බන්ධනාගාර ගැටුම ‘පත්තු කළ’ බව කියන කටුවැල්ලේගම සුරේෂ්ට පුංචි තුවාලයක්වත් නෑ.. මුල් දවසේ දෙදෙනකු මරා දැමීම මොහුගේ ප්‍රධානත්වයෙන් වුණ වැඩක් බවටත් හෙළිවෙයි..

Jul 9, 2026 at 08:33 AM

|

Lanka Leader

බූස්සට රැගෙන යයිමීගමුව බන්ධනාගාරය එකම යුද පිටියක් බවට පත්කළ ගැටුම ආරම්භයට හේතු වූ එහි රැඳවියන් දෙදෙනකුට අමානුෂික ලෙස පහර දී ඝාතනය කිරීමේ සිද්ධිය සම්පූර්ණයෙන්ම මෙහෙයවා ඇත්තේ මත්ද්‍රව්‍ය ජාවාරම්කරුවකු වන කටුවැල්ලේගම සුරේෂ් නමැත්තා විසින් බව විමර්ශනවලින් හෙළි වී ඇති බව දිවයින පුවත් පත වාර්තා කර තිබේ.

දින දෙකක් තිස්සේ බන්ධනාගාරය තුළ දරුණු ගැටුම් ඇති වුව ද මෙම ගැටුම ඇති කළ කටුවැල්ලේගම සුරේෂ් නමැති ජාවාරම්කරුට කිසිදු තුවාලයක් හෝ අනතුරක් සිදුවී නැති බව පොලිසිය පවසයි. 

මෙම පුද්ගලයන් දෙදෙනා මෙසේ ඝාතනය කර තිබුණේ ඔවුන් විසින්, සුරේෂ් බන්ධනාගාරය තුළ සිදු කරන මත්ද්‍රව්‍ය ජාවාරම පිළිබඳව තොරතුරු බන්ධනාගාර නිලධාරීන්ට ලබා දුන් බව කියන සිදුවීමක් මත බව මේ වනවිට හෙළි වී ඇති බවයි පැවසෙන්නේ. 

මෙසේ ඝාතනයට ලක්වූ රැඳවියන් දෙදෙනා කලක් කටුවැල්ලේගම සුරේෂ්ගේ කල්ලියට සම්බන්ධ වී සිටි ඔහුගේ සමීපතමයන් දෙදෙනෙකු බවත් අනාවරණය වී ඇති බව වාර්තා වේ.

එහෙත් පසුව ඔවුන් සුරේෂ්ගේ කල්ලියෙන් වෙන් වී වෙනම සංවිධානාත්මක පිරිසක් සමග බන්ධනාගාරය තුළ සිට ඇත. බන්ධනාගාර නිලධාරීන්ට තම මත්ද්‍රව්‍ය ජාවාරම පිළිබඳව තොරතුරු ලබාදුන් බව කියන සිද්ධිය මුල් කරගෙන සුරේෂ් සිය සගයන් සමග එක්ව සිය ප්‍රතිවාදීන්ට මෙසේ අමානුෂික ලෙස පහර දී ඇති බව හෙළි වී තිබේ.

ඉදිරි විමර්ශනකටුවැල්ලේගම සුරේෂ් කොල්ලකෑම්, මත්ද්‍රව්‍ය ජාවාරම්, විවිධ පුද්ගලයන්ට පහර දී කපා කොටා තුවාල කිරීම් සම්බන්ධයෙන් චෝදනා ලැබූ අයෙකි. මීගමුව අධිකරණයේ විභාග වන නඩුවකට අදාළව මොහු මීගමුව බන්ධනාගාරයේ රඳවා සිටි බව ද මේ වනවිට අනාවරණය වී ඇත.

කටුවැල්ලේගම සුරේෂ් නමැත්තාගෙන් අපරාධ පරීක්‍ෂණ දෙපාර්තමේන්තුව (CID) සහ කොළඹ අපරාධ කොට්ඨාසය (CCD) ඉදිරියේදී ප්‍රශ්න කිරීමට නියමිත බවත් වාර්තා වේ.

මූලාශ්‍ර - දිවයින පුවත්පත