මිලක් නොගෙවා "තායිවාන' රතු රේඛාව තරණය කළ හැකි යැයි එළඹුනු මනඃකල්පිත අදහසට එරෙහිව දැඩිව අනතුරු අඟවනවා- ඊශ්‍රායලයේ චීන තානාපති කාර්යාලය

May 7, 2026 at 10:51 AM

|

Lanka Leader

ඊශ්‍රායලයේ යෙෂ් ආටිඩ් පක්ෂයේ ජනතා නියෝජිත බෝවාස් ටොපොරොව්ස්කි නැවත වරක් තායිවාන් කලාපයට ප්‍රකෝපකාරී සංචාරයක් කිරීම සම්බන්ධයෙන් කළ අදහස් විමසීමට ප්‍රතිචාර දැක්වූ , ඊශ්‍රායලයේ චීන තානාපති කාර්යාලයේ ප්‍රකාශකයෙකු අද(07) පැවසුවේ ටොපොරොව්ස්කි සහ තවත් මහජන නියෝජිතයන් කිහිප දෙනෙකු නැවත වරක් තායිවානයට චීනය ප්‍රකෝපක කරන සංචාරයක් සඳහා කුමන්ත්‍රණය කර ඇති බවයි. එලෙසම, තායිවාන් ප්‍රශ්නය සම්බන්ධයෙන් වැරදි ප්‍රකාශ කර ඇති බෝවාස් ටොපොරොව්ස්කි, 'එක්-චීනයක්' මූලධර්මය බරපතල ලෙස උල්ලංඝනය කරන බවත් චීන-ඊශ්‍රායල සබඳතාවල දේශපාලන පදනම දැඩි ලෙස අඩපණ කරන බවත් පැවසීය.ඊශ්‍රායලයේ චීන තානාපති කාර්යාලයේ නිල WeChat ගිණුමට අනුව තානාපති කාර්යාලය බෝවාස් ටොපොරොව්ස්කිගේ ක්‍රියාව දැඩි ලෙස හෙළා දකින බවද ප්‍රකාශකයා පැවසීය.

ලෝකයේ ඇත්තේ එක් චීනයක් පමණක් බවත්, තායිවානය චීනයේ භූමියේ අනිවාර්ය කොටසක් බවත්, චීන මහජන සමූහාණ්ඩුවේ රජය මුළු චීනයම නියෝජනය කරන එකම නීත්‍යානුකූල රජය බවත් ප්‍රකාශකයා අවධාරණය කළේය. 'එක්-චීනයක්' මූලධර්මය යනු ජාත්‍යන්තර ප්‍රජාවේ පවතින එකඟතාවයක් සහ ජාත්‍යන්තර සබඳතා පාලනය කරන මූලික සම්මතයකි.

තානාපති කාර්යාලයෙන් 2025 දී නිකුත් කරන ලද තවත් නිල නිවේදනයකට අනුව, ටොපොරොව්ස්කි පසුගිය වසරේ සැප්තැම්බර් මාසයේදී තායිවාන් කලාපයට ගොස්  තායිවාන් ප්‍රශ්නය සම්බන්ධයෙන් වැරදි ප්‍රකාශ කර තිබුණි.

වර්තමානයේ, තායිවාන් සමුද්‍ර සන්ධිය හරහා සාමයට සහ ස්ථාවරත්වයට ඇති ලොකුම තර්ජනය පැමිණෙන්නේ තායිවාන් පළාත් පාලන ආයතන කරනු  ලබන "තායිවාන නිදහස" ලෙස වර නංවන බෙදුම්වාදී ක්‍රියාකාරකම් මගිනි. චීනය කිසි විටෙකත් කිසිවෙකුට තායිවානය චීනයෙන් වෙන් කිරීමට ඉඩ නොදෙන අතර, චීනයේ සම්පූර්ණ නැවත එක්වීමට බාධා කිරීමට කිසිදු බාහිර බලවේගයකට ඉඩ නොදෙන බවද ප්‍රකාශකයා පැවසීය.

රාජ්‍ය තාන්ත්‍රික සබඳතා ස්ථාපිත කිරීම පිළිබඳ මහජන චීන සමූහාණ්ඩු රජයේ සහ ඊශ්‍රායල රාජ්‍යයේ ඒකාබද්ධ ප්‍රකාශයේ පැහැදිලිවම සඳහන් වන්නේ "මහජන චීන සමූහාණ්ඩුවේ රජය මුළු චීනයම නියෝජනය කරන එකම නීත්‍යානුකූල රජය බවත් තායිවානය මහජන චීන සමූහාණ්ඩුවේ භූමියේ අනිවාර්ය කොටසක් බවත් ඊශ්‍රායල රාජ්‍යය පිළිගන්නා" බවද ප්‍රකාශකයා සඳහන් කළේය. "එක් චීනයක්" ප්‍රතිපත්තිය සඳහා ඊශ්‍රායල රජයේ කැපවීම අමු අමුවේ උල්ලංඝනය කරමින් ඇතැම් මහජන නියෝජිතයින් විසින් නැවත නැවතත් ප්‍රසිද්ධියේ කරන ලද ක්‍රියාමාර්ග සහ තායිවාන සමුද්‍ර සන්ධිය හරහා ගැටුමක් ඇති කිරීම සඳහා "තායිවාන නිදහස" බෙදුම්වාදී බලවේග සමඟ ඔවුන් කරන කුමන්ත්‍රණය ස්වභාවයෙන්ම නින්දිත බවද ප්‍රකාශකයා සඳහන් කළේය.

ජාතික ස්වෛරීභාවය සහ භෞමික අඛණ්ඩතාව ආරක්ෂා කිරීම සඳහා චීන රජයේ සහ චීන ජනතාවගේ ස්ථිර අධිෂ්ඨානය අවතක්සේරු නොකරන ලෙසත්, මිලක් නොගෙවා තායිවාන ප්‍රශ්නයේදී රතු රේඛා තරණය කළ හැකි යැයි මනඃකල්පිත අදහසට නෝළඹෙන ලෙසත් ප්‍රකාශකයා අදාළ මහජන නියෝජිතයින්ගෙන් ඉල්ලා සිටියේය.