ජනාධිපති දුන් පොරෙන්දුව අනුව පාස්කු පරීක්‍ෂණ දැන් හරියටම වෙනවා.. - අගරදගුරු
පාස්කු ඉරිදා බෝම්බ ප්‍රහාරය සම්බන්ධයෙන් විමර්ශන සිදුකිරීමේදී ඇතැම් පාර්ශවයන් විසින් විවිධ බාධා කිරීම් සිදුකළ ද, ඒ පිළිබඳව බියක් ඇති කරගත යුතු නොවන බව කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණන් පවසති.
උන්වහන්සේ මේ බව අවධාරණය කළේ කොළඹ කොච්චිකඩේ ශාන්ත අන්තෝනි මුනිඳුන්ගේ දේවස්ථානයේ පැවති දේව මෙහෙයකට එක්වෙමිනි.
වත්මන් ජනාධිපති අනුර කුමාර දිසානායක මහතා කටුවපිටිය ශාන්ත සෙබස්තියන් දේවස්ථානයේදී වින්දිතයන් හමුවී ලබාදුන් පොරොන්දුව පරිදි, ප්‍රහාරයේ සත්‍යතාවය අනාවරණය කර ගැනීම සඳහා විමර්ශන කටයුතු මේ වන විට සක්‍රීයව සිදුවෙමින් පවතින බව කාදිනල් හිමිපාණන් පෙන්වා දුන්හ.
විශේෂයෙන්ම මෙතෙක් සැඟව තිබූ කරුණු පිළිබඳ සාක්ෂි විපරම් කරමින් පවතින බවත්, මෙම ප්‍රහාරය පිටුපස කිසියම් දේශපාලන කුමන්ත්‍රණයක් පැවතියේද යන්න පිළිබඳව නිශ්චිත සාක්ෂි උසාවිය හමුවේ ඉදිරිපත් වෙමින් පවතින බවත් උන්වහන්සේ සඳහන් කළහ.
එදා බලයේ සිටි පිරිස් සිය වුවමනාවන් මත යටගැසූ බොහෝ තොරතුරු මේ වන විට අනාවරණය වෙමින් පවතින බව අගරදගුරු හිමිපාණන් ප්‍රකාශ කළහ.
මීට පෙර නිහඬව සිටි සාක්ෂිකරුවන් දැන් ඉදිරියට පැමිණ සාක්ෂි ලබාදීම මගින් මේ මිනීමැරුම පිටුපස තිබූ කුමන්ත්‍රණය ක්‍රමයෙන් හෙළිවෙමින් පවතින බව උන්වහන්සේ පෙන්වා දුන්හ.
මෙම විමර්ශන හරහා තමන්ගේ සැබෑ ප්‍රතිරූපය සමාජය ඉදිරියේ හෙළිවනු ඇතැයි බියෙන් පසුවන ඇතැම් පිරිස් විමර්ශනවලට බාධා කිරීමට උත්සාහ කරන බව කාදිනල් හිමිපාණන් චෝදනා කළහ.
"ඔවුන් ජනමාධ්‍ය ඉදිරියේ විරෝධය දැක්වුවත්, පොත්පත් මුද්‍රණය කර බෙදා හැරියත්, මඩ ප්‍රහාර දියත් කළත් අපි ඒ ගැන අබමල් රේණුවක තරම්වත් බිය විය යුතු නැහැ" යැයි උන්වහන්සේ පැවසූහ.
ඇතැම් පාර්ශවයන් උසාවියේ ස්වාධීනත්වයට බලපෑම් කරමින් සහ සාක්ෂිකරුවන් බියගන්වමින් සත්‍යය යටපත් කිරීමට පිළිකුල් සහගත උත්සාහයක නිරත වන බවද උන්වහන්සේ වැඩිදුරටත් අනාවරණය කළහ.
පුද්ගලයන් 278 දෙනෙකුගේ ජීවිත අහිමි කරමින් සහ තවත් බොහෝ පිරිසක් අසරණ කරමින් සිදුකළ මෙම මහා අපරාධයේ සත්‍යය යටගැසීමට ඉඩ නොදෙන බවත්, වරදකරුවන්ට දඬුවම් ලබා දී යුක්තිය ඉටුකළ යුතු බවත් උන්වහන්සේ අවධාරණය කළහ.
සම්බන්ධිත පුවත් | Related News
ප්‍රධාන පුවත්
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි