අපනයන ආදායම් රුපියල්වලට හැරවීමේ නව රීතියක්..
අපනයන ඉපැයීම් ශ්‍රී ලංකාවට ගෙන ඒමේ රීති මාලාව තවදුරටත් සංශෝධනය කරමින් ශ්‍රී ලංකා මහ බැංකු අධිපති සහ පාලක මණ්ඩලයේ සභාපති පී. නන්දලාල් වීරසිංහ මහතා විසින් අති විශේෂ ගැසට් නිවේදනයක් (අංක 2492/10) නිකුත් කර තිබේ.
"2026 අංක 02 දරන අපනයන ඉපැයීම් ශ්‍රී ලංකාවට ගෙන ඒමේ රීති" ලෙස හැඳින්වෙන මෙම නව රෙගුලාසි, පාර්ලිමේන්තුව විසින් අනුමත කරනු ලබන දිනයේ සිට ක්‍රියාත්මක වීමට නියමිතය. මෙයින් 2024 ජුලි මස 01 දිනැති ගැසට් පත්‍රයේ පළ වූ මුල් රීති මාලාවේ 4 වන සහ 6 වන රීතීන් අවලංගු කර නව විධිවිධාන ආදේශ කර ඇත.
නව සංශෝධනයට අනුව, ඕනෑම මාසයක් තුළ භාණ්ඩ අපනයනකරුවන් විසින් මෙරටට ගෙන්වා ගනු ලබන අපනයන ආදායම්, පහත සඳහන් අවසරලත් ගෙවීම් සඳහා පමණක් භාවිත කළ යුතු අතර, ඉන්පසු ඉතිරි වන ශේෂය එළැඹෙන මාසයේ 10 වන දින හෝ ඊට ප්‍රථම අනිවාර්යයෙන්ම ශ්‍රී ලංකා රුපියල් බවට පරිවර්තනය කළ යුතු වේ.
• ජංගම ගනුදෙනු: එක් මසක වගකීම් ද ඇතුළුව අපනයන ව්‍යාපාරයට අදාළ ජංගම ගනුදෙනු සඳහා වන ගෙවීම්.
• ණය පියවීම්: විදේශ විනිමය පනත හෝ බැංකු පනත යටතේ මහ බැංකු විධානවලට අනුකූලව, භාණ්ඩ අපනයනකරුවන් විදේශ මුදලින් ලබාගෙන ඇති ණය සහ වාරික පියවීමේ වියදම්.
• ලාභාංශ සහ වැටුප්: අනේවාසික ආයෝජකයින්ට ප්‍රකාශිත ලාභාංශ ගෙවීම් සහ විදේශීය ජාතිකයන් හෝ ද්විත්ව පුරවැසිභාවය හිමි ප්‍රවාසික සේවකයන්ගේ වැටුප් ගෙවීම්.
• ව්‍යාපාරික සංචාර: අපනයන ව්‍යාපාරයේ සංචාරක අරමුණු වෙනුවෙන් විදේශ ව්‍යවහාර මුදල් නෝට්ටු ලබා ගැනීම් හෝ අරමුදල් කිරීම්.
• රජයේ සුරැකුම්පත් ආයෝජන: ශ්‍රී ලංකා රජය විසින් නිකුත් කරන විදේශ මුදල්වලින් නම් කරන ලද ණය සුරැකුම්පත්වල ආයෝජනය කිරීම සඳහා, අදාළ අපනයන ආදායමෙන් 10%ක ප්‍රතිශතයක් දක්වා සිදු කරන ගෙවීම්.
• චක්‍ර භාණ්ඩ හා සේවා අපනයනකරුවන්: විදේශ විනිමය පනතේ ප්‍රතිපාදන ප්‍රකාරව විදේශ මුදලින් වගකීම් පවතින, චක්‍ර භාණ්ඩ හා සේවා අපනයනකරුවන්ට සිදු කරනු ලබන අවසරලත් ගෙවීම්.
එමෙන්ම, 6 වන රීතියට සිදු කර ඇති සංශෝධනයට අනුව, අපනයන ඉපැයීම්වලින් විදේශ මුදල් ගෙවීම් ලබන සෑම චක්‍ර භාණ්ඩ හා සේවා අපනයනකරුවෙකුම, තමන්ට ලැබෙන ආදායමෙන් ඉහත සඳහන් (i) සිට (v) දක්වා වූ අවසරලත් ගෙවීම් සිදු කිරීමෙන් අනතුරුව, ඉතිරි වන සමස්ත ශේෂය එළැඹෙන මාසයේ 10 වන දින හෝ ඊට පෙර ශ්‍රී ලංකා රුපියල් බවට පරිවර්තනය කළ යුතු බව මහ බැංකුව අවධාරණය කරයි.
මෙම පියවර හරහා මෙරට විදේශ විනිමය ද්‍රවශීලතාව ඉහළ නැංවීම සහ අපනයන ක්ෂේත්‍රයේ මූල්‍ය විනය තවදුරටත් ශක්තිමත් කිරීම රජයේ සහ මහ බැංකුවේ අපේක්ෂාව වී තිබේ.
සම්බන්ධිත පුවත් | Related News
ප්‍රධාන පුවත්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි
දේශප්‍රේමී සළුවලින් සැඟවුණු “ඩෙල්සි මාදිලියේ පාවාදීමකට” අනුරගේ ආණුඩුව සූදානමින්.. - විමල්ගෙන් විශේෂ හෙළිදරව්වක්..
ගලගොඩඅත්තේ ඥානසාර හිමියන් වෙනුවෙන් සිහි බුද්ධිය ඇති සිංහල, දෙමළ, මුස්ලිම් සෑම ශ්‍රී ලාංකිකයෙකුම කඳුළක් සැලිය යුතුයි.. - ජාතික සංවිධාන කියයි
බ්‍රැම්ප්ටන් නගරාධිපති පැට්‍රික් බ්‍රවුන්ගේ ප්‍රකාශයක් නිසා කැනඩාවේ සහ ශ්‍රී ලංකාවේ නැවතත් ජාතිවාදී නොසන්සුන්තාවයක් මතු වීමේ අවදානමක්..
රුසියාවෙන් නේටෝවට ප්‍රබල අනතුරු ඇඟවීමක්.. ස්වෛරීභාවයට තර්ජනයක් වුවහොත් න්‍යෂ්ටික අවි භාවිතයට සූදානම්.. - ආචාර්ය ජගත් චන්ද්‍රවංශගෙන් අනාවරණයක්
යේමන හමුදා ආරම්භ කළ දැවැන්ත මෙහෙයුම හමුවේ වුවද නව ප්‍රදේශ අත්පත් කරගත්තා- හූති කැරලිකරුවෝ අවධාරණය කරති