වෙසක් සතියත් හජ්ජි උත්සවයත් එකට පැටලීමෙන් රටේ ජාතික සමගිය අනතුරේ... හජ්ජි උත්සව දිනය 28 වනදා සමරන්න ඉඩහැර, වෙසක් සතිය මැයි 29දා සිට පටන් ගන්න.. - ජානිපෙ රජයෙන් ඉල්ලයි
රජය විසින් ප්රකාශයට පත් කර ඇති වෙසක් සතිය තුළට මෙරට ඉස්ලාම් බැතිමතුන්ගේ අතිශය පූජනීය “හජ්ජි උත්සවය” යෙදී තිබීම හේතුවෙන්, බෞද්ධ හා ඉස්ලාම් ජන කොටස් අතර බරපතල ආගමික නොසන්සුන්තාවයක් ඇතිවීමේ අවදානමක් පවතින බව ජාතික නිදහස් පෙරමුණේ ජාතික සංවිධායක ජයන්ත සමරවීර මහතා අවධාරණය කරයි,. 2570 වන සම්බුද්ධ තෙමගුල නිමිත්තෙන් මැයි 27 සිට ජුනි 02 දක්වා වෙසක් සතිය ප්රකාශයට පත් කර ඇති අතර, 1447 වන හජ්ජි සැමරුම් උළෙල මැයි 28 වනදාට යෙදී තිබීම මෙම අර්බුදයට හේතුවී තිබේ,. බත්තරමුල්ලේ පිහිටි පක්ෂ ප්රධාන කාර්යාලයේදී අද (07) පැවති මාධ්ය හමුවකට එක්වෙමින් ඒ මහතා කියා සිටියේ, මෙම තීරණය හරහා රජය ආගමික සංහිඳියාව බරපතල අනතුරකට ලක් කර ඇති බවයි.
හජ්ජි උත්සවයේ ප්රධානතම චාරිත්රය වන "උල්හියා" හෙවත් මාංශ දානය ලබා දීම සඳහා ශ්රී ලංකාවේ මුස්ලිම් බැතිමතුන් සාම්ප්රදායිකව විශාල වශයෙන් ගවයන් මරනු ලබන අතර, එම දිනය මෙරට “වැඩිම ගව ඝාතනයක්” සිදුවන දිනය බව ජයන්ත සමරවීර මහතා පෙන්වා දුන්නේය,.
“සාමාන්යයෙන් වෙසක් සතිය කියන්නේ සතුන් මැරීම තහනම් වෙන කාලවකවානුවක්. කිසිවෙක් සතුන් මරන්නේ නැහැ. බෞද්ධ ජනයා ඒක පිළිකුල් කටයුත්තක් හැටියට සලකනවා. දැන් මේ වෙසක් සතිය මැදට ලංකාවේ වැඩිම හරක් මරණ දිනය වැටුණාම බෞද්ධ ජනතාවට ඒක දරාගන්න පුළුවන්ද?” යනුවෙන් ඔහු ප්රශ්න කර සිටියේය.
වෙසක් සතිය නිමිති කොටගෙන දිවයිනේ ඇතැම් ප්රාදේශීය සභා මගින් ගවයන් මැරීමට අවසර නොදුන්නොත් ඉස්ලාම් බැතිමතුන්ට තම ආගමික වතාවත් සිදු කිරීමට නොහැකි වන බවත්, එමගින් ඇතිවන කලකිරීම අන්තවාදී බලවේග විසින් උසිගැන්වීමක් ලෙස භාවිතා කර රට තුළ ආගම්වාදය අවුළුවා තැබිය හැකි බවත් ඒ මහතා අනතුරු ඇඟවීය,.
“අපි දන්නවා හජ්ජි උත්සවය වෙනුවෙන් කෑම පිඟාන බෞද්ධ ජනයාගේ ගෙවල් වලට ඉස්ලාම් ජනයා එවනවා. මේ විදිය මහා සංහිඳියාවක් මේ ජනයා අතර තියෙනවා. දැන් හජ්ජි උත්සවය දවසට, වෙසක් සතිය නිමිති කොටගෙන මේ ක්රියාත්මක වෙන වැඩසටහන් අතරතුර කොහොමද ඉස්ලාම් ජනයා සමඟියෙන්, සතුටෙන්, ප්රීතියෙන් හජ්ජි උත්සවය සමරන්නේ?”
රජයේ මෙම ක්රියාකලාපය "මඤ්ඤං" සහ "ඔල්මාද" තීරණ ලෙස දැඩි විවේචනයට ලක් කළ සමරවීර මහතා, මෙය ජන කොටස්වල “සංස්කෘතික අනන්යතාවයන්” නොදන්නා "ගොන් ආණ්ඩුවකගේ" හැසිරීමක් ලෙසද හැඳින්වීය,.
“මේ ආණ්ඩුව හරියට දැන් අර ඉඳුරුවේ ආචාරියා වගේ. එක වරදක් නිවැරදි කරන්න තව වැරදි 10ක් කරනවා. එක කඩතොලුවක් වහගන්න ගිහිල්ලා තව කඩතොලු සියයක් හදාගන්නවා” යැයි ඔහු උපහාසාත්මකව ප්රකාශ කළේය. මීට පෙරද වෙසක් දිනය සම්බන්ධයෙන් විවිධ මතභේද ඇති කරගත් රජය, දැන් වෙසක් උළෙල මෙන්ම හජ්ජි උළෙලද එකවර කෙලෙසීමට කටයුතු කරමින් සිටින බව ඔහු වැඩිදුරටත් සඳහන් කළේය,.
පවතින මෙම ආගමික නොසන්සුන්තාවය වළක්වා ගැනීම සඳහා වෙසක් සතිය මැයි 28 න් ආරම්භ නොකොට, 29 වනදා සිට ආරම්භ කරන ලෙසත්, අවශ්ය නම් එය ජුනි 05 වනදා දක්වා දීර්ඝ කරන ලෙසත් ජාතික නිදහස් පෙරමුණ රජයට බල කර සිටීයි.
“ඒ නිසා අපි ඉල්ලනවා වෙසක් සතිය 29 වෙනිදා ඉඳන් සමරන්න ගන්න නැවත චක්රලේඛයක් නිකුත් කරන්න. මේ හජ්ජි උළෙල මුස්ලිම් ජනයාගේ ඓතිහාසික පූජනීය දිනයක්, ඉස්ලාම් කැලැන්ඩරය අනුව 1447 වෙනි හජ්ජි දිනය. මුස්ලිම් බැතිමතුන්ට බෞද්ධ බැතිමතුන් සමඟ එකාවන්ව මේ ජාතික සහෝදරත්වය, ආගමික සංහිඳියාව පවතින ආකාරයට වෙනදා වගේ කෑම පිඟාන හුවමාරු කරගෙන හජ්ජි දිනය සැමරීම සඳහා වෙසක් උළෙල මැයි මාසේ 29 වෙනිදා ඉඳන් පවත්වන්න ගන්න.”
මැයි 28 වනදා හජ්ජි උත්සවය නිමවූ පසු වෙසක් සතිය ආරම්භ කිරීමෙන් දෙපාර්ශවයටම තම ආගමික කටයුතු නිදහසේ සිදු කිරීමට අවස්ථාව ලැබෙන බවත්, එමගින් වසර ගණනාවක් පුරා පවතින බෞද්ධ - මුස්ලිම් සහෝදරත්වය ආරක්ෂා වන බවත් ඔහු පෙන්වා දුන්නේය. මෙම බරපතල තත්ත්වය කෙරෙහි අවධානය යොමු කර රජයට බලපෑම් කරන ලෙසත්, ආගමික ගැටුමකට ඇති ඉඩකඩ අහුරන ලෙසත් ත්රෛනිකායික මහානායක ස්වාමීන්ද්රයන් වහන්සේලාගෙන් සහ සමස්ත මහා සංඝ රත්නයෙන් ජයන්ත සමරවීර මහතා මාධ්ය හමුව අවසානයේ ඉතා ගෞරවයෙන් යුතුව ඉල්ලා සිටියේය.
ජයන්ත සමරවීර මහතාගේ දේශනයේ සම්පූර්ණ පිටපත.
"සුභ උදෑසනක් මාධ්යවේදී සහෝදරවරුනි. අද ඔබ මගින් අපි මේ රටේ ජනතාවට කරුණු පැහැදිලි කිරීම සිදු කරන්නේ නුදුරේ ඇතිවිය හැකි, විශේෂයෙන්ම වෙසක් සතිය මුල් කොටගෙන ඇතිවිය හැකි බරපතල තත්ත්වයක් පිළිබඳවයි.
ඔබ දන්නවා දැනටමත් සම්බුද්ධ තෙමගුල සමරණු පිණිස 2570 වන වෙසක් පුණ්ය මහෝත්සවය “අභිත්ථරේථ කල්යාණේ” නැත්නම් “පොදු යහපත පිණිස වහ වහා පෙළගැසෙමු” යන තේමාව මුල් කොටගෙන 2026 මැයි මාසේ 27 වෙනිදා ඉඳන් ජුනි මාසේ 02 වෙනිදා දක්වා පැවැත්වීමට කැබිනට් මණ්ඩලය තීරණයක් ගෙන තිබෙනවා. එම තීරණය මේ වෙනකොට නිවේදනය කරලා තිබෙනවා. එම තීරණය ප්රකාරව රටපුරාම මැයි මාසේ 27 වෙනිදා ඉඳන් ජුනි මාසේ 02 වෙනිදා දක්වා ඒ සතිය වෙසක් සතිය හැටියට නම් කොට තිබෙනවා.
ඒ අති උත්කර්ෂවත් ලෙස පැවැත්වීම සඳහා රාජ්ය පරිපාලන, පළත් සභා හා පළත් පාලන අමාත්යංශයේ ලේකම්වරයා විසින් “2026/ ස්වදේශ කටයුතු /03” නැමති චක්රලේඛය අමාත්යංශ ලේකම්වරුන්ට, පළත් සභා ප්රධාන ලේකම්වරුන්ට, දිස්ත්රික් ලේකම්වරුන්ට, ප්රාදේශීය ලේකම්වරුන්ට, දෙපාර්තමේන්තු ප්රධානීන්ට හා රාජ්ය නොවන ආයතන ප්රධානීන්ට මේ වෙනකොට නිකුත් කරලා තිබෙනවා.
ඒ වගේම මෙම වෙසක් සතිය අති උත්කර්ෂවත් අන්දමින් පැවැත්වීම සඳහා සමස්ත ලංකා ශාසනාරක්ෂක බලමණ්ඩලය, දිස්ත්රික් ශාසනාරක්ෂක බලමණ්ඩල, ප්රාදේශීය ශාසනාරක්ෂක බලමණ්ඩල, ඒ වගේම සියලුම විහාරස්ථාන, එම විහාරස්ථානවල ක්රියාත්මක වන දහම් පාසල්, රාජ්ය සහ රාජ්ය නොවන සංවිධාන කටයුතු කළ යුතුයි සහ කටයුතු කිරීමට ඔවුන් දායක කරගන්නා ලෙසත් මෙම ආයතන ප්රධානීන්ට, දිස්ත්රික් ලේකම්වරුන්ට, ප්රාදේශීය ලේකම්වරුන්ට, අමාත්යංශ ලේකම්වරුන්ට දැනටමත් උපදෙස් දීලා තිබෙනවා.
සංස්කෘතික කටයුතු අමාත්යංශයත් ඒ වගේම බෞද්ධ කටයුතු දෙපාර්තමේන්තුවත් මේ වෙනුවෙන් මූලික මැදිහත්වීම්, සංවිධාන කාර්යයන් සිදු කරනු ලබනවා. මේ විදිහට වෙසක් සතිය මැයි මාසේ 27 වෙනිදා ඉඳන් ජුනි මාසේ 02 වෙනිදා දක්වා ක්රියාත්මකයි. ඒ සඳහා රාජ්ය පරිපාලන අමාත්යංශයේ ලේකම්වරයා විසින් නිකුත් කරන ලද චක්රලේඛයේ එක එක දිනය සඳහා, මැයි 27, මැයි 28, මැයි 29 මේ විදියට මැයි 31, ජුනි 01, 02 ආදී දින සඳහා දැනටමත් වැඩසටහන් පෙළගස්වලා, වැඩසටහන් සූදානම් කරලා තිබෙන්නේ.
දැන් මේ වෙසක් සතිය මැයි මාසේ 27 වෙනිදා ඉඳන් ජුනි මාසේ 02 වෙනිදා දක්වා ක්රියාත්මක කරන්න මේ ආණ්ඩුව සියල්ල සූදානම් කරනකොට, කැබිනට් මණ්ඩලය ඒක තීරණය කරනකොට, ඒ තීරණය කරලා රටට දැනුවත් කරනකොට, දැනුවත් කරලා දැන් ක්රියාත්මක කිරීමට සියලු කටයුතු සූදානම් කරනකොට, අනිත් පැත්තෙන් මේ රටේ “ඉස්ලාම් ජනයා” බරපතල පීඩාකාරී තත්ත්වයකට දැන් මුහුණ දීලා තිබෙන්නේ.
ඒ ඇයි? අපි දන්නවා ඉස්ලාම් ජනයාගේ අතිශය පූජනීය දිනයක් වන 1447 වෙනි හජ්ජි දිනය, හජ්ජි උත්සවය, හජ්ජි උළෙල වැටිලා තිබෙන්නේ මේ මැයි මාසේ 28 වෙනිදාට. ඉස්ලාම් ජනයාගේ අතිශය පූජනීය දිනයක් වන “හජ්ජි උළෙල”, හජ්ජි දිනය, හජ්ජි සැමරුම් උළෙල වැටිලා තිබෙන්නේ මැයි මාසේ 28 වෙනිදාට.
ඉස්ලාම් ජනයා මේ හජ්ජි උළෙල සමරන්නේ "උල්හියා" නමින් චාරිත්රයක් සිදු කරලා. උල්හිහියා කියන්නේ මාංශ දානය දීම. ලොවපුරාම ඉස්ලාම් ජනයා හජ්ජි උත්සවය අති උත්කර්ෂවත් ලෙස සමරන ඔවුන්ගේ අතිශය පූජනීය දිනයක්. ලංකාවේ ඉස්ලාම් බැතිමතුනුත් මේ උල්හියා චාරිත්රය සිදු කරනවා. උල්හිහියා චාරිත්රය කියන්නේ ඇති-හැකි අය විසින් නැති-බැරි අයට මාංශ දානය ප්රදානය කරන එක, මාංශමය දානයන් ලබා දෙන එක.
දැන් ලෝකේ අනිකුත් රටවල් වල නම් බොහෝ වෙලාවට බැටළුවන් මරලා, එළුවන් මරලා තමයි මේ මාංශමය දානය ඇති-හැකි අය විසින් නැති-බැරි අයට ලබා දෙන්නේ. ලංකාවේ බොහෝ විට සිදු වෙන්නේ, හැම මුස්ලිම් ඉස්ලාම් බැතිමතෙක්ම වගේ මේ සිදු කරන්නේ හරකුන් මරලා. ඒ කියන්නේ පැත්තකින් ගත්තොත් ලංකාවේ වැඩිම හරක් මැරෙන දිනය තමයි හජ්ජි උළෙල තියෙන දිනය, ඒ උල්හියා චාරිත්රය සිදු කරන දිනය. එතකොට දැන් වෙසක් සතිය ඇතුළේ මැයි මාසේ 28 වෙනිදා ලංකාවේ වැඩිම හරක් මරණ දිනය බවට පත්වෙනවා.
කවදාවත් සිදු වෙලා නැහැ මේ ඉතිහාසයේ, කවදාවත් සිදු වෙච්ච නැති දෙකක්, සිද්ධ වෙච්ච නැති එකක්. එතකොට දැන් මුස්ලිම් ජනයා අහනවා... ඔබ දන්නවා සාමාන්යයෙන් වෙසක් සතිය කියන්නේ, වෙසක් උළෙල කියන්නේ සතුන් මැරීම තහනම් වන කාලවකවානුවක්. කිසිවෙක් සතුන් මරන්නේ නැහැ. ඒකට ඉඩක් නැහැ, ඒකට අවකාශයක් නැහැ, ඒකට සමාජයෙන් ඉඩක් හම්බ වෙන්නේ නැහැ. ඒක සමහර විට පිළිකුල් කටයුත්තක් හැටියට බෞද්ධ ජනයා සලකනවා. දැන් මේ වෙසක් සතිය මැයි මාසේ 27 පටන් ගන්නේ, 28 වෙනිදා කොහොමද ඉස්ලාම් බැතිමතුන් තමන්ගේ උල්හියා චාරිත්රය සිදු කරන්නේ?
ඔබ දන්නවා. ලංකාවේ සැලකිය යුතු මුස්ලිම් ඉස්ලාම් බැතිමතුන් ප්රමාණයක් ජීවත් වෙන්නේ බෞද්ධ බැතිමතුන් සමඟ එකට. අම්පාර දිස්ත්රික්කය ගත්තත්, මාතර දිස්ත්රික්කය ගත්තත්... දැන් මේ වෙසක් සතිය ආරම්භ කරන්නේ මාතරදී. එතකොට ඒ මාතර දිස්ත්රික්කයේ මුස්ලිම් ජනයා, බෞද්ධ ජනයා සමඟ එකට ජීවත් වෙනවා. ඉස්ලාම් ජනයා, බෞද්ධ ජනයා එකට ජීවත් වෙනවා. කොළඹ දිස්ත්රික්කයේ ජීවත් වෙනවා, කළුතර දිස්ත්රික්කයේ ජීවත් වෙනවා, ගම්පහ දිස්ත්රික්කයේ ජීවත් වෙනවා. මේ හැම දිස්ත්රික්කයකම මුස්ලිම් ඉස්ලාම් ජනයා බෞද්ධ ජනයා සමඟ එකට ජීවත් වෙනවා.
“අපි දන්නවා හජ්ජි උත්සවය වෙනුවෙන් කෑම පිඟාන බෞද්ධ ජනයාගේ ගෙවල් වලට ඉස්ලාම් ජනයා එවනවා. මේ විදිය මහා සංහිඳියාවක් මේ ජනයා අතර තියෙනවා. දැන් හජ්ජි උත්සවය දවසට, වෙසක් සතිය නිමිති කොටගෙන මේ ක්රියාත්මක වෙන වැඩසටහන් අතරතුර කොහොමද ඉස්ලාම් ජනයා සමඟියෙන්, සතුටෙන්, ප්රීතියෙන් හජ්ජි උත්සවය සමරන්නේ?”
මේ ආණ්ඩුවට මඤ්ඤං, මේ ගොබ්බ ආණ්ඩුවට තේරෙන්නේ නැහැ එක එක ජන කොටස් වල තිබෙන සුවිශේෂී සංස්කෘතික අනන්යතාවයන් සහ වටිනාකම්. එහෙම තේරුණා නම්, වෙසක් සතිය අස්සට හජ්ජි උළෙල අස්සට දානවද? දැන් මේ පිළිබඳව මීට සතියකට පෙර කැබිනට් තීරණ දැනුම් දීමේ ප්රවෘත්ති සාකච්ඡාවේදී මාධ්යවේදියෙක් කැබිනට් ප්රකාශක අමාත්ය නලින්ද ජයතිස්සගෙන් අහනවා, හජ්ජි උත්සවයයි වෙසක් උත්සවයයි එකට වැටිලා තිබෙනවා නේද කියලා. හජ්ජි උත්සවයයි වෙසක් සතියයි එකට වැටිලා තිබෙනවා නේද, මේක මේ ජන කොටස් දෙක අතර නොසන්සුන්තාවයක් ඇති කරන කාරණයක් වෙයිද, මේ පිළිබඳව තීරණයක් ගන්නවද කියලා.
එතකොට මොකක්ද නලින්ද ජයතිස්ස කැබිනට් අමාත්යවරයා කියන්නේ? ඔහු කියනවා මහානායක ස්වාමීන්ද්රයන් වහන්සේලාගෙන් විමසලා මේ පිළිබඳව අපි ඊළඟ කැබිනට් තීරණ දැනුම් දීමේ, ඊළඟ සතියේ කැබිනට් තීරණ දැනුම් දීමේ මාධ්ය හමුවේදී ඔබව දැනුවත් කරන්නම් කියලා. දැන් ඊයේ කැබිනට් තීරණ දැනුම් දීමේ මාධ්ය හමුව පැවැත්වුණා. සුපුරුදු පරිදි අර මාධ්යවේදියා "ගිය වතාවෙත් මේ ප්රශ්නය මම මතු කළා ඔබතුමාගෙන්" කියලා මේ වතාවෙත් ඒ ප්රශ්නය මතු කරනවා. මොකක්ද කියන්නේ නලින්ද ජයතිස්ස කැබිනට් ප්රකාශකවරයා?
ඔහු කියනවා මහානායක ස්වාමීන්ද්රයන් වහන්සේ කෙනෙක් සහ අනුනායක ස්වාමීන්ද්රයන් වහන්සේලා කීප නමක් හම්බවුණා, අපි දෙපාර්ශවයේම සංස්කෘතික අනන්යතාවයන් රැකෙන පරිදි මේ කාර්යය කිරීම සඳහා මහානායක ස්වාමීන්ද්රයන් වහන්සේලාගේ උපදෙස් පරිදි ක්රියාත්මක කරනවා කියලා. තාම... දැන් අප්රියල් 19 තමයි ස්වදේශ කටයුතු, පළත් සභා සහ පළත් පාලන අමාත්යංශයේ ලේකම්වරයා මේ අමාත්යංශ ලේකම්වරුන්ට, පළාත් ප්රධාන ලේකම්වරුන්ට, දිසාපතිවරුන්ට, ප්රාදේශීය ලේකම්වරුන්ට, ආයතන ප්රධානීන්ට මේ චක්රලේඛය නිකුත් කරන්නේ. ස්වදේශ කටයුතු 03 චක්රලේඛය වෙසක් සතිය අළලා.
හැබැයි මෙච්චර කාලයක් ගත වෙලා තාම මේ ගැටුමක් ඇතිවිය හැකි, මේ ඉස්ලාම් බැතිමතුන් සහ බෞද්ධ බැතිමතුන් අතර යම් නොසන්සුන්තාවයක් ඇතිවිය හැකියි. අපි දන්නවා මුස්ලිම් ප්රජාව ඇතුළේ මූලධර්මවාදී දේශපාලන ව්යාපාර තියෙනවා, මූලධර්මවාදී ව්යාපාර තියෙනවා. ඒ වගේම බෞද්ධ සමාජය ඇතුළෙත් කිසියම් එවැනි විසකුරු අත්දැකීම් ඕනනම් වපුරවන්න පුළුවන්. දැන් මේ උල්හියා චාරිත්රය සිදු කරන්න හරක් මරන්න ප්රාදේශීය සභාවෙන් අවසර ගන්න ඕනේ. එතකොට දැන් ප්රාදේශීය සභාවෙන් අවසර දෙයිද?
බෞද්ධ බැතිමතුන් බලවත්ව ඉන්න ප්රදේශවල හරකෙක් මරන්න හජ්ජි උත්සවය නිමිති කොටගෙන අවසරය පළත් පාලන ආයතනය නොදුන්නොත් මොකද වෙන්නේ? වෙසක් උත්සවය නිමිති කොටගෙන සාමාන්යයෙන් සතුන් මැරීම තහනම්, විශේෂයෙන්ම ගවයන් මැරීම තහනම්. ඒ තත්ත්වය අනුව පළත් පාලන ආයතනය මේක නොදුන්නොත් මොකද වෙන්නේ? මුස්ලිම් ඉස්ලාම් බැතිමතුන්ට හජ්ජි සමරන්න හම්බ වෙන්නේ නැහැ, මාංශමය දානය දෙන්න වෙන්නේ නැහැ, ඔවුන්ගේ පූජනීය දිනය සමරන්න හම්බ වෙන්නේ නැහැ.
එතකොට මේ තත්ත්වය ඉස්ලාම් බැතිමතුන් කලකිරවන සුළු කාර්යයක් නෙමෙයිද? මේ කලකිරවන සුළු කාර්යය උදහසක් දක්වා වර්ධනය නොවෙයිද? උදහස කෝපයක් දක්වා වර්ධනය නොවෙයිද? අන්තවාදී මූලධර්මවාදී ව්යාපාර උදහස කෝපයක් දක්වා වර්ධනය කිරීමට මැදිහත් නොවී ඉඳී කියන අපිට තියෙන සහතිකය කුමක්ද? මේ පැත්තෙන් හරක් මරන්න ගත්තොත් නීතිය නොතකා, එතකොට ඒක බෞද්ධ සමාජය කෙරෙහි බලපාන ආකාරය මොකක්ද? ඒ ප්රජාව ඇතුළේ ඉන්න අන්තවාදී උවමනාවන් සහිත පිරිසකට මේ උසිගැන්වීමක් හැටියට ගිනි තියන්න බැරිද? මේ තත්ත්වය මේ ජාතික ආගමික සංහිඳියාවට, ජාතික සමගියට බරපතල තත්ත්වයක් ඇති නොවෙයිද?
ඒ හින්දා තමයි අර මාධ්යවේදියා අහන්නේ... මේක බරපතල තත්ත්වයක්, මේ පිළිබඳව ඔබ ගන්නා ක්රියාමාර්ගය කුමක්ද කියලා. තාම නැහැ, නිරුත්තරයි. ඒකයි අපි කියන්නේ මේ ආණ්ඩුවට මඤ්ඤං. දැන් වෙසක් පෝය සම්බන්ධයෙනුත් විවාදයක් අපේ සමාජයේ තිබ්බා. ඉතිහාසයේ පළවෙනි වතාවට. වෙසක් පොහෝ දිනය මැයි මාසේ පළවෙනිදාට යෙදී තිබුණා කියලා ඇතැම් භික්ෂූන් වහන්සේලා පවා, පෝය කමිටුව පවා කියද්දී, මහානායක ස්වාමීන්ද්රයන් වහන්සේලාගේ අනුමැතිය සහිතව වෙසක් පෝහොය, වෙසක් දින සැමරුම 30 වෙනිදාට, මැයි 30 වෙනිදාට ආණ්ඩුව කල් දැම්මා. එතකොට මේ ආණ්ඩුව මේ විදියට තමන්ට හිතුමනාපේ ජන කොටස්වල සංස්කෘතික අනන්යතාවයන්, සංස්කෘතික වටිනාකම්, සංස්කෘතික හරයන්ට මේ විදියට නිගා දෙනවා.
එක පැත්තකින් හජ්ජි උළෙලටත් නිගා දෙනවා, අගෞරවයක් ඇති කරනවා. අනිත් පැත්තෙන් වෙසක් උළෙලටත් අගෞරවයක් ඇති කරනවා, නිගා දෙනවා. හරක් මරණ කාලෙකට වෙසක් සතියක් දානවා. ඒක හජ්ජි උළෙල සැමරීමට මහා බාධාකාරීව හැසිරෙනවා. ඒ නිසා අපි ඉල්ලනවා ජාතික නිදහස් පෙරමුණ හැටියට, මේ මඤ්ඤං, මේ ඔල්මාද තීරණ ගන්නේ... මේ ආණ්ඩුවට මානසික ව්යාධියක් ඇති වෙලා තියෙනවා. මේ ආණ්ඩුව හරියට දැන් අර ඉඳුරුවේ ආචාරියා වගේ. ඉඳුරුවේ ආචාරායා වගේ, එක වරදක් නිවැරදි කරන්න තව වරදක් හදා ගන්නවා. එක කඩතොල්වක් වහගන්න ගිහිල්ලා තව කඩතොලු සියයක් හදාගන්නවා. ඉඳුරුවේ ආචාරියාගේ ආණ්ඩුවක් මේක.
ඒ නිසා අපි ඉල්ලනවා පළමුව මේක දැඩි පිළිකුලෙන් යුතුව, බෞද්ධ ජනතාවගේ මේ මහා පූජනීය උළෙල, වෙසක් දින සැමරුමට බාධා වෙන විදියට, ඒ සැමරුම කෙලෙසන විදිහට මේ ගවයන් මැරීමක් දැන් මේකෙන් සිදුවෙනවා. අනිත් පැත්තෙන් ඉස්ලාම් බැතිමතුන්ගේ මහා පූජනීය දිනයක් වන හජ්ජි උළෙලත් මේකෙන් කෙලෙසෙනවා, මේ වෙසක් සතියක් ඇතුළට හජ්ජි දිනය යෙදීම නිසා. ඒ නිසා අපි ඉල්ලනවා ආණ්ඩුවෙන්, අපි ඉල්ලනවා මාලිමා ආණ්ඩුවෙන්, මේ ඔල්මාද ආණ්ඩුවෙන්, මේ මඤ්ඤං ආණ්ඩුවෙන් අපි ඉල්ලනවා. කරුණාකරලා දැන් මේක මුස්ලිම් සමාජයෙන්, ඉස්ලාම් සමාජයෙන් දිගටම පේනවා මේ ඉල්ලීම.
ඒ නිසා තමයි මාධ්යවේදියා කැබිනට් තීරණ දැනුම් දීමේ මාධ්ය හමුවේදී මේ ප්රශ්නය මතු කරන්නේ මීට සතියකට පෙර. ඒ නිසා අපි ඉල්ලනවා වෙසක් සතිය 29 වෙනිදා ඉඳන් සමරන්න ගන්න නැවත චක්රලේඛයක් නිකුත් කරන්න. මේ හජ්ජි උළෙල මුස්ලිම් ජනයාගේ ඓතිහාසික පූජනීය දිනයක්, ඉස්ලාම් කැලැන්ඩරය අනුව 1447 වෙනි හජ්ජි දිනය. මුස්ලිම් බැතිමතුන්ට බෞද්ධ බැතිමතුන් සමඟ එකාවන්ව මේ ජාතික සහෝදරත්වය, ආගමික සංහිඳියාව පවතින ආකාරයට වෙනදා වගේ කෑම පිඟාන හුවමාරු කරගෙන හජ්ජි දිනය සැමරීම සඳහා වෙසක් උළෙල මැයි මාසේ 29 වෙනිදා ඉඳන් පවත්වන්න ගන්න.
එහෙම නොවුණොත් මේ ජන කොටස් දෙක අතර යම්කිසි නොසන්සුන්තාවයක් ඇතිවීමට මේ හේතුවක් වෙන්න පුළුවන්. අනිත් පැත්තෙන් වෙසක් උළෙල බෞද්ධ ජනතාවගේ අතිශය පූජනීය දිනය, සම්බුද්ධ තෙමගුල සමරන දිනය සැමරීමේ සතිය මෙයින් කෙලෙසෙන්න පුළුවන්, කෙලෙසෙනවා. අනිත් පැත්තෙන් හජ්ජි දිනයත් කෙලෙසෙනවා. බෞද්ධාගමටත්, සම්බුද්ධ තෙමගුලටත් මේක මහා අගෞරවයට හේතුවක් වෙනවා, මේක කෙලෙසීමට හේතුවක් වෙනවා. අනිත් පැත්තෙන් හජ්ජි දිනයත් මේකෙන් අගෞරවයට ලක්වෙනවා.
ඒ නිසා නැවතත් අපි ඉල්ලනවා, වෙසක් සතිය අස්සට මේ හජ්ජි උළෙල සැමරීම තිබෙන නිසා 29 වෙනිදා ඉඳන් වෙසක් සතිය සැමරීම කරන්න. අවශ්ය නම් තවත් දින කිහිපයක් ජුනි මාසේ 05 වෙනිදා දක්වා වෙසක් සතිය දීර්ඝ කරලා මේ සැමරීමට කටයුතු කරන්න කියන ඉල්ලීම අපි කරනවා. අපි මේ ඉල්ලීම අති උතුම් මහානායක ස්වාමීන්ද්රයන් වහන්සේලාගෙන්, ත්රෛනිකායික මහානායක ස්වාමීන්ද්රයන් වහන්සේලාගෙන් ඉල්ලනවා. ඒ වගේම අනුනායක ස්වාමීන්ද්රයන් වහන්සේලාගෙනුත් ඉල්ලනවා. ඒ වගේම සමස්ත මහා සංඝ රත්නයෙන් අපි ඉල්ලනවා ආණ්ඩුවට බලපෑමක් කරන්න, මේ හජ්ජි උත්සවය වෙසක් සතිය ඇතුළට ගැනීම වළක්වාලීමට.
වහාම බලපෑමක් කරලා මේ ආගමික නොසන්සුන්තාවයක්, හිත් රිදීමක් ඇති වෙන්න ඉඩ තිබෙන, ඇති කරන්න විසකුරු බලවේග වලට ඉඩ තිබෙන මේ තත්ත්වය වහාම වෙනස් කරන්න මැදිහත් වෙන්න කියන ඉල්ලීම අපි කරනවා."
සම්බන්ධිත පුවත් | Related News
ප්රධාන පුවත්
උතුරු කොරියාව සහ රුසියාව යාකරමින් කිලෝමීටරයක් දිග පාලමක්..
ආණ්ඩුවේ නායකයින් ගනුදෙනුකරුවන් සතුටු කිරීම සඳහා ඕනෑම දෙයක් කරන අසරණ වෛශ්යාවන් ලෙස කටයුතු කරනවා.. - ජාතික සංවිධානවලින් චෝදනා..
ලොවක් සුවපත් කරන කියුබාවේ වෛද්ය ජාත්යන්තරවාදය, අනතුරේ!
කළුතර ප්රා. සභාවේ පන්සිල්, ජාතික ගීය සහ රණවිරු සැමරුම් තහනම්.. - නියෝගය කොමසාරිස්ගෙන්..
එක්සත් ජාතීන්ගේ මානව හිමිකම් මණ්ඩලයේ 63 වන සැසිය ඇරඹේ.. - මෙරට ගැන වාර්තාවක් අද..
දූෂිත නිමල් පෙරේරා ආණ්ඩුවේ ප්රබල අමාත්යවරයකුගෙ ව්යාපාරික සගයෙක්.. - ඩී.වී චානක
22 සංශෝධන පෙත්සම් විභාගය ගැටළුකාරීයි.. - අධිකරණ ස්වාධීනත්වය ගැන පොදුරාජ්ය මණ්ඩලීය නීතිඥ සංගමය ප්රශ්න කරයි..
22ට එරෙහි පෙත්සමක් විභාගයට නොගැනීමෙන් මූලික අයිතිවාසිකම් කඩ වූ බවට ශ්රේෂ්ඨාධිකරණයට පෙත්සමක්..
සරණාගත ජාවාරම පවත්වාගෙන යාම සඳහා එල්ටීටීඊ හිතවාදී ඩයස්පෝරාව ‘දෙමළ ජනතාවට ශ්රී ලංකාව ආරක්ෂිත නැත’ යන්න ප්රචාරය කරයි..
ආණ්ඩුවට වසර දෙකයි.. ඩඩ්ලිට ධම්මිකට ඉෂාරට සුබයි.. ජනතාවටයි, ගමේ ජෙප්පන්ටයි දුකේ දුකයි.. - ආණ්ඩුවේ දෙවසරක අස්වැන්න ගැන විමල් වීරවංශගේ හෙලිදරව්වක්..
සෞඛ්ය සේවයට ජනපතිගෙන් අලුත් වෙනසක් - “හිතුන හිතුන වෙලාවට ඉස්පිරිතාලේට යන්න බෑ...කොත්තමල්ලි ටිකක් බීලා විවේකීව ගෙදරට වෙලා ඉන්න”
22 අනිවාර්යයෙන්ම සම්මත කරනවා.. - ජනපති කියයි
ඉන්දීය ආරක්ෂක ඇමති අනිද්දා දිවයිනට..
හෙල්ල විසිකිරීමේ ඩයමන්ඩ් ලීග් කිරුළ රුමේෂ් තරංගට..
අමෙරිකා ප්රහාරවලට ප්රතිචාර ලෙස ඉරානයෙන් හෝමුස් වෙත මිසයිල ප්රහාර..
22 මුල්කරගෙන හරිනි කැරැළි ගසන්නේ නැහැ.. අධිරාජ්යවාදී බලවේග ඊට සහාය දෙන්නේ නැහැ.. - ජාතික සංවිධානවලින් සහතිකයක්..