රුසියාවේ ලුගාන්ස්ක් ප්රාන්ත විශ්ව විද්යාලයේ නේවාසිකාගාරයකට එල්ල වූ ම්ලේච්ඡ ප්රහාරය වැනි ප්රහාර නැවත සිදු නොවීමට මැදිහත් වන්න.. - ජාතික සංවිධාන කිහිපයක් එක්සත් ජාතීන්ගේ සංවිධානයෙන් ඉල්ලයි
රුසියාවේ ස්ටාරොබෙල්ස්ක් ප්රදේශයේ ලුගාන්ස්ක් ප්රාන්ත අධ්යාපනික විශ්ව විද්යාලයේ නේවාසිකාගාරයකට එල්ල වූ ම්ලේච්ඡ ප්රහාරය වැනි ප්රහාර නැවත සිදු නොවීමට මැදිහත් වන ලෙස ඉල්ලමින් දේශ හිතෛෂී ජාතික ව්යාපාරය, අධිරාජ්ය විරෝධී ජාතික සංසදය සහ ශ්රී ලංකාවේ බොලිවේරියානු සහයෝගිතාවය යන සංවිධාන විසින් එක්සත් ජාතීන්ගේ සංවිධානය වෙත ලිපියක් යොමුකර තිබේ.
එම ලිපියේ සිංහල පරිවර්තනය සහ ඉංග්රීසි භාෂාවෙන් නිකුත්කර ඇති ලිපිය පහළින්..
ගරු මහ ලේකම් තුමා,
එකසත් ජාතීන්ගේ සංවිධානය,
නිව්යෝක්,
ගරු මහ ලේකම්තුමනි,
රුසියාවේ ස්ටාරොබෙල්ස්ක් ප්රදේශයේ ලුගාන්ස්ක් ප්රාන්ත අධ්යාපනික විශ්ව විද්යාලයේ නේවාසිකාගාරයකට එල්ල වූ ම්ලේච්ඡ ප්රහාරය වැනි ප්රහාර නැවත සිදු නොවීමට මැදිහත් වන ලෙස කරනු ලබන ඉල්ලීමයි!
පසුගිය මැයි මැයි 22 වනදා රාත්රියේ, යුක්රේන හමුදා විසින් රුසියාවේ ලුගාන්ස්ක් ප්රාන්තයේ ස්ටාරොබෙල්ස්ක් නුවර පිහිටි ලුගාන්ස්ක් රාජ්ය අධ්යාපනික විශ්වවිද්යාලයට අයත් විද්යාල ගොඩනැගිල්ලකට සහ එහි නේවාසිකාගාරයකට ඩ්රෝන යානා 4ක් යොදාගෙන එල්ල කෙරුණු ම්ලේච්ඡ ත්රස්ත ප්රහාරය ලෝක ජනයාගේ හදවත් කම්පනයට පත් කරවූ බව ඔබද දැනුවත් කාරණයකි.
මෙම ම්ලේච්ඡ ප්රහාරය,වයස අවුරුදු 14 ත් 18 ත් අතර වයසේ පසුවන ළමුන් 86 දෙනෙකු ලැගුම් ගත් පස් මහල් නේවාසිකාගාරයකට එල්ල වූ අතර ප්රහාරය හේතුවෙන් ගොඩනැගිල්ල දෙවන මහල දක්වාම කඩා වැටී තිබේ.
විශේෂතම කාරණය නම් එම විශ්ව විද්යාල ගොඩනැගිල්ල තුළ නේවාසිකව සිටි කිසිවෙකු යුද්ධයට සම්බන්ධ අය නොවීමත් එම ප්රදේශය අවට කිසිදු මිලිටරි කඳවුරක් ද නොතිබීමත්ය. ඒ අනුව ප්රහාරය සිදූවූ ආකාරය සැලකිල්ලට ලක් කිරීමේදී, ප්රහාරය කිසිසේත්ම අහම්බයක් විය නොහැකි සිවිල් වැසියන් විශේෂයෙන්ම ළමුන් ඉලක්ක කරගෙන හිතාමතාම එල්ල කළ නාසි පන්නයේ ප්රහාරයක් බව ඔබටද වැටහෙනවා යැයි අපි විශ්වාස කරමු.
යුධ පිටියේදී පරාජයන්ට මුහුණ දෙන යුක්රේන පාලනය, දැන් අනාරක්ෂිත දරුවන් සහ සිවිල් පුරවැසියන් ඉලක්ක කර අමානුෂික ප්රහාර මුදාහරිමින් සිටින බවට මේ වන විට කීර්තිමත් යුද විශ්ලේෂකයෝ මත පල කර සිටිති.
නේටෝ (NATO) රටවල් විසින් යුක්රේනයට ලබා දී ඇති දිගු දුර අවි සහ ඩ්රෝන යානා මඟින් එල්ල කරන මෙවැනි ප්රහාර එල්ල කිරීමට බටහිර රටවල යුද විශේෂඥයන්ගේ තාක්ෂණික සහාය ලැබෙන බවද බොහෝ යුද විශේෂඥයෝ මේ වන විට අවධාරණය කර තිබේ..
කෙසේ වුවද, යුක්රේනයේ නව නාසි බලවේග තම පරාජය හමුවේ රුසියානු ජනයාගේ ඉවසීමේ සීමාව පරීක්ෂාවට ලක් කිරීමේ භයානක ප්රයත්නයක යේදී සිටින බව අප ඔබ වෙත අවධාරණය කරමු.ඒ මගින් ලෝකයේ ගොඩ නැගෙමින් පවතින යුදමය තත්වය තවදුරටත් වර්ධනය වීමේ අනතුරක් තිබෙන බව ඉතා පැහැදිලිය. ඒ අනුව, වෙනිසියුලාවේ නීත්යානුකූල ජනාධිපතිවරයා පැහැර ගැනීම, කියුබාවේ හිටපු ජනාධිපති රාවුල් කැස්ත්රෝ වෙත අභූත චෝදනා ඉදිරිපත්කර කියුබාව ආක්රමනය කිරීමට අමෙරිකා එක්සත් ජනපද පාලනය පිඹුරුපත් සැකසීම වැනි ජගත් මානවයාගේ පැවැත්ම පිළිබඳව වන තීරණාත්මක මංසන්ධි වලදී එක්සත් ජාතීන්ගේ සංවිධානය නිහඬව සිටියාක් මෙන් මෙම තිරස්චීන ප්රහාරයේදීද එක්සත් ජාතීන්ගේ සංවිධානයේ මහලේකම්වරයා ලෙස නිහඬ වෘතය අනුගමනය කිරීම ලෝක ජනයා කිසිසේත්ම අනුමත නොකරන බව අපි ඔබ වෙත අවධාරණය කරමු. ඒ අනුව යුක්රේනයේ නව නාසි පාලනයේ මෙම ම්ලේච්ඡ හැසිරීම ඉදිරියටත් සිදුවීම වැලැක්වීමට වහ වහා මැදිහත් වන ලෙස අපි ඔබ වෙත දැඩිව අවධාරණය කරමු.
මෙයට විශ්වාසී,
වෛද්ය වසන්ත බණ්ඩාර - මහලේකම්, දේශ හිතෛෂී ජාතික ව්යාපාරය
වෛද්ය සුමිත් වන්නිආරච්චි - ලේකම්, අධිරාජ්ය විරෝධී ජාතික සංසදය
ජීවන්ත ජයතිස්ස - ලේකම්, ශ්රී ලංකාවේ බොලිවේරියානු සහයෝගිතාවය
සම්බන්ධිත පුවත් | Related News
ප්රධාන පුවත්
මහා සංඝරත්නයට, සම්බුද්ධ සාසනයට ද්වේෂසහගතව අගෞරව කිරීම පිළිබඳව කුප්රකට
ගම්මන්පිල සහ ඉන්දීය නීති සමාගමේ පාලන හවුල්කරු සුරනා අතර හමුවක්.. සාකච්ඡාව පිටුපස සැඟවුනු ඉන්දීය න්යාය පත්රයක් තිබුනාද?
චීනය සහ ශ්රී ලංකාව දේශසීමා හරහා සිදුවන මාර්ගගත සූදු හා විදුලි සංදේශ වංචා මර්දනය කිරීමට දැඩිව එක්ව ක්රියා කරනවා!-ශ්රී ලංකාවේ චීන තානාපති කාර්යාලය
චීන ජනපති ලබන සතියේදී උතුරු කොරියාවේ සංචාරයකට සැරසෙයි..
සිංහල ජාතිකවාදී රාජ්ය ජාතිය ආගම පදනම්කර ගෙන වර්ග සංහාරයක් සිදුකළා.. දෙමළ ජනතාවට එරෙහිව වර්ග සංහාරයක් සිදුකළා කියලා උතුරු පළාත් සභා ප්රකාශනයෙන් කියවෙනවා.. - ජීවන්ත පීරිස් පූජකවරයා යළිත් කියයි..
භාණ්ඩාගාර කොල්ලය ගැන භාණ්ඩාගාර වාර්ෂික වාර්තාවේ කිසිම සඳහනක් නෑ.. - රජිත් කීර්ති තෙන්නකෝන්
සහල් ආනයනය කරන්නේ ජනතාවට සහන සැලසීමේ අරමුණින් නොවේ.. නිලධාරීන්ගේ සහ ඇමතිවරුන්ගේ අතයට කොමිස් ලබාගැනීමේ "ජානගත බැඳීමක්" නිසා.. - ජාතික ගොවිජන එකමුතුවෙන් චෝදනා
ජනපති අනුර හන්දි හන්දි ගානේ කියන ඩොලර් මිලියන 1,000 ක සංචිතයක් නෑ.. - රජිත් කීර්ති තෙන්නකෝන්
බටගොඩ 'සෙනෙහසේ කැදැල්ල' වැඩිහිටි නිවාසය සම්පූර්ණයෙන්ම ගිනිබත් වෙයි.. - 11ක් මරුට - තුනක් අතුරුදන්
ගෝඨාභය කොටු කරන්න නින්දිත වෑයමක් ක්රියාත්මකයි.. - සරත් වීරසේකරගෙන් හෙළිදරව්වක්
හුදෙකලා සිද්ධීන් පදනම් කර ගනිමින් මහා සංඝරත්නයට අපහාස කිරීමේ දැවැන්ත කුමන්ත්රණයක් ක්රියාත්මකයි - මහාචාර්ය පූජ්ය මැදගොඩ අභයතිස්ස හිමි
අනුර මේ ගෙනියන්නේ අහිංසකයන්ගේ ලේ උරා බොමින් ගජමිතුරන්ට “රෝල්ස් රොයිස්” පුදන නරුම පාලනයක්.. - විමල් වීරවංශ
සුරේෂ් සලේ සිය දිවි නසා ගැනීමේ අවදානමක්..
අමෙරිකාවෙන් ශ්රී ලංකාවට 12.5%ක අමතර ආනයන බද්දක්..
ගෝඨාභයට සහ හමුදා නිලධාරීන් දෙදෙනෙකුට විදෙස් ගමන් තහනමක්..
නීතීඥ සංගමයෙන් ජනපතිට දැඩි විරෝධයක්..