පොල්තෙල් ආනයන සමාගම් 5ක් රු.මිලියන 2891ක් රජයට බදු පොලු තියලා..
පිරිපහදු නොකළ පොල්තෙල් ආනයනය කළ සමාගම් පහක් පසුගිය 2024 වසරේ හිඟ බදු ලෙස රුපියල් මිලියන 2,891ක් ගෙවිය යුතුව ඇතැයි ආර්ථික සංවර්ධන නියෝජ්‍ය ඇමැති නිශාන්ත ජයවීර පාර්ලිමේන්තුවේදී ඊයේ (06) ප්‍රකාශ කළේය. මෙලෙස ගෙවීමට ඇති හිඟ බදු ප්‍රමාණයෙන් මිලියන 2,723ක් එකතු කළ අගය මත බද්ද (VAT) වන අතර මිලියන 168ක් සමාජ ආරක්ෂණ දායකත්ව බද්ද බවද නියෝජ්‍ය අමාත්‍යවරයා පැවසීය.
නියෝජ්‍ය අමාත්‍ය නිශාන්ත ජයවීර මේ බව සඳහන් කළේ පාර්ලිමේන්තු මන්ත්‍රී එස්.එම්. මරික්කාර් මතුකරන ලද ප්‍රශ්නයකට පිළිතුරු ලබාදෙමිනි.
මෙම සමාගම් පහට අදාළ තක්සේරු ඉදිරිපත් කර තිබෙන අතර, එම සමාගම් ඒ සම්බන්ධයෙන් අභියාචනා ඉදිරිපත් කර ඇති බවද ඇමැතිවරයා පැවසීය.
එසේ වුවද කිසිදු සමාගමකට සහන ලබා දී නොමැති බවද නියෝජ්‍ය අමාත්‍යවරයා පැවසීය.
අනෙක් සමාගම එම වසරට අදාළව එකතු කළ අගය මත බද්ද ලෙස රුපියල් මිලියන 2,429ක් හා සමාජ ආරක්ෂණ බද්ද ලෙස රුපියල් මිලියන 434ක් ගෙවා තිබෙන බවත් නියෝජ්‍ය ඇමැතිවරයා ප්‍රකාශ කළේය.
2024 සිට මෙම වසරේ ජූනි මාසය දක්වා කාලයට හිඟ බදු ලෙස රුපියල් මිලියන 9,700ක් ගෙවීමට ඇති බව කී ප්‍රශ්නය විමසූ මන්ත්‍රීවරයා, එතරම් කාලයක් බදු අයකර නොගැනීම සැකයට හේතුවක් බවත් පැවසීය.
ඊට පිළිතුරු දෙමින් නියෝජ්‍ය ඇමැතිවරයා ප්‍රකාශ කළේ ප්‍රමාදයට හේතුව අභියාචනා ඉදිරිපත් කර තිබීම බවයි.
එහිදී වැඩිදුරටත් අදහස් දැක්වූ නියෝජ්‍ය අමාත්‍යවරයා මෙසේද පැවසීය:
“2024 වසරේදී එච්.එස්. (HS) කාණ්ඩ හතරක් යටතේ පොල්තෙල් ආනයනය කර තිබෙනවා. මෙම එච්.එස්. කාණ්ඩ හතර යටතේම පිරිපහදු නොකළ පොල්තෙල් ආනයනය කර තිබෙනවා. සමාගම් හයක් අතරින් එක් සමාගමක් එකතු කළ අගය මත බද්ද හා සමාජ ආරක්ෂණ බද්ද ගෙවා තිබෙනවා. අනෙක් සමාගම් පහම එම බදු ගෙවා නැහැ. එය අය කර ගැනීම සඳහා එම සමාගම්වලට තක්සේරු වාර්තා ඉදිරිපත් කර තිබෙනවා. 2024 වසරේ කාර්තු හතර සඳහා එම සමාගම් හිඟ බදු ලෙස රුපියල් මිලියන 2,891ක් ගෙවිය යුතුව තිබෙනවා. මිලියන 168ක් සමාජ ආරක්ෂණ බදු ලෙස ඒ අය විසින් ගෙවිය යුතුව තිබෙනවා. ඒවාත් හිඟ බදු ලෙස ගණනය කර තිබෙනවා. තක්සේරු නිකුත් කර ඇති එක සමාගමකින් අභියාචනා ඉදිරිපත් කර ඇති අතර එය විභාග කරමින් පවතිනවා. මෙම කිසිදු සමාගමක් සඳහා අදාළ බදු වෙනුවෙන් සහන ලබා දී නැහැ.
මේ සමාගම් අතරින් එක සමාගමක් හරියට බදු ගෙවා තිබෙනවා. අනිත් සමාගම් විවිධ තර්ක ඉදිරිපත් කරනවා. ඒ නිසා මේක නීතිපති දෙපාර්තමේන්තුවටත් යොමු කර මතය විමසා තිබෙනවා. මන්ත්‍රීවරයා කියන විදිහට සංඛ්‍යාලේඛන නිවැරදි නැහැ. මේ ආයතනවල නිෂ්පාදන ක්‍රියාවලියක් සිදු නොවන බව හුවා දක්වන්නට සමාගම් උත්සාහ කරනවා. අභියාචනා විමසන අවස්ථාවක හිඟ බදු අය කර ගන්න බැහැ. ඒ නිසා ඒ අභියාචනය විමසා අවසන් කළ යුතුයි. අවසන් තීන්දුව එනකල් මේ බදු අය කර ගැනීම අපහසු වී තිබෙනවා, මොකද බදු ගෙවන්නා එකඟ නැති නිසා.”
(උපුටාගැනීම – දිනමිණ)
සම්බන්ධිත පුවත් | Related News
ප්‍රධාන පුවත්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි
දේශප්‍රේමී සළුවලින් සැඟවුණු “ඩෙල්සි මාදිලියේ පාවාදීමකට” අනුරගේ ආණුඩුව සූදානමින්.. - විමල්ගෙන් විශේෂ හෙළිදරව්වක්..
ගලගොඩඅත්තේ ඥානසාර හිමියන් වෙනුවෙන් සිහි බුද්ධිය ඇති සිංහල, දෙමළ, මුස්ලිම් සෑම ශ්‍රී ලාංකිකයෙකුම කඳුළක් සැලිය යුතුයි.. - ජාතික සංවිධාන කියයි
බ්‍රැම්ප්ටන් නගරාධිපති පැට්‍රික් බ්‍රවුන්ගේ ප්‍රකාශයක් නිසා කැනඩාවේ සහ ශ්‍රී ලංකාවේ නැවතත් ජාතිවාදී නොසන්සුන්තාවයක් මතු වීමේ අවදානමක්..
රුසියාවෙන් නේටෝවට ප්‍රබල අනතුරු ඇඟවීමක්.. ස්වෛරීභාවයට තර්ජනයක් වුවහොත් න්‍යෂ්ටික අවි භාවිතයට සූදානම්.. - ආචාර්ය ජගත් චන්ද්‍රවංශගෙන් අනාවරණයක්
යේමන හමුදා ආරම්භ කළ දැවැන්ත මෙහෙයුම හමුවේ වුවද නව ප්‍රදේශ අත්පත් කරගත්තා- හූති කැරලිකරුවෝ අවධාරණය කරති