සිය දේශීය කර්මාන්ත ආරක්ෂා කර ගැනීමට චීනයට ඇති අයිතියද මෙම තීරණයෙන් පිළිබිඹු වන බව ඔවුහු පැවසූහ.
චීන වාණිජ අමාත්‍යාංශයට අනුව, එරට ප්‍රපාතන විරෝධී රෙගුලාසි යටතේ මෙක්සිකෝව සහ ඇමරිකා එක්සත් ජනපදයෙන් ආනයනය කරන පිකාන් සම්බන්ධයෙන් ඩම්පිං විරෝධී විමර්ශනය චීනය විසින් 2025 සැප්තැම්බර් 25 වැනිදා ආරම්භ කර තිබේ.
මූලික තීන්දුව සම්බන්ධයෙන් පැවැත්වූ මාධ්‍ය හමුවකදී MOFCOM ප්‍රකාශකයා පැවසුවේ, විමර්ශනය සාධාරණත්වය, අපක්ෂපාතීත්වය, විවෘතභාවය සහ පාරදෘශ්‍යභාවය යන මූලධර්මවලට අනුකූලව සිදුකර ඇති බවයි. එමෙන්ම අදාළ චීන නීති හා රෙගුලාසි මෙන්ම WTO නීතිද දැඩි ලෙස අනුගමනය කරමින් විමර්ශනය සිදුකර ඇති බව ඔහු සඳහන් කළේය.
චීන ජාත්‍යන්තර වෙළඳ හා ආර්ථික සහයෝගීතා ඇකඩමියේ පර්යේෂක Zhou Mi සඳුදා Global Times වෙත පැවසුවේ, ප්‍රපාතන විරෝධී ක්‍රියාමාර්ග යනු WTO විසින් එහි සාමාජික රටවලට ලබාදී ඇති වෙළඳ ප්‍රතිකර්ම මෙවලමක් බවයි. චීනයේ දෘෂ්ටිකෝණයෙන් බලන විට අදාළ ක්‍රියාමාර්ග ගැනීම ජාත්‍යන්තර වෙළඳ නීතිවලට අනුකූල වන බව ඔහු පැවසීය.
චීනය වෙළඳ ප්‍රතිකර්ම ක්‍රියාමාර්ග භාවිත කිරීමේදී සෑම විටම පරෙස්සම් සහ සංයමයෙන් කටයුතු කර ඇති අතර, සාධාරණ හා නිදහස් වෙළඳාම ආරක්ෂා කිරීමට දැඩි ලෙස කැපවී සිටින බවද MOFCOM ප්‍රකාශකයා සඳහන් කළේය.
විමර්ශනය නීතියට අනුකූලව අඛණ්ඩව සිදුකරන අතර, අදාළ සියලු පාර්ශ්වයන්ගේ අයිතිවාසිකම් පූර්ණ වශයෙන් ආරක්ෂා කරන බවත්, විමර්ශනයෙන් අනාවරණය වන කරුණු මත පදනම්ව වෛෂයික හා අපක්ෂපාතී අවසන් තීන්දුවක් ලබාදෙන බවත් ඔහු පැවසීය.
අමාත්‍යාංශය සඳහන් කළේ, අදාළ පාර්ශ්වයන්ට නිවේදනය නිකුත් කළ දින සිට දින 10ක් ඇතුළත ලිඛිත අදහස් ඉදිරිපත් කළ හැකි බවයි.
පිකාන්, ඇමරිකානු වොල්නට් හෝ සිහින් කටු සහිත වොල්නට් ලෙසද හැඳින්වෙන අතර, එය ආහාරයක් ලෙස මෙන්ම බේකරි නිෂ්පාදන සඳහාද භාවිත කෙරේ. එමෙන්ම එයින් ආහාරයට ගත හැකි තෙල්ද නිෂ්පාදනය කළ හැකිය.
ඇමරිකා එක්සත් ජනපදය චීනයට පිකාන් සපයන ප්‍රධාන රටක් වේ. ඇමරිකානු කෘෂිකර්ම දෙපාර්තමේන්තුවේ විදේශ කෘෂිකාර්මික සේවය විසින් 2025 නොවැම්බර් මාසයේදී නිකුත් කළ වාර්තාවකට අනුව, 2024 වසරේදී ඇමරිකානු පිකාන් චීනයට අපනයනය කිරීම මෙට්‍රික් ටොන් 11,017ක් දක්වා ළඟා වී තිබේ.
චීන මාධ්‍ය ආයතනයක් වන guojiguoshu.news විසින් උපුටා දක්වන ලද කර්මාන්ත දත්තවලට අනුව, ඇමරිකානු පිකාන් සඳහා විශාලතම අපනයන වෙළඳපොළ ලෙස චීනය තවදුරටත් පවතින අතර, 2025/26 කාලසීමාවේදී කටුව සහිත පිකාන් අපනයනය සියයට 66කින් ඉහළ ගොස් කිලෝ ග්‍රෑම් 2,721,554ක් දක්වා වර්ධනය වී තිබේ.
සම්බන්ධිත පුවත් | Related News
ප්‍රධාන පුවත්
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි
දේශප්‍රේමී සළුවලින් සැඟවුණු “ඩෙල්සි මාදිලියේ පාවාදීමකට” අනුරගේ ආණුඩුව සූදානමින්.. - විමල්ගෙන් විශේෂ හෙළිදරව්වක්..
ගලගොඩඅත්තේ ඥානසාර හිමියන් වෙනුවෙන් සිහි බුද්ධිය ඇති සිංහල, දෙමළ, මුස්ලිම් සෑම ශ්‍රී ලාංකිකයෙකුම කඳුළක් සැලිය යුතුයි.. - ජාතික සංවිධාන කියයි
බ්‍රැම්ප්ටන් නගරාධිපති පැට්‍රික් බ්‍රවුන්ගේ ප්‍රකාශයක් නිසා කැනඩාවේ සහ ශ්‍රී ලංකාවේ නැවතත් ජාතිවාදී නොසන්සුන්තාවයක් මතු වීමේ අවදානමක්..
රුසියාවෙන් නේටෝවට ප්‍රබල අනතුරු ඇඟවීමක්.. ස්වෛරීභාවයට තර්ජනයක් වුවහොත් න්‍යෂ්ටික අවි භාවිතයට සූදානම්.. - ආචාර්ය ජගත් චන්ද්‍රවංශගෙන් අනාවරණයක්
යේමන හමුදා ආරම්භ කළ දැවැන්ත මෙහෙයුම හමුවේ වුවද නව ප්‍රදේශ අත්පත් කරගත්තා- හූති කැරලිකරුවෝ අවධාරණය කරති
"ජෙප්පෝ හිඟන්නන්ට පවුඩර් දානවා.. - මෙට්‍රෝ බස් පෙන්නලා අපිව චූන් කරනවා" - විමල් වීරවංශ
ජනපති සමාව අහිමි වූ ගලගොඩඅත්තේ ඥානසාර හිමි යළිත් සිපිරි ගෙට.. - වසර හයේ සිර දඬුවමේ ඉතිරි කාලය ක්‍රියාත්මක කරන්නැයි නියෝග..
ලෝක වෙළෙඳපොළට අනුව ඉන්ධන මිල වෙනස් කරන්නැයි IMF ශ්‍රී ලංකාවට කියයි..