විරෝධතා නොතකා ශ්රේෂ්ඨාධිකරණ සහ අභියාචනාධිකරණ විනිසුරුවන්ගේ විශ්රාම වයස අවුරුදු දෙකකින් ඉහළ දැමීමට රජයේ සූදානමක්..
විරෝධතා නොතකා ශ්රේෂ්ඨාධිකරණයේ සහ අභියාචනාධිකරණයේ විනිසුරුවරුන්ගේ විශ්රාම යාමේ වයස තවත් වසර දෙකකින් දීර්ඝ කිරීම පිළිබඳව රජය අඛණ්ඩව සලකා බලමින් සිටින බව ‘සන්ඩේ ටයිම්ස්’ පුවත්පත වාර්තා කරයි.
එම වාර්තාවට අනුව, පළපුරුදු විනිසුරුවරුන් වැඩි කාලයක් සේවයේ රඳවා තබාගැනීම සහතික කිරීම සඳහා රජය මෙම පියවර ගෙන ඇත. කෙසේවෙතත්, රජය අධිකරණයට බලපෑම් කිරීමට උත්සාහ කරන බවට විපක්ෂය සහ ජාත්යන්තර නීති සංගම් චෝදනා කරන පසුබිමක මෙම තීරණය කරළියට පැමිණ තිබේ.
අධිකරණ ක්ෂේත්රයේ පවතින පුරප්පාඩු පිරවීම සඳහා රජය විසින් යෝජනා කරන ලද පහළ සිට ඉහළට යන (bottom-up) ක්රමවේදය යටතේ, පහළ උසාවිවල පවතින පුරප්පාඩු පිරවීම සඳහා නව මහේස්ත්රාත්වරුන් 50 දෙනෙකු ද පත් කිරීමට නියමිත බව රජයේ ජ්යෙෂ්ඨ ප්රකාශකයකු පවසා ඇත.
මෙම යෝජනාවට අනුව, දැනට 65 වැනි වියේ පසුවන ශ්රේෂ්ඨාධිකරණ විනිසුරුවරුන්ගේ විශ්රාම වයස අවුරුදු 67 දක්වා ද, දැනට 63 වැනි වියේ පසුවන අභියාචනාධිකරණ විනිසුරුවරුන්ගේ විශ්රාම වයස අවුරුදු 65 දක්වා ද දීර්ඝ කිරීමට නියමිතය. වත්මන් ක්රමවේදයට අනුව මහාධිකරණ විනිසුරුවරුන් අවුරුදු 61න් ද, දිසා විනිසුරුවරුන් සහ මහේස්ත්රාත්වරුන් අවුරුදු 60න් ද විශ්රාම යති.
“අභියාචනාධිකරණයේ සහ මහාධිකරණවල ඉතා පළපුරුදු විනිසුරුවරුන් රැසක් සිටිනවා. ඔවුන්ට ඉහළ උසාවිවලට උසස්වීම් ලැබීමට සුදුසුකම් ලබන විට, ඔවුන් විශ්රාම වයසට පැමිණීම හෝ විශ්රාම යාමට ආසන්න වී තිබීම නිසා ඔවුන්ට ඉහළ උසාවිවල සේවය කිරීමට තිබෙන අවස්ථාව මඟහැරෙනවා. යෝජිත සංශෝධන සමඟින් ඔවුන්ට අවම වශයෙන් වසර දෙකක් හෝ තුනක් ඉහළ උසාවියේ සේවය කිරීමට අවස්ථාව ලැබෙනවා. වෘත්තීය අධිකරණ නිලධාරීන් ලෙස ඔවුන් සතු අත්දැකීම් සමස්ත පද්ධතියටම විශාල ප්රතිලාභයක් වේවි,” යැයි එම ප්රකාශකයා වැඩිදුරටත් සඳහන් කර තිබේ.
මුලින්ම නව මහේස්ත්රාත්වරුන් 50 දෙනකු පත්කර පහළ උසාවිවල පුරප්පාඩු පිරවීමටත්, ඉන් අනතුරුව ඉහළ උසාවිවල පවතින පුරප්පාඩු පිරවීමටත් කටයුතු කරන බව ද එම ආරංචි මාර්ග පවසයි.
මේ වන විට ශ්රේෂ්ඨාධිකරණයේ සහ අභියාචනාධිකරණයේ පුරප්පාඩු හතර බැගින් පවතී.
කෙසේවෙතත්, ශ්රී ලංකා නීතිඥ සංගමය, පොදුරාජ්ය මණ්ඩලීය නීතිඥ සංගමය සහ ආසියා සහ ශාන්තිකර කලාපීය නීති සංගමය ඇතුළු සංවිධාන රැසක්, මෙලෙස ඉහළ අධිකරණවල විනිසුරුවරුන්ගේ විශ්රාම වයස ඉහළ නැංවීමෙන් වළකින ලෙස රජයෙන් ඉල්ලා ඇත.
සම්බන්ධිත පුවත් | Related News
ප්රධාන පුවත්
මේ රටේ නායකයා වෙන්න ඉන්දියාවෙන් නියත විවරණ ගන්න වෙලා - ජ්යෙෂ්ඨ මාධ්යවේදී මොහාන් සමරනායකගෙන් සුවිශේෂී අනාවරණයක්
විරෝධතා නොතකා ශ්රේෂ්ඨාධිකරණ සහ අභියාචනාධිකරණ විනිසුරුවන්ගේ විශ්රාම වයස අවුරුදු දෙකකින් ඉහළ දැමීමට රජයේ සූදානමක්..
අමෙරිකාව ඉරානයේ මිසයිල සහ ඩ්රෝන ගබඩාවලට පහර දෙයි..
සලේ අධි අවදානම් කාණ්ඩයට.. යම් හානියක් වුනොත් ජනාධිපති, රවී, ශානි වගකියන්න ඕනේ.. - සුරේෂ් සලේගේ බිරිඳ
සලේට හෘදයාබාධයක්.. හෘද රෝග ඒකකයට ඇතුළත් කරයි..
පාස්කු ප්රහාරය පිළිබඳව කල්තියා දැනුවත් කර තිබියදී රවිලා ශානිලා ක්රියාකළ හැටි මෙන්න.. (වීඩියෝ)
ඇමති වසන්ත හිතවත් මෝල් හිමියෙකුට වී ටෙන්ඩරය දෙන්න හදලා.. රජයේ ගබඩාවල විකුණගන්න බැරිව වී තොග ගොඩගැහිලා.. - එක්සත් සහල් නිෂ්පාදකයින්ගේ සංගමයේ සභාපති
වෙනිසියුලාවේ භූමිකම්පාව සම්බන්ධයෙන් ශ්රී ලංකාවේ ජාතික සංවිධාන රැසකගෙන් ශෝක ප්රකාශයක්..
තමන්ගේ ආගමික චාරිත්රවලට යමෙක් විරුද්ධ වනවා නම් එම පුද්ගලයා මරා දැමිය යුතු බව මුස්ලිම් පූජකවරයෙක් කියලා.. මෙවැනි ප්රකාශ නීතියට එකඟද? - ඕමල්පේ සෝභිත හිමි ප්රශ්න කරයි
ත්රස්තවාදය වැළැක්වීමේ පනත මේ වසරේ සිට අහෝසි කරනවා.. - ජනාධිපති
භාණ්ඩාගාර කොල්ලයෙන් IMF ගිවිසුමට බලපෑම් වන බව දන්වයි.. ඕස්ට්රේලියාවට 2.5 million USDයලි ගෙවන්න ලංකාව එකඟ වෙයි..
“නීතිපති ඉදිරිපත් කළ ඡායාරූප ද්වේෂසහගතයි.. කිසිදු වාර්තාවක ගෝඨාගේ නම නෑ.. අසාද් මවුලානාගේ ප්රකාශ මත අත්අඩංගුවට ගන්නේ කොහොමද?..”-ගෝඨාභයගේ නීතිඥයා අභියාචනාධිකරණයේදී කියයි
භූමිකම්පාවෙන් පසු වෙනිසියුලාවේ හදිසි තත්ත්වයක් ප්රකාශයට පත් කෙරේ..
16ට අඩු දරුවන්ගේ සමාජ මාධ්ය භාවිතය සීමා කිරීමේ පනත් කෙටුම්පතක් පාර්ලිමේන්තුවට..
"සෝමවංශ රැකපු උරුමය අනුරට අත්හරින්න බෑ".. - උවිදු විජේවීර
"සෝමවංශලා, විජේවීරලා එදා කරපු දේ අනුරගේ ආණ්ඩුවෙන් පාවා දෙනවාද?" - වෛද්ය වසන්ත බණ්ඩාරගෙන් අනාවරණයක්