අමෙරිකානු සම්බාධක වලට එරෙහිව චීනය දක්වන ප්‍රතිවිරෝධතාවය අමෙරිකාව සමඟ වන තෙල් ගැටුමේ නව අදියරක්!- සර්ජි පොලෙටේව්

May 6, 2026 at 03:11 PM

|

Lanka Leader

තොරතුරු විශ්ලේෂකයෙකු සහ මාධ්‍යවේදියෙකු වන රුසියානු විදේශ ප්‍රතිපත්තිය සහ රුසියානු-යුක්රේන ගැටුම පිළිබඳ විශේෂඥයෙකු වන සර්ජි පොලෙටේව්  RT  වෙබ් අඩවිය වෙත ලිපියක් සම්පාදානය කරමින් චීනය මෙතෙක් අමෙරිකානු සම්බාධක සම්බන්ධයෙන් ගත් ස්ථාවරය වෙනස් කර ඇති බව පෙන්වා දෙයි. "China’s sanctions pushback marks a new phase in the oil war with Washington" නම් වූ එම ලිපියේ සංක්ෂිප්ත සටහන පහත පලවේ.

චීනයේ වාණිජ අමාත්‍යාංශය "සෙවනැලි බලඇණි" භාවිතා කරමින් ඉරාන තෙල් ආනයනය කිරීම සඳහා අවසර දී තිබූ චීන පිරිපහදු පහකට එක්සත් ජනපදය විසින් පනවා තිබූ සීමාවන් මැයි 2 වන දින සිට අභියෝගයට ලක් කිරීමට පියවර ගෙන තිබේ.

චීනය වසරක් තිස්සේ මෙවැනි පියවරකට එළඹීමට පසුබට වූ නමුත්, එක්සත් ජනපදය ඩේලියන් හි විශාල පිරිපහදුවක් (දිනකට බැරල් 400,000) මත සම්බාධක පැනවීම අනුමත කිරීම තීරණාත්මක ලක්ෂ්‍යයක් විය.  මෙය ඉතා වැදගත් තීරණාත්මක පියවරකි.

නීතිමය පදනම:

2021 වර්ෂයේදී ගෙන ආ සම්බාධක විරෝධී නීතියක් 2025 මාර්තු වන තෙක් සංකේතාත්මක වූ අතර, අගමැති ලී කියැං විසින් එම නීතිය සක්‍රිය කළේය. 2026 වර්ෂයේ අප්‍රේල් මාසයේදී, චීනය ඉලක්ක කරන විදේශීය ආයතන සඳහා වත්කම් කැටි කිරීම, ඇතුල්වීමේ තහනම් කිරීම් සහ ව්‍යාපාරික සීමාවන්ට ඉඩ සලසන සවිස්තරාත්මක රෙගුලාසි නිකුත් කළේය.

ඉරාන සම්බන්ධතාවය:

එක්සත් ජනපදය හෝර්මුස් සමුද්‍ර සන්ධිය අවහිර කරමින් සිටින නමුත් ඉරාන "සෙවනැලි බලඇණි" ඛනිජ තෙල් නෞකා චීනයට තෙල් බෙදා හැරීම දිගටම කරගෙන යමින් සිටී. කෙසේ වුවද වොෂින්ටනය චීන ගැනුම්කරුවන්ට පසුබසින ලෙස බලපෑම් කරනු ලැබීය.

චීනයේ නව ස්ථාවරය:

සාම්ප්‍රදායිකව, චීනය හිඩැස් භාවිතා කරමින් සෘජු ගැටුමක් වළක්වා ගත්තේය. නමුත්, මේ වන විට චීනය තෙල් හිඟයකට මුහුණ දෙමින්, එය විවෘත ප්‍රතිරෝධයක් කරා ගමන් කරමින් සිටී. එක්සත් ජනපදය ඵලදායී ප්‍රතිප්‍රහාර එල්ල කිරීමට අරගල කළ හැකිය. කෙසේ වුවද SWIFT සඳහා විකල්පයක් ලෙස චීනයට අවසානයේ තමන්ගේම ගෙවීම් පද්ධතිය (CIPS) සක්‍රීය කළ හැකිය.

උත්ප්‍රාසය:

වසර ගණනාවක් තිස්සේ, රුසියාව සහ ඉරානය ගෝලීය වෙළඳාම පිළිබඳ එක්සත් ජනපද පාලනයට අභියෝග කිරීමට චීන සහයෝගය අවශ්‍ය වූ නමුත් චීනය එය ප්‍රතික්ෂේප කළේය. අමුත් මේ වන විට , ට්‍රම්ප්ගේ පීඩනය චීනයට හරියටම එය කිරීමට බල කරමින් සිටී.මෙය එක්සත් ජනපදයට ආපිට හැරී එන ප්‍රහාරයක් විය හැකිය.

China’s sanctions pushback marks a new phase in the oil war with Washington