චීනයේ ඉහළම සාහිත්‍ය සම්මානය දිනාගත් 56 හැවිරිදි කෑම බෙදාහරින්නා..
ආහාර ඇණවුම් බෙදාහරින අතරතුර මඟතොටදී තමන්ට හමුවන කුඩා කොළ කැබලිවල ලියූ අපූර්ව කවි පෙළක් හේතුවෙන් 56 හැවිරිදි චීන ජාතික වං ජිබිං (Wang Jibing) චීනයේ කීර්තිමත්ම සාහිත්‍ය ඇගයීමක් වන 'ලූ ෂුන් සාහිත්‍ය සම්මානය' (Lu Xun Literary Prize) දිනා ගැනීමට සමත්ව තිබේ. ඔහු මෙම සම්මානයට පාත්‍ර වූයේ ආහාර බෙදාහරින්නන් එදිනෙදා මුහුණ දෙන දැඩි අභියෝග, දුක්ගැහැට සහ සැබෑ ජීවන අත්දැකීම් අනුසාරයෙන් රචනා කරන ලද 'Low Flight' නමැති කවි එකතුව වෙනුවෙනි.
චීනයේ ජියැංසු පළාතේ උපත ලැබූ වං, කුඩා කල පැවති දැඩි පවුල් ආර්ථික අපහසුතා නිසාම අධ්‍යාපනය පවා අඩාල කරගත් අයෙකි. පසුව ඔහු ජීවිතය ගැටගසා ගැනීම සඳහා ගොඩනැගිලි ඉදිකිරීම් ක්ෂේත්‍රයේ ශ්‍රමිකයෙකු, අපද්‍රව්‍ය එකතු කරන්නෙකු මෙන්ම පදික වේදිකාවේ වෙළෙන්දෙකු ලෙසද විවිධ වෙහෙසකර රැකියාවල නිරත විය. ඉන් අනතුරුව 2019 වසරේදී ඔහු ආහාර බෙදාහැරීමේ රියදුරෙකු ලෙස සේවයට එක් වූ අතර, එතැන් පටන් සමාජ මාධ්‍ය ඔස්සේ තම නිර්මාණ මුදාහරිමින් කාගේත් අවධානය දිනාගත්තේය.
ඔහුගේ ජනප්‍රියත්වයේ හැරවුම් ලක්ෂ්‍යය සනිටුහන් වූයේ 2019 දී පාරිභෝගිකයෙකු ලබාදුන් වැරදි ලිපිනයක් නිසා විඳින්නට වූ දුෂ්කර අත්දැකීමක් මුල් කරගෙන ලියූ 'Man in a Hurry' කවියත් සමඟිනි. 2022 වසරේදී අන්තර්ජාලය පුරා ලැව්ගින්නක් සේ ප්‍රසිද්ධ වූ මෙම කවියෙන් පසුව, 2023 වසරේදී ඔහු එම නමින්ම තම ප්‍රථම කවි පොත ද එළිදැක්වීය.
ඉන් නොනැවතුණු ඔහු, 2024 වසරේදී ප්‍රකාශයට පත් කරමින් සම්මානයට පාත්‍ර වූ 'Low Flight' කවි එකතුව සකස් කිරීම සඳහා තමන් වැනිම ආහාර බෙදාහැරීමේ නිරත සහෝදර රියදුරන් 200කගේ පමණ සැබෑ ජීවිත අත්දැකීම් සහ සම්මුඛ සාකච්ඡා උපයෝගී කරගෙන තිබේ.
රටේ ඉහළම සාහිත්‍ය ඇගයීමට ලක් වුවද, වයස අවුරුදු 60 වන තෙක්ම තම ආහාර බෙදාහැරීමේ රැකියාව අත්හැරීමට වං බලාපොරොත්තු නොවේ. මෙම සරල රැකියාව තමන්ව ශාරීරිකව නිරෝගීව තබන බවත්, සාමාන්‍ය මිනිසුන් අතර සරල ජීවිතයක් ගත කිරීමට එය උපකාරී වන බවත් ඔහු පවසයි. චීනයේ සාමාන්‍ය ශ්‍රමික පන්තියේ ජනතාව තම සැබෑ ජීවන අත්දැකීම් සාහිත්‍යයට නැගීමේ නව ප්‍රවණතාවයේ සුවිශේෂී සන්ධිස්ථානයක් ලෙස වං ජිබිංගේ මෙම ජයග්‍රහණය හැඳින්විය හැකිය.
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..