ශ්‍රී ලංකාව මෙතෙක් අනුගමනය කළ මධ්‍යස්ථ විදේශ ප්‍රතිපත්තිය තවදුරටත් අනුගමනය කරනු ඇතැයි අපි විශ්වාස කරනවා- ශ්‍රී ලංකාවේ රුසියානු තානාපති ලෙවාන් S ධගාරියන්
ජූනි මස 12 වනදාට යෙදී තිබෙන රුසියානු දිනය වෙනුවෙන් කොළඹ රුසියානු තානාපති කාර්යාලය සංවිධානය කළ උත්සවයක් පසුගිය 10 වනදා ගාලු මුවදොර පිහිටි රත්නදීප හෝටලයේදී පැවැත්වීය. දෙස් විදෙස් සම්භාවනීය අමුත්තන් රැසකගේ සහභාගිත්වයෙන් පැවැති මෙම උත්සවයේ ප්‍රධාන අමුත්තා ලෙස ග්‍රාම සංවර්ධන, සමාජ සුභ සාධන සහ ප්‍රජා අයිතිවාසිකම් පිළිබඳ අමාත්‍ය යූ පන්නිලගේ සහභාගි විය. පැමිණි සිටි අමුත්තන් පිළිගනිමින් ශ්‍රී ලංකාවේ රුසියානු තානාපති ලෙවන් එස් දගාරියන් මහතා ශ්‍රී ලංකා රජය පවත්වාගෙන යන සමබර ප්‍රතිපත්තිය වෙනුවෙන් සිය කෘතඥතාව පළ කරනු ලැබීය.එලෙසම ශ්‍රී ලංකාව පවත්වාගෙන ආ සමබර ප්‍රතිපත්තිය ඉදිරියටත් පවත්වාගෙන යනු ඇතැයි අපේක්ෂා කරන බවද පැවසීය. ඒ මහතා කළ සම්පුර්ණ කතාව පහලින්...
"මෙවැනි අසීරු කාලවලදී පවා රුසියානුවන් ලෙස අප හුදෙකලා වී නොසිටීම ඉතා වැදගත් කරුණක්. ගෝලීය දකුණේ රටවල පමණක් නොව, යුරෝපීය රටවල ජනතාව අතරත්, ලෝකයේ බොහෝ රටවලත් අපට බොහෝ මිතුරන් සිටිනවා. ඒ වෙනුවෙන් ඔබ සැමට අපි ඉතාමත් කෘතඥ වෙනවා.
ඔබ දන්නා පරිදි, මෙම විශේෂ හමුදා මෙහෙයුම දිගටම ක්‍රියාත්මක වන අතර අප මුහුණ දෙන්නේ අසීරු තත්ත්වයකටයි. අවාසනාවකට මෙන්, යුක්‍රේන පාලනය තවදුරටත් ත්‍රස්තවාදී ප්‍රහාර සිදු කරමින් සිටිනවා. මෙම ශාලාවට ඇතුළු වීමට පෙර ඔබ දුටු ඡායාරූපවල සිටියේ යුක්‍රේන සන්නද්ධ හමුදාවන් විසින් සිවිල් ජනතාව ඉලක්ක කරගෙන එල්ල කළ ත්‍රස්තවාදී ප්‍රහාරයකින් අමානුෂික ලෙස ඝාතනය කරන ලද තරුණ රුසියානු පිරිමි සහ ගැහැණු ළමුන් 25 දෙනෙකුයි. මෙම අපරාධය සිදු කළ පුද්ගලයන් රුසියානව හඳුනාගෙන තිබෙනවා. එලෙසම, ඔවුන්ට දඬුවම් ලබාදීම සිදුවනු ඇත. එම දඬුවම අනිවාර්යයි.
එසේ වුවද, රුසියාව සාකච්ඡා සඳහා සූදානම්ය. ජනාධිපති පුටින් මහතා විසින් ප්‍රකාශ කර ඇති පරිදි, අපගේ ඉල්ලීම් ඉතා පැහැදිලියි. ඒවා නැවත නැවතත් සඳහන් කිරීම අවශ්‍ය වන්නේ නැහැ. අපගේ ඉල්ලීම් මත පදනම් වූ සාකච්ඡා මාර්ගයෙන් අපගේ අරමුණු සාක්ෂාත් කර ගැනීමට අප සූදානම්. එසේ නොවන්නේ නම්, වෙනත් විකල්පයක් ද තිබෙනවා.එනම්, අපි විශේෂ හමුදා මෙහෙයුම දිගටම කරගෙන යමින් යුධ භූමියේදී අපගේ අරමුණු ඉටු කර ගන්නවා.
අද වන විට යුක්‍රේන පාලනය මුහුණ දෙන තත්ත්වය ඊයේට වඩා බරපතළයිය. හෙට එය අදටත් වඩා නරක වනු ඇති. එබැවින් ඔවුන් හැකි ඉක්මනින් සාකච්ඡා ආරම්භ කළ යුතුයි. නැතිනම් හෙට තත්ත්වය තවත් අයහපත් වනු ඇත.
යුරෝපීය මිත්‍ර රටවලින් කාලයෙන් කාලයට ‘අපි යුක්‍රේනය සමඟ අවශ්‍ය තරම් කාලයක් සිටිමු’ යන සටන් පාඨය අපට අසන්නට ලැබෙනවා. මීට වසර කිහිපයකට පෙර ඇෆ්ගනිස්ථානය සම්බන්ධයෙන්ද බටහිර රටවල් කිහිපයක් අෂ්රෆ් ඝානිගේ රූකඩ පාලනයට සහාය දක්වමින් එවැනිම ප්‍රකාශ ඔවුන් කරනු ලැබුවා. මගේ ඇෆ්ගන් පසුබිම නිසා මම ඒ ගැන හොඳින් දන්නවා. ‘අවශ්‍ය තරම් කාලයක්’ යැයි ඔවුන් පැවසූවත්, 2021 අගෝස්තු මාසයේදී සිදු වූයේ කුමක්ද? අවසානයේ ඔවුන් පරාජයට පත් වූ අතර තාලිබාන් ව්‍යාපාරය ඔවුන් ඇෆ්ගනිස්ථානයෙන් ඉවත් කරනු ලැබුවා. යුක්‍රේන පාලනයටද එවැනි ඉරණමක් අත්වනු නියතයි.
මෙම අවස්ථාව ප්‍රයෝජනයට ගනිමින් ශ්‍රී ලංකා රජයට ඔවුන්ගේ සමබර ප්‍රතිපත්තිය වෙනුවෙන් මාගේ කෘතඥතාව පළ කිරීමට කැමැතියි. අපි ශ්‍රී ලංකාවේ ස්ථාවරය ඉතා ඉහලින් අගය කරනවා. මෙම සමබර ස්ථාවරය ඉදිරියටත් පවත්වාගෙන යනු ඇතැයි අපේක්ෂා කරනවා.
ලබන වසරේ රුසියාව සහ ශ්‍රී ලංකාව රාජ්‍යතාන්ත්‍රික සබඳතා ආරම්භ කර වසර 70ක් සම්පූර්ණ කිරීම සමරනු ඇති. අපගේ සම්ප්‍රදායික මිත්‍ර සබඳතා සාර්ථකව වර්ධනය වෙමින් පවතිනවා. මෙම වසර තුළ දෙරට අතර නියෝජිත කණ්ඩායම් හුවමාරුව ඉතා සක්‍රීය ලෙස සිදු වූවාඅ.
රුසියාවේ බලශක්ති නියෝජ්‍ය අමාත්‍ය රෝමාන් මර්ෂාවින් මහතා ශ්‍රී ලංකා රජයේ ඉල්ලීම මත මෑතකදී ශ්‍රී ලංකාවේ සංචාරයක නිරත වූවා. අප අතර සාකච්ඡා පැවැත්වූ අතර ශ්‍රී ලංකාවට තෙල් සැපයීම සඳහා සහාය වීමට රුසියාව සූදානම්. අපගේ යෝජනා මේ වන විටත් ඉදිරිපත් කර තිබෙනවා.
මෑතකදී නියෝජ්‍ය විදේශ අමාත්‍ය මට්ටමේ දේශපාලන උපදේශන ද පැවැත්වූවා. එහිදී දෙපාර්ශවයම ද්විපාර්ශ්වික සහ ජාත්‍යන්තර කරුණු රැසක් පිළිබඳව අදහස් හුවමාරු කරගත් අතර, දෙරටේ ප්‍රවේශයන් එකිනෙකට සමාන හෝ ඉතා සමීප බව තහවුරු වූවා.
පසුගිය මැයි මාසයේදී රුසියානු සෞඛ්‍ය අමාත්‍ය මිහායිල් මුරාෂ්කෝ මහතා, ශ්‍රී ලංකාවේ සෞඛ්‍ය අමාත්‍ය ගරු නලින්ද ජයතිස්ස මහතාගේ ආරාධනයෙන් ශ්‍රී ලංකාවට පැමිණියා. සෞඛ්‍ය ක්ෂේත්‍රය තුළ අප දෙරට අතර ඉතා ශක්තිමත් සබඳතා පවතිනවා. ශ්‍රී ලංකාවේ වෛද්‍යවරුන් රැසක් උසස් අධ්‍යාපනය ලබා ඇත්තේ රුසියාවේ වන අතර ඒ පිළිබඳව අපි ඉතා ආඩම්බර වෙනවා.
එසේම, මෙම වසරේදී ප්‍රවාහන, මහාමාර්ග සහ ජනමාධ්‍ය අමාත්‍ය ගරු බිමල් රත්නායක මහතා දෙවරක් රුසියානු සමූහාණ්ඩුවේ ශාන්ත පීටර්ස්බර්ග් සහ කසාන් නගර වෙත සංචාරය කරනු ලැබුවා. ආරක්ෂක ලේකම් සම්පත් තුයියකොන්ත මහතාද මෑතකදී මොස්කව් නුවර සංචාරය කර ඉතා සාර්ථක හා ප්‍රයෝජනවත් සාකච්ඡා පැවැත්වූවා. අප දෙරට අතර පවතින මෙම සක්‍රීය සංවාදය දැකීමට ලැබීම සම්බන්ධයෙන් අපි ඉතා සතුටට පත් වූවා.
රුසියාව ශ්‍රී ලංකාවෙන් ආනයනය කරන ප්‍රධාන භාණ්ඩ අතරින් එකක් ලෙස සිලෝන් තේ අපි ඉතා ඉඅහලින් අගය කරනවා. සිලෝන් තේ ආනයනය කරන රටවල් අතර රුසියාව තුන්වන ස්ථානයේ පසුවෙනවා. මගේ පුද්ගලික මතය අනුව ශ්‍රී ලාංකීය තේ වෙළඳ නාම අතරින් හොඳම වෙළඳ නාමය ‘බැසිලූර්’ ය. නැවතත් කියන්නම්, මෙය මගේ පෞද්ගලික අදහසයි—හොඳම තේ වර්ගය බැසිලූර් ය.
මෙම වසරේදී ශ්‍රී ලාංකික පුරවැසියන් සඳහා රුසියානු රජය ලබාදෙන රාජ්‍ය අනුග්‍රහිත ශිෂ්‍යත්ව සංඛ්‍යාව දෙගුණ කර තිබෙනවා. පෙර එය 50ක් වූ අතර දැන් එය 100ක් දක්වා වැඩි කර තිබෙනවා.
රුසියානු භාෂාව දිවයින පුරා තවදුරටත් ව්‍යාප්ත වෙමින් පවතින අතර ගාල්ල, මහනුවර, රත්නපුර, බණ්ඩාරවෙල ජාත්‍යන්තර අධ්‍යයන මධ්‍යස්ථානය සහ ජාතික භාෂා අධ්‍යාපන ආයතනය දක්වා එය ව්‍යාප්ත වී තිබෙනවා.
එසේම මැයි මාසයේදී, 1963 දී පැවැති ඓතිහාසික සෝවියට් චිත්‍රපට උළෙලෙන් පසු ප්‍රථම වරට සමකාලීන රුසියානු සිනමාව ශ්‍රී ලාංකීය ප්‍රේක්ෂකයන් වෙත ගෙන එමින් දැවැන්ත රුසියානු චිත්‍රපට උළෙලක් අප විසින් සංවිධානය කරනු ලැබුවා.
ඔබ මේ මොහොතේම නරඹන රුසියානු සංස්කෘතික මධ්‍යස්ථානයේ රුසියානු බැලේ පාසල මෙම ජුනි මාසයේදී සිය 21 වන සංවත්සරය සමරන අතර ඒ පිළිබඳව අපි ඉතා ආඩම්බර වෙනවා.
සම්ප්‍රදායික සහ මිත්‍රශීලී රුසියා-ශ්‍රී ලංකා සබඳතා ජනතාවගේ යහපත සඳහා විවිධ ක්ෂේත්‍රවල තවදුරටත් වර්ධනය වනු ඇතැයි මට දැඩි විශ්වාසයක් තිබෙනවා. ශ්‍රී ලංකාවට සෞභාග්‍යයත්, සියලු පුරවැසියන්ට සෞඛ්‍යය, සාර්ථකත්වය සහ යහපැවැත්මත් ප්‍රාර්ථනා කරනවා. රුසියානු සමූහාණ්ඩුව සහ ශ්‍රී ලංකාව අතර පවතින සුහද මිත්‍රත්වය දිගුකල් පවතිවා!. ස්තුතියි!"
සම්බන්ධිත පුවත් | Related News
ප්‍රධාන පුවත්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි
දේශප්‍රේමී සළුවලින් සැඟවුණු “ඩෙල්සි මාදිලියේ පාවාදීමකට” අනුරගේ ආණුඩුව සූදානමින්.. - විමල්ගෙන් විශේෂ හෙළිදරව්වක්..
ගලගොඩඅත්තේ ඥානසාර හිමියන් වෙනුවෙන් සිහි බුද්ධිය ඇති සිංහල, දෙමළ, මුස්ලිම් සෑම ශ්‍රී ලාංකිකයෙකුම කඳුළක් සැලිය යුතුයි.. - ජාතික සංවිධාන කියයි
බ්‍රැම්ප්ටන් නගරාධිපති පැට්‍රික් බ්‍රවුන්ගේ ප්‍රකාශයක් නිසා කැනඩාවේ සහ ශ්‍රී ලංකාවේ නැවතත් ජාතිවාදී නොසන්සුන්තාවයක් මතු වීමේ අවදානමක්..
රුසියාවෙන් නේටෝවට ප්‍රබල අනතුරු ඇඟවීමක්.. ස්වෛරීභාවයට තර්ජනයක් වුවහොත් න්‍යෂ්ටික අවි භාවිතයට සූදානම්.. - ආචාර්ය ජගත් චන්ද්‍රවංශගෙන් අනාවරණයක්
යේමන හමුදා ආරම්භ කළ දැවැන්ත මෙහෙයුම හමුවේ වුවද නව ප්‍රදේශ අත්පත් කරගත්තා- හූති කැරලිකරුවෝ අවධාරණය කරති