උතුරේ සිංහල ජනාවාස දරුණු අර්බුදයක.. පවුල් 300කට වඩා බෞද්ධහරණයට ලක්වෙලා.. - ආචාර්ය චන්න ජයසුමන හෙළිකරන කතාව
උතුරු පළාතේ සිංහල ජනාවාසවල අවසන් සීමාව සනිටුහන් කරන පදවි ගොවි ජනපදයේ බෝගස්වැව ඇතුළු ගම්මාන රැසක බෞද්ධ ජනතාව ඉලක්ක කරගනිමින් ඉතා සූක්ෂම බෞද්ධහරණ වැඩපිළිවෙළක් ක්‍රියාත්මක වන බව ආචාර්ය චන්න ජයසුමන මහතා පවසයි.
පසුගිය මාස කිහිපය තුළ පමණක් එහි පවුල් 300කට වැඩි පිරිසක් ආගමික පරිවර්තනයට ලක්ව ඇති බව ද ඔහු අනාවරණය කරයි.
මේ සම්බන්ධයෙන් ඒ මහතා සිය මුහුණු පොතේ තබා ඇති සටහන මෙසේය,
වැඩේ හෙමිහිට යටින් යනවා..
මට පදවි ගොවි ජනපදය හා ඇත්තේ අවියෝජනීය බැඳීමකි. කෘෂිකාර්මික වකුගඩු රෝගය පිළිබඳ මාගේ පර්යේෂණ සියල්ලක්ම පාහේ සිදු කෙරැණේ ඒ ආශ්‍රිතව ය. වසර ගණනාවක් මම ඒ ප්‍රදේශයේ කරක් ගැසුවෙමි. ගොවිතැන හා රජරට ජන ජීවිතය පිළිබඳ මගේ අත්දැකීම් බොහොමයක් පදවි ගොවි ජනපද ව්‍යාපාරය සහ ප්‍රත්‍යන්ත ප්‍රදේශ හා බැඳී ඇත.
පදවි ගොවි ජනපදයේ ඇතැම් ප්‍රදේශ කොටි ත්‍රස්තවාදී ප්‍රහාරවලටද ලක් විය. පදවි-පරාක්‍රමපුර සිට වවුනියාව හොරෙව්පොතාන මාර්ගයේ වෙලික්කුලම මංසන්ධිය දක්වා වෙහෙරතැන්න, බෝගස්වැව, සැළලිහිණිගම, නාමල්ගම, මාමඩුව, ඇටඹගස්කඩ ඔස්සේ කිලෝමීටර් 48 ක් පමණ දිවෙන මාර්ගය මෙරට සිංහල ජනාවාසවල අවසන් ඉම සටහන් කරයි. මේ මාර්ගය දෙපස උතුරේ පුරාවිද්‍යාත්මක ස්ථාන ගණනාවක් පිහිටා ඇත.
කොටි පැරදවීමෙන් පසු කැලෑ බෝගස්වැව ගම්මානයේ පදිංචිව සිටි ජනයා නැවත පදිංචි කෙරිණි. බෝගස්වැව 1 සහ 2, සැළලිහිණිගම, නාමල්ගම, නන්දිමිත්‍රගම (නන්දිමිත්‍ර යෝධයාගේ උපන්ගමයි. ජායාරූපයේ දක්වා ඇත්තේ එම ගම්මානයේ ඉදිකර ඇති යෝධයාගේ පිළිරැවයි) ගම්මාන ද ජනතාවට විවෘත විය.
එම ගම්මාන කිහිපයේ මේ වන විට පවුල් 3000 කට ආසන්න පිරිසක් පදිංචිව සිටිති. ආරම්භයේ ඒ සියලු දෙනා පාහේ බෞද්ධයෝ වූහ.
එම ජනතාවගේ එකම ජීවනෝපාය ගොවිතැනයි. නමුත් ඔවුන්ට වැසි ජලය හැර ගොවිතැනට ජලය ලබා ගැනීමේ ස්ථිර මූලාශ්‍රයක් නොමැත (මා රාජ්‍ය අමාත්‍යවරයෙක් ව සිටි කාලයේ මේ සඳහා පිළියමක් යෙදීමට කිහිප වරක් උත්සාහ දැරුවද රටේ පැවති තත්ත්වය නිසා එය සාර්ථක කර ගැනීමට නොහැකි විය).
අද ගොවිතැනට උදා වී ඇති අභාග්‍යසම්පන්න තත්ත්වය නිසා මෙම පවුල් 3000 දැඩි අසරණ බවට පත්ව ඇත. මීට පෙර නියඟය සහ විවිධ හේතු නිසා මෙම ජනතාව දුෂ්කරතාවට පත් සෑම අවස්ථාවකදීම මහවැලි සංවර්ධන අධිකාරිය සහ රජයේ විවිධ ආයතන මැදිහත්ව ඔවුන්ට උපකාර කළද අද එවැන්නක් දක්නට නොමැත.
මේ අවස්ථාවෙන් ප්‍රයෝජන ගෙන ඇති මිෂනාරි කණ්ඩායම් කිහිපයක් මෙම ගම්මානවලට පැමිණ ජනතාවට ඉතා අඩු පොලියට ණය ලබා දී ඔවුන් යාඥා මධ්‍යස්ථාන කරා ගෙන්වාගෙන සූක්ෂම ලෙස බෞද්ධහරණ වැඩපිළිවෙළක් දියත් කර ඇත. මා පසුගිය දින කිහිපයේ එම ප්‍රදේශවල සංචාරය කළ අතර එහි වැඩවසන ස්වාමීන් වහන්සේලා පැවසුවේ සැලකියයුතු ජනතාවකට සහනයක් ලබාගැනීමේ, ජීවත් වීමට ඇති එකම විකල්පය යාඥාට සහභාගී විම හෙයින් මේ ප්‍රවනතාව නතර කර ගැනීමේ ක්‍රමයක් තමන් වහන්සේලාට ද නොමැති බවයි. පසුගිය මාස කිහිපයේ පමණක් පවුල් 300කට වැඩි පිරිසක් බෞද්ධහරණයට ලක්ව ඇත.
තත්ත්වය කෙතරම් දරුණුද කිවහොත් සපුමල්කඩ විහාරස්ථානයේ වැඩ සිටි අප කල්‍යාණ මිත්‍ර ගල්ගමුවේ සන්තබෝධි හිමියෝ ද බෝගස්වැව ගම්මානයට වැඩම කර සිය ශක්ති ප්‍රමාණයෙන් මේ ව්‍යාපෘතිය නතර කර ගැනීමට දායක වෙමින් සිටිති. උන්වහන්සේ මා සමඟ පැවැසූවේ එවන් පවුල් කිහිපයකට කරුණු පහදා දී තම හැකි පමණින් උදව් උපකාර කර රඳවා ගත්තද සමස්ත ප්‍රවණතාව නතර කිරීම අපහසු බවයි.
මිෂනාරිහු සෑම පවුල් සියයකට පමණ තම නියෝජිතයෙක් පත්කර ඔවුන්ට මාසිකව වැටුපක් ගෙවති. අලුතෙන් බෞද්ධ පවුලක් යාඥා මධ්‍යස්ථානයක් කරා රැගෙන ආ විට ඔවුන්ට මුදලක් හිමි වෙයි. මේ නිසා හැකිතාක් බෞද්ධ පවුල් බෞද්ධහරණය කිරීම සඳහා ඔවුහු යුහුසුළුව තරඟයට මෙන් වැඩ කරති.
මීට පෙර ද කිහිප විටක් මෙවැනි කණ්ඩායම් මේ ප්‍රදේශයේ බෞද්ධහරණ වැඩපිළිවෙළට පැමිණියද රාජ්‍යයේ අනුග්‍රහය මත ජනතාවට සහන දීමේ වැඩපිළිවෙල දියත් වූ එයින් එය නතර කර ගැනීමට ප්‍රදේශයේ ස්වාමීන් වහන්සේලාට හැකි වූ බවත් මෙවර එවන් තත්ත්වයක් නොමැති බව තවත් ස්වාමීන් වහන්සේනමක් මා සමඟ පැවසූහ.
කාපට් යොදා මනාව සකසා තිබූ බෝගස්වැව-මාමඩුව මාර්ගයේ අද වාහන සේදිය හැකි තරමේ මහ වලවල්ය. උතුරේ සිංහල ජනතාව ගැන සොයා බැලීමට, රැකවරණය දීමට උතුරැ පළාත් සභාවට කිසිදු උවමනාවක් නැත. මධ්‍යම රජයට ද වගේ වගක් නැත.
මේ කියවන ඔබගෙන් මා ඉල්ලා සිටින්නේ තම හැකි පමණින් එම ප්‍රදේශවලට ගොස් තත්වය සියැසින් බලා ජනතාවට උදව් උපකාර කිරීමට දායක වන ලෙසයි; උතුරැ පළාතේ ජීවත්වන සීමිත බෞද්ධ ජනතාව බෞද්ධහරණ වැඩපිළිවෙළින් ගලවා ගැනීමට දායක වන ලෙසයි.
- චන්න ජයසුමන
සම්බන්ධිත පුවත් | Related News
ප්‍රධාන පුවත්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි
දේශප්‍රේමී සළුවලින් සැඟවුණු “ඩෙල්සි මාදිලියේ පාවාදීමකට” අනුරගේ ආණුඩුව සූදානමින්.. - විමල්ගෙන් විශේෂ හෙළිදරව්වක්..
ගලගොඩඅත්තේ ඥානසාර හිමියන් වෙනුවෙන් සිහි බුද්ධිය ඇති සිංහල, දෙමළ, මුස්ලිම් සෑම ශ්‍රී ලාංකිකයෙකුම කඳුළක් සැලිය යුතුයි.. - ජාතික සංවිධාන කියයි
බ්‍රැම්ප්ටන් නගරාධිපති පැට්‍රික් බ්‍රවුන්ගේ ප්‍රකාශයක් නිසා කැනඩාවේ සහ ශ්‍රී ලංකාවේ නැවතත් ජාතිවාදී නොසන්සුන්තාවයක් මතු වීමේ අවදානමක්..
රුසියාවෙන් නේටෝවට ප්‍රබල අනතුරු ඇඟවීමක්.. ස්වෛරීභාවයට තර්ජනයක් වුවහොත් න්‍යෂ්ටික අවි භාවිතයට සූදානම්.. - ආචාර්ය ජගත් චන්ද්‍රවංශගෙන් අනාවරණයක්
යේමන හමුදා ආරම්භ කළ දැවැන්ත මෙහෙයුම හමුවේ වුවද නව ප්‍රදේශ අත්පත් කරගත්තා- හූති කැරලිකරුවෝ අවධාරණය කරති