යටත් වනු නැතිනම් මිය යනු! - ඊශ්‍රායල් අගමැති බෙන්ජමින් නෙතන්යාහු
පලස්තීන හමාස් ත්‍රස්ත කණ්ඩායම මුළුමනින්ම විනාශ කර ගාසා තීරයට කිසිදු තර්ජනයක් එල්ල නොවන තත්වයල් උදාවන තුරු හමාස් සංවිධානයට එරෙහි යුද්ධය දිගටම කරගෙන යන බවට ඊශ්‍රායල අගමැති බෙන්ජමින් නෙතන්යාහු ප්‍රතිඥා දී තිබේ.
ඔහු මෙලෙස ප්‍රකාශ කළේ හමාස් ත්‍රසතයන් විසින් අතඩංගුවට ගත් 40 දෙනෙකු නිදහස් කිරීම සඳහා තවත් සතියක “මානුෂීය විරාමයක්” සඳහා බටහිර ජෙරුසලම කළ ඉල්ලිම හමාස් සංවිධානය ප්‍රතික්ෂේප කළ බව වාර්තා වීමෙන් පසුවය.
“අපි ජයග්‍රහණය තෙක් සටන් කරනවා. යුද්ධයේ සියලු අරමුණු සාක්ෂාත් කර ගන්නා තෙක් අපි යුද්ධය නවත්වන්නේ නැහැ. හමාස් සංවිධානය තුරන් කිරීම සම්පූර්ණ කිරීම මෙන්ම අපගේ සියලු ප්‍රාණ ඇපකරුවන් නිදහස් කරගන්නා තෙක් මෙම යුද මෙහෙයුම් පවතීවි.” නෙතන්යාහු ගේ ප්‍රකාශක ඔෆිර් ජෙන්ඩෙල්මන් විසින් X (කලින් ට්විටර්) හි ඊයේ(22) පළ කරන ලද වීඩියෝ පණිවිඩයක් මගින් අවධාරණය කළේය.
"මම හමාස් වෙත යෝජනා කරන තේරීම ඉතා සරල යි. එනම් යටත් වීම හෝ මිය යාම." නෙතන්යාහු වැඩිදුරටත් පැවසීය. "ඉහළම සාමාජිකයාගේ සිට අන්තිම සාමාජිකයා දක්වා සියලුම හමාස් ත්‍රස්තවාදීන් ඇවිදින මළ මිනී බවට පත්වී හමාරයි."
හමාස් මුලිනුපුටා දැමීමෙන් පසු ගාසා තීරය තවදුරටත් තජ්ජිත කළාපයක් නොවන බවට ඊශ්‍රායලය සහතික කරන බවත්, "අපි යුද්ධය නවත්වනු ඇතැයි සිතන ඕනෑම අයෙකු යථාර්ථයෙන් ඈත් වී සිටින බවත්" ඔහු වැඩිදුරටත් පැවසීය.
ඉංග්‍රීසි උපසිරැසි සහිත හීබෲ භාෂාවෙන් මෙම පණිවිඩය, සටන් විරාමයක් පිළිබඳ සාකච්ඡා බිඳවැටීමෙන් පසු 21 දා සවස පටිගත කර ඇති බව පෙනෙන්නට තිබේ. නිර්නාමික මූලාශ්‍ර උපුටා දක්වමින් "වෝල් ස්ට්‍රීට් ජර්නල්" පුවත් පත ප්‍රකාශ කළේ ප්‍රාණ ඇපකරුවන් නිදහස් කිරීම සහ පලස්තීන ප්‍රදේශයට තවත් මානුෂීය ආධාර ලබා දීම සඳහා ඊශ්‍රායල සිය හමුදා මෙහෙයුම් සතියකට නතර කිරීමට ඉදිරිපත් වූ බවයි.
කෙසේ වෙතත්, හමාස් සංවිධානය එම යෝජනාව ප්‍රතික්ෂේප කළ අතර, පුවත් පතට අනුව, ඕනෑම සාකච්ඡාවකට පළමුව ගාසා තීරයට එරෙහි ප්‍රහාරය නැවැත්විය යුතු බව අවධාරනය කළේය.
පලස්තීන ත්‍රස්ත කන්ඩායම, ඇස්තමේන්තුගත පුද්ගලයන් 1,200 දෙනෙකුගේ ජීවිත බිලිගත්, ඔක්තෝබර් 7 වැනි දින ඊශ්‍රායලය ආක්‍රමණය කිරීමේදී ඊශ්‍රායල පුරවැසියන් 240ක් ප්‍රාණ ඇපකරුවන් ලෙස අල්ලා ගත්හ. ප්‍රාණ ඇපකරුවන් කිහිප දෙනෙකු ඊශ්‍රායල ආරක්ෂක හමුදාව (IDF) විසින් ප්‍රදේශයට එරෙහිව ප්‍රහාර එල්ල කරන අවස්ථාවේදී මරා දමා ඇත. නොවැම්බර මාසයේ අවසානයේදී සතියක සටන් විරාමයක් අතරතුර ප්‍රාන ඇපකරුවන් පිරිසක් ආපසු භාර දුන් පසු 120 ක් පමණ හමාස් සංවිධානයේ ප්‍රාණ ඇපකරුවන් ලෙස සිටින බවට ගණන් බලා ඇත.
ඊශ්‍රායල හමුදා මේ වන විට ගාසා තීරයේ උතුරු ප්‍රදේශය අත්පත් කරගෙන ඇති අතර එහි යටිතල පහසුකම් මුළුමනින්ම විනාශ කර ඇත. ප්‍රාදේශීය සෞඛ්‍ය බලධාරීන් ඇස්තමේන්තු කර ඇත්තේ සටන් අතරතුර පලස්තීනුවන් 19,500 කට වැඩි පිරිසක් මිය ගොස් ඇති බවයි.
සිවිල් වැසියන්ට සිදුවන හානිය සීමා කරන ලෙස එක්සත් ජනපදය නෙතන්යාහුගෙන් ඉල්ලා ඇති නමුත් ඊශ්‍රායලයට මිලිටරි සහ අනෙකුත් සහාය දිගටම ලබා දුන්නේය. යේමනයේ හූතිවරුන් පලස්තීනුවන්ට විවෘතව පක්ෂව සහ රතු මුහුදේ ඊශ්‍රායලයට සම්බන්ධ නැව් ගමනාගමනයට පහර දීමත් සමඟ බටහිර ජෙරුසලම විදේශ සම්බන්ධතාවන්ගේ පසුබෑමට ලක්ව ඇත.https://www.rt.com/news/589473-netanyahu-hamas-gaza-message/
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..