චීන ජනපති ෂී ජින්පින් මිලියන ගණනක එරට ජනතාව දුප්පත්කමින් මුදා ගත්තා - චීන කොමියුනිස්ට් පක්ෂයේ සංවත්සරයට එක්වෙමින් එජාප සභාපති වජිර අබේවර්ධන කියයි
ලෝකයේ අවිනිශ්චිත කාලවකවානුවක චීනය හුදෙකලා වීම වෙනුවට විවෘත භාවය තෝරා ගෙන තිබෙන බවත්, චීනය ශ්රී ලංකාවට පිරිනැමූ මිත්රත්වයේ සිහිවටන සදාකල්හිම චීන මතකයන් අපට ඉතිරි කර ඇති බවත් එක්සත් ජාතික පක්ෂයේ සභාපති හිටපු අමාත්ය වජිර අබේවර්ධන මහතා පැවසීය.
ඒ මහතා මේ බව කියා සිටියේ කොළඹ සිනමන් ලයිෆ් හෝටලයේ පැවති චීන කොමියුනිස්ට් පක්ෂයේ 105 වැනි සංවත්සර උළෙල අමතමිනි. මහජන චීන කොමියුනිස්ට් පක්ෂය පිහිටුවා වසර 105ක් සමරන මෙම අවස්ථාවට එක්සත් ජාතික පක්ෂය සහ එහි නායක රනිල් වික්රමසිංහ මහතා වෙනුවෙන් එක්වීමට ලැබීම තමන් ලැබූ විශාල ගෞරවයක් බව සිහිපත් කළ ඒ මහතා, චීන කොමියුනිස්ට් පක්ෂයටත්, චීන රජයටත්, චීන ජනතාවටත් මෙන්ම ජනාධිපති ෂී ජින්පින් මැතිතුමාටත් සිය පක්ෂයේ ගෞරවනීය සුබපැතුම් පිරිනමන බව සඳහන් කළේය.
සියවසකටත් වැඩි කාලයක් පුරා චීන කොමියුනිස්ට් පක්ෂය එරට ජනතාව නැගී සිටීමේ සිට සමෘද්ධිමත් වීම දක්වා සහ ඉන්පසු ශක්තිමත් බලවතෙකු වීම දක්වා සුවිශේෂී ගමන් මඟක් ඔස්සේ ඉදිරියටම රැගෙන ගොස් ඇති අතර, ජනාධිපති ෂී ජින්පින් මැතිතුමාගේ නායකත්වය යටතේ චීනය මිලියන සංඛ්යාත ජනතාවක් දුප්පත්කමින් මුදවාගෙන තිබීම මානව ඉතිහාසයේ අසමසම ජයග්රහණයක් බව ඔහු පැවසීය. ශ්රී ලංකාව සහ චීනය අතර පවතින මිත්රත්වය පාහියන් හිමියන් බුදුදහම සොයා ලංකාවට වැඩම කළ යුගය දක්වා සියවස් ගණනාවක් ඈතට දිවයන්නක් බවත්, නූතන යුගයේදී එම මිත්රත්වය 1952 වසරේදී එවකට අග්රාමාත්ය ඩඩ්ලි සේනානායක මහතා විසින් අත්සන් කළ ඓතිහාසික රබර් – සහල් ගිවිසුම සමගින් අලුත් වූ බවත් හෙතෙම පෙන්වා දුන්නේය.
බණ්ඩාරනායක අනුස්මරණ ජාත්යන්තර සම්මන්ත්රණ ශාලාව, ශ්රේෂ්ඨාධිකරණ සංකීර්ණය, නෙළුම් පොකුණ රඟහල සහ ගිං ගඟ ගංවතුර ආරක්ෂණ ව්යාපෘතිය වැනි මෙරට ප්රධාන ස්මාරක චීන ජනතාවගෙන් ලැබුණු ත්යාගයන් බව සිහිපත් කළ වජිර අබේවර්ධන මහතා, එක්සත් ජාතික පක්ෂය සැමවිටම මෙම මිත්රත්වය වඩාත් පුළුල් කිරීමට කටයුතු කළ බව ප්රකාශ කළේය. ඒ අනුව හිටපු ජනාධිපති රනිල් වික්රමසිංහ මහතාගේ නායකත්වය යටතේ ශ්රී ලංකාව ‘එක් තීරයක්, එක් මාවතක්’ වැඩපිළිවෙළේ මුල්ම හවුල්කරුවකු ලෙස එක් වූ අතර, කොළඹ වරාය නගරය ඉදිරියට ගෙනයමින් 2022 වසරේ මෙරට ඇති වූ දරුණුතම ආර්ථික අර්බුදයේදී ආර්ථිකය ගොඩනැඟීමේ ක්රියාවලියට සහාය දුන් හවුල්කරුවන් අතර චීනය පෙරමුණේම සිටි බවද ඔහු වැඩිදුරටත් කියා සිටියේය.
සම්බන්ධිත පුවත් | Related News
ප්රධාන පුවත්
මීගමුව බන්ධනාගාරයේ තත්ත්වය එන්න එන්නම උණුසුම් වෙයි.. කාන්තා රැඳවියන් වහලය මතට නඟී..
මීගමුව බන්ධනාගාරයේ ගැටුමකින් රැඳවියන් දෙදෙනෙකු මරුට.. - පොලීසිය සහ STF කැඳවයි..
'මැයි 9 ප්රචණ්ඩත්වය සංවිධානාත්මකයි.. පෙට්රල් බෝම්බ හදලා, ඇමතිවරුන්ගේ ගෙවල් ලැයිස්තු හදලා තිබුණේ..' - මොහාන් සමරනායකගෙන් අරගලය ගැන හෙළිදරව්වක්
අර්ධ-ෆෙඩරල් ඉන්දීය මහ ඇමතිවරයෙකුගෙන් ෆෙඩරල් ශ්රී ලංකාවකට සහයෝගය ඉල්ලන්නේ ඇයි?
යෝජිත ත්රස්ත මර්දන අලුත් පනතට ජිනීවා වෙතින් රතු එලියක්..
ආණ්ඩුව නීතිය ඉදිරියට දමා දේශපාලන දඩයමක.. රණවිරුවන් පාවා දෙමින් ගෝලීය කොටි ජාලය සතුටු කරන “රක්ත භීෂණයක්” රට තුළ ක්රියාත්මකයි - විමල් වීරවංශගෙන් හෙළිදරව්වක්
මාස 4කට පසු ටෙහෙරානයම හඬවමින් ඇරඹි අවමංගල්යය: අයතුල්ලා අලි කමේනිගේ දේහයට අවසන් ගෞරව දැක්වීමට ඉරාන ජනයා දහස් ගණනින් පෙළගැසෙති..
“සියවසේ අවමංගල්යය”ට ඉරානය සැරසේ..
හම්බන්තොට සිනොපෙක් පිරිපහදු ව්යාපෘතිය කොන්දේසි මතභේද නිසා අවිනිශ්චිත තත්ත්වයක..
ලිට්රෝ සහ ලාෆ්ස් ගෑස් මිල ගණන් පහළට..
එක්සත් රාජධානියේ විශ්වවිද්යාල පහෙන් එකකට ආසන්න සංඛ්යාවක සුදු ජාතික සිසුන් සුළුතරයක් බවට පත්වී ඇතැයි Telegraph පුවත් පත පවසයි
තමන්ට එරෙහිව පවතින විමර්ශනයකට සැකකරුවන්ට සහය දෙන්නැයි බල කරන්න අධිකරණයටවත් අයිතියක් නෑ.. - උදය ගම්මන්පිල
"දුර්වල අධිකරණ පද්ධතියක් ස්වභාවික විපතකටත් වඩා වේගයෙන් රටක් විනාශ කරනවා" - අගවිනිසුරු ප්රීති පද්මන් සුරසේන
මාලිමාවේ ‘ලස්සන ජීවිතය’ ගොවියා මහමඟට ඇද දමලා.. රනිල් - ජේ. ආර්. ගිය නව ලිබරල් මඟ යමින් මාලිමා රජය ගොවි ජනතාව පාවා දීලා.. - ජයන්ත සමරවීර
මා තහඩුකෑලි එල්ලාගෙන ඉන්නවා කියා දිලීප පීරිස් අධිකරණයේදී කීවා.. රණවිරුවෝ ජීවිත පරිත්යාගයෙන් ලබාගත්තු ජයග්රහණ තහඩු කෑලි නෙවෙයි.. - විශ්රාමික ගුවන් හමුදා නිලධාරී නිශාන්ත ජයතිලක
මාර්තුවේ ඇරඹි අත්නගල්ල, අලවල සංචාරක කදවුර වල්වැදිලා..