ත්‍රිකුණාමලය තෙල් සංකීර්ණ ව්‍යාපෘතිය කඩිනම් කිරීමට ලංකාව සහ ඉන්දියාව සැරසෙයි..
මැදපෙරදිග කලාපයේ පවතින අර්බුදකාරී තත්ත්වය හමුවේ බලශක්ති සුරක්ෂිතතාව තහවුරු කරගැනීම සඳහා ත්‍රිකුණාමලය ඛනිජ තෙල් කේන්ද්‍රස්ථාන (Petroleum Hub) ව්‍යාපෘතිය කඩිනමින් ක්‍රියාත්මක කිරීමේ අවශ්‍යතාව ශ්‍රී ලංකාව සහ ඉන්දියාව විසින් හඳුනාගෙන ඇති නමුත්, ඒ සඳහා මෙතෙක් නිශ්චිත කාලරාමුවක් සකස් කර නොමැති බව වාර්තා සඳහන් කරයි.
බලශක්ති සුරක්ෂිතතා ක්ෂේත්‍රය තුළ ඉන්දියාව සහ ශ්‍රී ලංකාව අතර සහයෝගීතාවයේ ප්‍රධාන කේන්ද්‍රස්ථානයක් ලෙස ත්‍රිකුණාමලය හඳුනාගෙන ඇත.
ත්‍රිකුණාමලය තෙල් ටැංකි සංකීර්ණය සංවර්ධනය කිරීම සඳහා ඉන්දියාවේ දායකත්වය ලබාගැනීම පිළිබඳ පළමු නිල සඳහන දක්නට ලැබෙන්නේ 1987 ඉන්දු-ලංකා ගිවිසුමෙනි.
පසුව 2002-2004 කාලසීමාව තුළ, ශ්‍රී ලංකාව තුළ ඉන්ධන අලෙවිය සහ බෙදාහැරීම සඳහා ඉන්දීය ඔයිල් සමාගමට (IOC) අවසර දෙමින් දෙරට අතර ගිවිසුම් අත්සන් කෙරුණද, එමඟින් එහි ඇති ටැංකි 99ම සම්පූර්ණයෙන් සංවර්ධනය කිරීමට හැකි වූයේ නැත. යළිත් 2015 වසරේදී මෙම ව්‍යාපෘතිය පුළුල් කිරීමේ සැලසුම් සහිතව සාකච්ඡා ආරම්භ වූ අතර, එම වසරේම මෙරට සිදුකළ නිල සංචාරයකදී ඉන්දීය අග්‍රාමාත්‍ය නරේන්ද්‍ර මෝදි ශ්‍රී ලංකා පාර්ලිමේන්තුව අමතමින් ත්‍රිකුණාමලය ඛනිජ තෙල් කේන්ද්‍රස්ථානයක් ලෙස සංවර්ධනය කිරීමේ සැලසුම් පිළිබඳව ප්‍රකාශ කළේය.
මෙම ව්‍යාපෘතිය වඩාත් විධිමත් ස්වරූපයක් ගත්තේ 2023 වසරේදීය. එහිදී ත්‍රිකුණාමලය තෙල් ටැංකි සංකීර්ණය ඒකාබද්ධව ප්‍රතිසංවර්ධනය කිරීම සඳහා ශ්‍රී ලංකාව සහ ඉන්දියාව නිල ගිවිසුමකට එළඹුණු අතර, ඒ අනුව ‘ත්‍රින්කෝ පෙට්‍රෝලියම් ටර්මිනල් ලිමිටඩ්’ (TPTL) නමින් ඒකාබද්ධ සමාගමක් පිහිටුවන ලදී. එහි කොටස්වලින් සියයට 51ක් ලංකා ඛනිජ තෙල් නීතිගත සංස්ථාවටත්, සියයට 49ක් ලංකා IOC සමාගමටත් හිමි වේ. මෙම ගිවිසුම මඟින් ටැංකි 99න් ටැංකි 61ක් ඒකාබද්ධව සංවර්ධනය කිරීමට නියමිතය.
එමෙන්ම පසුගිය වසරේ ඉන්දීය අග්‍රාමාත්‍යවරයා මෙරට සංචාරය කළ අවස්ථාවේදී, දෙරට අතර ද්විත්ව බලශක්ති සැපයුම් සම්බන්ධ කරන බහුකාර්ය නළ මාර්ගයක් සංවර්ධනය කිරීම සඳහා ඉන්දියාව, ශ්‍රී ලංකාව සහ එක්සත් අරාබි එමීර් රාජ්‍යය අතර ත්‍රෛපාර්ශ්වික ගිවිසුමක්ද අත්සන් කරන ලදී.
මෑතකදී මෙරට සංචාරයක නිරත වූ ඉන්දීය විදේශ ලේකම් වික්‍රම් මිස්රිද ද්විපාර්ශ්වික සාකච්ඡාවලදී මෙම ව්‍යාපෘතිය එකඟ වූ පරිදි සංවර්ධනය කිරීමේ අවශ්‍යතාව අවධාරණය කළේය. ව්‍යාපෘතියේ පවතින සංකීර්ණත්වය සහ ඒ සඳහා වැයවන විශාල මූල්‍ය පිරිවැය හේතුවෙන් මෙතෙක් නිශ්චිත කාලරාමුවක් සකස් කර නොමැති වුවද, ඒ පිළිබඳ සාකච්ඡා අඛණ්ඩව සිදුවන බව ද්විපාර්ශ්වික රැස්වීම්වලින් අනතුරුව පැවැති ජනමාධ්‍ය හමුවකදී ඔහු ප්‍රකාශ කර තිබිණි.
මේ පිළිබඳව කළ විමසීමකදී රජයේ ඉහළ පෙළේ ප්‍රකාශකයකු සඳහන් කර ඇත්තේ, මැදපෙරදිග අර්බුදය වැනි සිදුවීම් නිසා අනාගතයේදී ඇතිවිය හැකි බලශක්ති කම්පනයන්ගෙන් ආරක්ෂා වීම සඳහා ත්‍රිකුණාමලයේ තෙල් ගබඩා කිරීම, නැව්වලට තෙල් සැපයීම (Bunkering) සහ පිරිපහදු මධ්‍යස්ථානයක් (Refinery) සංවර්ධනය කිරීම සඳහා නව සාකච්ඡා වටයක් ආරම්භ කර ඇති බවයි. කෙසේවෙතත්, ව්‍යාපෘතිය ආරම්භ කිරීම සඳහා නිශ්චිත දින වකවානුවක් මෙතෙක් ප්‍රකාශ කළ නොහැකි බවත්, කලාපය තුළ ඉන්දියාව සමඟ පවතින බලශක්ති සබඳතා හේතුවෙන් නේපාලය සහ බංග්ලාදේශය මේ වන විටත් විශාල ප්‍රතිලාභ ලබන බවත් එම ප්‍රකාශකයා වැඩිදුරටත් පෙන්වාදෙයි.
- ceylonwire
සම්බන්ධිත පුවත් | Related News
ප්‍රධාන පුවත්
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි