පාස්කු ප්‍රහාරය, රාජ්‍ය වගවීම සහ නීතියේ ආධිපත්‍යය: අනාගතයට තීරණාත්මක පූර්වාදර්ශයක්
2019 පාස්කු ඉරිදා එල්ල වූ ත්‍රස්ත ප්‍රහාරය ශ්‍රී ලාංකීය ඉතිහාසයේ එතෙක් මෙතෙක් සිදු වූ වඩාත්ම ඛේදනීය, සංවේදී සහ විවාදාත්මක ත්‍රස්තවාදී ප්‍රහාරයන්ගෙන් එකකි. මෙම සිදුවීමේ ඇති බරපතලම සහ ඛේදනීයම කරුණ වන්නේ, ප්‍රහාරය එල්ල වන දින, වේලාව, ස්ථාන සහ ඊට සම්බන්ධ පුද්ගලයින් පිළිබඳ නිශ්චිත පූර්ව බුද්ධි තොරතුරු ලැබී තිබියදීත්, එය වළක්වා ගැනීමට බලධාරීන් අසමත් වීමයි. බුද්ධි තොරතුරු හාස්‍යජනක ලෙස නොසලකා හැරීමට සහ අන්තවාදය හමුවේ ආරක්ෂක යාන්ත්‍රණය අකර්මණ්‍ය වීමට දේශපාලනික සහ වාර්ගික අභිමතාර්ථයන් සෘජුවම බලපෑ අතර, එය ශ්‍රී ලංකාවේ පමණක් නොව ලෝක ඉතිහාසයේම පූර්ව තොරතුරු තිබියදී වළක්වා නොගත් ප්‍රහාරයක් ලෙස සටහන් විය.
මෙම පසුබිම තුළ, 2026 ජූලි 31 වන දින මහාධිකරණ ත්‍රිපුද්ගල විනිසුරු මඬුල්ල විසින් එවකට සිටි ආරක්ෂක අමාත්‍යාංශ ලේකම්වරයාට සහ හිටපු පොලිස්පති පූජිත ජයසුන්දර මහතාට එරෙහිව ලබා දුන් නඩු තීන්දුව, රාජ්‍ය වගවීම සහ රාජකාරිය පැහැර හැරීම සම්බන්ධයෙන් තීරණාත්මක සංධිස්ථානයක් සලකුණු කරයි. මීට පෙර චූදිතයන් නිදොස් කොට නිදහස් කර තිබූ පසුබිමක, මෙම නව තීන්දුව මගින් රාජ්‍ය නිලධාරීන්ගේ සහ දේශපාලන බලධාරීන්ගේ වගවීම පිළිබඳ නෛතික හා තර්කානුකූල පූර්වාදර්ශයක් (Precedent) නිර්මාණය කර ඇත.
තමන් වෙත පැවරී ඇති තනතුරේ බලතල භුක්ති විඳින අතරතුර, අතිමහත් ජනතාවගේ ජීවිත ආරක්ෂා කිරීමේ වගකීම පැහැර හැරීම සාපරාධී වරදක් බවත්, ඊට නීතිය හමුවේ උපරිම දඬුවම් විඳිය යුතු බවත් මෙයින් තහවුරු වේ. යම් නිලධාරියෙකු දේශපාලන අධිකාරියේ නියෝග මත තමන්ගේ වගකීම පැහැර හැරියේ නම්, ඉන් සිදුවන නෛතික විපාකවලින් ගැලවීමට වෙනත් පාර්ශ්වයන්ට චෝදනා කළ නොහැක. බොරු චෝදනා කිරීම මෙන්ම නිවැරදි සාක්ෂි වසන් කිරීමද මරණීය දණ්ඩනය දක්වා දඬුවම් ලැබිය හැකි බරපතල වරදක් බව සියලු දෙනා වටහා ගත යුතුය.
කෙසේ වෙතත්, මෙම නෛතික පූර්වාදර්ශය සාර්ථක වන්නේ පහත සඳහන් සියලු පාර්ශ්වයන් කෙරෙහිද තරාතිරම නොබලා නීතිය එක ලෙස ක්‍රියාත්මක වුවහොත් පමණි:
1. විමර්ශන කොමිෂන් සභා වාර්තාවලින් චෝදනා ලබා ඇති නිලධාරීන්
ජයකොඩි, අල්විස් සහ ඉමාම් කොමිසම ඇතුළු පරීක්ෂණ කමිටු මගින් රාජකාරිය සහ වගකීම පැහැර හැර ඇති බවට හඳුනාගෙන ඇති සියලුම රාජ්‍ය නිලධාරීන්, බුද්ධි අංශ ප්‍රධානීන් සහ පරිපාලනමය බලධාරීන්ට එරෙහිව ප්‍රහාරයේ නෛතික පූර්වාදර්ශයට අනුගතව වහාම නීතිය ක්‍රියාත්මක විය යුතුය.
2. අණදුන් සහ බලපෑම් කළ දේශපාලන බලවතුන්
නිලධාරීන් බොහෝ විට කටයුතු කරන්නේ දේශපාලන බලපෑම් මතය. ජාතික ආරක්ෂාව පරදුවට තබමින්, ආරක්ෂක යාන්ත්‍රණය අකර්මණ්‍ය කිරීමට, බුද්ධි තොරතුරු යටපත් කිරීමට හෝ පරීක්ෂණ අඩපණ කිරීමට අණදුන්, උපදෙස් දුන් හෝ පූජිත ජයසුන්දර ඇතුළු නිලධාරීන්ට බලපෑම් කළ දේශපාලන නායකයින් හෙළිකර ඔවුන්ව නීතිය හමුවට පැමිණවිය යුතුය. නිලධාරීන්ට පමණක් දඬුවම් දී දේශපාලන නායකත්වය නිදහස් වීම යුක්තියට පටහැනිය.
3. දැනුවත්ව සිට පූජාවන් පැවැත්වූ සහ බැතිමතුන් නොදැනුවත් කළ ආගමික නායකයින්
තොරතුරු ලැබී තිබියදීත් තමන්ගේ ආරක්ෂාව පමණක් සලසා ගනිමින්, බැතිමතුන්ගේ ආරක්ෂාව තහවුරු කිරීමට හෝ ඔවුන්ව දැනුවත් කිරීමට කටයුතු නොකළ, සපයා ඇති ආරක්ෂාවන් පිළිබඳ විමර්ශනයක් නොකර පූජාවන් පැවැත්වීමට ඉඩහැරි ආගමික නායකයින්ගේ අතපසුවීම් පිළිබඳවද අපක්ෂපාතී පරීක්ෂණයක් පැවැත්විය යුතුය.
4. ත්‍රස්තවාදයට සහාය දුන් ආගම්වාදී දේශපාලකයින්
දේශපාලන වාසි, ඡන්ද පදනම රැකගැනීම හෝ ජාතිවාදී/ආගම්වාදී න්‍යායපත්‍ර පවත්වාගෙන යාම උදෙසා අන්තවාදීන් සුරැකීමට කටයුතු කළ දේශපාලකයින් ත්‍රස්තවාදයේ වක්‍ර හවුල්කරුවන් ලෙස සලකා දඬුවම් පැමිණවිය යුතුය.
5. අන්තවාදීන් අත්අඩංගුවට ගැනීම වැළැක්වූ දේශපාලන අධිකාරිය
සහාරාන් ඇතුළු අන්තවාදීන් පිළිබඳ පැහැදිලි තොරතුරු තිබියදී, ඔවුන් අත්අඩංගුවට ගැනීමට යාමේදී ඊට හරස් වූ, පරීක්ෂණ අඩපණ කළ සහ සැකකරුවන් නිදහස් කිරීමට බලපෑම් කළ දේශපාලනඥයින් "ත්‍රස්තවාදයට අනුබල දීමේ" (Abetting Terrorism) සාපරාධී වගකීමෙන් නිදහස් විය නොහැක.
6. මූල්‍ය අනුග්‍රාහකයින් සහ ව්‍යාපාරිකයින්
ත්‍රස්තවාදයේ කොඳුනාරටිය වන මූල්‍ය අනුග්‍රහය (Terrorism Financing) සැපයූ, පුපුරණ ද්‍රව්‍ය ලබාගැනීමට පහසුකම් සැලසූ මහා පරිමාණ ව්‍යාපාරිකයින්ගේ ආයතන, වත්කම් සහ ක්‍රියාකාරකම් පිළිබඳව පූර්ණ විමර්ශනයක් සිදුකර, මුදල් විශුද්ධිකරණය සහ ත්‍රස්තවාදයට මුදල් සැපයීමේ නීති යටතේ උපරිම දඬුවම් පැමිණවිය යුතුය.
7. අන්තවාදීන් සුරැකීමට පාර්ලිමේන්තුව භාවිත කළ දේශපාලකයින්
ත්‍රස්තවාදීන්ට හෝ ඊට අරමුදල් සැපයූ ව්‍යාපාරිකයින්ට එරෙහිව නීතිය ක්‍රියාත්මක වන විට, පාර්ලිමේන්තු වරප්‍රසාදවලට මුවා වී හෝ සභාව තුළ චරිත සහතික ලබාදෙමින් පරීක්ෂණ අඩාල කිරීමට කටයුතු කළ දේශපාලකයින් කෙරෙහිද විශේෂ අවධානය යොමු විය යුතුය. මහජන නියෝජිතයින් ලෙස අන්තවාදීන් සුරැකීම ජනතා විශ්වාසය බරපතල ලෙස කඩකිරීමකි.
8. අනාගත ආරක්ෂක යාන්ත්‍රණයන් සහ පුද්ගලයින් විනාශ කරන්නන්
අනාගතයේදී මෙවන් ප්‍රහාරයක් සිදුවීම වැළැක්වීමට හැකියාව ඇති ආයතන, අධිකරණ ක්ෂේත්‍රයේ නිලධාරීන් හෝ බුද්ධි අංශ සාමාජිකයින් පාවාදෙමින් ඒවා විනාශ කිරීමට කටයුතු කරන පුද්ගලයින් හඳුනාගෙන, ඔවුන් දේශද්‍රෝහීන් ලෙස සලකා නීතිය ක්‍රියාත්මක කිරීම අත්‍යවශ්‍ය වේ.
නිගමනය
2026 ජූලි 31 වන දින ලබා දුන් මහාධිකරණ තීන්දුව මගින් ශ්‍රී ලංකාවේ නීතියේ ආධිපත්‍යයේ නව පරිච්ඡේදයක් ආරම්භ කර ඇත. තනතුරේ බලය හෝ තරාතිරම කුමක් වුවත්, රාජකාරිය පැහැර හැරීම නිසා අහිංසක මිනිස් ජීවිත නැසී ගියේ නම් ඊට වගකිව යුතු බව මෙයින් ඔප්පු වී ඇත.
නමුත් පූර්ණ යුක්තිය ඉටු වන්නේ, මෙම පූර්වාදර්ශය මත පිහිටා ප්‍රහාරයට දායක වූ, අනුබල දුන්, තොරතුරු සඟවන ලද, අන්තවාදීන් සුරැකි සහ ඊට මූල්‍යමය හා දේශපාලනික පහසුකම් සැපයූ සියලුම පාර්ශ්වයන්ට එරෙහිව තරාතිරම නොබලා නීතිය ක්‍රියාත්මක වූ විට පමණි. පාස්කු ප්‍රහාරයෙන් අසරණ වූ අහිංසක ජනතාවට ඉටුකළ හැකි එකම සාධාරණය සහ අනාගතයේ මෙවැනි ඛේදවාචකයක් වැළැක්විය හැකි එකම මඟද එයම වේ.
- යසස් ධර්මදාස
සම්බන්ධිත පුවත් | Related News
ප්‍රධාන පුවත්
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි
දේශප්‍රේමී සළුවලින් සැඟවුණු “ඩෙල්සි මාදිලියේ පාවාදීමකට” අනුරගේ ආණුඩුව සූදානමින්.. - විමල්ගෙන් විශේෂ හෙළිදරව්වක්..
ගලගොඩඅත්තේ ඥානසාර හිමියන් වෙනුවෙන් සිහි බුද්ධිය ඇති සිංහල, දෙමළ, මුස්ලිම් සෑම ශ්‍රී ලාංකිකයෙකුම කඳුළක් සැලිය යුතුයි.. - ජාතික සංවිධාන කියයි
බ්‍රැම්ප්ටන් නගරාධිපති පැට්‍රික් බ්‍රවුන්ගේ ප්‍රකාශයක් නිසා කැනඩාවේ සහ ශ්‍රී ලංකාවේ නැවතත් ජාතිවාදී නොසන්සුන්තාවයක් මතු වීමේ අවදානමක්..
රුසියාවෙන් නේටෝවට ප්‍රබල අනතුරු ඇඟවීමක්.. ස්වෛරීභාවයට තර්ජනයක් වුවහොත් න්‍යෂ්ටික අවි භාවිතයට සූදානම්.. - ආචාර්ය ජගත් චන්ද්‍රවංශගෙන් අනාවරණයක්
යේමන හමුදා ආරම්භ කළ දැවැන්ත මෙහෙයුම හමුවේ වුවද නව ප්‍රදේශ අත්පත් කරගත්තා- හූති කැරලිකරුවෝ අවධාරණය කරති
"ජෙප්පෝ හිඟන්නන්ට පවුඩර් දානවා.. - මෙට්‍රෝ බස් පෙන්නලා අපිව චූන් කරනවා" - විමල් වීරවංශ
ජනපති සමාව අහිමි වූ ගලගොඩඅත්තේ ඥානසාර හිමි යළිත් සිපිරි ගෙට.. - වසර හයේ සිර දඬුවමේ ඉතිරි කාලය ක්‍රියාත්මක කරන්නැයි නියෝග..