“උසම ගසට තමයි වැඩිම සුළඟ වැදෙන්නේ.. එල්ල කරන චෝදනා දැඩි ලෙස ප්‍රතික්ෂේප කරනවා" - ජනාධිපති නීතිඥ රජීව් අමරසූරිය කියයි..
පසුගිය සති කිහිපය තුළ තමන්ට එරෙහිව එල්ල වී ඇති පදනම් විරහිත පුද්ගලික ප්‍රහාර සහ අසත්‍ය චෝදනා සම්පූර්ණයෙන්ම ප්‍රතික්ෂේප කරන බව ජනාධිපති නීතිඥ රජීව් අමරසූරිය සමාජ මාධ්‍ය සටහනක් තබමින් ප්‍රකාශ කරයි.
වෘත්තීය විනය කඩ කිරීම හේතුවෙන් 2024 පෙබරවාරි 29 වන දින ශ්‍රේෂ්ඨාධිකරණය විසින් නීතිඥ වෘත්තියෙන් ඉවත් කරන ලද නාගනන්ද කොඩිතුවක්කුගේ 'Vinivida Foundation' ආයතනය විසින් අල්ලස් හෝ දූෂණ චෝදනා විමර්ශන කොමිෂන් සභාව වෙත තමන්ට එරෙහිව පැමිණිල්ලක් කර ඇති බවට පළ කර ඇති ප්‍රකාශ සම්බන්ධයෙන් අමරසූරිය මේ බව සඳහන් කර තිබේ.
මෙම අසත්‍ය පැමිණිල්ල මෝටර් රථ නිෂ්පාදකයෙකුගේ බලයලත් අලෙවි නියෝජිතයා වෙනුවෙන්, ජනාධිපති නීතිඥවරුන් කිහිප දෙනෙකු සමඟ එක්ව අභියාචනාධිකරණය සහ ශ්‍රේෂ්ඨාධිකරණය ඉදිරියේ තමන් පෙනී සිටින නඩු කටයුතු සම්බන්ධයෙන් ඉදිරිපත් කර ඇති බවයි අමරසූරිය පෙන්වා දෙන්නේ.
අධිකරණය ඉදිරියේ සේවාදායකයෙකු නියෝජනය කිරීම සඳහා නිසි උපදෙස් ලැබූ නීතිඥයෙකු ලෙස, තමන් සිය වෘත්තීය වගකීම සහ යුතුකම ඉටු කිරීම සඳහා පමණක් පෙනී සිට ඇති බව ඔහු අවධාරණය කරයි.
මීට පෙර පැවති ඇතැම් නඩු කටයුතු වලදී නාගනන්ද කොඩිතුවක්කු ද පාර්ශ්වකරුවෙකු වෙනුවෙන් පෙනී සිටි බවත්, කෙසේ වෙතත් ශ්‍රේෂ්ඨාධිකරණය විසින් ඔහු නීතිඥ වෘත්තියෙන් ඉවත් කිරීමෙන් පසු එසේ පෙනී සිටීම නතර වූ බවත් ඔහු සිහිපත් කරයි.
ඔහු තැබූ සටහන පහතින්,
'' පසුගිය සති කිහිපය තුළ මා පදනම් විරහිත පුද්ගලික ප්‍රහාර මාලාවකට ලක්වී ඇත.
පළමුව, විපක්ෂ නායකවරයා සමඟ මා රහස් ගිවිසුමකට එළඹී ඇති බවට චෝදනාවක් එල්ල විය.
දැන්, වෘත්තීය විනය කඩ කිරීම සම්බන්ධයෙන් වරදකරු බවට ශ්‍රේෂ්ඨාධිකරණය විසින් තීරණය කර 2024 පෙබරවාරි 29 වන දින නීතිඥ වෘත්තියෙන් ඉවත් කරන ලද නාගානන්ද කොඩිතුවක්කු මහතා, ඔහුගේ Vinivida Foundation ආයතනය විසින් අල්ලස් හෝ දූෂණ චෝදනා විමර්ශන කොමිෂන් සභාව වෙත මා සම්බන්ධයෙන් පැමිණිල්ලක් ඉදිරිපත් කර ඇති බව ප්‍රසිද්ධියේ ප්‍රකාශ කර ඇත.
ඔහු විසින් සමාජ මාධ්‍ය ඔස්සේ පළ කළ ප්‍රකාශයට අනුව, එම පැමිණිල්ල සම්බන්ධ වන්නේ ශ්‍රී ලංකාවේ මෝටර් රථ නිෂ්පාදකයෙකුගේ බලයලත් අලෙවි නියෝජිතයා වෙනුවෙන්, ජනාධිපති නීතිඥවරුන් කිහිප දෙනෙකු සමඟ එක්ව, අභියාචනාධිකරණය සහ ශ්‍රේෂ්ඨාධිකරණය ඉදිරියේ මා පෙනී සිටි සහ තවදුරටත් පෙනී සිටින නඩු කටයුතු සම්බන්ධ කරුණු වලටය.
සැබෑ කරුණු ඉතා සරලය.
* අධිකරණය ඉදිරියේ මගේ සේවාදායකයා නියෝජනය කිරීම සඳහා නිසි උපදෙස් ලැබූ නීතිඥයෙකු ලෙස, මා පෙනී සිටියේ මගේ වෘත්තීය වගකීම ඉටු කිරීම සඳහා පමණි.
* නාගානන්ද කොඩිතුවක්කු මහතා ද මීට පෙර පැවති ඇතැම් නඩු කටයුතු වලදී වගඋත්තරකරුවෙකු සහ මැදිහත් වන පෙත්සම්කරුවෙකු වෙනුවෙන් පෙනී සිටියේය. එහෙත් ශ්‍රේෂ්ඨාධිකරණය විසින් ඔහු නීතිඥ වෘත්තියෙන් ඉවත් කිරීමෙන් අනතුරුව එසේ පෙනී සිටීම නතර විය.
* මා සම්බන්ධයෙන් ඉදිරිපත් කර ඇති චෝදනා මම තරයේ ප්‍රතික්ෂේප කරමි. ඒවා අසත්‍ය, ද්වේෂ සහගත වන අතර, මගේ අදහස අනුව වෙනත් අරමුණු ඉටු කර ගැනීම සඳහා ඉදිරිපත් කර ඇති චෝදනා වේ.
සැබැවින්ම, දැනුවත්ව අසත්‍ය චෝදනා ඇතුළත් පැමිණිල්ලක් ඉදිරිපත් කර ඇත්නම්, ඊට පිළිතුර සපයන්නේ නීතියමයි. දූෂණ විරෝධී පනතේ 119 වන වගන්තිය අනුව, කොමිෂන් සභාව වෙත දැනුවත්ව අසත්‍ය චෝදනා ඉදිරිපත් කිරීම වරදක් වන අතර, ඒ සඳහා අපරාධමය දඬුවම් මෙන්ම අසත්‍ය ලෙස චෝදනා ලැබූ පුද්ගලයාට වන්දි ලබාදීමේ විධිවිධාන ද එම පනතේ අන්තර්ගත වේ.
පුද්ගලික ප්‍රහාර මගින් මා කිසිදා අධෛර්යයට පත් වී නැත. ඉදිරියටත් එසේ නොවනු ඇත.
ප්‍රතිපත්තිමය ස්ථාවරයන් මත ස්ථිරව සිටින විට, ස්වාධීනව අදහස් ප්‍රකාශ කරන විට සහ ආයතන හා නීතියේ ආධිපත්‍යය ආරක්ෂා කිරීමට සූදානම්ව සිටින විට, විවේචන එල්ල වීම නොවැළැක්විය හැකිය. එය පොදු ජීවිතයේ ස්වභාවික කොටසකි.
වැදගත් වන්නේ සත්‍යය කෙරෙහි අවධානය යොමු කරමින්, තම වෘත්තීය වගකීම් විශ්වාසවන්තව හා අවංකව ඉටු කරගෙන යාමත්, කරුණු තමන් වෙනුවෙන්ම කතා කිරීමට ඉඩ දීමත්ය.
පැරණි කියමනක් මතක් කරන්නේ මෙසේය:
“උසම ගසට තමයි වැඩිම සුළඟ වැදෙන්නේ.”
සම්බන්ධිත පුවත් | Related News
ප්‍රධාන පුවත්
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි
දේශප්‍රේමී සළුවලින් සැඟවුණු “ඩෙල්සි මාදිලියේ පාවාදීමකට” අනුරගේ ආණුඩුව සූදානමින්.. - විමල්ගෙන් විශේෂ හෙළිදරව්වක්..
ගලගොඩඅත්තේ ඥානසාර හිමියන් වෙනුවෙන් සිහි බුද්ධිය ඇති සිංහල, දෙමළ, මුස්ලිම් සෑම ශ්‍රී ලාංකිකයෙකුම කඳුළක් සැලිය යුතුයි.. - ජාතික සංවිධාන කියයි
බ්‍රැම්ප්ටන් නගරාධිපති පැට්‍රික් බ්‍රවුන්ගේ ප්‍රකාශයක් නිසා කැනඩාවේ සහ ශ්‍රී ලංකාවේ නැවතත් ජාතිවාදී නොසන්සුන්තාවයක් මතු වීමේ අවදානමක්..
රුසියාවෙන් නේටෝවට ප්‍රබල අනතුරු ඇඟවීමක්.. ස්වෛරීභාවයට තර්ජනයක් වුවහොත් න්‍යෂ්ටික අවි භාවිතයට සූදානම්.. - ආචාර්ය ජගත් චන්ද්‍රවංශගෙන් අනාවරණයක්