නියෝජ්ය ධීවර ඇමැති සුන්දරලිංගම් ප්රදීප්ට එරෙහිව ජනඅරගල සන්ධානයෙන් අල්ලස් කොමිසමට පැමිණිලි
ගිනස් වාර්තාවක් සඳහා රජයේ නොවන පෞද්ගලික සමාගමකට රාජ්ය අනුග්රහය සැපයීම සහ පවුල් පන්දහකින් පමණ රුපියල් 5000 බැගින් වූ විශාල මුදල් ප්රමාණයක් එකතුකිරීම ආදී චෝදනා සම්බන්ධයෙන් නියෝජ්ය අමාත්ය සුන්දරලිංගම් ප්රදීප්ට එරෙහිව විමර්ශනයක් ආරම්භ කරන ලෙස ඉල්ලමින් ජන අරගල සන්ධානය ඊයේ (26 දා) අල්ලස් හෝ දූෂණ චෝදනා විමර්ශන කොමිෂන් සභාවට පැමිණිල්ලක් ඉදිරිපත් කළේය.
එහිදී මාධ්යයට අදහස් දැක්වූ ජන අරගල සන්ධානයේ ජාතික විධායක සභික, පෙරටුගාමී සමාජවාදී පක්ෂයේ බහුජන ලේකම් දුමින්ද නාගමුව මහතා මෙසේ පැවසීය:
“ජුනි 14 වෙනිදා ලෝකයේ වැඩිම ශිෂ්යයන් පිරිසක් සහභාගි වුණ භරත නාට්ය වැඩමුළුව ලංකාවේ පැවත්වුවා කියලා ආණ්ඩුව ලොකු ප්රචාරයක් අරගෙන ගියා. මෙතනදි ලෝකයේ වැඩිම පිරිසක් සහභාගී වුණු භරත නාට්ය වැඩසටහනට හිමි ගිනස් වාර්තාව ලංකාවට ලැබුණා කියලා තමයි කිව්වේ. මේ නියෝජ්ය අමාත්ය සුන්දරලිංගම් ප්රදීප් තමයි මේකෙ ප්රධානත්වය අරගෙන තිබුණේ. ඊට අමතරව නියෝජ්ය අමාත්ය මහින්ද ජයසිංහ ඇතුළු රජයේ ප්රබලයින් කිහිපදෙනෙක්ම මේ වැඩේට ඇවිත් හිටියා. මේ වැඩසටහන පැවැත්වුණේ රාජ්ය අනුග්රහය සහිතව.හැබැයි දැන් ප්රශ්නේ තියෙන්නේ මේ සිදුවීමට අදාළ ගිනස් සහතිකයේ ලංකාවේ හෝ ලංකාවේ කිසිදු රාජ්ය ආයතනයක හෝ ලංකාවේ පුද්ගලයෙක්ගේ නමක් නැහැ. මේ ගිනස් සහතිකයේ අයිතිය ලැබිලා තියෙන්නේ ඉන්දියානු සමාගමට සහ ලංකාවේ තියන ඒ සමාගමේ ශාඛාවකට. නියෝජ්ය අමාත්ය සුන්දරලිංගම් කොහොමද පෞද්ගලික ආයතනයක කටයුත්තකට රාජ්ය අනුග්රහය ලබා දුන්නේ කියන එක තමයි අපේ පළවෙනි ප්රශ්නය.
අනිත් කාරණය තමයි මේ වැඩසටහනට ශිෂ්යයන් 5000ක් පමණ සහභාගි වුණා. ඒ අයගේ පවුල්වලින් රුපියල් 5000 බැගින් විශාල මුදලක් මෙතනදි එකතු කරලා තියනවා. ඊට අමතරව දැන් නැවත මේ ළමයින්ගෙන් ලෝගෝ එකකට කියලා රුපියල් 3450ක් සහතිකයට සහ 2350ක් බැගින් එකතු කරන්න යනවා. මේ අම්මලා තාත්තලා දුෂ්කර ප්රදේශවල ඉඳන් තමන්ගේ ළමයා කොළඹ අරගෙන එන්න ඇවිත් මේ දවස් කිහිපයේ කොළඹ නවතින්න ආදී වශයෙන් විශාල මුදලක් වැය කරලා තියනවා. සමහර පවුල්වලට රුපියල් 30,000ක් විතර මේ වැඩේ වෙනුවෙන් වියදම් වෙලා තියනවා. හැබැයි අන්තිමට මේ ඔක්කොම කරලා තියෙන්නේ ඉන්දියානු සමාගමකට ගිනස් වාර්තාවක් ලබාදෙන්න.
අපි අද මේකට සම්බන්ධ වුණු නියෝජ්ය අමාත්ය සුන්දරලිංගම් ප්රදීප්ට එරෙහිව අල්ලස් හෝ දූෂණ විමර්ශන කොමිෂන් සභාවට පැමිණිල්ලක් ඉදිරිපත් කළා. මේ කරුණු සියල්ල පැමිණිල්ලේ අඩංගුයි. මේ වැඩසටහනට රාජ්ය අනුග්රහය ලබාදුන්නේ කවර පදනමකින්ද සහ මේ අහිංසක දෙමාපියන්ගෙන් එකතුකරපු අතිවිශාල මුදල් ප්රමාණයට මොකද වුණේ කියලා රටට හෙළිදරව් කළ යුතුයි. අපි හිතනවා අනිත් පැමිණිලි වගේම කඩිනමින් අල්ලස් කොමිසම මේ සම්බන්ධයෙනුත් මැදිහත් වෙලා වගකිවයුත්තන් අධිකරණයට ගෙනියයි කියලා.”
මූලාශ්රය: Divaina පුවත්පත
සම්බන්ධිත පුවත් | Related News
ප්රධාන පුවත්
සලේ අධි අවදානම් කාණ්ඩයට.. යම් හානියක් වුනොත් ජනාධිපති, රවී, ශානි වගකියන්න ඕනේ.. - සුරේෂ් සලේගේ බිරිඳ
සලේට හෘදයාබාධයක්.. හෘද රෝග ඒකකයට ඇතුළත් කරයි..
පාස්කු ප්රහාරය පිළිබඳව කල්තියා දැනුවත් කර තිබියදී රවිලා ශානිලා ක්රියාකළ හැටි මෙන්න.. (වීඩියෝ)
ඇමති වසන්ත හිතවත් මෝල් හිමියෙකුට වී ටෙන්ඩරය දෙන්න හදලා.. රජයේ ගබඩාවල විකුණගන්න බැරිව වී තොග ගොඩගැහිලා.. - එක්සත් සහල් නිෂ්පාදකයින්ගේ සංගමයේ සභාපති
වෙනිසියුලාවේ භූමිකම්පාව සම්බන්ධයෙන් ශ්රී ලංකාවේ ජාතික සංවිධාන රැසකගෙන් ශෝක ප්රකාශයක්..
තමන්ගේ ආගමික චාරිත්රවලට යමෙක් විරුද්ධ වනවා නම් එම පුද්ගලයා මරා දැමිය යුතු බව මුස්ලිම් පූජකවරයෙක් කියලා.. මෙවැනි ප්රකාශ නීතියට එකඟද? - ඕමල්පේ සෝභිත හිමි ප්රශ්න කරයි
ත්රස්තවාදය වැළැක්වීමේ පනත මේ වසරේ සිට අහෝසි කරනවා.. - ජනාධිපති
භාණ්ඩාගාර කොල්ලයෙන් IMF ගිවිසුමට බලපෑම් වන බව දන්වයි.. ඕස්ට්රේලියාවට 2.5 million USDයලි ගෙවන්න ලංකාව එකඟ වෙයි..
“නීතිපති ඉදිරිපත් කළ ඡායාරූප ද්වේෂසහගතයි.. කිසිදු වාර්තාවක ගෝඨාගේ නම නෑ.. අසාද් මවුලානාගේ ප්රකාශ මත අත්අඩංගුවට ගන්නේ කොහොමද?..”-ගෝඨාභයගේ නීතිඥයා අභියාචනාධිකරණයේදී කියයි
භූමිකම්පාවෙන් පසු වෙනිසියුලාවේ හදිසි තත්ත්වයක් ප්රකාශයට පත් කෙරේ..
16ට අඩු දරුවන්ගේ සමාජ මාධ්ය භාවිතය සීමා කිරීමේ පනත් කෙටුම්පතක් පාර්ලිමේන්තුවට..
"සෝමවංශ රැකපු උරුමය අනුරට අත්හරින්න බෑ".. - උවිදු විජේවීර
"සෝමවංශලා, විජේවීරලා එදා කරපු දේ අනුරගේ ආණ්ඩුවෙන් පාවා දෙනවාද?" - වෛද්ය වසන්ත බණ්ඩාරගෙන් අනාවරණයක්
පාස්කු දා ප්රහාරයේ මහ නඩුවේ තීරණාත්මක තීන්දුවක්.. නවුෆර් මවුලවිගේ කටඋත්තරය ස්වේච්ඡාවෙන් දුන් බව තහවුරු කෙරේ..
ගෝඨාභයගේ පෙත්සමේ වැඩිදුර කරුණු සලකා බැලීම අද..
ඇමරිකානු උප ජනපතිගේ මුහුණවත් නොබලා ඉරානය නැඟිටලා ආවේ ඇයි? ඉරාන - ඇමරිකානු ගැටුම සහ නව ලෝක දේශපාලන ප්රවණතා ගැන උවිඳු විජේවීරගෙන් විග්රහයක්