විමල්ට එරෙහිව ධම්මිකගේ හේලීස් සමාගම වාරණ නියෝගයක් ලබාගනී..
කීර්තිනාමයට හානිවන අයුරින් අසත්‍ය ප්‍රකාශ සිදුකළේ යැයි පවසමින් හේලීස් පී.එල්.සී. (Hayleys PLC) සමාගම විසින් ගොනුකරන ලද පැමිණිල්ලකට අනුව, හිටපු පාර්ලිමේන්තු මන්ත්‍රී විමල් වීරවංශ මහතාට එරෙහිව කඩුවෙල දිසා අධිකරණය විසින් වාරණ නියෝගයක් නිකුත් කර තිබේ.
ශ්‍රී ලංකාවේ විශාලතම ව්‍යාපාරික ජාලයන්ගෙන් එකක් වන හේලීස් පී.එල්.සී. සමාගම සිය පැමිණිල්ල මඟින් කියාසිටින්නේ, තමන්ට ශ්‍රී ලංකාව තුළ මෙන්ම අන්තර්ජාතික වශයෙන් ද ඉහළ කීර්තිනාමයක් පවතින බවත්, සමාගමේ අධ්‍යක්ෂ මණ්ඩලය රටේ පිළිගත් සම්භාවනීය පුද්ගලයන්ගෙන් සමන්විත වන බවත්ය.
මෝටර් රථ, බලශක්ති, කෘෂිකර්මාන්තය ඇතුළු ක්ෂේත්‍ර රැසක ක්‍රියාත්මක වන හේලීස් සමාගම, මෙරට ජනතාව අතර ඉහළ විශ්වාසයක් දිනාගත් සන්නාමයක් බව ද එහි දක්වා ඇත.
එවැනි පසුබිමක, හිටපු පාර්ලිමේන්තු මන්ත්‍රීවරයකු වන විත්තිකරු විසින් 2026 වසරේ පෙබරවාරි, අප්‍රේල් සහ මැයි යන මාසවලදී අවස්ථා හතරකදී සමාජ මාධ්‍ය ජාලා ඔස්සේ සහ පෞද්ගලික රූපවාහිනී නාලිකාවක විකාශය වූ වැඩසටහනක් හරහා සෘජුව හෝ වක්‍රව හේලීස් සමාගම පිළිබඳව අසත්‍ය, පදනම් විරහිත සහ අපහාසාත්මක ප්‍රකාශ සිදුකර ඇති බව පැමිණිල්ලේ සඳහන් වේ.
එහිදී හේලීස් පී.එල්.සී, කිංස්බරි පී.එල්.සී, හේලීස් මෝටර් රථ අංශය, එහි ජෙට්ස්ටාර් (Jetstar) නියෝජිත ආයතනය, ලොජිස්ටික්ස් අනුබද්ධිත සමාගම, පුනර්ජනනීය බලශක්ති අනුබද්ධිත ආයතන සහ මෑතකදී සුපිරි වෙළෙඳසැල් ක්ෂේත්‍රයට පිවිසි හේලීස් රිටේල් (Hayleys Retail) ආයතනය ඉලක්ක කර ගනිමින් මෙම ප්‍රකාශ සිදු කර ඇති බව පැමිණිලිකාර පාර්ශවය පෙන්වාදෙයි.
මීට අමතරව, විත්තිකරු විසින් පැමිණිලිකාර සමාගමේ නම සෘජුවම සඳහන් කරමින් හෝ එහි අනුබද්ධ සමාගම්, සභාපති හෝ සම-සභාපතිවරයා හඳුන්වාදෙමින් ප්‍රසිද්ධියේ ප්‍රකාශ නිකුත් කර ඇති බවත්, එමඟින් සමාගමේ කීර්තිනාමයට දිගින් දිගටම කැළලක් සිදු කර ඇති බවත් පැමිණිල්ලේ වැඩිදුරටත් සඳහන් වේ.
පැමිණිල්ලට අනුව, 2026 මැයි 25 දින හෝ ඒ ආසන්න දිනකදී විත්තිකරු වෙත එන්තරවාසියක් යවා තිබේ.
එහෙත් එම එන්තරවාසිය ලැබීමෙන් පසුව පවා, විත්තිකරු අදාළ රූපවාහිනී වැඩසටහනට පැමිණ, පැමිණිලිකාර සමාගමේ සහ එහි අනුබද්ධ සමාගම්වල අධ්‍යක්ෂ මණ්ඩල සාමාජිකයන්ගේ නම් සඳහන් කරමින් දිගින් දිගටම අසත්‍ය සහ අපහාසාත්මක ප්‍රකාශ සිදුකර ඇත.
මෙවැනි තත්ත්වයක් තුළ, විත්තිකරු විසින් සිදුකරනු ලබන මෙම අසත්‍ය හා අපහාසාත්මක ප්‍රකාශ තවදුරටත් ප්‍රචාරය කිරීම වැළැක්වීම සඳහා අධිකරණය විසින් නියෝගයක් ලබා නොදුන්නහොත් තමන්ට පියවිය නොහැකි විශාල හානියක් සිදුවන බව හේලීස් සමාගම පවසයි.
මේ හේතුවෙන් අදාළ වාරණ නියෝගයට අමතරව, සිය සමාගමේ කීර්තිනාමයට සිදු වූ හානිය වෙනුවෙන් රුපියල් බිලියන 6ක වන්දියක් විත්තිකරුගෙන් අය කර දෙන ලෙස ද පැමිණිලිකාර සමාගම අධිකරණයෙන් ඉල්ලා ඇත.
ඉදිරිපත් වූ කරුණු සහ කරුණු දැක්වීම් සලකා බැලූ කඩුවෙල දිසා අධිකරණය, විමල් වීරවංශ මහතාට එරෙහිව මෙම වාරණ නියෝගය නිකුත් කළේය.
ඒ අනුව, පැමිණිලිකාර සමාගමට අදාළව මෙතෙක් සිදුකරන ලද ප්‍රකාශ නැවත පළකිරීම හෝ පැමිණිලිකරු සම්බන්ධයෙන් කිසිදු අසත්‍ය, නොමඟ යවනසුලු හෝ අපහාසාත්මක ප්‍රකාශයක් සිදුකිරීම, ප්‍රසිද්ධ කිරීම, ප්‍රචාරය කිරීම සහ මහජනතාව වෙත සන්නිවේදනය කිරීම වළක්වමින් මෙම නියෝගය පනවා ඇත.
මෙම නඩුව නැවතත් 2026 ජූනි මස 23 වැනිදා අධිකරණය හමුවේ කැඳවීමට නියමිතය.
සම්බන්ධිත පුවත් | Related News
ප්‍රධාන පුවත්
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි